KO HOSEA 6
6
Ko ha Fakatomala Loi ‘a e Kakaí
1HA‘U Ā, ka tau foki kia Sihova: he ko ia ia kuo ne hae, pea te ne faito‘o kitautolu; kuo ne taa‘i, pea te ne ha‘iha‘i kitautolu. 2Hili ‘a e ‘aho ‘e ua te ne fakamānava hake kitautolu: ‘i hono ‘aho tolu te ne fokotu‘u kitautolu, pea te tau mo‘ui, ‘o fe‘ao mo ia. 3Pea ke tau ‘ilo; ke tau tuli ki he ‘ilo ‘o Sihova; ko ‘ene hopo hake kuo tu‘utu‘uni hangē ko e hengihengi: pea te ne ha‘u kiate kitautolu hangē ko e ‘uha, hangē ko e ‘uha mui, ko vaimui ‘ene mape‘epe‘e ki he fonua.
4‘E ‘Ifalemi, ko e hā te u fai kiate koe? ‘E Siuta, ko e hā te u fai kiate koe? he ko ho‘omo lelei ‘oku hangē ko ha ‘ao pongipongi, pea hangē ko e hahau ‘ene mole vave. 5Ko ia, na‘a ku tātā kinautolu ‘aki ‘a e kau palōfita: na‘a ku tāmate‘i ‘aki ‘a e ngaahi lea ‘a hoku ngutu: pea ‘oku ‘alu atu ‘eku fakamaau#6.5 ‘Oku toe hiki: pea ko ho ngaahi fakamaau. ‘Oku toe hiki ‘a e maama, ko e ‘uhila. hangē ko e maama. 6He ko e ‘ofa ‘oku ou manako ki ai; ‘o ‘ikai ko e feilaulau; pea ‘oku tāimu‘a ‘a e ‘ilo‘i ‘o e ‘Otua ‘i he ngaahi feilaulau-mōifua.#Māt 9.13; 12.7
7Ka ko e fa‘ahinga ko ē, kuo nau maumau kovinānite hangē ko ‘Ātama:#6.7 Ka ko e… ‘Ātamá: ‘Oku ngali tonu hono hiki ‘o: Ka ko e ‘enau a‘u atu pē ki he fonuá ‘i ‘Ātama. kuo nau fai kākā kiate au ‘i he potu ko ē. 8Ko Kiliati ko e kolo ‘o ha‘a fai kovi. Kuo tukulaumea ‘i he toto fakapō. 9Pea hangē ko e toka tata‘o ‘a e ngaahi kaiha‘akau ki ha tangata, pehē ‘oku fai fakapō ‘e ha kautaha taula‘eiki ‘i he hala ki Sikemi: seuke, kuo nau fai me‘a mousa‘a. 10Kuo u mamata ‘i he fale ‘o ‘Isileli ki ha me‘a fakalilifu: ‘i he potu ko ia kuo ‘ilo ‘a e fai fe‘auaki ‘i ‘Ifalemi, kuo ‘uli‘i ‘a ‘Isileli.
11‘A Siuta foki, kuo tu‘utu‘uni mo‘ou ha ututa‘u, ‘oka u ka liliu ‘a e pōpula ‘o hoku kakai.
Currently Selected:
KO HOSEA 6: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
