Loma 7
7
Ko e Fakatātā mei he Nofo Malí
1HE ‘oku ‘ikai te mou ‘ilo, kāinga–seuke, ‘oku ou lea ki ha kakai ‘oku maheni mo e lao–‘oku ‘ikai te mou ‘ilo koā, ‘oku pule ‘a e lao ki he tangata lolotonga ‘ene mo‘ui pē? 2He ko eni, ko e fefine alafia ‘oku ne ha‘isia mei he lao ki hono husepāniti ‘oku mo‘ui; ka ‘o kapau kuo pekia ‘a e husepāniti, kuo ne ‘ata‘atā ai mei he lao ‘o e husepāniti. 3Pea ko ia, lolotonga ‘oku mo‘ui hono husepāniti, ‘e lau ia ko e fe‘auaki, ‘o kapau te ne nonofo mo ha tangata kehe: ka ‘o kapau kuo pekia hono husepāniti, ‘oku ne tau‘atāina mei he lao ko ia; ko ia ‘oku ‘ikai ko e fe‘auaki ia, he‘ene nonofo mo ha tangata kehe. 4Ko ia, si‘oku kāinga, na‘e ‘ai ke mate kimoutolu foki kia Lao ‘i he sino ‘o Kalaisi; koe‘uhi ke mou nonofo mo ha taha kehe, ‘io, mo e Toko Taha ko ia na‘e fokotu‘u mei he pekia; koe‘uhi ke tau fakatupu fua ma‘a e ‘Otua. 5He lolotonga na‘a tau ‘i hotau anga kakano, ko e ngaahi o‘i ke angahala, ‘a ia na‘e langa‘i ‘e he Lao, na‘e ngāngāue ia ‘i hotau ngaahi kupu, ke fakatupu fua kia Mate. 6Ka ‘i he tu‘u ko eni, kuo faka‘ata‘atā kitautolu meia Lao, he‘etau mate ki he me‘a ‘a ia na‘e ma‘u puke ai kitautolu; ko ia, ‘oku tau ngāue ‘eni ‘i ha anga fo‘ou ko ha laumālie, ‘o ‘ikai ‘i he anga motu‘a, ko ha tohi.
Ko e Laó mo e Angahalá.
7Pea fēfē ai? te ta pehē, ko e Lao ko e koto angahala? Molekemama‘o! Ka neongo ia, ka na‘e ‘ikai te u lave‘i ‘a e angahala, ka ne ta‘e‘oua pē ‘a e Lao. ‘O pehē; ne ‘ikai te u ongona ‘a e mānumanu, ka ne ta‘e‘oua ‘a e pehē mai ‘e he Lao, ‘Oua na‘a ke mānumanu.#‘Eki 20.17; Teu 5.21 8Ka ka tu‘unganaki ‘aki ia ‘e Angahala, ‘o ne ngāue‘aki ‘a e fekau ke fakatupu ‘iate au ‘a e fa‘ahinga mānumanu kehekehe. He ka mama‘o ‘a e lao, ‘oku mate pē ‘a Angahala. 9Pea na‘e ai ha taimi na‘a te mo‘ui pē kita, ‘o mama‘o ‘a e lao: ka ‘i he a‘u mai ‘a e fekau, ne ake mo‘ui ‘a Angahala, ka te mate kita. 10Pea u ‘ilo ‘a e fekau na‘e tu‘utu‘uni ko e mo‘ui‘anga, tā ko e mate‘anga ia. 11Ko hono ‘uhinga, ko Angahala na‘a ne tu‘unganaki ‘aki ia, ‘o ne ngāue‘aki ‘a e fekau ke kākaa‘i au, mo ne fai‘aki ia hoku tāmate‘i.#Sēn 3.13
12Ko ia, ko e me‘a ki he Lao, ‘oku mā‘oni‘oni pē ia, pea mā‘oni‘oni mo totonu mo lelei ‘a e fekau na. 13‘Io! Pea tā ko e me‘a lelei na na‘e hoko kiate au ko e mate, ‘ō? Molekemama‘o! Ka ko angahala ia na‘e pehē; koe‘uhi pē ke hā ai ko e angahala, ‘i he‘ene fakatupu mate kiate au ‘aki ‘a e me‘a lelei na; ‘io, koe‘uhi ke hoko ‘a e Angahala ko e toki tama fai kovi ‘i he ngāue ‘a e fekau.
14He ‘oku tau lāu‘ilo ‘oku fakalaumālie ‘a e Lao; ka ko kita ko e kakano ‘atā, pea kuo fakatau kia Angahala. 15He tala‘ehai ‘oku ou ‘ilo ‘a e me‘a ‘oku ou ngāue ki ai: he ‘oku ‘ikai ko e me‘a ‘oku ou fie fai ‘a ia ‘oku ou fai; ka ko e me‘a ‘oku ou fehi‘a ki ai, ko ia ‘oku ou fai.#Kal 5.17 16Pea kapau ko e me‘a ‘oku ‘ikai te u fie fai ‘a ia ‘oku ou fai, tā ‘oku ou fakamo‘oni ai ki he Lao ‘oku lelei ia. 17Pea ‘i he tu‘u ko ia, tala‘ehai ‘oku kei ko kita ia ‘oku ngāue ki he me‘a ko ia, ka ko angahala ‘oku fale ‘iate au. 18Seuke, kuo u ‘ilo, ko e me‘a kiate au, ‘a ia ko e pehē ki hoku kakano, ‘oku ‘ikai ke fale ai ha lelei ‘e taha: he ‘oku tolotui mai ‘a e fie fai lelei, ka ko hono fai, ‘oku ‘ikai. 19‘Io, ko e lelei ‘oku ou fie fai ‘oku ‘ikai te u fai; kaekehe, ko e kovi, ‘a ia ‘oku ‘ikai te u fie fai, ko ia ia ‘oku ou feia. 20Pea kapau ko e me‘a ‘oku ‘ikai te u fie fai, ko ia ia ‘oku ou fai, tala‘ehai ‘oku kei ko kita ia ‘oku ngāue ki he me‘a ko ia, ka ko Angahala ‘oku fale ‘iate au.
21Pea ko ia, ‘oku ou ongona, lolotonga ‘oku te tokanga kita ki he Lao ke te fai lelei, tā ‘oku tolotui mai kia kita ‘a e fai kovi. 22Seuke, ‘oku te kaungamālie‘ia mo e lao ‘a e ‘Otua, ‘a hoto tangata-‘i-loto. 23Ka ‘oku hā kiate au ha lao kehe ‘oku nofo ‘i hoku ngaahi kupu, ‘o fai tau mo e lao ‘o hoku loto, mo taki pōpula au ki he lao angahala‘ia ‘oku nofo ‘i hoku ngaahi kupu. 24‘Oiauē! si‘i toki mala‘ia kita! ko hai tū te ne hamusi au mei he sino ‘oku mei ai ‘a e mate ni? 25Fakafeta‘i ki he ‘Otua, ‘a ia kuo ne fai ‘ia Sīsū Kalaisi ko hotau ‘Eiki!
Pea tā ko au, fakaekita, ‘oku te ngāue ki he lao ‘a e ‘Otua ‘i hoku loto, ka ko e lao ‘a angahala ‘i hoku kakano.
Currently Selected:
Loma 7: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Loma 7
7
Ko e Fakatātā mei he Nofo Malí
1HE ‘oku ‘ikai te mou ‘ilo, kāinga–seuke, ‘oku ou lea ki ha kakai ‘oku maheni mo e lao–‘oku ‘ikai te mou ‘ilo koā, ‘oku pule ‘a e lao ki he tangata lolotonga ‘ene mo‘ui pē? 2He ko eni, ko e fefine alafia ‘oku ne ha‘isia mei he lao ki hono husepāniti ‘oku mo‘ui; ka ‘o kapau kuo pekia ‘a e husepāniti, kuo ne ‘ata‘atā ai mei he lao ‘o e husepāniti. 3Pea ko ia, lolotonga ‘oku mo‘ui hono husepāniti, ‘e lau ia ko e fe‘auaki, ‘o kapau te ne nonofo mo ha tangata kehe: ka ‘o kapau kuo pekia hono husepāniti, ‘oku ne tau‘atāina mei he lao ko ia; ko ia ‘oku ‘ikai ko e fe‘auaki ia, he‘ene nonofo mo ha tangata kehe. 4Ko ia, si‘oku kāinga, na‘e ‘ai ke mate kimoutolu foki kia Lao ‘i he sino ‘o Kalaisi; koe‘uhi ke mou nonofo mo ha taha kehe, ‘io, mo e Toko Taha ko ia na‘e fokotu‘u mei he pekia; koe‘uhi ke tau fakatupu fua ma‘a e ‘Otua. 5He lolotonga na‘a tau ‘i hotau anga kakano, ko e ngaahi o‘i ke angahala, ‘a ia na‘e langa‘i ‘e he Lao, na‘e ngāngāue ia ‘i hotau ngaahi kupu, ke fakatupu fua kia Mate. 6Ka ‘i he tu‘u ko eni, kuo faka‘ata‘atā kitautolu meia Lao, he‘etau mate ki he me‘a ‘a ia na‘e ma‘u puke ai kitautolu; ko ia, ‘oku tau ngāue ‘eni ‘i ha anga fo‘ou ko ha laumālie, ‘o ‘ikai ‘i he anga motu‘a, ko ha tohi.
Ko e Laó mo e Angahalá.
7Pea fēfē ai? te ta pehē, ko e Lao ko e koto angahala? Molekemama‘o! Ka neongo ia, ka na‘e ‘ikai te u lave‘i ‘a e angahala, ka ne ta‘e‘oua pē ‘a e Lao. ‘O pehē; ne ‘ikai te u ongona ‘a e mānumanu, ka ne ta‘e‘oua ‘a e pehē mai ‘e he Lao, ‘Oua na‘a ke mānumanu.#‘Eki 20.17; Teu 5.21 8Ka ka tu‘unganaki ‘aki ia ‘e Angahala, ‘o ne ngāue‘aki ‘a e fekau ke fakatupu ‘iate au ‘a e fa‘ahinga mānumanu kehekehe. He ka mama‘o ‘a e lao, ‘oku mate pē ‘a Angahala. 9Pea na‘e ai ha taimi na‘a te mo‘ui pē kita, ‘o mama‘o ‘a e lao: ka ‘i he a‘u mai ‘a e fekau, ne ake mo‘ui ‘a Angahala, ka te mate kita. 10Pea u ‘ilo ‘a e fekau na‘e tu‘utu‘uni ko e mo‘ui‘anga, tā ko e mate‘anga ia. 11Ko hono ‘uhinga, ko Angahala na‘a ne tu‘unganaki ‘aki ia, ‘o ne ngāue‘aki ‘a e fekau ke kākaa‘i au, mo ne fai‘aki ia hoku tāmate‘i.#Sēn 3.13
12Ko ia, ko e me‘a ki he Lao, ‘oku mā‘oni‘oni pē ia, pea mā‘oni‘oni mo totonu mo lelei ‘a e fekau na. 13‘Io! Pea tā ko e me‘a lelei na na‘e hoko kiate au ko e mate, ‘ō? Molekemama‘o! Ka ko angahala ia na‘e pehē; koe‘uhi pē ke hā ai ko e angahala, ‘i he‘ene fakatupu mate kiate au ‘aki ‘a e me‘a lelei na; ‘io, koe‘uhi ke hoko ‘a e Angahala ko e toki tama fai kovi ‘i he ngāue ‘a e fekau.
14He ‘oku tau lāu‘ilo ‘oku fakalaumālie ‘a e Lao; ka ko kita ko e kakano ‘atā, pea kuo fakatau kia Angahala. 15He tala‘ehai ‘oku ou ‘ilo ‘a e me‘a ‘oku ou ngāue ki ai: he ‘oku ‘ikai ko e me‘a ‘oku ou fie fai ‘a ia ‘oku ou fai; ka ko e me‘a ‘oku ou fehi‘a ki ai, ko ia ‘oku ou fai.#Kal 5.17 16Pea kapau ko e me‘a ‘oku ‘ikai te u fie fai ‘a ia ‘oku ou fai, tā ‘oku ou fakamo‘oni ai ki he Lao ‘oku lelei ia. 17Pea ‘i he tu‘u ko ia, tala‘ehai ‘oku kei ko kita ia ‘oku ngāue ki he me‘a ko ia, ka ko angahala ‘oku fale ‘iate au. 18Seuke, kuo u ‘ilo, ko e me‘a kiate au, ‘a ia ko e pehē ki hoku kakano, ‘oku ‘ikai ke fale ai ha lelei ‘e taha: he ‘oku tolotui mai ‘a e fie fai lelei, ka ko hono fai, ‘oku ‘ikai. 19‘Io, ko e lelei ‘oku ou fie fai ‘oku ‘ikai te u fai; kaekehe, ko e kovi, ‘a ia ‘oku ‘ikai te u fie fai, ko ia ia ‘oku ou feia. 20Pea kapau ko e me‘a ‘oku ‘ikai te u fie fai, ko ia ia ‘oku ou fai, tala‘ehai ‘oku kei ko kita ia ‘oku ngāue ki he me‘a ko ia, ka ko Angahala ‘oku fale ‘iate au.
21Pea ko ia, ‘oku ou ongona, lolotonga ‘oku te tokanga kita ki he Lao ke te fai lelei, tā ‘oku tolotui mai kia kita ‘a e fai kovi. 22Seuke, ‘oku te kaungamālie‘ia mo e lao ‘a e ‘Otua, ‘a hoto tangata-‘i-loto. 23Ka ‘oku hā kiate au ha lao kehe ‘oku nofo ‘i hoku ngaahi kupu, ‘o fai tau mo e lao ‘o hoku loto, mo taki pōpula au ki he lao angahala‘ia ‘oku nofo ‘i hoku ngaahi kupu. 24‘Oiauē! si‘i toki mala‘ia kita! ko hai tū te ne hamusi au mei he sino ‘oku mei ai ‘a e mate ni? 25Fakafeta‘i ki he ‘Otua, ‘a ia kuo ne fai ‘ia Sīsū Kalaisi ko hotau ‘Eiki!
Pea tā ko au, fakaekita, ‘oku te ngāue ki he lao ‘a e ‘Otua ‘i hoku loto, ka ko e lao ‘a angahala ‘i hoku kakano.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.