Loma 6
6
Ko e Mate ki he Angahalá kae Kaungāmo‘ui Fakataha mo Kalaisi
1PEA fēfē ai? Te tau pehē koā, Tau nofo‘aki fai angahala, koe‘uhi ke hulu atu ‘a e kelesi? 2Molekemama‘o! Ko kitaua na‘a ta mate ki he angahala, ‘e fēfē ‘eta kei mo‘ui‘aki ia? 3‘Io, na‘a ‘oku ‘ikai te mou ‘ilo, ‘ilonga kitautolu na‘e papitaiso, ‘o fakahoko ai kia Sīsū Kalaisi, na‘e papitaiso ‘o fakahoko ai ki he‘ene pekia. 4Pea ko e me‘a ‘i hotau papitaiso ki he‘ene pekia, pea tā na‘a tau kaungā telio mo ia; koe‘uhi, hangē na‘e fokotu‘u ‘a Kalaisi mei he pekia ‘e he ‘Afio ‘a e Tamai, pehē ke fai‘aki ‘e kitautolu foki ha mo‘ui ‘oku fo‘ou hono anga.#Kol 2.12
5He kapau kuo tau tupu taha mo ia ‘i he tatau ‘o ‘ene pekia, pea te tau pehē foki ‘i he tatau ‘o ‘ene toetu‘u. 6He ‘oku tau ‘ilo ‘a e me‘a ni, na‘e kaungā kalusefai mo ia ‘a e motu‘a tangata ‘otautolu, koe‘uhi ke ka‘anga ‘a e sino angahala‘ia; ke ‘oua na‘a tau toe nofo pōpula kia Angahala. 7He ko ia kuo mate, kuo ‘ata‘atā ia meia Angahala. 8Pea ko eni, kapau na‘a tau pekia fakataha mo Kalaisi, ‘oku tau tui te tau kaungā mo‘ui foki mo ia: 9he‘etau ‘ilo kuo fokotu‘u leva ‘a Kalaisi mei he pekia, pea ‘ikai kei ‘a‘ana ke pekia; ‘oku ‘ikai kei fakaehaua ia ‘e Mate. 10He ko e mate na‘a ne fai, ko e mate ki he angahala, ‘o tu‘o taha tofu pē: ka ko e mo‘ui ‘oku ne fai, ko e mo‘ui ki he ‘Otua. 11Pehē foki, mou lau kimoutolu ko e koto mate ki he angahala, ka ko e koto mo‘ui ki he ‘Otua, ‘i ho‘omou tu‘u ‘ia Kalaisi Sīsū.
12Ko ia, ‘oua na‘a tuku ke Hau ‘a Angahala ‘i homou sino mate ngofua, ke mou tuitala ki he ngaahi holi ‘o‘ona. 13Kae‘uma‘ā ke ‘oua te mou ‘atu homou ngaahi kupu ma‘a Angahala, ko e mahafu ‘o e faikovi; ka mou ‘atu kimoutolu ki he ‘Otua, hangē ko e kakai kuo mo‘ui mei he mate, pea ‘atu homou ngaahi kupu ma‘a e ‘Otua, ko e mahafu ‘o e fai lelei. 14He tala‘ehai ‘e fakaehaua kinautolu ‘e Angahala: he ‘oku ‘ikai te mou nofo kia Lao ka kia Kelesi.
Ko e Pōpula ki he Mā‘oni‘oní
15Pea fēfē ai? ‘Oku ngofua ke tau fai angahala koā, koe‘uhi ‘oku ‘ikai te tau nofo kia Lao ka kia Kelesi, ‘ō? 16Molekemama‘o! ‘Ikai ‘oku mou ‘ilo, ka mou ka ‘atu kimoutolu ki ha taha ko e kau tamaio‘eiki ke talangofua kiate ia, pea ko e kau tamaio‘eiki leva kimoutolu kiate ia ‘oku mou talangofua ki ai; pe ko e kau tamaio‘eiki ‘a Angahala ‘o iku ki he mate, pe ko e kau tamaio‘eiki ‘a Fai talangofua, ‘o iku ki he mā‘oni‘oni? 17Pea ko eni, fakafeta‘i ki he ‘Otua, neongo na‘a mou nofo mu‘a ko e kau tamaio‘eiki ‘a Angahala, ka na‘a mou talangofua fie talangofua ki he fa‘ahinga akonaki na‘e tuku kimoutolu ki ai. 18Pea ‘i he fakatau‘atāina kimoutolu meia angahala, na‘e fakapōpula kimoutolu kia mā‘oni‘oni. 19(Ko si‘eku lea fakaetangata pē ia, ko e me‘a ‘i he vaivai ‘o homou kakano). Ko konā ‘uhinga; hangē na‘a mou ‘atu homou ngaahi kupu kia Anga‘uli mo Malakilao, ko e kau tamaio‘eiki ke ngāue ki he malaki lao; pehē, ke mou ‘atu ‘eni homou ngaahi kupu kia Mā‘oni‘oni, ko e kau tamaio‘eiki ke ngāue ki he fakahaohaoa.
20Seuke, lolotonga na‘a mou nofo ko e kau tamaio‘eiki ‘a Angahala, na‘a mou tau‘atāina meia Mā‘oni‘oni. 21Pea ko e hā tū ha fua na‘a mou ma‘u ‘i he taimi ko ia mei he ngaahi me‘a ko ia ‘oku mou mā ai ni? He ko e iku‘anga ‘o e ngaahi me‘a ko ia ko e mate. 22Ka ‘i he tu‘u ko eni, ‘i he fakatau‘atāina kimoutolu meia Angahala, kae fakapōpula kimoutolu ki he ‘Otua, ‘oku ‘i ai hamou fua, ko e fua ‘oku taki he haohaoa, pea ko e iku‘anga ko e mo‘ui ta‘engata. 23He ko e tokonaki ‘a Angahala ko e mate; ka ko e me‘a‘ofa ‘a e ‘Otua ko e mo‘ui ta‘engata, tu‘u ‘ia Kalaisi Sīsū ko hotau ‘Eiki.
Currently Selected:
Loma 6: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Loma 6
6
Ko e Mate ki he Angahalá kae Kaungāmo‘ui Fakataha mo Kalaisi
1PEA fēfē ai? Te tau pehē koā, Tau nofo‘aki fai angahala, koe‘uhi ke hulu atu ‘a e kelesi? 2Molekemama‘o! Ko kitaua na‘a ta mate ki he angahala, ‘e fēfē ‘eta kei mo‘ui‘aki ia? 3‘Io, na‘a ‘oku ‘ikai te mou ‘ilo, ‘ilonga kitautolu na‘e papitaiso, ‘o fakahoko ai kia Sīsū Kalaisi, na‘e papitaiso ‘o fakahoko ai ki he‘ene pekia. 4Pea ko e me‘a ‘i hotau papitaiso ki he‘ene pekia, pea tā na‘a tau kaungā telio mo ia; koe‘uhi, hangē na‘e fokotu‘u ‘a Kalaisi mei he pekia ‘e he ‘Afio ‘a e Tamai, pehē ke fai‘aki ‘e kitautolu foki ha mo‘ui ‘oku fo‘ou hono anga.#Kol 2.12
5He kapau kuo tau tupu taha mo ia ‘i he tatau ‘o ‘ene pekia, pea te tau pehē foki ‘i he tatau ‘o ‘ene toetu‘u. 6He ‘oku tau ‘ilo ‘a e me‘a ni, na‘e kaungā kalusefai mo ia ‘a e motu‘a tangata ‘otautolu, koe‘uhi ke ka‘anga ‘a e sino angahala‘ia; ke ‘oua na‘a tau toe nofo pōpula kia Angahala. 7He ko ia kuo mate, kuo ‘ata‘atā ia meia Angahala. 8Pea ko eni, kapau na‘a tau pekia fakataha mo Kalaisi, ‘oku tau tui te tau kaungā mo‘ui foki mo ia: 9he‘etau ‘ilo kuo fokotu‘u leva ‘a Kalaisi mei he pekia, pea ‘ikai kei ‘a‘ana ke pekia; ‘oku ‘ikai kei fakaehaua ia ‘e Mate. 10He ko e mate na‘a ne fai, ko e mate ki he angahala, ‘o tu‘o taha tofu pē: ka ko e mo‘ui ‘oku ne fai, ko e mo‘ui ki he ‘Otua. 11Pehē foki, mou lau kimoutolu ko e koto mate ki he angahala, ka ko e koto mo‘ui ki he ‘Otua, ‘i ho‘omou tu‘u ‘ia Kalaisi Sīsū.
12Ko ia, ‘oua na‘a tuku ke Hau ‘a Angahala ‘i homou sino mate ngofua, ke mou tuitala ki he ngaahi holi ‘o‘ona. 13Kae‘uma‘ā ke ‘oua te mou ‘atu homou ngaahi kupu ma‘a Angahala, ko e mahafu ‘o e faikovi; ka mou ‘atu kimoutolu ki he ‘Otua, hangē ko e kakai kuo mo‘ui mei he mate, pea ‘atu homou ngaahi kupu ma‘a e ‘Otua, ko e mahafu ‘o e fai lelei. 14He tala‘ehai ‘e fakaehaua kinautolu ‘e Angahala: he ‘oku ‘ikai te mou nofo kia Lao ka kia Kelesi.
Ko e Pōpula ki he Mā‘oni‘oní
15Pea fēfē ai? ‘Oku ngofua ke tau fai angahala koā, koe‘uhi ‘oku ‘ikai te tau nofo kia Lao ka kia Kelesi, ‘ō? 16Molekemama‘o! ‘Ikai ‘oku mou ‘ilo, ka mou ka ‘atu kimoutolu ki ha taha ko e kau tamaio‘eiki ke talangofua kiate ia, pea ko e kau tamaio‘eiki leva kimoutolu kiate ia ‘oku mou talangofua ki ai; pe ko e kau tamaio‘eiki ‘a Angahala ‘o iku ki he mate, pe ko e kau tamaio‘eiki ‘a Fai talangofua, ‘o iku ki he mā‘oni‘oni? 17Pea ko eni, fakafeta‘i ki he ‘Otua, neongo na‘a mou nofo mu‘a ko e kau tamaio‘eiki ‘a Angahala, ka na‘a mou talangofua fie talangofua ki he fa‘ahinga akonaki na‘e tuku kimoutolu ki ai. 18Pea ‘i he fakatau‘atāina kimoutolu meia angahala, na‘e fakapōpula kimoutolu kia mā‘oni‘oni. 19(Ko si‘eku lea fakaetangata pē ia, ko e me‘a ‘i he vaivai ‘o homou kakano). Ko konā ‘uhinga; hangē na‘a mou ‘atu homou ngaahi kupu kia Anga‘uli mo Malakilao, ko e kau tamaio‘eiki ke ngāue ki he malaki lao; pehē, ke mou ‘atu ‘eni homou ngaahi kupu kia Mā‘oni‘oni, ko e kau tamaio‘eiki ke ngāue ki he fakahaohaoa.
20Seuke, lolotonga na‘a mou nofo ko e kau tamaio‘eiki ‘a Angahala, na‘a mou tau‘atāina meia Mā‘oni‘oni. 21Pea ko e hā tū ha fua na‘a mou ma‘u ‘i he taimi ko ia mei he ngaahi me‘a ko ia ‘oku mou mā ai ni? He ko e iku‘anga ‘o e ngaahi me‘a ko ia ko e mate. 22Ka ‘i he tu‘u ko eni, ‘i he fakatau‘atāina kimoutolu meia Angahala, kae fakapōpula kimoutolu ki he ‘Otua, ‘oku ‘i ai hamou fua, ko e fua ‘oku taki he haohaoa, pea ko e iku‘anga ko e mo‘ui ta‘engata. 23He ko e tokonaki ‘a Angahala ko e mate; ka ko e me‘a‘ofa ‘a e ‘Otua ko e mo‘ui ta‘engata, tu‘u ‘ia Kalaisi Sīsū ko hotau ‘Eiki.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.