Ma‘aké 8
8
Ko e Fafanga ‘e Sīsū e Toko Fā Afe
(Māt 15.32-39)
1PEA faifai pea toe ‘i ai ha fu‘u kakai, pea ‘ikai ha‘anau me‘a tokoni; pea ne ui ange ‘ene kau ako, ‘o ne pehē kiate kinautolu, 2‘Oku langa hoku fatu ‘i he ‘ofa ki he kakai ni; he ko e ‘aho ‘e tolu mālō mo ‘enau nofo mai, pea ‘oku ‘ikai ha‘anau me‘a tokoni; 3pea kapau te u tukuange kinautolu ke ‘alu fiekaia ki honau ngaahi ‘api, te nau pōngingia ‘i he hala; kae ‘uma‘ā ko honau ni‘ihi kuo ha‘u mama‘o.
4Pea tali ki ai ‘e he ‘ene kau ako, ‘E fa‘a ma‘u mei fē heni ‘i he lala ha ngaahi fo‘i mā ke totofu ai ‘a e kakai ni?
5Pea ne fehu‘i kiate kinautolu, ‘oku fiha ho‘omou fo‘i mā?
Pea nau tali, ‘oku fitu.
6Pea ne fekau ke tākoto ‘a e kakai ‘i he kelekele: pea ne to‘o ‘a e fo‘i mā ‘e fitu; pea hili ‘ene fakafeta‘i na‘a ne pakipaki; ‘o ne toutou ‘ange ki he ‘ene kau ako ke tufaki, pea nau tufa ki he kakai. 7Pea na‘e ai ha‘anau mata‘i ika si‘i: pea ne tāpuaki ia, mo ne fekau ke tufa mo ia foki. 8Pea na‘a nau kai ‘o mākona; pea nau tānaki ‘a e toenga mapakipaki‘i mā, ko e ngaahi kato ‘e fitu. 9Pea na‘a nau fe‘unga nai mo e toko fā afe. Pea na‘a ne tukuange kinautolu, 10‘o ne heka leva ki he vaka, fakataha mo ‘ene kau ako, ‘o ne a‘u ki he ngaahi potu ‘o Talamanuta.
Ko e Fie Ma‘u Faka‘ilonga mei Langi
(Māt 16.1-4)
11Pea ‘alu atu ‘a e kau Fālesi, ‘o nau kamata kikihi mo ia, ko ‘enau fiema‘u meiate ia ha faka‘ilonga mei langi; ko ‘enau ‘ahi‘ahi‘i ia.#Māt 12.38; Luk 11.16 12Pea fu‘u ‘oi ia ‘i hono laumālie, ‘o ne pehē, Ko e hā ‘oku tangi ai ‘e he to‘utangata ni ki ha faka‘ilonga? Tala atu, Ko au ē ‘oka ‘ange ha faka‘ilonga ki he to‘utangata ni.#Māt 12.39; Luk 11.29
13Pea ne tuku kinautolu, ‘o ne toe heka vaka ‘o ‘alu mei ai ki he kauvai.
Ko e Lēvani ‘a e Kau Fālesí mo Hēlota
(Māt 16.5-12)
14Pea ne ngalo ‘iate kinautolu ke ‘ave ha mā, pea na‘e ngata ‘i ha fo‘i mā ‘e taha ‘a e me‘a na‘a nau omi mo kinautolu ‘i he vaka. 15Pea ne na‘ina‘i kiate kinautolu ‘o pehē, Mou ‘ā, ‘o vakai, telia ‘a e lēvani ‘a e kau Fālesi, pea mo e lēvani ‘a Hēlota.#Luk 12.1
16Pea nau fealēlea‘aki ‘o pehē, Ko hono ‘uhinga ‘apē ko e ‘ikai ha‘atau mā.
17Pea ‘i he ‘ilo ‘e Sīsū, na‘a ne pehē kiate kinautolu, Ko e hā ‘oku mou fealēlea‘aki ai koe‘uhi ‘oku ‘ikai ha‘amou mā? Kuo te‘eki koā ke ‘uhinga kiate kimoutolu pe o‘o? kuo fefeka koā ‘a e loto ‘omoutolu? 18‘Oku mou mata koā, kae ‘ikai mamata? pea ‘oku mou telinga, kae ‘ikai ongo? ‘io, pea ‘oku ‘ikai te mou manatu?#Sel 5.21; ‘Isi 12.2; Ma‘ake 4.12 19Ko e taimi na‘a ku pakipaki ai ‘a e fo‘i mā ‘e nima ma‘a e toko nima afe, ko e fiha‘i kato fakahunga ne mou ‘omi, kuo pito ‘i he ngaahi mapakipaki‘i mā?
Na‘a nau tali, Ko e hongofulu mā ua.
20‘Io, mo ‘eku pakipaki ‘a e mā ‘e fitu ma‘a e toko fā afe, na‘e fe‘unga mo e kato ‘e fiha ‘a e mapakipaki‘i mā na‘a mou ‘omi?
Pea nau tali, Ko e fitu.
21Pea ne pehē kiate kinautolu, Kuo te‘eki koā ke mahino kiate kimoutolu?
Ko e Fakamo‘ui ‘e Sīsū ha Tangata Kui ‘i Petesaita
22Pea nau a‘u ki Petesaita; pea na‘e ‘omi kiate ia ha tangata kui, ‘o nau kole ke ne ala ki ai. 23Pea ne puke ‘a e nima ‘o e kui, ‘o ne ‘ave ia kitu‘a kolo; ‘o ne ‘a‘anu ki hono ongo fo‘i mata, ‘o ne ‘ai hono ongo nima ki he tangata, ‘o ne fehu‘i kiate ia, ‘oku ke ‘ilo ha me‘a?
24Pea hanga hake ia ‘o ne pehē, ‘oku ou sio ki he kakai; he ‘oku hā ha me‘a hangē ko ha ngaahi ‘akau, ka ‘oku nau ‘eve‘eva.
25Pea ne toki ‘ai hono nima ki he mata ‘o e tangata ko hono tu‘o ua; pea ne sio tonu, ‘o ne toe mo‘ui ‘o haohaoa, pea hili ia na‘a ne mātu‘aki ‘ilo me‘a mama‘o. 26Pea ne fekau ke ne ‘alu ki hono ‘api, mo ne pehē, ‘oua ‘e hū ki he kolo ni, pea ‘oua ‘e lea ki ha taha ‘i he kolo ni.
Ko Hai ‘a Sīsū?
(Māt 16.13-20; Luk 9.18-21)
27Pea ‘alu mei ai ‘a Sīsū mo ‘ene kau ako ki he feitu‘u ‘o Sesalia Filipai: pea ‘i he‘enau ‘i he hala na‘a ne fehu‘i ki he‘ene kau ako, ‘o pehē, Ko hai au ‘i he lau ‘a e kakai?
28Pea nau tali ‘o pehē, Ko Sione Papitaiso: pea ko e lau ‘a e ni‘ihi, Ko ‘Ilaisiā; ka ko e ni‘ihi, Ko e toko taha ‘i he kau palōfita.#Ma‘ake 6.14-15; Luk 9.7-8
29Toki fehu‘i ‘e ia kiate kinautolu, Ka ko hai au ‘i he lau ‘amoutolu?#Sioné 6.68-69
Pea tali ‘e Pita ‘o ne pehē ki ai, Ko e MĪSAIA koe.
30Pea ne lolomi kinautolu ke ‘oua te nau lea ki ha taha ‘i he me‘a ko ia.
Ko e Fakahā ‘e Sīsū ‘Ene Mamahí mo ‘Ene Pekiá
(Māt 16.21-28; Luk 9.22-27)
31Pea na‘a ne kamata hīnoi‘i kinautolu, ‘a e pau ki he Fanautama ‘a Tangata ke lahi hono fakamamahi‘i; pea ke fakatale‘i ia ‘e he kau mātu‘a, mo e hou‘eiki taula‘eiki, mo e kau sikalaipe; pea ke tāmate‘i; pea hili ‘a e ‘aho ‘e tolu ke ne toetu‘u. 32Pea na‘a ne tala fakapatonu ‘a e me‘a ko ia. Pea ‘ave ia ‘e Pita, ‘o ne kamata valoki ki ai. 33Ka ka tafuli ange ‘a Sīsū, ‘o hanga ki he‘ene kau ako, ‘o ne valoki ‘a Pita, ‘o ne pehē, Tu‘u ki mui, Sētane; he ‘oku ‘ikai ko e ngaahi me‘a faka-e-‘Otua ‘oku sio ki ai ho loto, ka ko e ngaahi me‘a fakaetangata.
34Pea ne ui ange ‘a e kakai, fakataha mo ‘ene kau ako, ‘o ne pehē kiate kinautolu, Ka ai ha taha ‘oku ne fie muimui mai ‘i hoku lahi, ke ne mātu‘aki hangē ha mateaki, pea ke ne fua hono kolosi, pea ke ne hoko ko hoku lahi.#Māt 10.38; Luk 14.27 35He ko ia te ne fai ke fakahaofi ‘ene mo‘ui, ko ‘ene tuku ia ke mole; ka ko ia te ne tuku ke mole ‘ene mo‘ui koe‘uhi ko au mo e Kōsipeli, ko ‘ene fakahaofi ia.#Māt 10.39; Luk 17.33; Sioné 12.25 36He ko e hā hono ‘aonga ki ha tangata ke ma‘u ‘a māmani kātoa ‘i he‘ene ngāue, kae mole ai ‘ene mo‘ui? 37he ko e hā ‘e ‘atu ‘e he tangata ke fakatau ‘aki mai ‘ene mo‘ui? 38Pea ka ai ha taha te ne maa‘i au mo ‘eku ngaahi tala ‘i he ‘ao ‘o e to‘utangata ni, –‘a e to‘utangata alafia kae fe‘auaki mo angahala ni–pea ‘e maa‘i ‘a e toko taha ko ia ‘e he Fanautama ‘a Tangata, ‘oka hā‘ele mai ia mo e nāunau ‘o ‘ene ‘Eiki, mo e ha‘ofia ia ‘e he kau ‘āngelo tapu. 39Pea ne pehē kiate kinautolu, Ko au ē, ‘oku ou tala atu, ‘oku ai ha ni‘ihi ‘oku tutu‘u heni, ‘a ia ‘e ‘ikai te nau momo‘i lave ki he mate, kae‘oua ke nau mamata ki he Pule‘anga ‘o e ‘Otua kuo hoko mai mo e ha‘aha‘a.
Currently Selected:
Ma‘aké 8: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Ma‘aké 8
8
Ko e Fafanga ‘e Sīsū e Toko Fā Afe
(Māt 15.32-39)
1PEA faifai pea toe ‘i ai ha fu‘u kakai, pea ‘ikai ha‘anau me‘a tokoni; pea ne ui ange ‘ene kau ako, ‘o ne pehē kiate kinautolu, 2‘Oku langa hoku fatu ‘i he ‘ofa ki he kakai ni; he ko e ‘aho ‘e tolu mālō mo ‘enau nofo mai, pea ‘oku ‘ikai ha‘anau me‘a tokoni; 3pea kapau te u tukuange kinautolu ke ‘alu fiekaia ki honau ngaahi ‘api, te nau pōngingia ‘i he hala; kae ‘uma‘ā ko honau ni‘ihi kuo ha‘u mama‘o.
4Pea tali ki ai ‘e he ‘ene kau ako, ‘E fa‘a ma‘u mei fē heni ‘i he lala ha ngaahi fo‘i mā ke totofu ai ‘a e kakai ni?
5Pea ne fehu‘i kiate kinautolu, ‘oku fiha ho‘omou fo‘i mā?
Pea nau tali, ‘oku fitu.
6Pea ne fekau ke tākoto ‘a e kakai ‘i he kelekele: pea ne to‘o ‘a e fo‘i mā ‘e fitu; pea hili ‘ene fakafeta‘i na‘a ne pakipaki; ‘o ne toutou ‘ange ki he ‘ene kau ako ke tufaki, pea nau tufa ki he kakai. 7Pea na‘e ai ha‘anau mata‘i ika si‘i: pea ne tāpuaki ia, mo ne fekau ke tufa mo ia foki. 8Pea na‘a nau kai ‘o mākona; pea nau tānaki ‘a e toenga mapakipaki‘i mā, ko e ngaahi kato ‘e fitu. 9Pea na‘a nau fe‘unga nai mo e toko fā afe. Pea na‘a ne tukuange kinautolu, 10‘o ne heka leva ki he vaka, fakataha mo ‘ene kau ako, ‘o ne a‘u ki he ngaahi potu ‘o Talamanuta.
Ko e Fie Ma‘u Faka‘ilonga mei Langi
(Māt 16.1-4)
11Pea ‘alu atu ‘a e kau Fālesi, ‘o nau kamata kikihi mo ia, ko ‘enau fiema‘u meiate ia ha faka‘ilonga mei langi; ko ‘enau ‘ahi‘ahi‘i ia.#Māt 12.38; Luk 11.16 12Pea fu‘u ‘oi ia ‘i hono laumālie, ‘o ne pehē, Ko e hā ‘oku tangi ai ‘e he to‘utangata ni ki ha faka‘ilonga? Tala atu, Ko au ē ‘oka ‘ange ha faka‘ilonga ki he to‘utangata ni.#Māt 12.39; Luk 11.29
13Pea ne tuku kinautolu, ‘o ne toe heka vaka ‘o ‘alu mei ai ki he kauvai.
Ko e Lēvani ‘a e Kau Fālesí mo Hēlota
(Māt 16.5-12)
14Pea ne ngalo ‘iate kinautolu ke ‘ave ha mā, pea na‘e ngata ‘i ha fo‘i mā ‘e taha ‘a e me‘a na‘a nau omi mo kinautolu ‘i he vaka. 15Pea ne na‘ina‘i kiate kinautolu ‘o pehē, Mou ‘ā, ‘o vakai, telia ‘a e lēvani ‘a e kau Fālesi, pea mo e lēvani ‘a Hēlota.#Luk 12.1
16Pea nau fealēlea‘aki ‘o pehē, Ko hono ‘uhinga ‘apē ko e ‘ikai ha‘atau mā.
17Pea ‘i he ‘ilo ‘e Sīsū, na‘a ne pehē kiate kinautolu, Ko e hā ‘oku mou fealēlea‘aki ai koe‘uhi ‘oku ‘ikai ha‘amou mā? Kuo te‘eki koā ke ‘uhinga kiate kimoutolu pe o‘o? kuo fefeka koā ‘a e loto ‘omoutolu? 18‘Oku mou mata koā, kae ‘ikai mamata? pea ‘oku mou telinga, kae ‘ikai ongo? ‘io, pea ‘oku ‘ikai te mou manatu?#Sel 5.21; ‘Isi 12.2; Ma‘ake 4.12 19Ko e taimi na‘a ku pakipaki ai ‘a e fo‘i mā ‘e nima ma‘a e toko nima afe, ko e fiha‘i kato fakahunga ne mou ‘omi, kuo pito ‘i he ngaahi mapakipaki‘i mā?
Na‘a nau tali, Ko e hongofulu mā ua.
20‘Io, mo ‘eku pakipaki ‘a e mā ‘e fitu ma‘a e toko fā afe, na‘e fe‘unga mo e kato ‘e fiha ‘a e mapakipaki‘i mā na‘a mou ‘omi?
Pea nau tali, Ko e fitu.
21Pea ne pehē kiate kinautolu, Kuo te‘eki koā ke mahino kiate kimoutolu?
Ko e Fakamo‘ui ‘e Sīsū ha Tangata Kui ‘i Petesaita
22Pea nau a‘u ki Petesaita; pea na‘e ‘omi kiate ia ha tangata kui, ‘o nau kole ke ne ala ki ai. 23Pea ne puke ‘a e nima ‘o e kui, ‘o ne ‘ave ia kitu‘a kolo; ‘o ne ‘a‘anu ki hono ongo fo‘i mata, ‘o ne ‘ai hono ongo nima ki he tangata, ‘o ne fehu‘i kiate ia, ‘oku ke ‘ilo ha me‘a?
24Pea hanga hake ia ‘o ne pehē, ‘oku ou sio ki he kakai; he ‘oku hā ha me‘a hangē ko ha ngaahi ‘akau, ka ‘oku nau ‘eve‘eva.
25Pea ne toki ‘ai hono nima ki he mata ‘o e tangata ko hono tu‘o ua; pea ne sio tonu, ‘o ne toe mo‘ui ‘o haohaoa, pea hili ia na‘a ne mātu‘aki ‘ilo me‘a mama‘o. 26Pea ne fekau ke ne ‘alu ki hono ‘api, mo ne pehē, ‘oua ‘e hū ki he kolo ni, pea ‘oua ‘e lea ki ha taha ‘i he kolo ni.
Ko Hai ‘a Sīsū?
(Māt 16.13-20; Luk 9.18-21)
27Pea ‘alu mei ai ‘a Sīsū mo ‘ene kau ako ki he feitu‘u ‘o Sesalia Filipai: pea ‘i he‘enau ‘i he hala na‘a ne fehu‘i ki he‘ene kau ako, ‘o pehē, Ko hai au ‘i he lau ‘a e kakai?
28Pea nau tali ‘o pehē, Ko Sione Papitaiso: pea ko e lau ‘a e ni‘ihi, Ko ‘Ilaisiā; ka ko e ni‘ihi, Ko e toko taha ‘i he kau palōfita.#Ma‘ake 6.14-15; Luk 9.7-8
29Toki fehu‘i ‘e ia kiate kinautolu, Ka ko hai au ‘i he lau ‘amoutolu?#Sioné 6.68-69
Pea tali ‘e Pita ‘o ne pehē ki ai, Ko e MĪSAIA koe.
30Pea ne lolomi kinautolu ke ‘oua te nau lea ki ha taha ‘i he me‘a ko ia.
Ko e Fakahā ‘e Sīsū ‘Ene Mamahí mo ‘Ene Pekiá
(Māt 16.21-28; Luk 9.22-27)
31Pea na‘a ne kamata hīnoi‘i kinautolu, ‘a e pau ki he Fanautama ‘a Tangata ke lahi hono fakamamahi‘i; pea ke fakatale‘i ia ‘e he kau mātu‘a, mo e hou‘eiki taula‘eiki, mo e kau sikalaipe; pea ke tāmate‘i; pea hili ‘a e ‘aho ‘e tolu ke ne toetu‘u. 32Pea na‘a ne tala fakapatonu ‘a e me‘a ko ia. Pea ‘ave ia ‘e Pita, ‘o ne kamata valoki ki ai. 33Ka ka tafuli ange ‘a Sīsū, ‘o hanga ki he‘ene kau ako, ‘o ne valoki ‘a Pita, ‘o ne pehē, Tu‘u ki mui, Sētane; he ‘oku ‘ikai ko e ngaahi me‘a faka-e-‘Otua ‘oku sio ki ai ho loto, ka ko e ngaahi me‘a fakaetangata.
34Pea ne ui ange ‘a e kakai, fakataha mo ‘ene kau ako, ‘o ne pehē kiate kinautolu, Ka ai ha taha ‘oku ne fie muimui mai ‘i hoku lahi, ke ne mātu‘aki hangē ha mateaki, pea ke ne fua hono kolosi, pea ke ne hoko ko hoku lahi.#Māt 10.38; Luk 14.27 35He ko ia te ne fai ke fakahaofi ‘ene mo‘ui, ko ‘ene tuku ia ke mole; ka ko ia te ne tuku ke mole ‘ene mo‘ui koe‘uhi ko au mo e Kōsipeli, ko ‘ene fakahaofi ia.#Māt 10.39; Luk 17.33; Sioné 12.25 36He ko e hā hono ‘aonga ki ha tangata ke ma‘u ‘a māmani kātoa ‘i he‘ene ngāue, kae mole ai ‘ene mo‘ui? 37he ko e hā ‘e ‘atu ‘e he tangata ke fakatau ‘aki mai ‘ene mo‘ui? 38Pea ka ai ha taha te ne maa‘i au mo ‘eku ngaahi tala ‘i he ‘ao ‘o e to‘utangata ni, –‘a e to‘utangata alafia kae fe‘auaki mo angahala ni–pea ‘e maa‘i ‘a e toko taha ko ia ‘e he Fanautama ‘a Tangata, ‘oka hā‘ele mai ia mo e nāunau ‘o ‘ene ‘Eiki, mo e ha‘ofia ia ‘e he kau ‘āngelo tapu. 39Pea ne pehē kiate kinautolu, Ko au ē, ‘oku ou tala atu, ‘oku ai ha ni‘ihi ‘oku tutu‘u heni, ‘a ia ‘e ‘ikai te nau momo‘i lave ki he mate, kae‘oua ke nau mamata ki he Pule‘anga ‘o e ‘Otua kuo hoko mai mo e ha‘aha‘a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.