KO ‘AISEA 51
51
Ko e Folofola Fakafiemālie ki Selusalema
1FANONGO kiate au, ‘a e kau tuli ki he mā‘oni‘oni, ha‘a vivili kia Sihova: hanga ki he makatu‘u ne tā kimoutolu mei ai, mo e ava ‘o e luo na‘e mei ai homou keli. 2Hanga kia ‘Epalahame ko ho‘omou kui, pea kia Sela na‘a ne langā ‘iate kimoutolu: si‘ene toko taha pē, ka u ui ia, mo tāpuaki‘i, mo fakatokolahi. 3He kuo fakamānava hake ‘e Sihova ‘a Saione: kuo ne fakamānava hake hono ngaahi potu maumau, pea kuo ne liliu hono ngaahi potu maha hu‘a ke hangē ko ‘Īteni, mo hono ngaahi potu mamate ke hangē ko e ngoue tapu ‘a Sihova; ‘e ‘ilo ‘i ai ‘a e fiefia mo e nēkeneka, ‘a e fakafeta‘i mo e hiva mālie. 4Fanongo kiate au, ‘a hoku kakai; pea fokotu‘u telinga mai, ‘a e fa‘ahi ‘a‘aku; he ‘e ‘alu atu ha lao ‘iate au, pea te u ‘ai ‘a e tu‘unga ki he‘eku konisitūtone, ke hoko ko e maama ‘o e ngaahi kakai. 5Kuo ofi ‘eku fakatonutonu, kuo ‘alu atu ‘eku fakamo‘ui, pea ‘e fakamaau ‘e hoku nima ‘a e ngaahi kakai; ‘oku sio kiate au ‘a e ngaahi motu, ‘io, ‘oku nau tatali ki hoku nima. 6Tāngaki hake homou mata ki he langi, pea hanga ki he fonua ‘i lalo: he ‘e mole ‘a e ngaahi langi hangē ha kohu, pea mokulu ‘a māmani hangē ha kofu, pea ‘e mate hono kakai hangē ko e namu:#51.6 ‘Oku ‘i ai mo e ngaahi hiki ‘o e kupu ko eni. ka ko ‘eku fakamo‘ui ‘e ta‘engata, pea ko ‘eku fakatonuhia ‘e ‘ikai liliu. 7Fanongo kiate au ‘a kimoutolu ‘oku ‘ilo ‘a e fakatonuhia, ‘a e kakai ‘oku ma‘u ‘eku lao ‘i honau loto; ‘oua te mou manavahē ki he manuki ‘a e tangata me‘a vaivai, pea ‘oua te mou laea ‘i he‘enau fa‘a tūvangia kimoutolu. 8He ‘e kai kinautolu ‘e he ane, hangē ko e kofu; ‘e keina kinautolu ‘e he mū, ‘o hangē ko e fulufulu‘i sipi: ka ko ‘eku fakatonuhia ‘e tolonga ‘o ta‘engata, pea ko ‘eku fakamo‘ui ki he to‘utangata mo e to‘utangata.
9Ofo hake, ofo hake, si‘i nima ‘o Sihova,
Kofu ‘aki ha mālohi;
Ofo hake hangē ko e taimi mu‘a,
‘A e ngaahi to‘utangata ‘o ono ‘aho.
‘Ikai ko koe ‘a e me‘a na‘e hae ‘a Lēhapi,#51.9 Lēhapi; Ko e manu fakailifia ‘o tahi ‘i he ngaahi talatupu‘a ‘o ono‘aho, ‘a ia na‘e ngāue‘aki ko e faka‘ilonga ‘o e koví mo e moveuveú.
Na‘e veloi ‘a e Tanini?
10‘Ikai ko koe ‘a e me‘a na‘e fakamātu‘u ‘a e tahi,
‘A e vai ‘o e moana lahi;
Na‘e ngaohi ‘a e kilisitahi
Ko e hala ke fou ai ‘a e kakai kuo huhu‘i?
11Pea ko e kau veteange ‘a Sihova
Te nau foki, ‘o a‘u ki Saione mo e mavava,
Pea ko e fiefia ta‘engata ko e pale ‘i honau ‘ulu:
Te nau a‘usia ‘a e fiefia mo e nēkeneka,
Ko e mamahi mo e māpuhoi ‘e moulu atu.
12Ko au, ko au ai pē ko homou fakalelu: ko hai tū koe ke ke manavahē ki ha tangata me‘a vaivai, ‘a ia te ne mate, ‘io, ki ha hako‘i tangata, ‘a ia ‘oku tuku ko e musie pē? 13Kae ngalo ‘iate koe ‘a Sihova na‘e ngaohi koe, ‘a ia na‘a ne falō ‘a e ngaahi langi, mo tanupou ‘a māmani. Ko e pehē koā ke ke manavahē tu‘u he ‘aho kotoa pe ki he tafue ‘a e fakamālohi hangē ko ‘ene teu ke faka‘auha? pea ko e tafue ‘a e fakamālohi–ko e fē ia? 14‘Oku vave ‘a e veteange ‘o si‘i ngaope; pea ‘e ‘ikai te ne mate, ‘o tō ki he luo, pea ‘e ‘ikai te ne hala he me‘akai. 15He ko au Sihova ko ho ‘Otua, ‘a Au ‘oku ou ue‘i ‘a e tahi ke ‘u‘ulu hono peau; ko Sihova Sāpaoti hono hingoa. 16Pea ‘oku ou ‘ai ‘eku lea ki ho ngutu, pea kuo u ‘ufi‘ufi koe ‘aki ‘a e malu ‘o hoku nima, koe‘uhi ke hunuki,#51.16 hunuki; Ko hono faka-Hepeluu ia, ka ‘oku pehe= ‘i he hiki fuoloa ‘e taha: folahi. ‘a e ngaahi langi, pea ke pea ke tanupou ‘a māmani, pea ke lea ki Saione, Ko hoku kakai koe.
17Fei mo ofo, fei mo ofo, tu‘u hake, Selusalema,#Fkhā 14.10; 16.19
‘A ia kuo ke inu ‘a e ipu houhau na‘e ‘atu ‘e Sihova,
Kuo ke inumia ‘a e fu‘u linganga ‘o e uaine fakaninimo.
18‘I he fānau kotoa kuo ne fā‘ele‘i
Na‘e ‘ikai ha taha ‘e lava ke taki ia;
‘Io, ‘i he kau tama kuo ne tauhi
Na‘e ‘ikai ha taha ‘e lava ke puke hono nima.
19Tā ‘oku ua ‘a e me‘a kuo hoko kiate koe–Ko hai te ne hohoi atu?
Ko e maumau mo e faka‘auha,
Pea ko e honge mo e heletā:
Ko e hā ha fakalelu te u feia atu?
20Kuo pongia ho‘o kau tama,
‘Oku nau tākoto ‘i he tuliki ‘o e ngaahi hala,
Hangē ha ‘anitelope kuo kafai:
Si‘enau konā ‘i he houhau ‘a Sihova,
‘I he valoki ‘a ho ‘Otua.
21Ko ia, fanongo mu‘a ki he me‘a ni, si‘i tu‘utāmaki, ‘io, si‘i konā kae ‘ikai ‘aki ‘a e uaine: 22Ko e folofola eni ‘a ho ‘Eiki ko Sihova, ‘io, ‘a ho ‘Otua ko e taukapo ‘o hono kakai: Vakai, ‘oku ou to‘o mei ho nima ‘a e ipu fakaninimo, ‘a e fu‘u linganga ‘o hoku houhau; ‘e ‘ikai te ke toe inu ia: 23pea ‘oku ou ‘ai ia ki he nima ‘o ho kau fakamamahi; ‘a ia na‘a nau pehē ki ho laumālie, Fo‘ohifo, ka mau laka atu ‘iate koe: pea na‘a ke ngaohi ho tu‘a ko e kelekele, ‘io, ko e hala kiate kinautolu na‘e laka atu.
Currently Selected:
KO ‘AISEA 51: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘AISEA 51
51
Ko e Folofola Fakafiemālie ki Selusalema
1FANONGO kiate au, ‘a e kau tuli ki he mā‘oni‘oni, ha‘a vivili kia Sihova: hanga ki he makatu‘u ne tā kimoutolu mei ai, mo e ava ‘o e luo na‘e mei ai homou keli. 2Hanga kia ‘Epalahame ko ho‘omou kui, pea kia Sela na‘a ne langā ‘iate kimoutolu: si‘ene toko taha pē, ka u ui ia, mo tāpuaki‘i, mo fakatokolahi. 3He kuo fakamānava hake ‘e Sihova ‘a Saione: kuo ne fakamānava hake hono ngaahi potu maumau, pea kuo ne liliu hono ngaahi potu maha hu‘a ke hangē ko ‘Īteni, mo hono ngaahi potu mamate ke hangē ko e ngoue tapu ‘a Sihova; ‘e ‘ilo ‘i ai ‘a e fiefia mo e nēkeneka, ‘a e fakafeta‘i mo e hiva mālie. 4Fanongo kiate au, ‘a hoku kakai; pea fokotu‘u telinga mai, ‘a e fa‘ahi ‘a‘aku; he ‘e ‘alu atu ha lao ‘iate au, pea te u ‘ai ‘a e tu‘unga ki he‘eku konisitūtone, ke hoko ko e maama ‘o e ngaahi kakai. 5Kuo ofi ‘eku fakatonutonu, kuo ‘alu atu ‘eku fakamo‘ui, pea ‘e fakamaau ‘e hoku nima ‘a e ngaahi kakai; ‘oku sio kiate au ‘a e ngaahi motu, ‘io, ‘oku nau tatali ki hoku nima. 6Tāngaki hake homou mata ki he langi, pea hanga ki he fonua ‘i lalo: he ‘e mole ‘a e ngaahi langi hangē ha kohu, pea mokulu ‘a māmani hangē ha kofu, pea ‘e mate hono kakai hangē ko e namu:#51.6 ‘Oku ‘i ai mo e ngaahi hiki ‘o e kupu ko eni. ka ko ‘eku fakamo‘ui ‘e ta‘engata, pea ko ‘eku fakatonuhia ‘e ‘ikai liliu. 7Fanongo kiate au ‘a kimoutolu ‘oku ‘ilo ‘a e fakatonuhia, ‘a e kakai ‘oku ma‘u ‘eku lao ‘i honau loto; ‘oua te mou manavahē ki he manuki ‘a e tangata me‘a vaivai, pea ‘oua te mou laea ‘i he‘enau fa‘a tūvangia kimoutolu. 8He ‘e kai kinautolu ‘e he ane, hangē ko e kofu; ‘e keina kinautolu ‘e he mū, ‘o hangē ko e fulufulu‘i sipi: ka ko ‘eku fakatonuhia ‘e tolonga ‘o ta‘engata, pea ko ‘eku fakamo‘ui ki he to‘utangata mo e to‘utangata.
9Ofo hake, ofo hake, si‘i nima ‘o Sihova,
Kofu ‘aki ha mālohi;
Ofo hake hangē ko e taimi mu‘a,
‘A e ngaahi to‘utangata ‘o ono ‘aho.
‘Ikai ko koe ‘a e me‘a na‘e hae ‘a Lēhapi,#51.9 Lēhapi; Ko e manu fakailifia ‘o tahi ‘i he ngaahi talatupu‘a ‘o ono‘aho, ‘a ia na‘e ngāue‘aki ko e faka‘ilonga ‘o e koví mo e moveuveú.
Na‘e veloi ‘a e Tanini?
10‘Ikai ko koe ‘a e me‘a na‘e fakamātu‘u ‘a e tahi,
‘A e vai ‘o e moana lahi;
Na‘e ngaohi ‘a e kilisitahi
Ko e hala ke fou ai ‘a e kakai kuo huhu‘i?
11Pea ko e kau veteange ‘a Sihova
Te nau foki, ‘o a‘u ki Saione mo e mavava,
Pea ko e fiefia ta‘engata ko e pale ‘i honau ‘ulu:
Te nau a‘usia ‘a e fiefia mo e nēkeneka,
Ko e mamahi mo e māpuhoi ‘e moulu atu.
12Ko au, ko au ai pē ko homou fakalelu: ko hai tū koe ke ke manavahē ki ha tangata me‘a vaivai, ‘a ia te ne mate, ‘io, ki ha hako‘i tangata, ‘a ia ‘oku tuku ko e musie pē? 13Kae ngalo ‘iate koe ‘a Sihova na‘e ngaohi koe, ‘a ia na‘a ne falō ‘a e ngaahi langi, mo tanupou ‘a māmani. Ko e pehē koā ke ke manavahē tu‘u he ‘aho kotoa pe ki he tafue ‘a e fakamālohi hangē ko ‘ene teu ke faka‘auha? pea ko e tafue ‘a e fakamālohi–ko e fē ia? 14‘Oku vave ‘a e veteange ‘o si‘i ngaope; pea ‘e ‘ikai te ne mate, ‘o tō ki he luo, pea ‘e ‘ikai te ne hala he me‘akai. 15He ko au Sihova ko ho ‘Otua, ‘a Au ‘oku ou ue‘i ‘a e tahi ke ‘u‘ulu hono peau; ko Sihova Sāpaoti hono hingoa. 16Pea ‘oku ou ‘ai ‘eku lea ki ho ngutu, pea kuo u ‘ufi‘ufi koe ‘aki ‘a e malu ‘o hoku nima, koe‘uhi ke hunuki,#51.16 hunuki; Ko hono faka-Hepeluu ia, ka ‘oku pehe= ‘i he hiki fuoloa ‘e taha: folahi. ‘a e ngaahi langi, pea ke pea ke tanupou ‘a māmani, pea ke lea ki Saione, Ko hoku kakai koe.
17Fei mo ofo, fei mo ofo, tu‘u hake, Selusalema,#Fkhā 14.10; 16.19
‘A ia kuo ke inu ‘a e ipu houhau na‘e ‘atu ‘e Sihova,
Kuo ke inumia ‘a e fu‘u linganga ‘o e uaine fakaninimo.
18‘I he fānau kotoa kuo ne fā‘ele‘i
Na‘e ‘ikai ha taha ‘e lava ke taki ia;
‘Io, ‘i he kau tama kuo ne tauhi
Na‘e ‘ikai ha taha ‘e lava ke puke hono nima.
19Tā ‘oku ua ‘a e me‘a kuo hoko kiate koe–Ko hai te ne hohoi atu?
Ko e maumau mo e faka‘auha,
Pea ko e honge mo e heletā:
Ko e hā ha fakalelu te u feia atu?
20Kuo pongia ho‘o kau tama,
‘Oku nau tākoto ‘i he tuliki ‘o e ngaahi hala,
Hangē ha ‘anitelope kuo kafai:
Si‘enau konā ‘i he houhau ‘a Sihova,
‘I he valoki ‘a ho ‘Otua.
21Ko ia, fanongo mu‘a ki he me‘a ni, si‘i tu‘utāmaki, ‘io, si‘i konā kae ‘ikai ‘aki ‘a e uaine: 22Ko e folofola eni ‘a ho ‘Eiki ko Sihova, ‘io, ‘a ho ‘Otua ko e taukapo ‘o hono kakai: Vakai, ‘oku ou to‘o mei ho nima ‘a e ipu fakaninimo, ‘a e fu‘u linganga ‘o hoku houhau; ‘e ‘ikai te ke toe inu ia: 23pea ‘oku ou ‘ai ia ki he nima ‘o ho kau fakamamahi; ‘a ia na‘a nau pehē ki ho laumālie, Fo‘ohifo, ka mau laka atu ‘iate koe: pea na‘a ke ngaohi ho tu‘a ko e kelekele, ‘io, ko e hala kiate kinautolu na‘e laka atu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.