KO SIOSIUA 11
11
Ko Hono ikuna‘i ‘e Siosiua ‘a Siapini mo Hono ngaahi Kaume‘a
1PEA ‘i he fanongo ki ai ‘a Siapini ko e Tu‘i Hasoa, na‘a ne fekau atu kia Siopapi ko e Tu‘i Mātoni, pea ki he Tu‘i Similoni, mo e Tu‘i ‘Akisafi, 2pea ki he ngaahi tu‘i mei he tokelau, ‘i he fonua mo‘unga, mo e ‘Alapā ki he potu tonga ‘o Kineloti, mo e Sēfelaa, pea mo e potu tafungofunga ‘o Toa ‘i lulunga, 3ki he ha‘a Kēnani ‘i hahake mo hihifo, pea ki ha‘a ‘Āmoli mo ha‘a Heti mo ha‘a Pēlisi, mo ha‘a Siepusi ‘i ha fonua mo‘unga, pea mo ha‘a Hevi ‘i he talalo, ‘o Heamoni ‘i he fonua ko Mīsipa. 4Pea na‘a nau ‘alu mo ‘enau ngaahi kongakau kotoa pē, ko e kakai tokolahi ‘o hangē ko e ‘one‘one ‘i he matātahi hono lau, pea ko e me‘a tokolahi ‘aupito ‘a e hoosi mo e sāliote. 5Pea fetautaulaki ‘a e ngaahi tu‘i ko ia, pea na‘a nau omi, ‘o nofo fakataha ‘i he Vai ‘o Mēlomi ke fai tau mo ‘Isileli.
6Pea folofola ‘a e ‘Eiki kia Siosiua, ‘Oua te ke manavahē kiate kinautolu: he fe‘unga mo e taimi ni ‘apongipongi te u tuku honau kotoa, ‘e au, kuo nau mate ‘i he ‘ao ‘o ha‘a ‘Isileli: te ke hele uoua ‘enau fanga hoosi, pea tutu ‘enau ngaahi sāliote ‘aki ‘a e afi. 7Ko ia na‘e hoko fakafokifā pē ‘a Siosiua kiate kinautolu mo e kau tau kotoa, ofi ki he vai ‘o Mēlomi, ‘o ne ‘ohofia kinautolu. 8Pea na‘e tuku kinautolu ‘e Sihova ki he nima ‘o ‘Isileli, pea na‘a nau taa‘i kinautolu, ‘o tuli ‘o a‘u ki fu‘u Saitoni, mo Misilefotimaimi, mo Mīsipa Luoluo ‘i hahake: pea na‘a nau taa‘i kinautolu kae‘oua ke ‘ikai kei toe ha taha. 9Pea na‘e fai ki ai ‘e Siosiua, ‘o hangē ko e folofola ‘a e ‘Eiki kiate ia: na‘a ne hele uoua ‘enau fanga hoosi mo tutu ‘enau ngaahi sāliote ‘i he afi.
10Pea foki mai ‘i he taimi ko ia ‘a Siosiua, ‘o ne kapa ‘a Hasoa, pea ko hono tu‘i na‘a ne taa‘i ‘aki ‘a e heletā: he ko Hasoa ‘i he taimi mu‘a ko e ‘ulu ia ‘o e ngaahi pule‘anga kotoa ko ia. 11Pea na‘a nau taa‘i ‘a e kakai kotoa na‘e ‘i ai ‘aki ‘a e mata ‘o e heletā, mo faka‘auha kinautolu: na‘e ‘ikai toe ha taha na‘e kei manava: pea na‘a ne tutu ‘a Hasoa ‘aki ‘a e afi.
12Pea ko e ngaahi kolo fua pē ‘a e ngaahi tu‘i ko ia, mo honau ngaahi tu‘i foki, na‘e puke ‘e Siosiua, ‘o taa‘i ‘aki ‘a e mata ‘o e heletā, ‘o ne faka‘auha kinautolu; ‘o hangē ko e tu‘utu‘uni ‘a Mōsese ko e Sevāniti ‘a Sihova. 13Ka ko e ngaahi kolo pē na‘e tu‘u takitaha ‘i hono mo‘unga, na‘e ‘ikai tutu ia ‘e ‘Isileli: ngata ‘i Hasoa pē taha na‘e tutu ‘e Siosiua. 14Pea ko e koloa ‘o e ngaahi kolo ko ia mo hono mānumanu, na‘e vete ia ‘e ha‘a ‘Isileli ma‘anautolu; ka ka ‘ilonga ha tangata na‘a nau taa‘i ia ‘aki ‘a e mata ‘o e heletā, kae‘oua ke ‘osi honau faka‘auha: na‘e ‘ikai te nau tuku ha toko taha na‘e kei manava. 15‘O hangē ko e tu‘utu‘uni ‘a Sihova ki he‘ene tamaio‘eiki ko Mōsese, na‘e pehē ‘a e tu‘utu‘uni ‘a Mōsese kia Siosiua, pea na‘e pehē mo e fai ‘e Siosiua: na‘e ‘ikai te ne tuku li‘aki ha momo‘i me‘a ‘i he ngaahi tu‘utu‘uni na‘e fai ‘e he ‘Eiki kia Mōsese.
16Ko ia na‘e puke ‘e Siosiua ‘a e fonua kotoa ko ia, ‘a e fonua mo‘unga mo e feitu‘u kotoa ko Tonga, mo e feitu‘u kotoa ‘o Kōseni, mo e Sēfelaa, mo e ‘Alapā, pea mo e feitu‘u mo‘unga ‘o ‘Isileli mo hono Sēfelaa: 17mei Mo‘unga Molemole ‘i he hakenga ki Seia, ‘o a‘u ki Peali-kata ‘i Lepanoni Vaha‘a-mo‘unga ‘i he talalo ‘o e Mo‘unga ko Heamoni; pea ko honau ngaahi tu‘i kotoa pē na‘a ne Puke ‘o tāmate‘i. 18Na‘e fuoloa ‘a e fai tau ‘a Siosiua mo e ngaahi tu‘i ko ia. 19Na‘e ‘ikai ha kolo na‘e alea melino mo ha‘a ‘Isileli, ngata pē ‘ia ha‘a Hevi na‘e nofo ‘i Kipione: na‘a nau ma‘u kotoa ‘i he tau. 20He na‘e mei he ‘Eiki ‘a e fakato‘a honau loto ke nau fakafepaki mo ha‘a ‘Isileli, koe‘uhiā ke ne faka‘auha kinautolu, ‘o ‘oua ‘e fai ha ‘ofa ki ai, kaekehe ke ne faka‘osi kinautolu, ‘o hangē ko e tu‘utu‘uni ‘a e ‘Eiki kia Mōsese.#Teu 7.16
21Pea ko e taimi ko ia na‘e ha‘u ‘a Siosiua, ‘o ne tu‘usi ‘a e kau ‘Ānaki mei he fonua Mo‘unga, mei Hepeloni, mei Tēpili, mei ‘Ānapi, ‘io, mei he feitu‘u mo‘unga kotoa ‘o Siuta, pea mei he feitu‘u mo‘unga kotoa ‘o ‘Isileli: na‘e faka‘auha kinautolu ‘e Siosiua fakataha mo honau ngaahi kolo. 22Na‘e ‘ikai toe ha kau ‘Ānaki ‘i he fonua ‘o ha‘a ‘Isileli: na‘e ngata pē ‘i Kesa mo Kati, mo ‘Asitoti, na‘e toe ai ha ni‘ihi.
23Ko ia na‘e ma‘u ‘e Siosiua ‘a e fonua kotoa, ‘o hangē tofu pē ‘a e folofola ‘a Sihova kia Mōsese; pea na‘e tuku ia ‘e Siosiua ki ha‘a ‘Isileli mo‘onau tofi‘a, ‘o fakatatau ki honau ngaahi vahevahe fakamatakali. Pea na‘e mālōlō ‘a e fonua mei he tau.
Currently Selected:
KO SIOSIUA 11: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SIOSIUA 11
11
Ko Hono ikuna‘i ‘e Siosiua ‘a Siapini mo Hono ngaahi Kaume‘a
1PEA ‘i he fanongo ki ai ‘a Siapini ko e Tu‘i Hasoa, na‘a ne fekau atu kia Siopapi ko e Tu‘i Mātoni, pea ki he Tu‘i Similoni, mo e Tu‘i ‘Akisafi, 2pea ki he ngaahi tu‘i mei he tokelau, ‘i he fonua mo‘unga, mo e ‘Alapā ki he potu tonga ‘o Kineloti, mo e Sēfelaa, pea mo e potu tafungofunga ‘o Toa ‘i lulunga, 3ki he ha‘a Kēnani ‘i hahake mo hihifo, pea ki ha‘a ‘Āmoli mo ha‘a Heti mo ha‘a Pēlisi, mo ha‘a Siepusi ‘i ha fonua mo‘unga, pea mo ha‘a Hevi ‘i he talalo, ‘o Heamoni ‘i he fonua ko Mīsipa. 4Pea na‘a nau ‘alu mo ‘enau ngaahi kongakau kotoa pē, ko e kakai tokolahi ‘o hangē ko e ‘one‘one ‘i he matātahi hono lau, pea ko e me‘a tokolahi ‘aupito ‘a e hoosi mo e sāliote. 5Pea fetautaulaki ‘a e ngaahi tu‘i ko ia, pea na‘a nau omi, ‘o nofo fakataha ‘i he Vai ‘o Mēlomi ke fai tau mo ‘Isileli.
6Pea folofola ‘a e ‘Eiki kia Siosiua, ‘Oua te ke manavahē kiate kinautolu: he fe‘unga mo e taimi ni ‘apongipongi te u tuku honau kotoa, ‘e au, kuo nau mate ‘i he ‘ao ‘o ha‘a ‘Isileli: te ke hele uoua ‘enau fanga hoosi, pea tutu ‘enau ngaahi sāliote ‘aki ‘a e afi. 7Ko ia na‘e hoko fakafokifā pē ‘a Siosiua kiate kinautolu mo e kau tau kotoa, ofi ki he vai ‘o Mēlomi, ‘o ne ‘ohofia kinautolu. 8Pea na‘e tuku kinautolu ‘e Sihova ki he nima ‘o ‘Isileli, pea na‘a nau taa‘i kinautolu, ‘o tuli ‘o a‘u ki fu‘u Saitoni, mo Misilefotimaimi, mo Mīsipa Luoluo ‘i hahake: pea na‘a nau taa‘i kinautolu kae‘oua ke ‘ikai kei toe ha taha. 9Pea na‘e fai ki ai ‘e Siosiua, ‘o hangē ko e folofola ‘a e ‘Eiki kiate ia: na‘a ne hele uoua ‘enau fanga hoosi mo tutu ‘enau ngaahi sāliote ‘i he afi.
10Pea foki mai ‘i he taimi ko ia ‘a Siosiua, ‘o ne kapa ‘a Hasoa, pea ko hono tu‘i na‘a ne taa‘i ‘aki ‘a e heletā: he ko Hasoa ‘i he taimi mu‘a ko e ‘ulu ia ‘o e ngaahi pule‘anga kotoa ko ia. 11Pea na‘a nau taa‘i ‘a e kakai kotoa na‘e ‘i ai ‘aki ‘a e mata ‘o e heletā, mo faka‘auha kinautolu: na‘e ‘ikai toe ha taha na‘e kei manava: pea na‘a ne tutu ‘a Hasoa ‘aki ‘a e afi.
12Pea ko e ngaahi kolo fua pē ‘a e ngaahi tu‘i ko ia, mo honau ngaahi tu‘i foki, na‘e puke ‘e Siosiua, ‘o taa‘i ‘aki ‘a e mata ‘o e heletā, ‘o ne faka‘auha kinautolu; ‘o hangē ko e tu‘utu‘uni ‘a Mōsese ko e Sevāniti ‘a Sihova. 13Ka ko e ngaahi kolo pē na‘e tu‘u takitaha ‘i hono mo‘unga, na‘e ‘ikai tutu ia ‘e ‘Isileli: ngata ‘i Hasoa pē taha na‘e tutu ‘e Siosiua. 14Pea ko e koloa ‘o e ngaahi kolo ko ia mo hono mānumanu, na‘e vete ia ‘e ha‘a ‘Isileli ma‘anautolu; ka ka ‘ilonga ha tangata na‘a nau taa‘i ia ‘aki ‘a e mata ‘o e heletā, kae‘oua ke ‘osi honau faka‘auha: na‘e ‘ikai te nau tuku ha toko taha na‘e kei manava. 15‘O hangē ko e tu‘utu‘uni ‘a Sihova ki he‘ene tamaio‘eiki ko Mōsese, na‘e pehē ‘a e tu‘utu‘uni ‘a Mōsese kia Siosiua, pea na‘e pehē mo e fai ‘e Siosiua: na‘e ‘ikai te ne tuku li‘aki ha momo‘i me‘a ‘i he ngaahi tu‘utu‘uni na‘e fai ‘e he ‘Eiki kia Mōsese.
16Ko ia na‘e puke ‘e Siosiua ‘a e fonua kotoa ko ia, ‘a e fonua mo‘unga mo e feitu‘u kotoa ko Tonga, mo e feitu‘u kotoa ‘o Kōseni, mo e Sēfelaa, mo e ‘Alapā, pea mo e feitu‘u mo‘unga ‘o ‘Isileli mo hono Sēfelaa: 17mei Mo‘unga Molemole ‘i he hakenga ki Seia, ‘o a‘u ki Peali-kata ‘i Lepanoni Vaha‘a-mo‘unga ‘i he talalo ‘o e Mo‘unga ko Heamoni; pea ko honau ngaahi tu‘i kotoa pē na‘a ne Puke ‘o tāmate‘i. 18Na‘e fuoloa ‘a e fai tau ‘a Siosiua mo e ngaahi tu‘i ko ia. 19Na‘e ‘ikai ha kolo na‘e alea melino mo ha‘a ‘Isileli, ngata pē ‘ia ha‘a Hevi na‘e nofo ‘i Kipione: na‘a nau ma‘u kotoa ‘i he tau. 20He na‘e mei he ‘Eiki ‘a e fakato‘a honau loto ke nau fakafepaki mo ha‘a ‘Isileli, koe‘uhiā ke ne faka‘auha kinautolu, ‘o ‘oua ‘e fai ha ‘ofa ki ai, kaekehe ke ne faka‘osi kinautolu, ‘o hangē ko e tu‘utu‘uni ‘a e ‘Eiki kia Mōsese.#Teu 7.16
21Pea ko e taimi ko ia na‘e ha‘u ‘a Siosiua, ‘o ne tu‘usi ‘a e kau ‘Ānaki mei he fonua Mo‘unga, mei Hepeloni, mei Tēpili, mei ‘Ānapi, ‘io, mei he feitu‘u mo‘unga kotoa ‘o Siuta, pea mei he feitu‘u mo‘unga kotoa ‘o ‘Isileli: na‘e faka‘auha kinautolu ‘e Siosiua fakataha mo honau ngaahi kolo. 22Na‘e ‘ikai toe ha kau ‘Ānaki ‘i he fonua ‘o ha‘a ‘Isileli: na‘e ngata pē ‘i Kesa mo Kati, mo ‘Asitoti, na‘e toe ai ha ni‘ihi.
23Ko ia na‘e ma‘u ‘e Siosiua ‘a e fonua kotoa, ‘o hangē tofu pē ‘a e folofola ‘a Sihova kia Mōsese; pea na‘e tuku ia ‘e Siosiua ki ha‘a ‘Isileli mo‘onau tofi‘a, ‘o fakatatau ki honau ngaahi vahevahe fakamatakali. Pea na‘e mālōlō ‘a e fonua mei he tau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.