KO HOSEA 12
12
Ko Hono Fakahalaia‘i ‘o Siuta mo ‘Isileli
1‘OKU loki au ‘e ‘Ifalemi ‘aki ‘a e loi, pe ko e fale ‘o ‘Isileli ‘aki ‘a e kākā; ka ko Siuta ‘oku kei fai ‘a e pule#12.1 ‘Oku fihi. ‘Oku toe hiki: taka kehe. he feangai mo ‘Ela, pea ‘oku fai mo‘oni ‘ene feohi mo e Toputapu.
2‘Oku kaikai ‘a ‘Ifalemi ki he matangi, pea ‘oku ne tuli ki he matangi hahake: ‘oku ne fakalahi ma‘u ai pē ‘a e kākā mo e maumau me‘a; pea ‘oku nau fai talite mo ‘Āsilia, pea ‘oku fetuku lolo ki ‘Isipite. 3Pea ‘oku ai ha hopo ‘a Sihova ke fai mo Siuta, pea te ne tautea ‘a Sēkope, ‘o fakatatau mo hono ngaahi ‘alunga; te ne fakafoki kiate ia ‘a e tuha ‘o ‘ene ngaahi fai anga.#Sēn 25.26 #Sēn 32.24-26
4Lolotonga na‘a ne ‘i he manava
Na‘a ne puke ‘a e muiva‘e ‘o hono tokoua;
Pea ‘i he‘ene tangata na‘a ne fai mo e ‘Otua:#Sēn 28.10-22
5‘Io, na‘a ne fefa‘uhi mo e ‘āngelo, ‘o ne lava‘i,
Na‘a ne tangi mo hū kiate ia:
Na‘a ne ‘ilo ia ‘i Pēteli,
Pea ‘i he potu ko ia na‘e fai ‘ene fefolofolai mo kitautolu.#12.5 mo kitautolu: Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: mo ia.
6‘Io, ‘a Sihova ko e ‘Otua Mohu hōsitē:
Ko Sihova hono huafa manatua.
Ko ha Toe ngaahi Fakamaau
7Ko ia te ke tafoki koe, ‘o nofo ki ho ‘Otua: tauhi ‘a e ‘ofa mo e faitotonu, pea nofo‘aki tali ki ho ‘Otua. 8‘a e Kēnani na,#12.8 pe Finisia; pe mesianiti. ‘oku ne to‘o ha fuatautau hala: ‘oku ne manako ke ma‘u me‘a ‘i he kākā. 9Ka ‘oku lau ‘e ‘Ifalemi, ‘Ā, fokifā pē kuo u koloa‘ia, kuo u ma‘u me‘a; ‘oku ‘ikai ha taha ‘i he ngaahi fua ‘o ‘eku ngāue ‘oku lava ke faka‘ilo ha‘aku kovi, kehe ha kovi ‘e lau ko e angahala.#Lev 23.42-43
10‘Osi, ko au pē ‘a Sihova ko ho ‘Otua, talu ‘a ‘Isipite ‘o fai mai; te u tuku ke ke toe nofo tēniti, hangē ko e fai lolotonga ‘a e kātoanga. 11Pea kuo u lea hifo ki he kau palōfita; ‘io, ko au na‘a ku fakalahi vīsone; pea u fakafai ‘i he kau palōfita ‘eku ngaahi fakatātā.
12Ko e koto kovi koā ‘a Kiliati? ‘Ā, kuo nau hoko ko e nge‘esi. ‘Oku fai ma‘u pē koā ‘e Kiliati ‘a e feilaulau pulu? ‘E hoko foki ‘enau ngaahi ‘ōlita hangē ko e ngaahi fokotu‘unga maka ‘i he kauefu ‘o e ngoue.#Sēn 29.1-20
13Ka ko Sēkope na‘a ne hola ki he tuku‘uta ‘o Sīlia,
Pea na‘e ngāue ‘a ‘Isileli ke ma‘u ha uaifi,
‘Io, ke ma‘u ha uaifi na‘a ne fai ‘a e ngāue tauhi.#‘Eki 12.50-51
14Ka ko e palōfita na‘e ‘ohake ai ‘e Sihova ‘a ‘Isileli mei ‘Isipite,
Pea ko e palōfita na‘e fai‘aki hono tauhi.
15Kuo langa‘i ‘e ‘Ifalemi ‘a e houhau kona: ko ia ‘e tuku hono toto ke tō kiate ia, pea ko ‘ene talakaa‘i ‘ene ‘Afio ‘e fakafoki ‘e hono ‘Eiki kiate ia.
Currently Selected:
KO HOSEA 12: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
