Filipaí 4
4
Ko ha ngaahi Fakahinohino
1KO IA, si‘oku kāinga, ‘a ia ‘oku ou ‘ofa mo holi ki ai, ko si‘oku fiefia‘anga mo kalauni; ke pehē ho‘omou tu‘u ma‘u ‘i he ‘Eiki, si‘oku ‘ofa‘anga.
2‘Oku ou enginaki ‘a ‘Iuotia, pea ‘oku ou enginaki ‘a Siniteke, ke na loto taha ‘i he ‘Eiki. 3‘Io, ‘oku ou kole kiate koe foki, ko si‘i kaungā toho palau mo‘oni ‘o‘oku, ke ke tokoni ki he ongo fafine ko ia: he na‘a na kaungā fitefita‘a mo au ‘i he Kōsipeli, ‘o hangē foki ko Kelemeni, mo hono toe ‘o hoku kaungā ngāue, ‘a ia ‘oku tu‘u honau ngaahi hingoa ‘i he Tohi ‘o e Mo‘ui.
4Mou fiefia ‘i he ‘Eiki ma‘u ai pē: ‘io, ka u toe ‘ai atu, Mou fiefia.
5Ko ho‘omou anga na, ‘a e ta‘e te mou ha‘aki ‘eke ho‘omou ngaahi me‘a, tuku ke hā ia ki he kakai fuli pē. ‘Oku tu‘unuku mai ‘a e ‘Eiki. 6Neongo pe ko e hā ‘a e me‘a, ‘oua te mou lotomo‘ua ai; ka ‘i he me‘a kotoa pē tuku ke hā ki he ‘Otua ho‘omou ngaahi kole, ‘i he lotu mo e hūfia, pea fai mo e fakafeta‘i. 7Pea ko e nonga ‘a e ‘Otua, ‘a ia ‘oku mama‘o ‘i he tatae ‘o e ‘atamai kotoa pē, te ne malu‘i homou loto mo ho‘omou ngaahi fakakaukau ‘ia Kalaisi Sīsū.
8Ko ‘eku lea faka‘osi, kāinga. ‘Ilonga ‘a e ngaahi me‘a ‘oku mo‘oni, ‘ilonga ‘a e ngaahi me‘a ‘oku taau, ‘ilonga ‘a e ngaahi me‘a ‘oku totonu, ‘ilonga ‘a e ngaahi me‘a ‘oku ma‘a, ‘ilonga ‘a e ngaahi me‘a ‘oku faka‘ofo‘ofa, ‘ilonga ‘a e ngaahi me‘a ‘oku ongoongolelei, ‘io, ka ai ha ‘ulungāanga lelei, pea ka ai ha me‘a ‘oku fakamālō‘ia, ko e ngaahi me‘a ia ke mou tokanga ki ai. 9‘Io, ko e ngaahi me‘a na‘a mou ako, mo ma‘u, mo fanongoa, mo mamata, ‘iate au, ko e ngaahi me‘a ko ia ke mou fai; pea ‘e toki ‘iate kimoutolu ‘a e ‘Otua ‘oku ‘a‘ana ‘a e nonga.
Ko e Fakamālō ‘a Paula ki he Me‘a‘ofa na‘e Foaki ki aí
10Pea ko eni, na‘a ku fiefia ‘aupito ‘i he ‘Eiki, koe‘uhi ko e faifai pea toe muka ho‘omou tokanga ki hoku fakatu‘umālie; ‘a ia foki na‘a mou tokanga ai pē ki ai, ka na‘e ‘ikai hamou faingamālie. 11‘Oku ‘ikai te u lea pehē koe‘uhi pē ko ‘eku masiva; he ko e me‘a kia kita kuo u ako ke u fiemālie ai pē ‘i he me‘a ‘oku ou ‘i ai. 12‘Io, ‘oku ou lava ‘a e nofo mo‘ulaloa, pea ‘oku ou lava foki ‘a e mohu me‘a. Ne ako‘i au, ‘i he‘eku me‘a taau taha mo hono kotoa, ka u pōtopoto‘i ‘i he nofo mākona mo e nofo fiekaia, mo e nofo mohu me‘a mo e nofo masiva. 13‘Oku ou mafeia ‘a e me‘a kotoa pē ‘iate ia ‘oku ne fakakaukaua au.
14Ka neongo ia, ka na‘e mālō pē ho‘omou fai, ho‘omou kau mo au ‘i he‘eku mamahi ni. 15Kae‘uma‘ā ‘oku mou ‘ilo foki, kau Filipai, ‘i he fua ake ‘a e Kōsipeli, he taimi na‘a ku ‘alu ai mei Masitōnia, na‘e ‘ikai mo ha siasi ‘e ‘omi ha me‘a kiate au, ke ‘ai ki he tohi ‘o e ‘omi mo e ‘atu, ngata pē ‘iate kimoutolu.#2 Kol 11.9 16He na‘a mo ‘eku ‘i Tesalonaika, na‘e tu‘o taha, ‘io, ‘o tu‘o ua, ho‘omou ‘omi tokoni ki he‘eku masiva.#Ngā 17.1 17Tala‘ehai ko ‘eku mamafa ki he me‘a‘ofa, ka ko e me‘a ‘oku ou mamafa ki ai, ke ai ha fua ‘e hulu atu ke tohi ma‘amoutolu. 18Ka ‘oku fe‘unga ‘eni mo ‘eku me‘a kotoa pē, pea hulu atu; ‘io, ‘oku ou fonu ngutungutu he‘eku ma‘u meia ‘Epafalotaito ‘a e me‘a na‘a mou tuku mai, ko e ngangatu fakahōifua ia ko e feilaulau ‘e tali ‘e he ‘Otua, pea tokotokangamālie ai hono finangalo.#‘Eki 29.18 19Pea ko hoku ‘Otua te ne fakaai ho‘omou masiva kotoa pē, ‘o fakatatau ki he koloa ‘oku ne ma‘u ‘i langi ‘ia Kalaisi Sīsū. 20Pea ko e ‘Otua ko ‘etau Tamai, ke ‘o ‘Ene ‘Afio ‘a e kolōlia, ‘o lauikuonga pea ta‘engata, ‘Ēmeni.
Ko e Pōpoaki Faka‘osi
21Mou tala hoku ‘ofa ‘ia Kalaisi Sīsū ki he kakai lotu tāutaha. ‘Oku ‘ofa atu ‘a e kāinga ‘oku nonofo mo au. 22‘Oku ‘ofa atu ‘a e kakai lotu kotoa pē, pea lahi taha ‘a kinautolu ‘oku mei he Loto‘ā ‘o Sisa.
23Ko e Kelesi ‘a e ‘Eiki ko Sīsū Kalaisi, ‘ofa ke ‘i homou laumālie ia.
Currently Selected:
Filipaí 4: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Filipaí 4
4
Ko ha ngaahi Fakahinohino
1KO IA, si‘oku kāinga, ‘a ia ‘oku ou ‘ofa mo holi ki ai, ko si‘oku fiefia‘anga mo kalauni; ke pehē ho‘omou tu‘u ma‘u ‘i he ‘Eiki, si‘oku ‘ofa‘anga.
2‘Oku ou enginaki ‘a ‘Iuotia, pea ‘oku ou enginaki ‘a Siniteke, ke na loto taha ‘i he ‘Eiki. 3‘Io, ‘oku ou kole kiate koe foki, ko si‘i kaungā toho palau mo‘oni ‘o‘oku, ke ke tokoni ki he ongo fafine ko ia: he na‘a na kaungā fitefita‘a mo au ‘i he Kōsipeli, ‘o hangē foki ko Kelemeni, mo hono toe ‘o hoku kaungā ngāue, ‘a ia ‘oku tu‘u honau ngaahi hingoa ‘i he Tohi ‘o e Mo‘ui.
4Mou fiefia ‘i he ‘Eiki ma‘u ai pē: ‘io, ka u toe ‘ai atu, Mou fiefia.
5Ko ho‘omou anga na, ‘a e ta‘e te mou ha‘aki ‘eke ho‘omou ngaahi me‘a, tuku ke hā ia ki he kakai fuli pē. ‘Oku tu‘unuku mai ‘a e ‘Eiki. 6Neongo pe ko e hā ‘a e me‘a, ‘oua te mou lotomo‘ua ai; ka ‘i he me‘a kotoa pē tuku ke hā ki he ‘Otua ho‘omou ngaahi kole, ‘i he lotu mo e hūfia, pea fai mo e fakafeta‘i. 7Pea ko e nonga ‘a e ‘Otua, ‘a ia ‘oku mama‘o ‘i he tatae ‘o e ‘atamai kotoa pē, te ne malu‘i homou loto mo ho‘omou ngaahi fakakaukau ‘ia Kalaisi Sīsū.
8Ko ‘eku lea faka‘osi, kāinga. ‘Ilonga ‘a e ngaahi me‘a ‘oku mo‘oni, ‘ilonga ‘a e ngaahi me‘a ‘oku taau, ‘ilonga ‘a e ngaahi me‘a ‘oku totonu, ‘ilonga ‘a e ngaahi me‘a ‘oku ma‘a, ‘ilonga ‘a e ngaahi me‘a ‘oku faka‘ofo‘ofa, ‘ilonga ‘a e ngaahi me‘a ‘oku ongoongolelei, ‘io, ka ai ha ‘ulungāanga lelei, pea ka ai ha me‘a ‘oku fakamālō‘ia, ko e ngaahi me‘a ia ke mou tokanga ki ai. 9‘Io, ko e ngaahi me‘a na‘a mou ako, mo ma‘u, mo fanongoa, mo mamata, ‘iate au, ko e ngaahi me‘a ko ia ke mou fai; pea ‘e toki ‘iate kimoutolu ‘a e ‘Otua ‘oku ‘a‘ana ‘a e nonga.
Ko e Fakamālō ‘a Paula ki he Me‘a‘ofa na‘e Foaki ki aí
10Pea ko eni, na‘a ku fiefia ‘aupito ‘i he ‘Eiki, koe‘uhi ko e faifai pea toe muka ho‘omou tokanga ki hoku fakatu‘umālie; ‘a ia foki na‘a mou tokanga ai pē ki ai, ka na‘e ‘ikai hamou faingamālie. 11‘Oku ‘ikai te u lea pehē koe‘uhi pē ko ‘eku masiva; he ko e me‘a kia kita kuo u ako ke u fiemālie ai pē ‘i he me‘a ‘oku ou ‘i ai. 12‘Io, ‘oku ou lava ‘a e nofo mo‘ulaloa, pea ‘oku ou lava foki ‘a e mohu me‘a. Ne ako‘i au, ‘i he‘eku me‘a taau taha mo hono kotoa, ka u pōtopoto‘i ‘i he nofo mākona mo e nofo fiekaia, mo e nofo mohu me‘a mo e nofo masiva. 13‘Oku ou mafeia ‘a e me‘a kotoa pē ‘iate ia ‘oku ne fakakaukaua au.
14Ka neongo ia, ka na‘e mālō pē ho‘omou fai, ho‘omou kau mo au ‘i he‘eku mamahi ni. 15Kae‘uma‘ā ‘oku mou ‘ilo foki, kau Filipai, ‘i he fua ake ‘a e Kōsipeli, he taimi na‘a ku ‘alu ai mei Masitōnia, na‘e ‘ikai mo ha siasi ‘e ‘omi ha me‘a kiate au, ke ‘ai ki he tohi ‘o e ‘omi mo e ‘atu, ngata pē ‘iate kimoutolu.#2 Kol 11.9 16He na‘a mo ‘eku ‘i Tesalonaika, na‘e tu‘o taha, ‘io, ‘o tu‘o ua, ho‘omou ‘omi tokoni ki he‘eku masiva.#Ngā 17.1 17Tala‘ehai ko ‘eku mamafa ki he me‘a‘ofa, ka ko e me‘a ‘oku ou mamafa ki ai, ke ai ha fua ‘e hulu atu ke tohi ma‘amoutolu. 18Ka ‘oku fe‘unga ‘eni mo ‘eku me‘a kotoa pē, pea hulu atu; ‘io, ‘oku ou fonu ngutungutu he‘eku ma‘u meia ‘Epafalotaito ‘a e me‘a na‘a mou tuku mai, ko e ngangatu fakahōifua ia ko e feilaulau ‘e tali ‘e he ‘Otua, pea tokotokangamālie ai hono finangalo.#‘Eki 29.18 19Pea ko hoku ‘Otua te ne fakaai ho‘omou masiva kotoa pē, ‘o fakatatau ki he koloa ‘oku ne ma‘u ‘i langi ‘ia Kalaisi Sīsū. 20Pea ko e ‘Otua ko ‘etau Tamai, ke ‘o ‘Ene ‘Afio ‘a e kolōlia, ‘o lauikuonga pea ta‘engata, ‘Ēmeni.
Ko e Pōpoaki Faka‘osi
21Mou tala hoku ‘ofa ‘ia Kalaisi Sīsū ki he kakai lotu tāutaha. ‘Oku ‘ofa atu ‘a e kāinga ‘oku nonofo mo au. 22‘Oku ‘ofa atu ‘a e kakai lotu kotoa pē, pea lahi taha ‘a kinautolu ‘oku mei he Loto‘ā ‘o Sisa.
23Ko e Kelesi ‘a e ‘Eiki ko Sīsū Kalaisi, ‘ofa ke ‘i homou laumālie ia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.