Ma‘aké 7
7
Ko e Ngaahi Ouau Tukufakaholó
(Māt 15.1-9)
1PEA fakataha kiate ia ‘a e kau Fālesi, mo e ni‘ihi ‘o e kau sikalaipe, kuo nau omi mei Selusalema, 2pea kuo nau vakai ha ni‘ihi ‘o ‘ene kau ako ‘oku nau kai ‘a e ngaahi fo‘i mā mo e nima ‘uli: na‘e ui pehē, ko e ‘ikai tomu‘a fanofano.
3He ko e kau Fālesi mo e ha‘a Siu kotoa ‘oku ‘ikai te nau tokoni, ka ‘i he‘enau tomu‘a fanofano mo‘oni, ko ‘enau tauhi ‘a e lau ‘a e Mātu‘a. 4Pea ka nau ka foki mei he mala‘e fakatau, ‘oku ‘ikai te nau tokoni ka ‘i he‘enau tomu‘a papitaiso.#7.4 papitaiso (fufulu); pe kaukau. Pea lahi mo e ngaahi me‘a kehekehe kuo nau puke ‘o tauhi; ‘o pehē, ko e papitaiso ‘o e ngaahi ipu, mo e ngaahi me‘afua, mo e ngaahi ipu kapa, mo e ngaahi nofo‘a.#7.4 nofo‘a (pe mohenga). ‘Oku ‘ikai ke ‘asi ‘i he ngaahi hiki fuoloa ‘e ni‘ihi ‘a e nofo‘a (pe mohenga.)
5Pea fehu‘i kiate ia ‘e he kau Fālesi mo e kau sikalaipe, Ko e hā ‘oku ‘ikai laka tatau ai ‘a ho‘o kau ako pea mo e kau ‘a e Mātu‘a; ka nau kai mo e nima ‘uli?
6Pea tali ‘e ia, ‘E hala ā ‘a e palofisai ‘a ‘Aisea ‘iate kimoutolu mālualoi!#‘Ais 29.13 (LXX) ‘o hangē ko ia kuo tohi, Ko e kakai ni ‘oku nau faka‘apa‘apa kiate au ‘aki honau loungutu, ka ko honau loto ‘oku fakamama‘o. 7Ka ko e kulanoa pe ‘enau lotu mai, he ‘oku nau ako‘aki ha ngaahi tokāteline, ‘a ia ko e ngaahi tu‘utu‘uni pē ‘a e tangata.
8‘Oku mou tuku pē ‘a e tu‘utu‘uni ‘a e ‘Otua, ‘o mou puke ki he talatupu‘a ‘a e tangata.
9Na‘a ne pehē foki kiate kinautolu, Mālō mu‘a ho‘omou ta‘etoka‘i ‘a e tu‘utu‘uni ‘a e ‘Otua, ka mou mamafa ki he lau fakaeono‘aho ‘amoutolu! 10He ko e lau ‘a Mōsese na‘e pehē, Faka‘apa‘apa ki ho‘o tamai mo ho‘o fa‘ē: mo pehē, Ko ia te ne lea kovi ki he‘ene tamai, pe ko ‘ene fa‘ē, ‘e mate tāmate‘i:#‘Eki 20.12; 21.17; Lev 20.9; Teu 5.16 11ka ‘oku mou pehē, Kapau ‘e lea ‘e ha tangata ki he‘ene tamai, pe ko ‘ene fa‘ē, ‘o pehē, ‘Ā, ko e me‘a na‘a ku mei ‘aonga ai kiate koe kuo kōpano ia; (ko hono ‘uhinga, kuo tuku ki he ngāue ‘a e ‘Eiki) 12‘oku ‘ikai te mou kei tuku ke ne fai ha me‘a ma‘a ‘ene tamai, pe ko ‘ene fa‘ē. 13‘Oku mou fakata‘e‘aonga‘i ‘a e folofola ‘a e ‘Otua ‘i ho‘omou lau fakaeono‘aho, ‘a ia kuo mou ‘atu ki he kakai; pea ‘oku lahi mo e ngaahi me‘a pehē ‘oku mou fai, hangē ko ia.
Ko e Me‘a ‘Oku ‘Uli‘i Mo‘oni ai e Mo‘uí
(Māt 15.10-20)
14Pea ne toe ui ange ‘a e kakai, ‘o ne pehē kiate kinautolu, Mou fanongo mai kotoa pē, ka mou ‘ilo: 15‘Oku ‘ikai fa‘a ‘uli ha tangata mei ha me‘a ‘oku hū kiate ia mei tu‘a; ka ko e ngaahi me‘a ‘oku hū mai mei he tangata, ko eni ia ‘oku ‘uli ai ‘a e tangata. 16Kapau ‘oku ‘i ai ha taha ‘oku ma‘u telinga ke ongo, ke ne fanongo.#7.16 ‘Oku ‘okai ke ‘asi ‘a e vēsí ni ‘i he ngaahi hiki fuoloa ‘e ni‘ihi. vakai ki he 4.23).
17Pea kuo nau hū ki fale ‘o mavahe mo e kakai, na‘e ‘eke kiate ia ‘e he‘ene kau ako ‘a e fakatātā ni. 18Pea ne lea kiate kinautolu, ‘o pehē, ‘oku ta‘e‘ilo pehē mo kimoutolu foki? ‘oku ‘ikai koā ke mahino kiate kimoutolu, ‘a e ‘ikai fa‘a ‘uli ‘a e tangata ‘i he ngaahi me‘a ‘oku hū kiate ia mei tu‘a; 19Koe‘uhi ‘oku ‘ikai ke ‘alu ia ki hono loto ka ki hono kete, pea ‘oku mole atu ki tua‘ā?–ko ‘ene lea pehē na‘a ne fakangofua ai ‘a e ngaahi me‘akai kotoa.
20Pea ne fai atu, Ko ia ‘oku hū mai mei he tangata, ko eni pē e me‘a ‘oku ‘uli ai ‘a e tangata. 21He ‘oku hū kitu‘a mei he loto ‘o e kakai ‘a e ngaahi fakakaukau ‘oku kovi, ‘a e ngaahi fe‘auaki, ‘a e ngaahi kaiha‘a, ‘a e ngaahi fakapō, 22‘a e ngaahi faikovi ‘a alafia, ‘a e ngaahi mānumanu, ‘a e anga fīta‘a, ‘a e kākā, ‘a e pau‘u, ‘a e meheka, ‘a e laukovi ki he ‘Otua, ‘a e ‘afungi, ‘a e fai fakavalevale: 23ko eni kotoa ‘a e ngaahi kovi ‘oku hū kitu‘a, pea ‘uli ai ‘a e tangata.
Ko e Fefine Tui Mālohi
(Māt 15.21-28)
24Pea ne tu‘u, ‘o hiki mei he potu ko ia ki he tafa‘ifonua ‘o Taia, ‘o ne hū ki ha fale, ‘o ne loto ke ‘oua na‘a ‘ilo ki ai ‘e ha taha, ka na‘e ‘ikai te ne lava ke puli. 25Ka na‘e fanongo leva ki hono talanoa ‘e ha fefine ‘e taha, ‘a ia ne mo‘ua ‘ene ta‘ahine ‘i ha fa‘ahikehe; 26pea ne ha‘u ‘o hinga atu ki hono va‘e; (ko ha fefine Senitaile ia, pea ko hono fa‘ahinga ko e Sīlia mei Finisia) pea ne kole kiate ia ke kapusi ‘a e tēvolo mei he‘ene ta‘ahine. 27Pea pehē ‘e ia ki ai, ‘oua mu‘a ke mākona ‘a e fānau: he ‘oku ‘ikai taau ke to‘o ‘a e mā ‘a e fānau, ‘o lī ki he fanga kulī.
28Pea tali ‘e he fefine ‘o ne pehē, Ka na‘e fai, ‘Eiki; he ‘oku kai ‘a e fanga kulī foki ‘i he lalo tēpile mei he ngaahi momo ‘a e tamaiki.
29Pea ne pehē ki ai, Koe‘uhi ko e lea ko ia, ke ke ‘alu ā; kuo mahu‘i ‘a e tēvolo mei ho‘o ta‘ahine.
30Pea ne mole mei ai ki hono ‘api, ‘o ne ‘ilo ‘a e ki‘i ta‘ahine ‘oku tokoto ‘i he mohenga, pea kuo mahu‘i atu ‘a e tēvolo.
Ko e Fakamo‘ui ‘e Sīsū ha Tangata Tuli mo Le‘ovale
31Pea toe hiki ia mei he tafa‘ifonua ‘o Taia, ‘o ne ‘alu ‘i Saitoni ‘o a‘u ki he Tahi ‘o Kāleli, he‘ene fai mai ‘i he matāfonua ‘o Tikapolusi. 32Pea nau ‘omi kiate ia ha tangata na‘e tuli mo le‘o vale; pea nau kole kiate ia ke ne hilifaki hono nima ki ai. 33Pea ne taki ia mei he kakai ‘o fakaekinaua pē, pea na‘a ne ‘ai hono tuhu ki he ongo telinga ‘o e tangata, pea ne ‘a‘anu ki hono nima ‘o ‘ai ki hono ‘elelo; 34pea ne tāngaki ki he langi, ‘o ne māpuhoi, ‘o ne pehē ki he tangata, ‘Ēfata, ‘a ia ko hono hiki, Ke ava mai.
35Pea na‘e ava ai hono telinga, pea movete ‘a e no‘o ‘o hono ‘elelo, ‘o lea totonu. 36Pea ne na‘ina‘i kiate kinautolu ke ‘oua te nau fakahū ki ha taha; ka ko e lahi ‘ene na‘ina‘i kiate kinautolu, tā na‘e ‘āsili ai ‘enau ongoongoa ia. 37Pea nau mātu‘aki to‘oa fakamanavahē, ‘o nau pehē, Hono ‘ikai tu‘utai ‘ene ngāue kotoa pē! kuo ne ngaohi ‘a e tuli ke ongo, mo e noa ke lea.
Currently Selected:
Ma‘aké 7: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Ma‘aké 7
7
Ko e Ngaahi Ouau Tukufakaholó
(Māt 15.1-9)
1PEA fakataha kiate ia ‘a e kau Fālesi, mo e ni‘ihi ‘o e kau sikalaipe, kuo nau omi mei Selusalema, 2pea kuo nau vakai ha ni‘ihi ‘o ‘ene kau ako ‘oku nau kai ‘a e ngaahi fo‘i mā mo e nima ‘uli: na‘e ui pehē, ko e ‘ikai tomu‘a fanofano.
3He ko e kau Fālesi mo e ha‘a Siu kotoa ‘oku ‘ikai te nau tokoni, ka ‘i he‘enau tomu‘a fanofano mo‘oni, ko ‘enau tauhi ‘a e lau ‘a e Mātu‘a. 4Pea ka nau ka foki mei he mala‘e fakatau, ‘oku ‘ikai te nau tokoni ka ‘i he‘enau tomu‘a papitaiso.#7.4 papitaiso (fufulu); pe kaukau. Pea lahi mo e ngaahi me‘a kehekehe kuo nau puke ‘o tauhi; ‘o pehē, ko e papitaiso ‘o e ngaahi ipu, mo e ngaahi me‘afua, mo e ngaahi ipu kapa, mo e ngaahi nofo‘a.#7.4 nofo‘a (pe mohenga). ‘Oku ‘ikai ke ‘asi ‘i he ngaahi hiki fuoloa ‘e ni‘ihi ‘a e nofo‘a (pe mohenga.)
5Pea fehu‘i kiate ia ‘e he kau Fālesi mo e kau sikalaipe, Ko e hā ‘oku ‘ikai laka tatau ai ‘a ho‘o kau ako pea mo e kau ‘a e Mātu‘a; ka nau kai mo e nima ‘uli?
6Pea tali ‘e ia, ‘E hala ā ‘a e palofisai ‘a ‘Aisea ‘iate kimoutolu mālualoi!#‘Ais 29.13 (LXX) ‘o hangē ko ia kuo tohi, Ko e kakai ni ‘oku nau faka‘apa‘apa kiate au ‘aki honau loungutu, ka ko honau loto ‘oku fakamama‘o. 7Ka ko e kulanoa pe ‘enau lotu mai, he ‘oku nau ako‘aki ha ngaahi tokāteline, ‘a ia ko e ngaahi tu‘utu‘uni pē ‘a e tangata.
8‘Oku mou tuku pē ‘a e tu‘utu‘uni ‘a e ‘Otua, ‘o mou puke ki he talatupu‘a ‘a e tangata.
9Na‘a ne pehē foki kiate kinautolu, Mālō mu‘a ho‘omou ta‘etoka‘i ‘a e tu‘utu‘uni ‘a e ‘Otua, ka mou mamafa ki he lau fakaeono‘aho ‘amoutolu! 10He ko e lau ‘a Mōsese na‘e pehē, Faka‘apa‘apa ki ho‘o tamai mo ho‘o fa‘ē: mo pehē, Ko ia te ne lea kovi ki he‘ene tamai, pe ko ‘ene fa‘ē, ‘e mate tāmate‘i:#‘Eki 20.12; 21.17; Lev 20.9; Teu 5.16 11ka ‘oku mou pehē, Kapau ‘e lea ‘e ha tangata ki he‘ene tamai, pe ko ‘ene fa‘ē, ‘o pehē, ‘Ā, ko e me‘a na‘a ku mei ‘aonga ai kiate koe kuo kōpano ia; (ko hono ‘uhinga, kuo tuku ki he ngāue ‘a e ‘Eiki) 12‘oku ‘ikai te mou kei tuku ke ne fai ha me‘a ma‘a ‘ene tamai, pe ko ‘ene fa‘ē. 13‘Oku mou fakata‘e‘aonga‘i ‘a e folofola ‘a e ‘Otua ‘i ho‘omou lau fakaeono‘aho, ‘a ia kuo mou ‘atu ki he kakai; pea ‘oku lahi mo e ngaahi me‘a pehē ‘oku mou fai, hangē ko ia.
Ko e Me‘a ‘Oku ‘Uli‘i Mo‘oni ai e Mo‘uí
(Māt 15.10-20)
14Pea ne toe ui ange ‘a e kakai, ‘o ne pehē kiate kinautolu, Mou fanongo mai kotoa pē, ka mou ‘ilo: 15‘Oku ‘ikai fa‘a ‘uli ha tangata mei ha me‘a ‘oku hū kiate ia mei tu‘a; ka ko e ngaahi me‘a ‘oku hū mai mei he tangata, ko eni ia ‘oku ‘uli ai ‘a e tangata. 16Kapau ‘oku ‘i ai ha taha ‘oku ma‘u telinga ke ongo, ke ne fanongo.#7.16 ‘Oku ‘okai ke ‘asi ‘a e vēsí ni ‘i he ngaahi hiki fuoloa ‘e ni‘ihi. vakai ki he 4.23).
17Pea kuo nau hū ki fale ‘o mavahe mo e kakai, na‘e ‘eke kiate ia ‘e he‘ene kau ako ‘a e fakatātā ni. 18Pea ne lea kiate kinautolu, ‘o pehē, ‘oku ta‘e‘ilo pehē mo kimoutolu foki? ‘oku ‘ikai koā ke mahino kiate kimoutolu, ‘a e ‘ikai fa‘a ‘uli ‘a e tangata ‘i he ngaahi me‘a ‘oku hū kiate ia mei tu‘a; 19Koe‘uhi ‘oku ‘ikai ke ‘alu ia ki hono loto ka ki hono kete, pea ‘oku mole atu ki tua‘ā?–ko ‘ene lea pehē na‘a ne fakangofua ai ‘a e ngaahi me‘akai kotoa.
20Pea ne fai atu, Ko ia ‘oku hū mai mei he tangata, ko eni pē e me‘a ‘oku ‘uli ai ‘a e tangata. 21He ‘oku hū kitu‘a mei he loto ‘o e kakai ‘a e ngaahi fakakaukau ‘oku kovi, ‘a e ngaahi fe‘auaki, ‘a e ngaahi kaiha‘a, ‘a e ngaahi fakapō, 22‘a e ngaahi faikovi ‘a alafia, ‘a e ngaahi mānumanu, ‘a e anga fīta‘a, ‘a e kākā, ‘a e pau‘u, ‘a e meheka, ‘a e laukovi ki he ‘Otua, ‘a e ‘afungi, ‘a e fai fakavalevale: 23ko eni kotoa ‘a e ngaahi kovi ‘oku hū kitu‘a, pea ‘uli ai ‘a e tangata.
Ko e Fefine Tui Mālohi
(Māt 15.21-28)
24Pea ne tu‘u, ‘o hiki mei he potu ko ia ki he tafa‘ifonua ‘o Taia, ‘o ne hū ki ha fale, ‘o ne loto ke ‘oua na‘a ‘ilo ki ai ‘e ha taha, ka na‘e ‘ikai te ne lava ke puli. 25Ka na‘e fanongo leva ki hono talanoa ‘e ha fefine ‘e taha, ‘a ia ne mo‘ua ‘ene ta‘ahine ‘i ha fa‘ahikehe; 26pea ne ha‘u ‘o hinga atu ki hono va‘e; (ko ha fefine Senitaile ia, pea ko hono fa‘ahinga ko e Sīlia mei Finisia) pea ne kole kiate ia ke kapusi ‘a e tēvolo mei he‘ene ta‘ahine. 27Pea pehē ‘e ia ki ai, ‘oua mu‘a ke mākona ‘a e fānau: he ‘oku ‘ikai taau ke to‘o ‘a e mā ‘a e fānau, ‘o lī ki he fanga kulī.
28Pea tali ‘e he fefine ‘o ne pehē, Ka na‘e fai, ‘Eiki; he ‘oku kai ‘a e fanga kulī foki ‘i he lalo tēpile mei he ngaahi momo ‘a e tamaiki.
29Pea ne pehē ki ai, Koe‘uhi ko e lea ko ia, ke ke ‘alu ā; kuo mahu‘i ‘a e tēvolo mei ho‘o ta‘ahine.
30Pea ne mole mei ai ki hono ‘api, ‘o ne ‘ilo ‘a e ki‘i ta‘ahine ‘oku tokoto ‘i he mohenga, pea kuo mahu‘i atu ‘a e tēvolo.
Ko e Fakamo‘ui ‘e Sīsū ha Tangata Tuli mo Le‘ovale
31Pea toe hiki ia mei he tafa‘ifonua ‘o Taia, ‘o ne ‘alu ‘i Saitoni ‘o a‘u ki he Tahi ‘o Kāleli, he‘ene fai mai ‘i he matāfonua ‘o Tikapolusi. 32Pea nau ‘omi kiate ia ha tangata na‘e tuli mo le‘o vale; pea nau kole kiate ia ke ne hilifaki hono nima ki ai. 33Pea ne taki ia mei he kakai ‘o fakaekinaua pē, pea na‘a ne ‘ai hono tuhu ki he ongo telinga ‘o e tangata, pea ne ‘a‘anu ki hono nima ‘o ‘ai ki hono ‘elelo; 34pea ne tāngaki ki he langi, ‘o ne māpuhoi, ‘o ne pehē ki he tangata, ‘Ēfata, ‘a ia ko hono hiki, Ke ava mai.
35Pea na‘e ava ai hono telinga, pea movete ‘a e no‘o ‘o hono ‘elelo, ‘o lea totonu. 36Pea ne na‘ina‘i kiate kinautolu ke ‘oua te nau fakahū ki ha taha; ka ko e lahi ‘ene na‘ina‘i kiate kinautolu, tā na‘e ‘āsili ai ‘enau ongoongoa ia. 37Pea nau mātu‘aki to‘oa fakamanavahē, ‘o nau pehē, Hono ‘ikai tu‘utai ‘ene ngāue kotoa pē! kuo ne ngaohi ‘a e tuli ke ongo, mo e noa ke lea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.