KO ‘AISEA 48
48
1FANONGO ki he me‘a ni, ‘a e fale ‘o Sēkope, ‘a ia ‘oku ui‘aki ‘a e hingoa ‘o ‘Isileli, ka kuo tafe atu mei he matavai ‘o Siuta; ‘a kimoutolu ‘oku fuakava ‘i he huafa ‘o Sihova, pea ‘oku tāpafua ‘a e huafa ‘o e ‘Otua ‘o ‘Isileli, ka tala‘ehai ko e fai mo‘oni, pea tala‘ehai ko e fai mā‘oni‘oni. 2Seuke, ‘oku nau taku ‘aki kinautolu ‘a e hingoa ‘o e Kolo Tapu, pea ‘oku nau falala ki he ‘Otua ‘o ‘Isileli; ko Sihova Sāpaoti hono huafa.
3Ko e ngaahi ‘uluaki me‘a kuo u fakahā talu fuoloa; ‘io, na‘e ‘alu atu mei hoku ngutu, pea na‘a ku fanongonongo ia: na‘e fakafokifā ‘eku fai ia, pea na‘e hoko. 4He na‘a ku ‘ilo ko e fefeka koe, pea ko e uoua ‘aione ho kia na, pea ko ho fōtunga ko e koto palasa. 5Ko ia na‘a ku fakahā ia kiate koe talu fuoloa; na‘a ku fanongonongo atu ia te‘eki ke hoko; telia na‘a ke pehē, Ko ‘eku ‘aitoli kuo fai ia, ‘io, ko ‘eku ‘īmisi mo ‘eku fakatātā ukamea na‘a na tu‘utu‘uni ia. 6Na‘a ke fanongo ki ai; pe‘i fakasio ki hono kotoa; pea ‘ikai na‘a mou mei fakamo‘oni ki ai? ‘Oku kamata eni ‘eku fanongonongo atu me‘a fo‘ou, ‘ani me‘a na‘e fakalilolilo, pea na‘e ‘ikai te ke ‘ilo ki ai. 7Ko e toki fakatupu ia, ‘o ‘ikai talu fuoloa; pea na‘e ‘ikai te ke fanongo ki ai ‘i he te‘eki hoko ‘a e ‘aho ni; telia na‘a ke pehē, Seuke, na‘a ku ‘ilo ia. 8Tala atu, na‘e ‘ikai te ke fanongo ki ai; ‘io, na‘e ‘ikai te ke ‘ilo: pea na‘e ‘ikai ava ho telinga ki ai fuoloa atu: he na‘a ku ‘ilo ko e mātu‘aki kākā koe, pea talu ho fanau‘i mo e ui koe ko Talangata‘a. 9Koe‘uhi pē ko hoku hingoa, ko ia ‘oku ou toloi ai hoku houhau, pea telia hoku fakamālō ‘oku ou fakama‘uma‘u ‘eku fai kiate koe, ‘o ‘oua te u tu‘usi koe. 10Vakai, kuo u fakama‘a koe, kae ‘ikai hangē ko e fai ki he siliva; kuo u sivi koe ‘i he fōnise ‘o e mamahi. 11Koe‘uhi ko au, koe‘uhi ko au, ‘oku ou fai ia–he ko e pehē koā ke talakaa‘i ia!–pea ko hoku kolōlia ‘e ‘ikai te u ‘atu ki ha taha.
Ko Kōlesi, ‘a e Taki ne Fili ‘e he ‘Otuá
12Fanongo kiate au, ‘e Sēkope, mo koe, ‘Isileli, ko e taha kuo u ui: Ko au ai pē; ko au ‘a e ‘Uluaki, ko au foki ‘a e Kimui. 13Ko hoku nima foki na‘e tanupou ‘a māmani, pea ko hoku to‘omata‘u ‘oku ne fafao atu ‘a e ngaahi langi: ka u ka ui kiate kinautolu, ‘oku nau tutu‘u mai leva.#48.13 tutu‘u mai leva; pe fakataha. 14Mou fakatefua mai ke fanongo, Ko hai ‘i he fa‘ahinga ko ē kuo fakahā ha me‘a pehē ni? Ko e toko taha ‘oku ‘ofa ki ai ‘a Sihova te ne fakaai hono finangalo ki Pāpilone, ‘io, ‘e fakaai hono nima ki he kau Kalitia. 15Ko au, ko au kuo u lea; kuo u ui ia foki: ‘io, kuo u fakaa‘u mai, pea ‘oku tu‘umālie hono fononga. 16Mou ‘unu‘unu mai kiate au, fanongo ki he me‘a ni: tala‘ehai kuo u lea ‘i he fufū talu ‘a e kamata‘anga.
Talu e taimi ‘o ‘ene kamata hoko, na‘a ku ‘i ai au:
Pea ‘i he taimi ni ko ‘Ātonai Sihova kuo ne fekau au mo Hono Laumālie.
17Ko e folofola eni ‘a Sihova ko ho Koeli, ko e Tāpuhā ‘o ‘Isileli; Ko au Sihova ko ho ‘Otua, ‘oku ou ako koe ke fai me‘a ‘aonga, ‘oku ou tataki koe ‘i he hala ‘oku totonu ke ke fou ai. 18Taumaiā na‘a ke tokanga ki he‘eku ngaahi tu‘utu‘uni! Pehē kuo hangē ha vaitafe ho‘o fiemālie, pea ko ho‘o mā‘oni‘oni hangē ko e ngaahi peau ‘o e tahi. 19Pea ‘e tatau ho hako mo e ‘one‘one ‘i he matātahi, pea ko e fua ‘o ho manava hangē ko e kilikili#48.19 Ko e hiki ia he Sepituakiní. ‘Oku ‘ikai ‘ilo ‘a e lea ‘e he kau Hepelū ‘i onopooni. ‘o‘ona: ‘e ‘ikai tu‘usi hono hingoa pe tāmate‘i ‘i he fe‘ao mo au. 20Hū ki tu‘a mei Pāpilone, hola mei he kau Kalitia;#Fkhā 18.4 tala mo fanongonongo eni ‘aki ha le‘o matuitui, ‘ai ke a‘u atu ia ki he ngata‘anga ‘o māmani: tala,
Kuo huhu‘i ‘e Sihova ‘ene sevāniti ko Sēkope.
21Pea na‘e ‘ikai te nau fie inua ‘i he ngaahi fonua mōmoa na‘a ne taki ai kinautolu:
Na‘a ne fakatafe vai mei he maka mo‘onautolu,
Pea na‘a ne fahi makatu‘u, pea puna ai ‘a e vai.
22‘Oku ‘ikai ha fiemālie ki he kau angahala–ko e folofola ia ‘a Sihova.#‘Ais 57.21
Currently Selected:
KO ‘AISEA 48: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘AISEA 48
48
1FANONGO ki he me‘a ni, ‘a e fale ‘o Sēkope, ‘a ia ‘oku ui‘aki ‘a e hingoa ‘o ‘Isileli, ka kuo tafe atu mei he matavai ‘o Siuta; ‘a kimoutolu ‘oku fuakava ‘i he huafa ‘o Sihova, pea ‘oku tāpafua ‘a e huafa ‘o e ‘Otua ‘o ‘Isileli, ka tala‘ehai ko e fai mo‘oni, pea tala‘ehai ko e fai mā‘oni‘oni. 2Seuke, ‘oku nau taku ‘aki kinautolu ‘a e hingoa ‘o e Kolo Tapu, pea ‘oku nau falala ki he ‘Otua ‘o ‘Isileli; ko Sihova Sāpaoti hono huafa.
3Ko e ngaahi ‘uluaki me‘a kuo u fakahā talu fuoloa; ‘io, na‘e ‘alu atu mei hoku ngutu, pea na‘a ku fanongonongo ia: na‘e fakafokifā ‘eku fai ia, pea na‘e hoko. 4He na‘a ku ‘ilo ko e fefeka koe, pea ko e uoua ‘aione ho kia na, pea ko ho fōtunga ko e koto palasa. 5Ko ia na‘a ku fakahā ia kiate koe talu fuoloa; na‘a ku fanongonongo atu ia te‘eki ke hoko; telia na‘a ke pehē, Ko ‘eku ‘aitoli kuo fai ia, ‘io, ko ‘eku ‘īmisi mo ‘eku fakatātā ukamea na‘a na tu‘utu‘uni ia. 6Na‘a ke fanongo ki ai; pe‘i fakasio ki hono kotoa; pea ‘ikai na‘a mou mei fakamo‘oni ki ai? ‘Oku kamata eni ‘eku fanongonongo atu me‘a fo‘ou, ‘ani me‘a na‘e fakalilolilo, pea na‘e ‘ikai te ke ‘ilo ki ai. 7Ko e toki fakatupu ia, ‘o ‘ikai talu fuoloa; pea na‘e ‘ikai te ke fanongo ki ai ‘i he te‘eki hoko ‘a e ‘aho ni; telia na‘a ke pehē, Seuke, na‘a ku ‘ilo ia. 8Tala atu, na‘e ‘ikai te ke fanongo ki ai; ‘io, na‘e ‘ikai te ke ‘ilo: pea na‘e ‘ikai ava ho telinga ki ai fuoloa atu: he na‘a ku ‘ilo ko e mātu‘aki kākā koe, pea talu ho fanau‘i mo e ui koe ko Talangata‘a. 9Koe‘uhi pē ko hoku hingoa, ko ia ‘oku ou toloi ai hoku houhau, pea telia hoku fakamālō ‘oku ou fakama‘uma‘u ‘eku fai kiate koe, ‘o ‘oua te u tu‘usi koe. 10Vakai, kuo u fakama‘a koe, kae ‘ikai hangē ko e fai ki he siliva; kuo u sivi koe ‘i he fōnise ‘o e mamahi. 11Koe‘uhi ko au, koe‘uhi ko au, ‘oku ou fai ia–he ko e pehē koā ke talakaa‘i ia!–pea ko hoku kolōlia ‘e ‘ikai te u ‘atu ki ha taha.
Ko Kōlesi, ‘a e Taki ne Fili ‘e he ‘Otuá
12Fanongo kiate au, ‘e Sēkope, mo koe, ‘Isileli, ko e taha kuo u ui: Ko au ai pē; ko au ‘a e ‘Uluaki, ko au foki ‘a e Kimui. 13Ko hoku nima foki na‘e tanupou ‘a māmani, pea ko hoku to‘omata‘u ‘oku ne fafao atu ‘a e ngaahi langi: ka u ka ui kiate kinautolu, ‘oku nau tutu‘u mai leva.#48.13 tutu‘u mai leva; pe fakataha. 14Mou fakatefua mai ke fanongo, Ko hai ‘i he fa‘ahinga ko ē kuo fakahā ha me‘a pehē ni? Ko e toko taha ‘oku ‘ofa ki ai ‘a Sihova te ne fakaai hono finangalo ki Pāpilone, ‘io, ‘e fakaai hono nima ki he kau Kalitia. 15Ko au, ko au kuo u lea; kuo u ui ia foki: ‘io, kuo u fakaa‘u mai, pea ‘oku tu‘umālie hono fononga. 16Mou ‘unu‘unu mai kiate au, fanongo ki he me‘a ni: tala‘ehai kuo u lea ‘i he fufū talu ‘a e kamata‘anga.
Talu e taimi ‘o ‘ene kamata hoko, na‘a ku ‘i ai au:
Pea ‘i he taimi ni ko ‘Ātonai Sihova kuo ne fekau au mo Hono Laumālie.
17Ko e folofola eni ‘a Sihova ko ho Koeli, ko e Tāpuhā ‘o ‘Isileli; Ko au Sihova ko ho ‘Otua, ‘oku ou ako koe ke fai me‘a ‘aonga, ‘oku ou tataki koe ‘i he hala ‘oku totonu ke ke fou ai. 18Taumaiā na‘a ke tokanga ki he‘eku ngaahi tu‘utu‘uni! Pehē kuo hangē ha vaitafe ho‘o fiemālie, pea ko ho‘o mā‘oni‘oni hangē ko e ngaahi peau ‘o e tahi. 19Pea ‘e tatau ho hako mo e ‘one‘one ‘i he matātahi, pea ko e fua ‘o ho manava hangē ko e kilikili#48.19 Ko e hiki ia he Sepituakiní. ‘Oku ‘ikai ‘ilo ‘a e lea ‘e he kau Hepelū ‘i onopooni. ‘o‘ona: ‘e ‘ikai tu‘usi hono hingoa pe tāmate‘i ‘i he fe‘ao mo au. 20Hū ki tu‘a mei Pāpilone, hola mei he kau Kalitia;#Fkhā 18.4 tala mo fanongonongo eni ‘aki ha le‘o matuitui, ‘ai ke a‘u atu ia ki he ngata‘anga ‘o māmani: tala,
Kuo huhu‘i ‘e Sihova ‘ene sevāniti ko Sēkope.
21Pea na‘e ‘ikai te nau fie inua ‘i he ngaahi fonua mōmoa na‘a ne taki ai kinautolu:
Na‘a ne fakatafe vai mei he maka mo‘onautolu,
Pea na‘a ne fahi makatu‘u, pea puna ai ‘a e vai.
22‘Oku ‘ikai ha fiemālie ki he kau angahala–ko e folofola ia ‘a Sihova.#‘Ais 57.21
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.