KO ‘AISEA 50
50
1KO eni ‘a e folofola ‘a Sihova, Ko fē fua ‘a e tohi vete ‘a ho‘omou fa‘ē, ‘a ia na‘a ku tukuange ‘aki ia tokua? pea ko hai ha taha ‘i he kakai ‘oku ou mo‘ua ki ai, ‘o fakatau kimoutolu ki ai tokua? ‘Ā, ko ho‘omou ngaahi kovi pē na‘e fakatau ai kimoutolu, pea ko e ngaahi angahala ‘amoutolu na‘e tukuange ai ho‘omou fa‘ē. 2Ko e hā ‘oku pehē ai? kuo u ha‘u, ka ‘oku ‘ikai ha taha; kuo u ui, ka ‘oku ‘ikai ha tali? ‘Oku nounou koā hoku nima ke fakamo‘ui? pe ‘oku ou ta‘eha ivi ke fakahaofi? Vakai, ka u ka fakamana, ‘oku mātu‘u ai ‘a e tahi; ‘oku ou liliu ‘a e potu vaitafe‘ia ko e fonua maha hu‘a; ‘oku veia ‘enau ika ko e ‘ikai ha vai, pea nau mate he fie inua. 3‘Oku ou lava ke fakalālāfua‘a ‘a e langi, pea ke ‘ai tauanga‘a ki ai mōno ‘ufi‘ufi. 4Ko ‘Ātonai Sihova kuo ne ‘omi kiate ‘au ‘a e ‘elelo ‘o e tama ako, ke u ‘ilo ‘a e ngaahi lea ke tokoni ‘aki ‘a e ongosia; ‘oku ne fafangu au ‘i he pongipongi kotoa pē, ‘oku ne ue‘i hoku telinga ke fanongo hangē ha tama ako. 5Ko ‘Ātonai Sihova kuo fakaava hoku telinga; pea ko au na‘e ‘ikai te u talangata‘a, na‘e ‘ikai te u foki ki tu‘a. 6Na‘a ku tuku hoku tu‘a ki he kau tā,#Māt 26.67; Ma‘ake 14.65 mo hoku kou‘ahe ki he kau fusi kava: na‘e ‘ikai te u fufū hoku mata mei he fakamā fua pē mo e ‘anuhia. 7Ka ko ‘Ātonai Sihova te ne tokoni‘i au; ‘a ē ā na‘e ‘ikai te u tuku ke lava‘i au ‘e hoku fakamaa‘i; ko ia ai na‘a ku ngaohi hoku mata ke hangē ha makahunu, ‘o u ‘ilo ‘e ‘ikai lava hoku fakamā. 8‘Oku ofi ‘a ia#Lom 8.33-34 ‘oku ne fakatonuhia au; ko hai ‘e fakamaau mo au? Ta tu‘u leva: ko hai ia ‘oku ma hopo? Ke ne ‘unu‘unu mai kiate au. 9Vakai, ko ‘Ātonai Sihova te ne tokoni kiate au; ko hai ha taha te ne lava hoku fakalaea? ‘Ā, te nau ngangana kotoa pē hangē ha motu‘i kofu; ‘e keina kinautolu ‘e he ane. 10Ko hai ‘iate kimoutolu ‘oku ‘apasia kia Sihova, pea ‘oku fakaongo ki he lea ‘a ‘ene sevāniti; ka ‘oku ne ha‘ele ‘i he fu‘u po‘uli, pea ‘oku ‘ikai ha‘ane momo‘i maama? Ke falala ia ki he huafa ‘o Sihova, mo faaki ki hono ‘Otua. 11Sī, ‘a kimoutolu kotoa ‘oku tafu ‘a e afi, ‘oku teu kimoutolu ‘aki ‘a e ngaahi tao vela: ‘alu ki he ulo ‘a homou afi, pea ki he ngaahi tao vela kuo mou tutu. Ko e me‘a ko eni ‘oku hoko atu kiate kimoutolu mei hoku nima, te mou tokoto pē ‘i he mamahi.
Currently Selected:
KO ‘AISEA 50: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘AISEA 50
50
1KO eni ‘a e folofola ‘a Sihova, Ko fē fua ‘a e tohi vete ‘a ho‘omou fa‘ē, ‘a ia na‘a ku tukuange ‘aki ia tokua? pea ko hai ha taha ‘i he kakai ‘oku ou mo‘ua ki ai, ‘o fakatau kimoutolu ki ai tokua? ‘Ā, ko ho‘omou ngaahi kovi pē na‘e fakatau ai kimoutolu, pea ko e ngaahi angahala ‘amoutolu na‘e tukuange ai ho‘omou fa‘ē. 2Ko e hā ‘oku pehē ai? kuo u ha‘u, ka ‘oku ‘ikai ha taha; kuo u ui, ka ‘oku ‘ikai ha tali? ‘Oku nounou koā hoku nima ke fakamo‘ui? pe ‘oku ou ta‘eha ivi ke fakahaofi? Vakai, ka u ka fakamana, ‘oku mātu‘u ai ‘a e tahi; ‘oku ou liliu ‘a e potu vaitafe‘ia ko e fonua maha hu‘a; ‘oku veia ‘enau ika ko e ‘ikai ha vai, pea nau mate he fie inua. 3‘Oku ou lava ke fakalālāfua‘a ‘a e langi, pea ke ‘ai tauanga‘a ki ai mōno ‘ufi‘ufi. 4Ko ‘Ātonai Sihova kuo ne ‘omi kiate ‘au ‘a e ‘elelo ‘o e tama ako, ke u ‘ilo ‘a e ngaahi lea ke tokoni ‘aki ‘a e ongosia; ‘oku ne fafangu au ‘i he pongipongi kotoa pē, ‘oku ne ue‘i hoku telinga ke fanongo hangē ha tama ako. 5Ko ‘Ātonai Sihova kuo fakaava hoku telinga; pea ko au na‘e ‘ikai te u talangata‘a, na‘e ‘ikai te u foki ki tu‘a. 6Na‘a ku tuku hoku tu‘a ki he kau tā,#Māt 26.67; Ma‘ake 14.65 mo hoku kou‘ahe ki he kau fusi kava: na‘e ‘ikai te u fufū hoku mata mei he fakamā fua pē mo e ‘anuhia. 7Ka ko ‘Ātonai Sihova te ne tokoni‘i au; ‘a ē ā na‘e ‘ikai te u tuku ke lava‘i au ‘e hoku fakamaa‘i; ko ia ai na‘a ku ngaohi hoku mata ke hangē ha makahunu, ‘o u ‘ilo ‘e ‘ikai lava hoku fakamā. 8‘Oku ofi ‘a ia#Lom 8.33-34 ‘oku ne fakatonuhia au; ko hai ‘e fakamaau mo au? Ta tu‘u leva: ko hai ia ‘oku ma hopo? Ke ne ‘unu‘unu mai kiate au. 9Vakai, ko ‘Ātonai Sihova te ne tokoni kiate au; ko hai ha taha te ne lava hoku fakalaea? ‘Ā, te nau ngangana kotoa pē hangē ha motu‘i kofu; ‘e keina kinautolu ‘e he ane. 10Ko hai ‘iate kimoutolu ‘oku ‘apasia kia Sihova, pea ‘oku fakaongo ki he lea ‘a ‘ene sevāniti; ka ‘oku ne ha‘ele ‘i he fu‘u po‘uli, pea ‘oku ‘ikai ha‘ane momo‘i maama? Ke falala ia ki he huafa ‘o Sihova, mo faaki ki hono ‘Otua. 11Sī, ‘a kimoutolu kotoa ‘oku tafu ‘a e afi, ‘oku teu kimoutolu ‘aki ‘a e ngaahi tao vela: ‘alu ki he ulo ‘a homou afi, pea ki he ngaahi tao vela kuo mou tutu. Ko e me‘a ko eni ‘oku hoko atu kiate kimoutolu mei hoku nima, te mou tokoto pē ‘i he mamahi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.