KO NĒHUMI 2
2
Ko Hono Hamu ‘o Ninive
1KUO ‘alu atu ‘a e Tama-laiki
Ke fakafetaulaki kiate koe.
Tauhi ‘a e talitau‘anga,
Le‘o ‘a e hala,
‘Ai ke fefeka ‘a e kongaloto,
Tōtōivi ho‘o fakama‘u hifo.
2He ‘oku fakafoki ‘e Sihova ‘a e lāngilangi ‘o Sēkope,
Tatau mo e lāngilangi ‘o ‘Isileli:
He ko e kau vete ne vete kinautolu,
Pea ko honau ngaahi va‘a kuo nau maumau‘i.
3Ko e pā ‘o ‘ene kau helo kuo lanu kulokula,
Ko e kau tangata to‘a ko e koto kula maama:
Ko e tau sāliote ‘oku tapa afi hono ukamea ‘i he ‘aho ‘o e fakatē,
Pea ‘oku ngalulululu ‘a e ‘otu tao.#2.3 ‘otu taó: Ko hono hiki totonu ‘o e faka-Hepeluú ko e: ‘otu saipālesí (paini), ka ‘oku pehē ‘i hono ngaahi hiki fuoloa ‘e ni‘ihi: ‘enau fanga hōsí.
4‘Oku ‘oho fakasesele ‘a e ngaahi sāliote ‘i he hala,
‘Oku nau lele fetuiaki ‘i he ngaahi mala‘e:
‘Oku nau hā hangē ko e ngaahi tūhulu,
‘Oku nau fetapa‘aki hangē ko e ‘uhila.
5‘Oku manatu ‘e ia ki he‘ene tau fili:
‘Oku nau humu pē he‘enau laka;
‘Oku fakavave ē ki he ‘ā ‘o e kolo,
Pea kuo fokotu‘u ‘a e mīsini faka‘ato.
6‘Oku fakaava ‘a e ngaahi matapā ‘o e ngaahi vaitafe,
Kuo vai ‘a e palasi. 7Kuo pau: Kuo fakatelefua ‘a si‘i fefine;#2.7 pe ko si‘i Husiapi kuo fakatelefua.
Kuo ‘ohake,
Pea ko ‘ene kau kaunanga ‘oku tangi ‘aulotu,
Hangē ha ongoonga‘a mai ha fanga lupe,
‘O nau tuki honau fatafata.
8Ka ko Ninive kuo hangē ha tānekinga vai,
Talu mei he‘ene ‘i ai,
Ka ‘oku hola ‘a e fa‘ahinga ko ē.#2.8 Ka ko Ninive… fa‘ahinga ko ē: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: ‘Oku ‘oho mai ‘a e kakaí mei Ninivé, ‘o hangē ko ha vai mei ha tānekinga vai kuo foá.
“Tu‘u pē! tu‘u hifo!”
Ka ‘oku ‘ikai ha taha ‘e kilo ki tu‘a.
9Mou vete ‘a e siliva,
Mou vete ‘a e koula;
Seuke, ‘oku ‘ikai ha ngata‘anga ‘o e koloa,
‘A e fokotu‘uniu ‘a e fa‘ahinga nāunau masani kehekehe.
10Si‘i fefine kuo ‘āngoa, mo lafulua, mo hikisania;
Pea ‘oku vai ‘a e loto,
Pea ‘oku fepaki ‘a e ongo tui,
Pea ‘oku langa takai hono kongaloto,
‘Oku mole ‘a e melo mei he mata kotoa.
11Ko e fe‘ia ‘a e nofo‘anga ‘o e fanga laione?–
Lau foki ko e kaikai‘anga ia ‘o e fanga manu hau,
‘A e potu na‘e taka ai ‘a e laione,
‘A e laione fefine, ‘a e ‘uhiki‘i laione,
‘O ‘ikai ha taha ‘e mafakahoha‘asi.
12Na‘e lava ‘e he laione tangata ke hae ha me‘a fe‘unga mo hono ‘uhiki,
‘O ne sisina ha me‘a ma‘a ‘ene fanga fefine,
‘O ne fakafonu a‘alu hono ngaahi ‘ana,
Mo hono ngaahi nofo‘anga ‘i he me‘a kuo ne hae.
13Ko au eni ‘oku ou fai mo koe–ko Sihova Sāpaoti ia mei he Ta‘ehāmai–pea te u tutu ‘ene tau sāliote ‘aki ‘a e afi, pea ‘e keina ‘e he heletā ho‘o fanga manu hau; pea te u tu‘usi mei māmani ho‘o fai a‘alu, pea ‘e ‘ikai toe ongona ‘a e le‘o ‘o ho‘o kau talafekau.
Currently Selected:
KO NĒHUMI 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO NĒHUMI 2
2
Ko Hono Hamu ‘o Ninive
1KUO ‘alu atu ‘a e Tama-laiki
Ke fakafetaulaki kiate koe.
Tauhi ‘a e talitau‘anga,
Le‘o ‘a e hala,
‘Ai ke fefeka ‘a e kongaloto,
Tōtōivi ho‘o fakama‘u hifo.
2He ‘oku fakafoki ‘e Sihova ‘a e lāngilangi ‘o Sēkope,
Tatau mo e lāngilangi ‘o ‘Isileli:
He ko e kau vete ne vete kinautolu,
Pea ko honau ngaahi va‘a kuo nau maumau‘i.
3Ko e pā ‘o ‘ene kau helo kuo lanu kulokula,
Ko e kau tangata to‘a ko e koto kula maama:
Ko e tau sāliote ‘oku tapa afi hono ukamea ‘i he ‘aho ‘o e fakatē,
Pea ‘oku ngalulululu ‘a e ‘otu tao.#2.3 ‘otu taó: Ko hono hiki totonu ‘o e faka-Hepeluú ko e: ‘otu saipālesí (paini), ka ‘oku pehē ‘i hono ngaahi hiki fuoloa ‘e ni‘ihi: ‘enau fanga hōsí.
4‘Oku ‘oho fakasesele ‘a e ngaahi sāliote ‘i he hala,
‘Oku nau lele fetuiaki ‘i he ngaahi mala‘e:
‘Oku nau hā hangē ko e ngaahi tūhulu,
‘Oku nau fetapa‘aki hangē ko e ‘uhila.
5‘Oku manatu ‘e ia ki he‘ene tau fili:
‘Oku nau humu pē he‘enau laka;
‘Oku fakavave ē ki he ‘ā ‘o e kolo,
Pea kuo fokotu‘u ‘a e mīsini faka‘ato.
6‘Oku fakaava ‘a e ngaahi matapā ‘o e ngaahi vaitafe,
Kuo vai ‘a e palasi. 7Kuo pau: Kuo fakatelefua ‘a si‘i fefine;#2.7 pe ko si‘i Husiapi kuo fakatelefua.
Kuo ‘ohake,
Pea ko ‘ene kau kaunanga ‘oku tangi ‘aulotu,
Hangē ha ongoonga‘a mai ha fanga lupe,
‘O nau tuki honau fatafata.
8Ka ko Ninive kuo hangē ha tānekinga vai,
Talu mei he‘ene ‘i ai,
Ka ‘oku hola ‘a e fa‘ahinga ko ē.#2.8 Ka ko Ninive… fa‘ahinga ko ē: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: ‘Oku ‘oho mai ‘a e kakaí mei Ninivé, ‘o hangē ko ha vai mei ha tānekinga vai kuo foá.
“Tu‘u pē! tu‘u hifo!”
Ka ‘oku ‘ikai ha taha ‘e kilo ki tu‘a.
9Mou vete ‘a e siliva,
Mou vete ‘a e koula;
Seuke, ‘oku ‘ikai ha ngata‘anga ‘o e koloa,
‘A e fokotu‘uniu ‘a e fa‘ahinga nāunau masani kehekehe.
10Si‘i fefine kuo ‘āngoa, mo lafulua, mo hikisania;
Pea ‘oku vai ‘a e loto,
Pea ‘oku fepaki ‘a e ongo tui,
Pea ‘oku langa takai hono kongaloto,
‘Oku mole ‘a e melo mei he mata kotoa.
11Ko e fe‘ia ‘a e nofo‘anga ‘o e fanga laione?–
Lau foki ko e kaikai‘anga ia ‘o e fanga manu hau,
‘A e potu na‘e taka ai ‘a e laione,
‘A e laione fefine, ‘a e ‘uhiki‘i laione,
‘O ‘ikai ha taha ‘e mafakahoha‘asi.
12Na‘e lava ‘e he laione tangata ke hae ha me‘a fe‘unga mo hono ‘uhiki,
‘O ne sisina ha me‘a ma‘a ‘ene fanga fefine,
‘O ne fakafonu a‘alu hono ngaahi ‘ana,
Mo hono ngaahi nofo‘anga ‘i he me‘a kuo ne hae.
13Ko au eni ‘oku ou fai mo koe–ko Sihova Sāpaoti ia mei he Ta‘ehāmai–pea te u tutu ‘ene tau sāliote ‘aki ‘a e afi, pea ‘e keina ‘e he heletā ho‘o fanga manu hau; pea te u tu‘usi mei māmani ho‘o fai a‘alu, pea ‘e ‘ikai toe ongona ‘a e le‘o ‘o ho‘o kau talafekau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.