KO HAPAKUKI 2
2
Ko e Tali ‘a Sihova kia Hapakuki
1KA U tu‘u ‘i hoku potu le‘o, mo lavaki nofo ‘i he talitau‘anga, ‘o fakasio atu ke vakai pe ko e hā ha lea loto te ne fai ‘iate au, mo e hā ha tali te u#2.1 u: Ko hono faka-Hepeluú ia, ka ‘oku pehē ‘i he hiki fuoloa ‘e taha: ne. fai ki he‘eku lāunga.
2Pea tali mai ‘e Sihova, ‘o pehē, Tohi ‘a e vīsone, tongi ke mahino ‘i he ngaahi tohi‘anga, koe‘uhi ke lau ai pē ‘a e lele. 3He ‘oku sio ‘a e vīsone ki ha taimi atu kuo tu‘utu‘uni, pea ‘oku holi ia ke a‘u, pea ‘e ‘ikai loi: kapau ‘oku ngali tuai, piki pē#2.3 pe nofo‘aki tali. ki ai; he kuo pau te ne ha‘u: ‘e ‘ikai tuai.#Hep 10.37 4Vakai, ko e mafi ia; ‘oku ‘ikai tu‘u totonu ‘a e loto ‘oku ‘iate ia:#2.4 Vakai… ia: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: Pea ko e fekaú eni: “‘E ‘ikai ke hao ‘a e kakai koví.” ka ko e mā‘oni‘oni te ne mo‘ui mei he‘ene tui.#Lom 1.17; Kal 3.11; Hep 10.38
Ko e Fakamāumatea ‘o e Kakai Ta‘eFai Totonú
5Kae‘uma‘ā (he ko e uaine ko e tama kākā) ko e to‘e fakapupula ia, ‘o ‘ikai te ne manofo; seuke, kuo ne mafa‘a ‘ene havala hangē ko Lolofonua, ‘io, ‘oku ne hangē ko Mate ‘ene ta‘ematopono, pea ‘oku ne tānaki mai kiate ia ‘a e ngaahi pule‘anga kotoa, pea ‘oku ne faluku mai ‘a e ngaahi kakai fua pē ma‘ana. 6‘Ikai koā ‘e ofa‘aki ‘e kinautolu na kotoa ha ta‘anga kiate ia, mo ha fakatātā, ko e koto tupu‘a ‘oku kau kiate ia, ‘o nau pehē,
‘Oiauē ‘a e taha ‘oku fakalahi me‘a ‘oku ‘ikai ‘a‘ana!–
‘E ngata ‘afē?–
‘Oiauē ‘a e taha ‘oku hilifaki kiate ia ‘a e ngaahi kavenga talifaki!
7‘Ikai koā ‘e tu‘u hake fakafokifā ‘a kinautolu te nau ‘uusi koe, pea ofo hake ‘a kinautolu te nau sese‘e koe, pea te ke hoko ko e koto vete ma‘anautolu? 8Seuke, ko koe kuo ke vete ‘ani kakai lahi, ‘e vete koe ‘e hono toe ‘o e ngaahi kakai, ko e me‘a ‘i he lahi ‘o e toto ‘o e kakai, mo e fakamālohia ‘o e fonua mo e kolo, mo e me‘a kotoa ‘oku nofo ai.#2.8: fonua… nofo ai; pe kakai ‘o māmani mo hono ngaahi koló.
9‘Oiauē ‘a e taha ‘oku ne fakalahi koloa hala ma‘a hono fāmili,
Ke ‘ai hono pununga ‘i taukakapa,
Ke ne hao mei he tatae ‘a e kovi!
10Kuo ke fakakaukau‘i ha mā ki ho fāmili, ho‘o tu‘usi ha ngaahi kakai lahi. 11Pea kuo ke hia ki ho laumālie ‘o‘ou. Seuke, ‘e hua ‘a e maka mei he holisi, pea tali ‘e he toka mei he fata.
q 12‘Oiauē ‘a e taha ‘oku langa kolo ‘aki ha fu‘ufu‘unga toto,
‘O ne fokotu‘u vilisi ‘i he faihala! 13Sī ni, ‘ikai ‘oku meia Sihova Sāpaoti ia? ‘a e fakaongosia ‘a e ngaahi kakai ma‘a e afi pē, mo hela ‘a e ngaahi fa‘ahinga ma‘a e muna pē? 14He ‘e fonu ‘a māmani ‘i he ‘ilo‘i ‘o e lāngilangi ‘o Sihova, ‘o hangē ko e mafola ‘a e vai ‘i he tahi.#‘Ais 11.9
15‘Oiauē ‘a e taha ‘oku ‘ange kava ki ha taha kehe,
‘O ke tuiaki ho‘o me‘a konā,
‘O mātu‘aki fai ke ne konā,
Koe‘uhi ā ke ke sio ki honau telefua!
16Kuo ke topono, kae ‘aki ‘a e me‘a fakamā pē, ‘o ‘ikai ‘aki ‘a e lāngilangi: inu koe foki, kae hā ho‘o ta‘ekamu. Ko e ipu ‘i he to‘omata‘u ‘o Sihova ‘e takai ‘o hoko kiate koe, pea ‘e ‘ufi‘ufi ho lāngilangi ‘aki ha lua fakamā.#2.16 pe ‘aki ha fu‘ufu‘unga fakamā. 17He ko e fakamālohi na‘e fai ki Lepanoni ‘e fakapūlou koe, mo e faka‘auha ‘o e fanga manu ‘e fakalelemo‘ui; ko e me‘a ‘i he lahi ‘o e toto ‘o e kakai, mo e fakamālohia ‘o e fonua mo e kolo, mo e me‘a kātoa ‘oku nofo ai.#2.17: fonua… nofo ai; pe kakai ‘o māmani mo hono ngaahi koló.
18Ko e hā ‘a e ‘aonga ‘o e tamapua, ke ongosia tongitongi ai ia ‘e he tufunga? Ko e hā ‘a e ‘aonga ‘o e ‘īmisi haka, mo e tama ako loi, ke falala ai ki ai ‘e ia na‘e fai hono ngaohi, ke ne fai atu ‘ene ngaohi ‘aitoli ta‘elea? 19‘Oiauē ‘a ia ‘oku ne pehē ki ha potupotu‘i ‘akau, “Ofo hake!” Ki he maka ta‘elea, “Ngaue hake!” Ko eni ia ‘e fai ako: vakai ange, kuo ‘ufi‘ufi ‘aki ‘a e koula mo e siliva! ‘osi ‘oku ‘ikai ha momo‘i mānava ‘i hono fatu.
20Ka ko Sihova ē ‘i hono temipale tapu: ke fakalongo ‘i hono ‘ao ‘a māmani kātoa.
Currently Selected:
KO HAPAKUKI 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
