KO SELEMAIA 43
43
Ko Hono ‘Ave ‘o Selemaia ki ‘Isipite
1PEA kuo ‘osi leva ‘e Selemaia ‘ene tala ki he kakai kotoa ‘a e ngaahi folofola ‘a Sihova ko honau ‘Otua, ‘a ia na‘e fekau ai ia kiate kinautolu ‘e Sihova ko honau ‘Otua, ‘io, ‘a e ngaahi folofola ko ē, 2pea tali kia Selemaia ‘e ‘Asalaia foha ‘o Hosaia, mo Siohanani foha ‘o Kalea, mo e fu‘u kau tangata fielahi, ‘o pehē, Ko e loi ho‘o lea kuo fai: na‘e ‘ikai fekau koe ‘e Sihova ko hotau ‘Otua ke ke tala, ‘Oua te mou ‘alu ki ‘Isipite ke nofo ai: 3ka ko Paluki foha ‘o Nelaia ‘oku ne o‘i koe ke fai ha kovi kiate kimautolu, koe‘uhi ke tukuange kimautolu ki he nima ‘o e kau Kalitia, koe‘uhi ke nau tāmate‘i kimautolu, pe ‘ave pōpula ki Pāpilone. 4Ko ia na‘e ‘ikai fakaongo ‘e Siohanani foha ‘o Kalea, mo e hou‘eiki ‘o e ngaahi vāhenga tau, mo e kakai, ki he le‘o ‘o Sihova, ke nofo ‘i he fonua ‘o Siuta. 5Ka ka hanga ai ‘e Siohanani foha ‘o Kolea, mo e hou‘eiki kotoa ‘o e ngaahi vāhenga tau, ‘o nau ‘ave ‘a e toenga ‘o Siuta, kuo foki mei he ngaahi pule‘anga na‘e sese‘e kinautolu ki ai, ‘o nofo ‘i he fonua ‘o Siuta;#2 Tu‘i 25.26 6‘a e kau to‘a, mo e kau fefine, pea mo e tamaiki, mo e hako fefine ‘o e tu‘i, ‘io, ‘a e toe ‘o e kakai na‘e tuku ‘e Nēpusa-‘ātani ko e ‘eiki ‘o e ka‘ate kia Ketalaia foha ‘o ‘Ahikami foha ‘o Sāfani, pea mo Selemaia ko e palōfita, mo Pāluki foha ‘o Nelaia; 7pea nau a‘u ki ‘Isipite–he na‘e ‘ikai te nau fakaongo ki he le‘o ‘o Sihova–pea nau fai atu, ‘o a‘u ki Tapanesi.
8Pea hoko ‘a e folofola ‘a Sihova kia Selemaia ‘i Tapanesi, ‘o pehē, To‘o ha ngaahi maka lalahi, ‘o fufū ‘i he sima, 9‘i he ngoto‘umu maka ‘umea,#43.9 ‘i he… ‘umea; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: ‘i he ‘alu‘anga kakaí. ‘a ia ‘oku ‘i he hū‘anga ‘o e fale ‘o Felo ‘i Tapanesi, ‘o fai ke sio ki ai ‘a e kau tangata Siuta. 10Pea te ke pehē kiate kinautolu, Ko e folofola eni ‘a Sihova Sāpaoti, ko e ‘Otua ‘o ‘Isileli: Ko au eni te u fekau ‘o ‘omi ‘a hoku sevāniti, ko Nepukanesa ko e Tu‘i Pāpilone, pea te u#43.10 te u; Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: te ne. ‘ai hono taloni ‘i he funga ‘o e ngaahi maka ko ena, ‘a ia kuo u#43.10 kuó u; Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: kuó ne. fufū: pea te ne folahi ‘i ai hono aku fakamalumalu. 11‘Io, te ne hū, ‘o taa‘i ‘a e fonua ko ‘Isipite; ko ia kuo tuku ki he mahaki faka‘auha te ne mate ‘i he mahaki faka‘auha, pea ko ia kuo tuku ke ‘ave pōpula, ‘e ‘ave pōpula, pea ko ia kuo tuku ke tō ‘i he heletā te ne tō ‘i he heletā. 12Pea te u tafu ha afi ‘i he ngaahi fale ‘o e ngaahi ‘otua ‘o ‘Isipite; pea te ne tutu kinautolu, ‘o ‘ave pōpula: pea te ne pulupulu‘i ‘a e fonua ko ‘Isipite, hangē ko e ‘ai ‘e he tauhi sipi hono kofu tu‘a; pea te ne hā‘ele atu mei ai kuo toka ‘a e fonua. 13Pea te ne maumau‘i ‘a e ngaahi pou ‘o Pete-semesi#43.13 Pete-semesi; pe kolo ‘o la‘ā. ‘a ia ‘oku ‘i he fonua ko ‘Isipite; pea ko e ngaahi fale ‘o e ngaahi ‘otua ‘o ‘Isipite te ne fakamomofi ‘aki ‘a e afi.
Currently Selected:
KO SELEMAIA 43: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
