KO NĒHUMI 1
1
1KO E kavenga ‘a Ninive mei he Ta‘ehāmai. Ko e tohi ‘o e vīsone ‘a Nēhumi ko e tangata ‘Elekosi.#‘Ais 10.5-34; 14.24-27; Sef 2.13-15
2Ko e ‘Otua fua‘a mo fai sauni ‘a Sihova;
Ko e taha fai sauni ‘a Sihova;
Pea ko ‘ene me‘a ‘e taha ko e ‘ita kakaha.
Ko e taha ‘a Sihova ‘oku ne sauni ki hono kau fakamamahi,
Mo tauhi ‘ita ki hono ngaahi fili.
3Ko Sihova ko e taha tuai ki he houhau,
Pea kaukaua ‘i he ivi,
Pea ‘ikai ‘aupito te ne faka‘atā ‘a e halaia.
Ko Sihova ‘oku ai hono founga ‘i he ‘ahiohio mo e afā,
Pea ko e ngaahi ‘ao ko e efu ‘o ‘ene taulaka.
4Ko e taha ia ‘oku fakamana ki he tahi,
‘O fakamaha ia;
‘Io, ‘oku ne fakamātu‘u ‘a e ngaahi vaitafe kotoa:
‘Oku mahahu‘a ‘a Pēsani mo Kāmeli,
Pea ‘oku mae ‘a e fisi ‘o Lepanoni.
5‘Oku tete ‘a e ngaahi mo‘unga he‘ene ofi mai,
Pea ‘oku hoko ‘o vai ‘a e ngaahi tafungofunga;
Pea ‘oku mahiki ‘a e fonua ‘i he‘ene fotu mai,
‘Io, ‘a e maama nofo‘anga, mo kinautolu kotoa ‘oku nofo ai.
6Ko hai te ne matu‘u ‘i he hā mai ‘ene tuputāmaki?
Pea ko hai te ne matali ‘a e kakaha ‘o ‘ene houhau?
‘Oku mahua ‘ene ‘ita hangē ha afi,
Pea ko e ngaahi makatu‘u ‘oku holo he‘ene ofi mai.
7‘Oku lelei ‘a Sihova,
Ko e hūfanga ‘i he ‘aho ‘o e ‘efihia;
Pea ‘oku ne ‘ilo ‘a kinautolu ‘oku hūfanga kiate ia.
8Ko ia te ne fakangata ‘a e potu ‘o e kolo ko ē
‘Aki ha lōmaki ‘oku mōia atu;
Pea te ne tuli hono ngaahi fili#1.8 hono ngaahi filí: Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: hono feitu‘ú. ki he po‘uli.
9Ko e hā koā ho‘omou lāutu‘u kia Sihova? ‘Ā, ko e taha ia te ne fakangata ‘aupito: pea ‘e ‘ikai ke hoko tu‘o ua ‘a e ‘efihia. 10Pea neongo ‘oku nau fefihitaki ‘o hangē ko e ‘ā talatala, pea neongo ‘enau pīponu ‘i honau huhu‘a, ‘e mātu‘aki keina kinautolu hangē ha veve kuo mōmoa mālie.
11Kuo ‘alu atu meiate koe ha taha, ‘oku fakakaukau‘i ha kovi ke fai kia Sihova, ‘oku ne fale‘i me‘a faka-Pileali. 12Ko e folofola eni ‘a Sihova, Neongo ‘oku nau kei kakato, ‘o tokolahi ai; ka neongo ‘enau pehē, ‘e tu‘usi kinautolu pea kuo mole. Neongo kuo u fakatōkilalo‘i koe, ‘e ‘ikai te u toe fakatōkilalo‘i koe. 13Ko eni te u maumau ‘ene ‘ioke, ‘o to‘o meiate koe, pea te u motuhi ho ngaahi ha‘i.
14Pea ko e me‘a kiate koe kuo fai ‘e Sihova ha tu‘utu‘uni, Tū ‘e ‘ikai toe ai ha pulopula mei ho hingoa; te u tu‘usi ‘a e ‘īmisi mo e tamapua mei he fale ‘o ho ngaahi ‘otua, te u ngaohi hao fonualoto, he kuo ke ma‘ama‘a.
15Vakai ‘i he ngaahi funga mo‘unga ‘a si‘i va‘e ‘o e tala ongoongolelei, ‘o ia ‘oku fakahā ‘a e melino! ‘E Siuta, fai ho‘o ngaahi kātoanga, fakaai ho‘o ngaahi tukumo‘ui, he ‘e ‘ikai ‘aupito toe laka atu ‘iate koe ‘a e tangata faka-Pileali: kuo tu‘usi ‘aupito.#‘Ais 52.7
Currently Selected:
KO NĒHUMI 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO NĒHUMI 1
1
1KO E kavenga ‘a Ninive mei he Ta‘ehāmai. Ko e tohi ‘o e vīsone ‘a Nēhumi ko e tangata ‘Elekosi.#‘Ais 10.5-34; 14.24-27; Sef 2.13-15
2Ko e ‘Otua fua‘a mo fai sauni ‘a Sihova;
Ko e taha fai sauni ‘a Sihova;
Pea ko ‘ene me‘a ‘e taha ko e ‘ita kakaha.
Ko e taha ‘a Sihova ‘oku ne sauni ki hono kau fakamamahi,
Mo tauhi ‘ita ki hono ngaahi fili.
3Ko Sihova ko e taha tuai ki he houhau,
Pea kaukaua ‘i he ivi,
Pea ‘ikai ‘aupito te ne faka‘atā ‘a e halaia.
Ko Sihova ‘oku ai hono founga ‘i he ‘ahiohio mo e afā,
Pea ko e ngaahi ‘ao ko e efu ‘o ‘ene taulaka.
4Ko e taha ia ‘oku fakamana ki he tahi,
‘O fakamaha ia;
‘Io, ‘oku ne fakamātu‘u ‘a e ngaahi vaitafe kotoa:
‘Oku mahahu‘a ‘a Pēsani mo Kāmeli,
Pea ‘oku mae ‘a e fisi ‘o Lepanoni.
5‘Oku tete ‘a e ngaahi mo‘unga he‘ene ofi mai,
Pea ‘oku hoko ‘o vai ‘a e ngaahi tafungofunga;
Pea ‘oku mahiki ‘a e fonua ‘i he‘ene fotu mai,
‘Io, ‘a e maama nofo‘anga, mo kinautolu kotoa ‘oku nofo ai.
6Ko hai te ne matu‘u ‘i he hā mai ‘ene tuputāmaki?
Pea ko hai te ne matali ‘a e kakaha ‘o ‘ene houhau?
‘Oku mahua ‘ene ‘ita hangē ha afi,
Pea ko e ngaahi makatu‘u ‘oku holo he‘ene ofi mai.
7‘Oku lelei ‘a Sihova,
Ko e hūfanga ‘i he ‘aho ‘o e ‘efihia;
Pea ‘oku ne ‘ilo ‘a kinautolu ‘oku hūfanga kiate ia.
8Ko ia te ne fakangata ‘a e potu ‘o e kolo ko ē
‘Aki ha lōmaki ‘oku mōia atu;
Pea te ne tuli hono ngaahi fili#1.8 hono ngaahi filí: Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: hono feitu‘ú. ki he po‘uli.
9Ko e hā koā ho‘omou lāutu‘u kia Sihova? ‘Ā, ko e taha ia te ne fakangata ‘aupito: pea ‘e ‘ikai ke hoko tu‘o ua ‘a e ‘efihia. 10Pea neongo ‘oku nau fefihitaki ‘o hangē ko e ‘ā talatala, pea neongo ‘enau pīponu ‘i honau huhu‘a, ‘e mātu‘aki keina kinautolu hangē ha veve kuo mōmoa mālie.
11Kuo ‘alu atu meiate koe ha taha, ‘oku fakakaukau‘i ha kovi ke fai kia Sihova, ‘oku ne fale‘i me‘a faka-Pileali. 12Ko e folofola eni ‘a Sihova, Neongo ‘oku nau kei kakato, ‘o tokolahi ai; ka neongo ‘enau pehē, ‘e tu‘usi kinautolu pea kuo mole. Neongo kuo u fakatōkilalo‘i koe, ‘e ‘ikai te u toe fakatōkilalo‘i koe. 13Ko eni te u maumau ‘ene ‘ioke, ‘o to‘o meiate koe, pea te u motuhi ho ngaahi ha‘i.
14Pea ko e me‘a kiate koe kuo fai ‘e Sihova ha tu‘utu‘uni, Tū ‘e ‘ikai toe ai ha pulopula mei ho hingoa; te u tu‘usi ‘a e ‘īmisi mo e tamapua mei he fale ‘o ho ngaahi ‘otua, te u ngaohi hao fonualoto, he kuo ke ma‘ama‘a.
15Vakai ‘i he ngaahi funga mo‘unga ‘a si‘i va‘e ‘o e tala ongoongolelei, ‘o ia ‘oku fakahā ‘a e melino! ‘E Siuta, fai ho‘o ngaahi kātoanga, fakaai ho‘o ngaahi tukumo‘ui, he ‘e ‘ikai ‘aupito toe laka atu ‘iate koe ‘a e tangata faka-Pileali: kuo tu‘usi ‘aupito.#‘Ais 52.7
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.