Filipaí 3
3
Ko Hono Tali Kita ‘e he ‘Otuá
1KO ‘eku lea faka‘osi ‘eni, si‘oku kāinga; mou fiefia ‘i he ‘Eiki. Ko ‘eku tohi fakafanafana pehē atu tala‘ehai ko e me‘a fakafiu kiate au, pea ko e tu‘u homou lā mo e poupou. 2Vakavakai ‘a e fanga kulī na: vakavakai ‘a e kau ngāue ‘oku kovi: vakavakai ‘a e fa‘ahinga mutu. 3He ko kitaua pē ‘a e kamu mo‘oni, ‘a kitaua ‘oku ta fai ‘eta ngāue ki he ‘Eiki ‘i he Laumālie ‘o e ‘Otua, pea fai ‘eta pōlepole ‘ia Kalaisi Sīsū, pea ‘oku ‘ikai te ta falala ki he me‘a fakasino–neongo te te lava ‘e kita ke falala foki ki he me‘a fakasino. 4Ka ai ha taha ‘oku ne pehē te ne lava ke falala ki he me‘a fakasino, huanoa au: 5‘a au na‘a ku ‘aho valu leva pea kamu, na‘a ku tupu ko e ‘Isileli, ko ha ha‘a Penisimani, ko e Hepelū tupu mei he kau Hepelū; ka lau ki he Lao, ko e Fālesi au.#Ngā 23.6; 26.5; Lom 11.1 6Ka lau ki hono mamahi‘i, na‘a ku fakatanga‘i ‘a e siasi ko eni, ka lau ki he mā‘oni‘oni fakalao, ne u haohaoa.#Ngā 8.3; 22.4; 26.9-11 7Ka ko e alā me‘a pehē, ‘a ia ko hoku fakakoloa ‘i mu‘a, kuo loa ‘eku lau ia ko e koto fakamasiva koe‘uhi ko Kalaisi. 8Seuke, ‘oku ou kei lau ni foki ‘a e ngaahi me‘a ko ia kotoa ko e koto fakamasiva, koe‘uhi ko ‘ene fungani ‘a e ‘ilo‘i ‘o Kalaisi Sīsū ko hoku ‘Eiki; ‘a ‘Ene ‘Afio na‘a ku tuku ai ke mole kotoa, ‘io, ‘o u lau ko e kinoha‘a pē, koe‘uhi ke fakakoloa ‘aki au ‘a Kalaisi; 9pea ke ‘ilo au ‘oku ou ‘iate ia, pea ‘oku ‘ikai te u ‘i ai mo au ‘eku mā‘oni‘oni ‘a‘aku, ‘a ia ‘oku mei he Lao, ka ko ia ‘oku founga ‘i he tui kia Kalaisi, ‘io, ko e mā‘oni‘oni ‘oku mei he ‘Otua, pea tefito ki he tui: 10ka u ‘ilo ni ‘a ‘Ene ‘Afio, mo e ‘aonga ‘o ‘ene toetu‘u, mo e kau ‘i he‘ene ngaahi mamahi, he fakatatau au ki he‘ene pekia; 11hei‘ilo te u lava ke kau ‘i he toetu‘u ko ē mei he kau pekia.
Ko e Tutui Atu ki he Palé
12Tala‘ehai ko ‘eku pehē kuo u ma‘u ni, pe kuo ‘osi hoku fakahaohaoa; ka ‘oku ou tuli atu pē, hei‘ilo te u ala ki he me‘a ko ia na‘e ala ai ‘a Kalaisi kiate au. 13Kāinga, ‘oku ‘ikai#3.13 ‘oku ‘ikai; ‘Oku pehē ‘i hono ngaahi hiki fuoloa ‘e ni‘ihi: ‘oku te‘eki ai. te u lau au kuo u ma‘u: ka ko e me‘a pē taha ‘oku ou fai; ‘oku ou fakangalongalo‘i ‘a e ngaahi me‘a kuo tuku ki mui, ka u kakapa atu ki he ngaahi me‘a mei mu‘a: 14‘o u tuli atu pē ki he ngata‘anga, ke ma‘u ‘a e pale ‘o hoto ui mei ‘olunga na‘e fai ‘e he ‘Otua ‘ia Kalaisi Sīsū.
15Ko ia, ‘ilonga kitaua ‘oku haohaoa ke pehē hota loto; pea ka ai ha me‘a ‘oku hā kehe ki homou loto, ‘e faifai pea faka‘ilo mo ia ‘e he ‘Otua kiate kimoutolu. 16Ka neongo pe ko e hā ha me‘a kuo ta a‘u ki ai, kehe ke fou atu ai pē ‘i he hala pē ko ia.
17Kāinga, mou kau ‘i he fa‘ifa‘itaki kiate au; pea mou vakai kiate kinautolu ‘oku tatau ‘enau laka mo e fa‘ifa‘itaki‘anga ‘oku mou ma‘u ‘iate kimaua.#1 Kol 4.16; 11.1 18He ko e me‘a ki he laka ‘a e ni‘ihi, ‘a kinautolu na‘a ku fa‘a tala kiate kimoutolu, pea ‘oku ou toe tala ‘eni mo tangi, ko e ngaahi fili kinautolu ‘o e Kolosi ‘o Kalaisi: 19ko e fa‘ahinga ko honau iku‘anga ko e mala‘ia; ko e fa‘ahinga ‘oku ‘otua ki honau kete, pea ‘oku nau pōlepole ‘i he me‘a ‘oku fakamā; ‘a e fa‘ahinga ‘oku hu‘u ‘enau tokanga ki he ngaahi me‘a ‘o māmani. 20He ko ho‘otautolu kolo ‘oku tu‘u ‘i langi, ‘a ia ko e potu ‘oku tau nofo‘aki tali ‘a e ha‘u mei ai ha Fakamo‘ui, ko e ‘Eiki ko Sīsū Kalaisi. 21‘A ia te ne liliu ‘a e sino ‘o ‘etau mo‘ulaloa ni ke alāanga mo e sino ‘o ‘ene lāngilangi‘ia; ko e ngāue ‘a hono ivi ko ia, ‘a ia ‘oku ne mafai ai foki ke fakamo‘ulaloa kiate ia ‘a e me‘a kotoa pē.
Currently Selected:
Filipaí 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Filipaí 3
3
Ko Hono Tali Kita ‘e he ‘Otuá
1KO ‘eku lea faka‘osi ‘eni, si‘oku kāinga; mou fiefia ‘i he ‘Eiki. Ko ‘eku tohi fakafanafana pehē atu tala‘ehai ko e me‘a fakafiu kiate au, pea ko e tu‘u homou lā mo e poupou. 2Vakavakai ‘a e fanga kulī na: vakavakai ‘a e kau ngāue ‘oku kovi: vakavakai ‘a e fa‘ahinga mutu. 3He ko kitaua pē ‘a e kamu mo‘oni, ‘a kitaua ‘oku ta fai ‘eta ngāue ki he ‘Eiki ‘i he Laumālie ‘o e ‘Otua, pea fai ‘eta pōlepole ‘ia Kalaisi Sīsū, pea ‘oku ‘ikai te ta falala ki he me‘a fakasino–neongo te te lava ‘e kita ke falala foki ki he me‘a fakasino. 4Ka ai ha taha ‘oku ne pehē te ne lava ke falala ki he me‘a fakasino, huanoa au: 5‘a au na‘a ku ‘aho valu leva pea kamu, na‘a ku tupu ko e ‘Isileli, ko ha ha‘a Penisimani, ko e Hepelū tupu mei he kau Hepelū; ka lau ki he Lao, ko e Fālesi au.#Ngā 23.6; 26.5; Lom 11.1 6Ka lau ki hono mamahi‘i, na‘a ku fakatanga‘i ‘a e siasi ko eni, ka lau ki he mā‘oni‘oni fakalao, ne u haohaoa.#Ngā 8.3; 22.4; 26.9-11 7Ka ko e alā me‘a pehē, ‘a ia ko hoku fakakoloa ‘i mu‘a, kuo loa ‘eku lau ia ko e koto fakamasiva koe‘uhi ko Kalaisi. 8Seuke, ‘oku ou kei lau ni foki ‘a e ngaahi me‘a ko ia kotoa ko e koto fakamasiva, koe‘uhi ko ‘ene fungani ‘a e ‘ilo‘i ‘o Kalaisi Sīsū ko hoku ‘Eiki; ‘a ‘Ene ‘Afio na‘a ku tuku ai ke mole kotoa, ‘io, ‘o u lau ko e kinoha‘a pē, koe‘uhi ke fakakoloa ‘aki au ‘a Kalaisi; 9pea ke ‘ilo au ‘oku ou ‘iate ia, pea ‘oku ‘ikai te u ‘i ai mo au ‘eku mā‘oni‘oni ‘a‘aku, ‘a ia ‘oku mei he Lao, ka ko ia ‘oku founga ‘i he tui kia Kalaisi, ‘io, ko e mā‘oni‘oni ‘oku mei he ‘Otua, pea tefito ki he tui: 10ka u ‘ilo ni ‘a ‘Ene ‘Afio, mo e ‘aonga ‘o ‘ene toetu‘u, mo e kau ‘i he‘ene ngaahi mamahi, he fakatatau au ki he‘ene pekia; 11hei‘ilo te u lava ke kau ‘i he toetu‘u ko ē mei he kau pekia.
Ko e Tutui Atu ki he Palé
12Tala‘ehai ko ‘eku pehē kuo u ma‘u ni, pe kuo ‘osi hoku fakahaohaoa; ka ‘oku ou tuli atu pē, hei‘ilo te u ala ki he me‘a ko ia na‘e ala ai ‘a Kalaisi kiate au. 13Kāinga, ‘oku ‘ikai#3.13 ‘oku ‘ikai; ‘Oku pehē ‘i hono ngaahi hiki fuoloa ‘e ni‘ihi: ‘oku te‘eki ai. te u lau au kuo u ma‘u: ka ko e me‘a pē taha ‘oku ou fai; ‘oku ou fakangalongalo‘i ‘a e ngaahi me‘a kuo tuku ki mui, ka u kakapa atu ki he ngaahi me‘a mei mu‘a: 14‘o u tuli atu pē ki he ngata‘anga, ke ma‘u ‘a e pale ‘o hoto ui mei ‘olunga na‘e fai ‘e he ‘Otua ‘ia Kalaisi Sīsū.
15Ko ia, ‘ilonga kitaua ‘oku haohaoa ke pehē hota loto; pea ka ai ha me‘a ‘oku hā kehe ki homou loto, ‘e faifai pea faka‘ilo mo ia ‘e he ‘Otua kiate kimoutolu. 16Ka neongo pe ko e hā ha me‘a kuo ta a‘u ki ai, kehe ke fou atu ai pē ‘i he hala pē ko ia.
17Kāinga, mou kau ‘i he fa‘ifa‘itaki kiate au; pea mou vakai kiate kinautolu ‘oku tatau ‘enau laka mo e fa‘ifa‘itaki‘anga ‘oku mou ma‘u ‘iate kimaua.#1 Kol 4.16; 11.1 18He ko e me‘a ki he laka ‘a e ni‘ihi, ‘a kinautolu na‘a ku fa‘a tala kiate kimoutolu, pea ‘oku ou toe tala ‘eni mo tangi, ko e ngaahi fili kinautolu ‘o e Kolosi ‘o Kalaisi: 19ko e fa‘ahinga ko honau iku‘anga ko e mala‘ia; ko e fa‘ahinga ‘oku ‘otua ki honau kete, pea ‘oku nau pōlepole ‘i he me‘a ‘oku fakamā; ‘a e fa‘ahinga ‘oku hu‘u ‘enau tokanga ki he ngaahi me‘a ‘o māmani. 20He ko ho‘otautolu kolo ‘oku tu‘u ‘i langi, ‘a ia ko e potu ‘oku tau nofo‘aki tali ‘a e ha‘u mei ai ha Fakamo‘ui, ko e ‘Eiki ko Sīsū Kalaisi. 21‘A ia te ne liliu ‘a e sino ‘o ‘etau mo‘ulaloa ni ke alāanga mo e sino ‘o ‘ene lāngilangi‘ia; ko e ngāue ‘a hono ivi ko ia, ‘a ia ‘oku ne mafai ai foki ke fakamo‘ulaloa kiate ia ‘a e me‘a kotoa pē.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.