KO SIOSIUA 10
10
Ko Hono Ikuna‘i ‘o e Kakai Kipioné
1PEA ‘i he fanongo ‘e ‘Ātonai-Sēteki ko e Tu‘i Selusalema#10.1 Selusalema; Ko e kolo Siepusi ia he kuonga ko iá. kuo kapa ‘e Siosiua ‘a ‘Ai, ‘o faka‘auha ia; ‘o hangē ko ‘ene fai ki Sielikō mo hono tu‘i, kuo pehē ‘ene fai ki ‘Ai mo hono tu‘i ‘o‘ona; pea mo e alea melino ‘a e kakai Kipioni mo ha‘a ‘Isileli, 2pea ‘oku nau nonofo; na‘a nau manavahē ‘aupito, he ko e kolo lahi ‘a Kipioni, ‘o hangē ha taha ‘o e ngaahi kolo hau, pea na‘e lahi ia ‘i ‘Ai, pea ko e kau to‘a hono kakai fuli pē. 3Ko ia na‘e fekau atu ai ‘e ‘Ātonai-Sēteki ko e Tu‘i Selusalema kia Hōhami ko e Tu‘i Hepeloni, pea kia Pīlami ko e Tu‘i Siamuti, pea kia Siafia ko e Tu‘i Lākisi, pea kia Tēpili ko e Tu‘i ‘Ekeloni, ‘o pehē, 4Ha‘u kiate au, ‘o tokoni mai ka tau taa‘i ‘a Kipioni, he kuo nau alea melino mo Siosiua mo ha‘a ‘Isileli, 5Ko ia ko e tu‘i ‘e toko nima ‘o ha‘a ‘Āmoli, ko e Tu‘i Selusalema, ko e Tu‘i Hepeloni, ko e Tu‘i Siamuti, ko e Tu‘i Lākisi, ko e Tu‘i ‘Ekeloni, na‘a nau fakataha ‘o ‘alu hake mo ‘enau ngaahi kongakau, pea na‘a nau nofo atu ki Kipione ke tau‘i.
6Pea fekau atu ‘e he kau Kipione kia Siosiua ki he ‘apitanga ‘i Kilikali, ‘o nau pehē, ‘Oua na‘a vaivai ho nima ‘i he fai ma‘a ho‘o kau tamaio‘eiki: hake mai ke vave, pea fakamo‘ui kimautolu, mo tokoni mai: he kuo tātānaki mai ‘a e ngaahi tu‘i kotoa pē ‘o ha‘a ‘Āmoli ‘oku nofo mo‘unga ke tau‘i kimautolu.
7Ko ia na‘e ‘alu hake ‘a Siosiua mei Kilikali, ‘a ia mo e kakai kotoa pē na‘e ‘i he tau, pea mo hono kotoa ‘o e kau to‘a. 8Pea folofola ‘a Sihova kia Siosiua, ‘Oua te ke manavahē kiate kinautolu: he kuo u tuku kinautolu ki ho nima; ‘e ‘ikai mātu‘u ‘i ho ‘ao hanau momo‘i tangata. 9Ko ia na‘e ha‘u fakafokifā pē ‘a Siosiua kiate kinautolu, ko e fai po‘uli pe ‘ene ‘alu hake mei Kilikali. 10Pea na‘e veuveuki kinautolu ‘e Sihova ‘i he ‘ao ‘o ‘Isileli, pea na‘a ne taa‘i kinautolu ‘i Kipione ko e tā ka ko ha tā ‘o ne tuli kinautolu ‘i he hakenga ‘o Pete-holoni, ‘o ne te‘ia kinautolu ‘o a‘u ki ‘Āseka mo Māketa. 11Pea lolotonga ‘enau hola mei he ‘ao ‘o ‘Isileli, ‘i he hifonga ‘o Peteholoni, ‘iloange na‘e lī hifo kiate kinautolu ‘e Sihova mei langi ha ngaahi maka lalahi ‘o a‘u ki ‘Āseka, pea nau mate ai: na‘e tokolahi ‘a e mate ‘i he ‘uha maka ‘i he mate ‘i he heletā, ‘i honau taa‘i ‘e ha‘a ‘Isileli.
12Ko e taimi ko ia na‘e fakatau folofola ai ‘a Siosiua kia Sihova ‘i he ‘aho na‘e tukuange ai ki ha‘a ‘Isileli ‘e Sihova ‘a e kau ‘Āmoli, pea na‘a ne pehē ‘i he ‘ao ‘o ‘Isileli,
La‘ā, tatali pe koe ‘i Kipione;
Mo koe, Māhina, ‘i he tele‘a ‘o ‘Esialoni.
13Pea na‘e tatali ‘a e la‘ā, pea na‘e tu‘u ‘a e māhina,
Kae‘oua ke tautea honau ngaahi fili ‘e he pule‘anga.
‘Ikai ‘oku tu‘u ‘a e me‘a ko ia ‘i he Tohi ko Sesa? Pea na‘e tu‘u ‘a e la‘ā ‘i he loto langi, pea na‘e ‘ikai te ne fakavave ‘ene ‘alu hifo, ‘o ‘aho kātoa nai.#2 Sām 1.18 14Pea na‘e ‘ikai ha toe ‘aho hangē ko ia ‘i mu‘a pe ki mui, ke fakaongo ai ‘a e ‘Eiki ki he le‘o ‘o ha tangata: he na‘e tau ‘a Sihova ma‘a ‘Isileli.
15Pea foki ‘a Siosiua, pea ha‘u mo ia ‘a ‘Isileli kātoa ki he ‘apitanga ‘i Kilikali.
16Pea hola ‘a e nima‘i tu‘i ko ia, ‘o nau toi ‘i he ‘ana ‘i Māketa. 17Pea na‘e fakahā kia Siosiua, ‘o pehē, Kuo ‘iloa ‘a e tu‘i ‘e toko nima: ‘oku nau toi ‘i he ‘ana ‘i Māketa. 18Pea lea ai ‘a Siosiua, Fakateka maka lalahi ki he ngutu ‘ana, pea tuku ai ha kau tangata ke le‘o kinautolu: 19Ka ko kimautolu, ‘oua te mou tatali; tuli, ki homou ngaahi fili, ‘o taa‘i honau tukutau; ‘oua ‘e tuku ke nau hū ki honau ngaahi kolo; he kuo tuku kinautolu ki homou nima ‘a Sihova ko homou ‘Otua. 20Pea ‘i he faifai pea ‘osiki ‘e Siosiua mo ha‘a ‘Isileli honau taa‘i, ko e tā lahi ‘aupito, kae‘oua ke nau ‘osi ai, pea kuo hū honau toenga na‘e toe ki he ngaahi kolo kuo ‘aa‘i, 21pea na‘e toki foki ‘a e kakai kātoa kia Siosiua ki he ‘apitanga ‘i Māketa, kuo nau tu‘umālie: na‘e ‘ikai ‘emo ha ‘elelo ‘e taha ki ha‘a ‘Isileli.
22Pea lea ‘a Siosiua, Fakaava ‘a e ngutu ‘ana, pea ‘omi mei ai ‘a e tu‘i ‘e toko nima ko ia kiate au. 23Pea nau fai pehē, ‘o nau ‘omi kiate ia ‘a e nima‘i tu‘i ko ia mei he ‘ana, ‘a e Tu‘i Selusalema, ‘a e Tu‘i Hepeloni, ‘a e Tu‘i Siamuti, ‘a e Tu‘i Lākisi, ‘a e Tu‘i ‘Ekeloni. 24Pea kuo ‘omi ‘a e ngaahi tu‘i ko ia kia Siosiua, pea ui ange ‘e ia ‘a e kau tangata ‘Isileli kotoa pē, ‘o ne pehē ki he ngaahi kapiteni ‘o e kau tau na‘a nau ō mo ia, ‘Unu‘unu mai, ‘o ‘ai homou va‘e ki he kia ‘o e ngaahi tu‘i ko ia. Pea na‘a nau ‘unu‘unu mai, ‘o ‘ai honau va‘e ki honau kia. 25Pea pehē ‘e Siosiua kiate kinautolu, ‘Oua te mou manavahē, pea ‘oua te mou tailiili; mou lototo‘a, mo tu‘u kalikali; he ‘e fai pehē ‘e Sihova ki homou ngaahi fili kotoa pē te mou fai tau ki ai. 26Pea hili ia na‘e taa‘i kinautolu ‘e Siosiua, ‘o ne tāmate‘i, ‘o ne tautau kinautolu ‘i ha ‘akau ‘e nima: pea na‘a nau tāupe ‘i he ‘akau, ‘o a‘u ki he efiafi. 27Pea ‘i he faifai Pea hoko ‘a e tō ‘a e la‘ā, na‘e fekau ‘e Siosiua, pea nau ‘ohifo kinautolu mei he ngaahi ‘akau, ‘o lī ki he ‘ana na‘a nau toitoi ai, pea na‘a nau ‘ai maka lalahi ki he ngutu‘i ‘ana, ‘a ia ‘oku tu‘u ‘o a‘u ki he ‘aho ni.
Ko Hono Toe Ma‘u ‘e Siosiua ha Konga Fonua ‘o e Kakai ‘Āmolí
28Pea na‘e kapa ‘e Siosiua ‘a Māketa ‘i he ‘aho ko ia, ‘o ne tā ia ‘aki ‘a e mata ‘o e heletā, pea mo hono tu‘i; na‘a ne faka‘auha: kinautolu mo e kakai kotoa pē na‘e ‘i ai; ‘o ‘ikai te ne fakatoetoe ha momo‘i toko taha; pea na‘a ne fai: ki he Tu‘i Māketa. ‘o hangē ko ‘ene fai ki he Tu‘i Sielikō.
29Pea hiki ‘a Siosiua mo ‘Isileli kātoa mei Māketa ki Līpina, ‘o ne fai tau mo Līpina: 30Pea tuku mo ia ‘e Sihova ki he nima ‘o ‘Isileli, pea mo hono tu‘i foki, pea na‘a ne taa‘i ia ‘aki ‘a e mata ‘o e heletā, pea mo e kakai na‘e ‘i ai; na‘e ‘ikai te ne fakatoetoe ai ha toko taha; pea na‘a ne fai ki hono tu‘i, ‘o hangē ko ia na‘a ne fai ki he Tu‘i Sielikō.
31Pea hiki ‘a Siosiua mo ‘Isileli kātoa mei Līpina ki Lākisi, ‘o ne nofo ki ai, ‘o fai tau mo ia. 32Pea tuku ‘e Sihova ‘a Lākisi ki he nima ‘o ‘Isileli, pea na‘a ne kapa ia ‘i hono ua ‘o e ‘aho, ‘o ne taa‘i ia ‘aki ‘a e mata ‘o e heletā, pea mo e kakai kotoa na‘e ‘i ai, ‘o hangē tofu pē kuo ne fai ki Līpina. 33Ko e taimi ko ia na‘e ha‘u ‘a Hōlami ko e Tu‘i Kēseli ke tokoni ki Lākisi; ka ka taa‘i ‘e Siosiua ‘a ia mo hono kakai, kae‘oua ke ‘ikai kei toe hano toko taha.
34Pea hiki ‘a Siosiua mo ‘Isileli kātoa mei Lākisi ki ‘Ekeloni, ‘o nau nofo ki ai, 35‘o fai tau mo ia. Pea na‘a nau kapa ia ‘i he ‘aho pē ko ia, ‘o nau taa‘i ia ‘aki ‘a e mata ‘o e heletā; pea ne faka‘auha ‘i he ‘aho ko ia ‘a e kakai kotoa pē na‘e ‘i ai, ‘o hangē tofu pē kuo ne fai ki Lākisi.
36Pea ‘alu hake ‘a Siosiua mo ‘Isileli kātoa mei ‘Ekeloni ki Hepeloni, ‘o nau fai tau ki ai. 37Pea na‘a nau kapa ia, ‘o nau taa‘i ia ‘aki ‘a e mata ‘o e heletā, mo hono tu‘i, mo hono ngaahi kolo, pea mo e kakai kotoa na‘e ‘i ai: na‘e ‘ikai te ne fakatoe ha momo‘i toko taha, ‘o hangē tofu pē ‘ene fai ki ‘Ekeloni: ‘io, na‘a ne faka‘auha ia mo e kakai kotoa na‘e ‘i ai.
38Pea foki ‘a Siosiua mo ‘Isileli kātoa ki Tēpili, ‘o nau fai tau ki ai. 39Pea na‘a ne puke ia mo hono tu‘i, mo hono ngaahi kolo; pea na‘a nau taa‘i kinautolu ‘aki ‘a e mata ‘o e heletā, pea na‘a nau faka‘auha ‘a e kakai kotoa na‘e ‘i ai; na‘e ‘ikai te ne fakatoetoe ha toko taha; ‘o hangē ko ia na‘a ne fai ki Hepeloni, na‘e pehē ‘ene fai ki Tēpili mo hono tu‘i; ‘o tatau foki mo ‘ene fai ki Līpina mo hono tu‘i.
40Ko ia na‘e taa‘i ‘e Siosiua ‘a e fonua kotoa, ‘a e Mo‘unga mo e feitu‘u ko Tonga, mo e Sēfela‘a, mo e ngaahi lauua, mo honau ngaahi tu‘i kotoa pē; na‘e ‘ikai te ne fakatoe ha toenga: pea ko kinautolu kotoa pē na‘e mānava na‘a ne faka‘auha, ‘o hangē ko e tu‘utu‘uni ‘a Sihova ko e ‘Otua ‘o ‘Isileli. 41‘Io, na‘e taa‘i kinautolu ‘e Siosiua mei Kētesi-panea ‘o a‘u ki Kesa, pea mo e fonua kotoa ‘o Kōseni, ‘o a‘u ki Kipioni. 42Pea ko e ngaahi tu‘i kotoa ko ia, mo honau ngaahi fonua, na‘e ma‘u ‘e Siosiua ‘i ha fo‘i tā pē taha; he ko Sihova ko e ‘Otua ‘o ‘Isileli na‘a ne tau ma‘a ‘Isileli, 43Pea foki ‘a Siosiua, pea ha‘u mo ia ‘a ‘Isileli kātoa ki he ‘apitanga ‘i Kilikali.
Currently Selected:
KO SIOSIUA 10: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SIOSIUA 10
10
Ko Hono Ikuna‘i ‘o e Kakai Kipioné
1PEA ‘i he fanongo ‘e ‘Ātonai-Sēteki ko e Tu‘i Selusalema#10.1 Selusalema; Ko e kolo Siepusi ia he kuonga ko iá. kuo kapa ‘e Siosiua ‘a ‘Ai, ‘o faka‘auha ia; ‘o hangē ko ‘ene fai ki Sielikō mo hono tu‘i, kuo pehē ‘ene fai ki ‘Ai mo hono tu‘i ‘o‘ona; pea mo e alea melino ‘a e kakai Kipioni mo ha‘a ‘Isileli, 2pea ‘oku nau nonofo; na‘a nau manavahē ‘aupito, he ko e kolo lahi ‘a Kipioni, ‘o hangē ha taha ‘o e ngaahi kolo hau, pea na‘e lahi ia ‘i ‘Ai, pea ko e kau to‘a hono kakai fuli pē. 3Ko ia na‘e fekau atu ai ‘e ‘Ātonai-Sēteki ko e Tu‘i Selusalema kia Hōhami ko e Tu‘i Hepeloni, pea kia Pīlami ko e Tu‘i Siamuti, pea kia Siafia ko e Tu‘i Lākisi, pea kia Tēpili ko e Tu‘i ‘Ekeloni, ‘o pehē, 4Ha‘u kiate au, ‘o tokoni mai ka tau taa‘i ‘a Kipioni, he kuo nau alea melino mo Siosiua mo ha‘a ‘Isileli, 5Ko ia ko e tu‘i ‘e toko nima ‘o ha‘a ‘Āmoli, ko e Tu‘i Selusalema, ko e Tu‘i Hepeloni, ko e Tu‘i Siamuti, ko e Tu‘i Lākisi, ko e Tu‘i ‘Ekeloni, na‘a nau fakataha ‘o ‘alu hake mo ‘enau ngaahi kongakau, pea na‘a nau nofo atu ki Kipione ke tau‘i.
6Pea fekau atu ‘e he kau Kipione kia Siosiua ki he ‘apitanga ‘i Kilikali, ‘o nau pehē, ‘Oua na‘a vaivai ho nima ‘i he fai ma‘a ho‘o kau tamaio‘eiki: hake mai ke vave, pea fakamo‘ui kimautolu, mo tokoni mai: he kuo tātānaki mai ‘a e ngaahi tu‘i kotoa pē ‘o ha‘a ‘Āmoli ‘oku nofo mo‘unga ke tau‘i kimautolu.
7Ko ia na‘e ‘alu hake ‘a Siosiua mei Kilikali, ‘a ia mo e kakai kotoa pē na‘e ‘i he tau, pea mo hono kotoa ‘o e kau to‘a. 8Pea folofola ‘a Sihova kia Siosiua, ‘Oua te ke manavahē kiate kinautolu: he kuo u tuku kinautolu ki ho nima; ‘e ‘ikai mātu‘u ‘i ho ‘ao hanau momo‘i tangata. 9Ko ia na‘e ha‘u fakafokifā pē ‘a Siosiua kiate kinautolu, ko e fai po‘uli pe ‘ene ‘alu hake mei Kilikali. 10Pea na‘e veuveuki kinautolu ‘e Sihova ‘i he ‘ao ‘o ‘Isileli, pea na‘a ne taa‘i kinautolu ‘i Kipione ko e tā ka ko ha tā ‘o ne tuli kinautolu ‘i he hakenga ‘o Pete-holoni, ‘o ne te‘ia kinautolu ‘o a‘u ki ‘Āseka mo Māketa. 11Pea lolotonga ‘enau hola mei he ‘ao ‘o ‘Isileli, ‘i he hifonga ‘o Peteholoni, ‘iloange na‘e lī hifo kiate kinautolu ‘e Sihova mei langi ha ngaahi maka lalahi ‘o a‘u ki ‘Āseka, pea nau mate ai: na‘e tokolahi ‘a e mate ‘i he ‘uha maka ‘i he mate ‘i he heletā, ‘i honau taa‘i ‘e ha‘a ‘Isileli.
12Ko e taimi ko ia na‘e fakatau folofola ai ‘a Siosiua kia Sihova ‘i he ‘aho na‘e tukuange ai ki ha‘a ‘Isileli ‘e Sihova ‘a e kau ‘Āmoli, pea na‘a ne pehē ‘i he ‘ao ‘o ‘Isileli,
La‘ā, tatali pe koe ‘i Kipione;
Mo koe, Māhina, ‘i he tele‘a ‘o ‘Esialoni.
13Pea na‘e tatali ‘a e la‘ā, pea na‘e tu‘u ‘a e māhina,
Kae‘oua ke tautea honau ngaahi fili ‘e he pule‘anga.
‘Ikai ‘oku tu‘u ‘a e me‘a ko ia ‘i he Tohi ko Sesa? Pea na‘e tu‘u ‘a e la‘ā ‘i he loto langi, pea na‘e ‘ikai te ne fakavave ‘ene ‘alu hifo, ‘o ‘aho kātoa nai.#2 Sām 1.18 14Pea na‘e ‘ikai ha toe ‘aho hangē ko ia ‘i mu‘a pe ki mui, ke fakaongo ai ‘a e ‘Eiki ki he le‘o ‘o ha tangata: he na‘e tau ‘a Sihova ma‘a ‘Isileli.
15Pea foki ‘a Siosiua, pea ha‘u mo ia ‘a ‘Isileli kātoa ki he ‘apitanga ‘i Kilikali.
16Pea hola ‘a e nima‘i tu‘i ko ia, ‘o nau toi ‘i he ‘ana ‘i Māketa. 17Pea na‘e fakahā kia Siosiua, ‘o pehē, Kuo ‘iloa ‘a e tu‘i ‘e toko nima: ‘oku nau toi ‘i he ‘ana ‘i Māketa. 18Pea lea ai ‘a Siosiua, Fakateka maka lalahi ki he ngutu ‘ana, pea tuku ai ha kau tangata ke le‘o kinautolu: 19Ka ko kimautolu, ‘oua te mou tatali; tuli, ki homou ngaahi fili, ‘o taa‘i honau tukutau; ‘oua ‘e tuku ke nau hū ki honau ngaahi kolo; he kuo tuku kinautolu ki homou nima ‘a Sihova ko homou ‘Otua. 20Pea ‘i he faifai pea ‘osiki ‘e Siosiua mo ha‘a ‘Isileli honau taa‘i, ko e tā lahi ‘aupito, kae‘oua ke nau ‘osi ai, pea kuo hū honau toenga na‘e toe ki he ngaahi kolo kuo ‘aa‘i, 21pea na‘e toki foki ‘a e kakai kātoa kia Siosiua ki he ‘apitanga ‘i Māketa, kuo nau tu‘umālie: na‘e ‘ikai ‘emo ha ‘elelo ‘e taha ki ha‘a ‘Isileli.
22Pea lea ‘a Siosiua, Fakaava ‘a e ngutu ‘ana, pea ‘omi mei ai ‘a e tu‘i ‘e toko nima ko ia kiate au. 23Pea nau fai pehē, ‘o nau ‘omi kiate ia ‘a e nima‘i tu‘i ko ia mei he ‘ana, ‘a e Tu‘i Selusalema, ‘a e Tu‘i Hepeloni, ‘a e Tu‘i Siamuti, ‘a e Tu‘i Lākisi, ‘a e Tu‘i ‘Ekeloni. 24Pea kuo ‘omi ‘a e ngaahi tu‘i ko ia kia Siosiua, pea ui ange ‘e ia ‘a e kau tangata ‘Isileli kotoa pē, ‘o ne pehē ki he ngaahi kapiteni ‘o e kau tau na‘a nau ō mo ia, ‘Unu‘unu mai, ‘o ‘ai homou va‘e ki he kia ‘o e ngaahi tu‘i ko ia. Pea na‘a nau ‘unu‘unu mai, ‘o ‘ai honau va‘e ki honau kia. 25Pea pehē ‘e Siosiua kiate kinautolu, ‘Oua te mou manavahē, pea ‘oua te mou tailiili; mou lototo‘a, mo tu‘u kalikali; he ‘e fai pehē ‘e Sihova ki homou ngaahi fili kotoa pē te mou fai tau ki ai. 26Pea hili ia na‘e taa‘i kinautolu ‘e Siosiua, ‘o ne tāmate‘i, ‘o ne tautau kinautolu ‘i ha ‘akau ‘e nima: pea na‘a nau tāupe ‘i he ‘akau, ‘o a‘u ki he efiafi. 27Pea ‘i he faifai Pea hoko ‘a e tō ‘a e la‘ā, na‘e fekau ‘e Siosiua, pea nau ‘ohifo kinautolu mei he ngaahi ‘akau, ‘o lī ki he ‘ana na‘a nau toitoi ai, pea na‘a nau ‘ai maka lalahi ki he ngutu‘i ‘ana, ‘a ia ‘oku tu‘u ‘o a‘u ki he ‘aho ni.
Ko Hono Toe Ma‘u ‘e Siosiua ha Konga Fonua ‘o e Kakai ‘Āmolí
28Pea na‘e kapa ‘e Siosiua ‘a Māketa ‘i he ‘aho ko ia, ‘o ne tā ia ‘aki ‘a e mata ‘o e heletā, pea mo hono tu‘i; na‘a ne faka‘auha: kinautolu mo e kakai kotoa pē na‘e ‘i ai; ‘o ‘ikai te ne fakatoetoe ha momo‘i toko taha; pea na‘a ne fai: ki he Tu‘i Māketa. ‘o hangē ko ‘ene fai ki he Tu‘i Sielikō.
29Pea hiki ‘a Siosiua mo ‘Isileli kātoa mei Māketa ki Līpina, ‘o ne fai tau mo Līpina: 30Pea tuku mo ia ‘e Sihova ki he nima ‘o ‘Isileli, pea mo hono tu‘i foki, pea na‘a ne taa‘i ia ‘aki ‘a e mata ‘o e heletā, pea mo e kakai na‘e ‘i ai; na‘e ‘ikai te ne fakatoetoe ai ha toko taha; pea na‘a ne fai ki hono tu‘i, ‘o hangē ko ia na‘a ne fai ki he Tu‘i Sielikō.
31Pea hiki ‘a Siosiua mo ‘Isileli kātoa mei Līpina ki Lākisi, ‘o ne nofo ki ai, ‘o fai tau mo ia. 32Pea tuku ‘e Sihova ‘a Lākisi ki he nima ‘o ‘Isileli, pea na‘a ne kapa ia ‘i hono ua ‘o e ‘aho, ‘o ne taa‘i ia ‘aki ‘a e mata ‘o e heletā, pea mo e kakai kotoa na‘e ‘i ai, ‘o hangē tofu pē kuo ne fai ki Līpina. 33Ko e taimi ko ia na‘e ha‘u ‘a Hōlami ko e Tu‘i Kēseli ke tokoni ki Lākisi; ka ka taa‘i ‘e Siosiua ‘a ia mo hono kakai, kae‘oua ke ‘ikai kei toe hano toko taha.
34Pea hiki ‘a Siosiua mo ‘Isileli kātoa mei Lākisi ki ‘Ekeloni, ‘o nau nofo ki ai, 35‘o fai tau mo ia. Pea na‘a nau kapa ia ‘i he ‘aho pē ko ia, ‘o nau taa‘i ia ‘aki ‘a e mata ‘o e heletā; pea ne faka‘auha ‘i he ‘aho ko ia ‘a e kakai kotoa pē na‘e ‘i ai, ‘o hangē tofu pē kuo ne fai ki Lākisi.
36Pea ‘alu hake ‘a Siosiua mo ‘Isileli kātoa mei ‘Ekeloni ki Hepeloni, ‘o nau fai tau ki ai. 37Pea na‘a nau kapa ia, ‘o nau taa‘i ia ‘aki ‘a e mata ‘o e heletā, mo hono tu‘i, mo hono ngaahi kolo, pea mo e kakai kotoa na‘e ‘i ai: na‘e ‘ikai te ne fakatoe ha momo‘i toko taha, ‘o hangē tofu pē ‘ene fai ki ‘Ekeloni: ‘io, na‘a ne faka‘auha ia mo e kakai kotoa na‘e ‘i ai.
38Pea foki ‘a Siosiua mo ‘Isileli kātoa ki Tēpili, ‘o nau fai tau ki ai. 39Pea na‘a ne puke ia mo hono tu‘i, mo hono ngaahi kolo; pea na‘a nau taa‘i kinautolu ‘aki ‘a e mata ‘o e heletā, pea na‘a nau faka‘auha ‘a e kakai kotoa na‘e ‘i ai; na‘e ‘ikai te ne fakatoetoe ha toko taha; ‘o hangē ko ia na‘a ne fai ki Hepeloni, na‘e pehē ‘ene fai ki Tēpili mo hono tu‘i; ‘o tatau foki mo ‘ene fai ki Līpina mo hono tu‘i.
40Ko ia na‘e taa‘i ‘e Siosiua ‘a e fonua kotoa, ‘a e Mo‘unga mo e feitu‘u ko Tonga, mo e Sēfela‘a, mo e ngaahi lauua, mo honau ngaahi tu‘i kotoa pē; na‘e ‘ikai te ne fakatoe ha toenga: pea ko kinautolu kotoa pē na‘e mānava na‘a ne faka‘auha, ‘o hangē ko e tu‘utu‘uni ‘a Sihova ko e ‘Otua ‘o ‘Isileli. 41‘Io, na‘e taa‘i kinautolu ‘e Siosiua mei Kētesi-panea ‘o a‘u ki Kesa, pea mo e fonua kotoa ‘o Kōseni, ‘o a‘u ki Kipioni. 42Pea ko e ngaahi tu‘i kotoa ko ia, mo honau ngaahi fonua, na‘e ma‘u ‘e Siosiua ‘i ha fo‘i tā pē taha; he ko Sihova ko e ‘Otua ‘o ‘Isileli na‘a ne tau ma‘a ‘Isileli, 43Pea foki ‘a Siosiua, pea ha‘u mo ia ‘a ‘Isileli kātoa ki he ‘apitanga ‘i Kilikali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.