KO SĀKALAIA 6
6
Ko ha Vīsone ki ha ngaahi Sāliote ‘e Fā
1PEA U toe hanga hake, ‘o fakasio, pea tā ko e faa‘i sāliote ena ‘oku hū ki tu‘a mei he vaha‘a ‘o e ongo mo‘unga; pea ko e ongo mo‘unga ko ia ko e ongo mo‘unga palasa. 2Ko e ‘uluaki sāliote na‘e hoosi kulokula; pea ko hono ua ‘o e sāliote na‘e hoosi ‘uli‘uli;#Fkhā 6.4,5 3pea ko hono tolu ‘o e sāliote na‘e hoosi hinehina; pea ko hono fā ‘o e sāliote ko e hoosi pulepule, ko e fa‘ahinga kaukaua.#Fkhā 6.2 4Pea u hanga ‘o fakatau folofola ki he ‘āngelo na‘e lea ‘iate au, ‘Ēī, ko e hā ena?
5Pea tali ‘a e ‘āngelo, ‘o ne folofola mai, Ko e faa‘i matangi#6.5 pe faa‘i laumālie. eni ‘o e langi, ‘oku ‘alu atu mei he‘enau fakafe‘ao ki he ‘Eiki ‘o māmani kātoa.#Fkhā 7.1
6Ko e sāliote ‘oku ‘i ai ‘a e hoosi ‘uli‘uli ‘oku hū kitu‘a ia ki he fonua tokelau; pea ko e hinehina ‘oku hū ki tu‘a, ‘o muimui ki ai; pea ko e pulepule ‘oku hū ki tu‘a ki he fonua saute. 7Pea ‘i he hū ki tu‘a ‘a e fa‘ahinga kaukaua, na‘a nau kole ke nau ‘alu ‘o ‘a‘ahi holo ‘i māmani; pea ne folofola ange, ‘Alu, ‘o ‘a‘ahi holo ‘i māmani. Ko ia na‘a nau fe‘alu‘aki ‘i māmani. 8Pea ne kalanga kiate au, ‘o ne fakamatala mai, ‘o pehē, Sio, ko kinautolu ‘oku hū ki tu‘a ki he fonua tokelau kuo nau fakanonga hoku laumālie ‘i he fonua tokelau.
Ko e Fekau ke Hilifaki Kalauni ‘a Siosiua
9Pea na‘e hoko ‘a e folofola ‘a Sihova kiate au, ‘o pehē, 10Ke ke ma‘u ha ni‘ihi ‘o e ha‘a fakahee‘i meia Heletai, meia Topaia, pea meia ‘Ītaia; pea ke ‘alu koe ‘i he ‘aho ko ia, ‘o hū ki he fale ‘o Siosaia foha ‘o Sefanaia, ‘a ia kuo nau a‘u ki ai mei Pāpilone. 11Pea ke to‘o ha siliva mo ha koula, ‘o ke ngaohi kalauni ‘aki, ‘o ke ‘ai ki he ‘ulu ‘o Siosiua foha ‘o Siosateki, ko e taula‘eiki lahi. 12Pea ke lea kiate ia, ‘o pehē, Ko e folofola eni ‘a Sihova Sāpaoti, Ko ena ‘a e toko taha ‘oku ui ko Huli; pea te ne huli hake mei hono kelekele, pea te ne langa ‘a e temipale ‘o Sihova.#Sel 23.5; 33.15; Sāk 3.8 13‘Io, ko ia ia te ne langa ‘a e temipale ‘o Sihova, pea ko ia ia te ne fua ‘a e lāngilangi, pea te ne nofo mo pule ‘i hono taloni; ‘io, te ne hoko ko e taula‘eiki nofo taloni; pea te na fa‘ufa‘ufono ke ai ‘a e melino. 14Pea ko e ngaahi kalauni ‘e tuku mo‘o Hēlemi,#6.14 Hēlemi: Ko hono faka-Hepeluú ia, ka ‘oku pehē ‘i he hiki fuoloa ‘e taha: Helitai. pea mo‘o Topaia, pea mo‘o ‘Ītaia, pea mo‘o Heni#6.14 Heni: Ko hono faka-Hepeluú ia, ka ‘oku pehē ‘i he hiki fuoloa ‘e taha: Siosaia. foha ‘o Sefahia, ke fai‘aki ha fakamanatu ‘i he temipale ‘o Sihova.
15Pea ko si‘i kakai mama‘o te nau omi ‘o langa ‘i he temipale ‘o Sihova, pea te mou ‘ilo ko Sihova Sāpaoti ia ne fekau au kiate kimoutolu. Pea ‘e hoko ia, kapau te mou fakaongo mo‘oni ki he le‘o ‘o Sihova ko homou ‘Otua.
Currently Selected:
KO SĀKALAIA 6: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
