KO ‘AISEA 47
47
Ko Hono Fakamāu‘i ‘o Pāpilone
1‘ALU hifo, ‘o nofo ‘i he efu, ta‘ahine Pāpilone, ‘o taau mo e tangata kei tāupo‘ou;
Nofo ‘i he kelekele ta‘eha taloni, ‘ōfefine ‘o e kau Kalitia:
He ‘e ‘ikai toe ui koe ko e pelepelengesi mo e fakananivi.
2To‘o ‘a e ongo maka, ‘o momosi mahoa‘a;
Tatala ho veili, hu‘i ho fakapatoho;
Huke ho kofu ke hā ho tenga, a‘a he ngaahi vaitafe;#47.2 a‘a he ngaahi vaitafe; ‘Oku sio nai eni ki he taki atu ‘o e kakaí ‘i honau fakahē‘í.
3Tatala ‘a e potu ‘oku vala‘i,
Ke mātu‘aki hā ho mā‘anga.
Ko e sauni ‘oku ou fai
‘E ‘ikai te u fakafetaulaki atu hangē ha tangata.
4Ko hotau Koeli ia, ko hono huafa ko Sihova Sāpaoti,
Ko e Tāpuhā ‘o ‘Isileli,
5Nofo fakalongo pē, ‘o hū ki he po‘uli, si‘i ‘ōfefine ‘o e kau Kalitia: ‘e ‘ikai toe ui koe ko e ma‘itaki ‘o e ngaahi pule‘anga. 6Na‘a ku ‘ita ki hoku kakai, na‘a ku va‘inga‘aki hoku tofi‘a, na‘a ku tuku kinautolu ki ho nima: na‘e ‘ikai te ke fai ha ‘ofa kiate kinautolu; na‘a mo e mātu‘a na‘a ke ‘ai mamafa ki ai ho‘o ‘ioke. 7Pea na‘a ke pehē, Te u nofo ko e ma‘itaki ‘o ta‘engata: ko ia, na‘e ‘ikai te ke ‘ai ki ho loto ‘a e ngaahi me‘a ko ia, na‘e ‘ikai te ke manatu ki he me‘a ‘e iku ki ai. 8Pea ko eni, fanongo ki he me‘a ni, ‘a koe ‘oku ke nofo ki he ngaahi mālie#Fkhā 18.7-8 –si‘ene nofo falala noa, si‘i pehē ‘i hono loto, Ko au pē, pea ‘oku ‘ikai mo ha taha; tala‘ehai te u nofo uitou, pea tala‘ehai te u ‘ilo ‘a e mole ‘a e fānau. 9‘Ā, ‘e hoko kiate koe ‘a e ongo me‘a ko ia fakatou‘osi ‘i ha fo‘i kemo, ‘i ha ‘aho pē taha, ‘a e mole ‘a e fānau mo e nofo uitou: te na hoko kiate koe (ko e hoko pe hoko!) neongo e lahi ho‘o fai tuki, neongo e hulu fau ho‘o fiemana. 10He na‘a ke fiemālie ‘i ho‘o faikovi; na‘a ke pehē, ‘Oku ‘ikai sio kiate au ha taha; ko ho‘o poto, mo ‘ilo, ko ia na‘e takihee‘i ai koe: ‘a ē ā na‘a ke pehē ai ‘i ho loto, Ko au ia, pea ‘oku ‘ikai mo ha taha. 11Pea ‘oku hoko kiate koe ha kovi; ‘oku ‘ikai te ke ‘ilo ki hano fakalanu: pea ‘oku tō kiate koe ha tu‘utāmaki ‘oku ‘ikai te ke lava ha holo ki ai: ‘io, ‘e hoko kiate koe ha faka‘auha fakafokifā, ta‘e te ke ‘ilo ki ai. 12Taukave pē mu‘a ho‘o ngaahi fiemana, mo ho‘o fu‘u fai tuki, ‘a ia kuo ke fakaongosia ai talu ho‘o talavou; hei‘ilo te ke lava ha me‘a ke ‘aonga, hei‘ilo te ke lava ke fakamana‘i. 13Kuo ke hela ‘i he lahi ho fale‘i: ke tu‘u mai mu‘a ‘a e fa‘ahinga ko ē, ‘o fakamo‘ui koe–‘a e kau vahevahe langi, ‘a e kau sio fetu‘u, ‘a kinautolu ‘oku faka‘ilo he māhina fo‘ou kotoa pē ha me‘a#47.13 ha me‘a; Ko hono fakalea ia ‘i he ngaahi hiki fuoloa ‘e ni‘ihi, ka ‘oku pehē he faka-Hepeluú: mei ha me‘a. ni‘ihi ‘e hoko kiate koe. 14Vakai, kuo nau hoko hangē ko e veve; kuo keina kinautolu ‘e he afi; ‘oku ‘ikai te nau mafakahaofi ‘enau mo‘ui mei he puke ‘a e ulo: tala‘ehai ko e afi malala ke fai ai ha talikula, ko ha maama fākavao. 15‘Oku pehē ‘a e tō‘onga kiate koe ‘a e fa‘ahinga kuo ke fakaongosia ai: ‘a e kakai kuo fai fakatau mo koe talu ho‘o talavou, ‘oku nau hola takitaha ‘i hono hala, ta‘eha taha ke ‘omi ha fakamo‘ui kiate koe.
Currently Selected:
KO ‘AISEA 47: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘AISEA 47
47
Ko Hono Fakamāu‘i ‘o Pāpilone
1‘ALU hifo, ‘o nofo ‘i he efu, ta‘ahine Pāpilone, ‘o taau mo e tangata kei tāupo‘ou;
Nofo ‘i he kelekele ta‘eha taloni, ‘ōfefine ‘o e kau Kalitia:
He ‘e ‘ikai toe ui koe ko e pelepelengesi mo e fakananivi.
2To‘o ‘a e ongo maka, ‘o momosi mahoa‘a;
Tatala ho veili, hu‘i ho fakapatoho;
Huke ho kofu ke hā ho tenga, a‘a he ngaahi vaitafe;#47.2 a‘a he ngaahi vaitafe; ‘Oku sio nai eni ki he taki atu ‘o e kakaí ‘i honau fakahē‘í.
3Tatala ‘a e potu ‘oku vala‘i,
Ke mātu‘aki hā ho mā‘anga.
Ko e sauni ‘oku ou fai
‘E ‘ikai te u fakafetaulaki atu hangē ha tangata.
4Ko hotau Koeli ia, ko hono huafa ko Sihova Sāpaoti,
Ko e Tāpuhā ‘o ‘Isileli,
5Nofo fakalongo pē, ‘o hū ki he po‘uli, si‘i ‘ōfefine ‘o e kau Kalitia: ‘e ‘ikai toe ui koe ko e ma‘itaki ‘o e ngaahi pule‘anga. 6Na‘a ku ‘ita ki hoku kakai, na‘a ku va‘inga‘aki hoku tofi‘a, na‘a ku tuku kinautolu ki ho nima: na‘e ‘ikai te ke fai ha ‘ofa kiate kinautolu; na‘a mo e mātu‘a na‘a ke ‘ai mamafa ki ai ho‘o ‘ioke. 7Pea na‘a ke pehē, Te u nofo ko e ma‘itaki ‘o ta‘engata: ko ia, na‘e ‘ikai te ke ‘ai ki ho loto ‘a e ngaahi me‘a ko ia, na‘e ‘ikai te ke manatu ki he me‘a ‘e iku ki ai. 8Pea ko eni, fanongo ki he me‘a ni, ‘a koe ‘oku ke nofo ki he ngaahi mālie#Fkhā 18.7-8 –si‘ene nofo falala noa, si‘i pehē ‘i hono loto, Ko au pē, pea ‘oku ‘ikai mo ha taha; tala‘ehai te u nofo uitou, pea tala‘ehai te u ‘ilo ‘a e mole ‘a e fānau. 9‘Ā, ‘e hoko kiate koe ‘a e ongo me‘a ko ia fakatou‘osi ‘i ha fo‘i kemo, ‘i ha ‘aho pē taha, ‘a e mole ‘a e fānau mo e nofo uitou: te na hoko kiate koe (ko e hoko pe hoko!) neongo e lahi ho‘o fai tuki, neongo e hulu fau ho‘o fiemana. 10He na‘a ke fiemālie ‘i ho‘o faikovi; na‘a ke pehē, ‘Oku ‘ikai sio kiate au ha taha; ko ho‘o poto, mo ‘ilo, ko ia na‘e takihee‘i ai koe: ‘a ē ā na‘a ke pehē ai ‘i ho loto, Ko au ia, pea ‘oku ‘ikai mo ha taha. 11Pea ‘oku hoko kiate koe ha kovi; ‘oku ‘ikai te ke ‘ilo ki hano fakalanu: pea ‘oku tō kiate koe ha tu‘utāmaki ‘oku ‘ikai te ke lava ha holo ki ai: ‘io, ‘e hoko kiate koe ha faka‘auha fakafokifā, ta‘e te ke ‘ilo ki ai. 12Taukave pē mu‘a ho‘o ngaahi fiemana, mo ho‘o fu‘u fai tuki, ‘a ia kuo ke fakaongosia ai talu ho‘o talavou; hei‘ilo te ke lava ha me‘a ke ‘aonga, hei‘ilo te ke lava ke fakamana‘i. 13Kuo ke hela ‘i he lahi ho fale‘i: ke tu‘u mai mu‘a ‘a e fa‘ahinga ko ē, ‘o fakamo‘ui koe–‘a e kau vahevahe langi, ‘a e kau sio fetu‘u, ‘a kinautolu ‘oku faka‘ilo he māhina fo‘ou kotoa pē ha me‘a#47.13 ha me‘a; Ko hono fakalea ia ‘i he ngaahi hiki fuoloa ‘e ni‘ihi, ka ‘oku pehē he faka-Hepeluú: mei ha me‘a. ni‘ihi ‘e hoko kiate koe. 14Vakai, kuo nau hoko hangē ko e veve; kuo keina kinautolu ‘e he afi; ‘oku ‘ikai te nau mafakahaofi ‘enau mo‘ui mei he puke ‘a e ulo: tala‘ehai ko e afi malala ke fai ai ha talikula, ko ha maama fākavao. 15‘Oku pehē ‘a e tō‘onga kiate koe ‘a e fa‘ahinga kuo ke fakaongosia ai: ‘a e kakai kuo fai fakatau mo koe talu ho‘o talavou, ‘oku nau hola takitaha ‘i hono hala, ta‘eha taha ke ‘omi ha fakamo‘ui kiate koe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.