KO ‘ĒSELA 10
10
Ko e Fokotu‘utu‘u ke Ta‘ofi ‘a e Femali‘aki mo e Kakai Muli
1PEA lolotonga na‘e lotu ‘a ‘Ēsela, mo fai ‘ene vete, ‘o ne tangi mo fakafo‘ohifo ‘i he ‘ao ‘o e fale ‘o ‘Elohimi, na‘e fe‘unu‘i mai kiate ia mei ha‘a ‘Isileli ha kakai tokolahi ‘aupito, ko e tangata mo e fefine mo e fānau: he na‘e tangi ‘a e kakai, ko e tangi ka ko ha tangi.
2Pea fakalea mai ‘a Sekonaia foha ‘o Sīheli, ko e taha ‘i ha‘a ‘Īlami, ‘o ne pehē kia ‘Ēsela, Kuo mau hia ki homau ‘Otua, pea kuo mau mali mo e kau fefine muli mei he ngaahi kakai ‘o e fonua. Ka neongo ia ka ‘oku ai ha ‘amanaki ki ‘Isileli ‘i he me‘a ni. 3Pea ko eni, tau fai fuakava mo hotau ‘Otua ke tukuange ‘a e kau fefine ko ē mo e fānau kuo nau fā‘ele‘i, hangē ko e fale‘i ‘a e feitu‘u na, mo kinautolu ‘oku tailiili ‘i he tu‘utu‘uni ‘a hotau ‘Otua; pea ke fai ‘a e me‘a ‘o hangē ko e Lao.
4Tu‘u pē; he ko ha‘au me‘a ia, pea te tau kau mo koe: ke ke lototo‘a ‘o fai.
5Pea tu‘u ‘a ‘Ēsela, ‘o fakafuakava ‘a e hou‘eiki ‘o e kau taula‘eiki mo e kau Līvai mo e kau ‘Isileli ke fai ‘o hangē ko e lea ko ia. Pea na‘a nau fuakava.
6Pea hiki ‘a ‘Ēsela mei he ‘ao ‘o e fale ‘o ‘Elohimi, ‘o ne ‘alu ki#10.6 ‘alu; Ko hono faka-Hepeluú ia, ka ‘oku pehē he hiki fuoloa ‘e taha: ‘o ne mohe he pō ko iá ‘i. ki he loki ‘o Sihohanani foha ‘o ‘Eliasipi: pea ‘i he‘ene a‘u ki ai na‘e ‘ikai te ne kai me‘akai pe inu ha vai: he na‘a ne fakamamahi koe‘uhi ko e hia ‘a e kau fakapōpula.
7Pea na‘a nau fanongonongo ‘i Siuta mo Selusalema ki he kau fakapōpula kātoa, ke nau fakatefua mai ki Selusalema; 8pea ke ‘ilonga ‘a kinautolu kuo ‘ikai omi ‘i he te‘eki ‘osi ‘a e ‘aho ‘e tolu, hangē ko e alea ‘a e hou‘eiki mo e kau mātu‘a, ‘e mōifua ‘ene koloa kotoa, pea ‘e vahe‘i ia mei he fakataha ‘a e kau fakapōpula. 9Ko ia, na‘e fakatefua mai ‘a e kau tangata kotoa ‘o Siuta mo Penisimani ki Selusalema ‘i he te‘eki ke ‘osi ‘a e ‘aho ‘e tolu; ko hono hiva māhina ia, ko e ‘aho uofulu ‘o e māhina: pea na‘e nofo ‘a e kakai kotoa ‘i he mala‘e ‘o e fale ‘o ‘Elohimi, ‘oku tete honau kakano koe‘uhi ko e me‘a ko ē pea mo e ‘uha lahi.
10Pea tu‘u ‘a ‘Ēsela Taula‘eiki, ‘o ne pehē kiate kinautolu, Kuo mou fai hala, pea kuo mou nonofo mo e kau fefine muli, ke fakalahi ki he hia ‘a ‘Isileli. 11Pea ko ia, mou fai ho‘omou vete kia Sihova, ko e ‘Otua ‘o homou tupu‘anga, ‘o fai ha me‘a te ne hōifua ai, ‘o vahe‘i kimoutolu mei he ngaahi kakai ‘o e fonua, pea mei he kau fefine muli.
12Pea tali le‘o lahi ‘a e fakataha kotoa, ‘o pehē, Ko e me‘a kuo ke me‘a ki ai kuo pau ke mau fai. 13Ka ko e kakai ‘oku tokolahi, pea ko e taimi ‘uha eni, pea ‘oku ‘ikai ke lava ke nofo ‘i tu‘a, pea tala‘ehai ko e ngāue ‘o e ‘aho ‘e taha pe ua: he kuo mau angahala lahi ‘i he me‘a ni. 14Ke nofo mu‘a ‘a e hou‘eiki, ‘o fai ma‘a e fakataha kātoa; pea ‘ilonga kinautolu ‘i homau ngaahi kolo kuo nonofo mo e kau fefine muli ke nau omi ‘i he ngaahi taimi tu‘utu‘uni, pea omi mo kinautolu ‘a e mātu‘a ‘o e ngaahi kolo takitaha, mo hono kau fakamaau, kae‘oua ke fakafoki meiate kitautolu ‘a e kakaha ‘o e houhau ‘o hotau ‘Otua, pea ‘oua ke ‘osi ‘a e me‘a ko eni. 15(Ka ko Sionatane foha ‘o ‘Asaeli, mo Siakasia foha ‘o Tīkua, ko kinaua pē na‘e tu‘u ke ta‘ofi ‘a e me‘a: pea poupou ki ai ‘a Mēsuilame mo e Līvai ko Sapetai).
16Pea fai pehē ‘a e ha‘a fakapōpula, pea na‘e vahe‘i#10.16 vahe‘i; Ko hono fakalea ia he ngaahi hiki fuoloa ‘e ni‘ihi, ka ‘oku ‘ikai ke mahino ‘a hono faka-Hepeluú. ‘a ‘Ēsela Taula‘eiki mo e tu‘unga hou‘eiki ‘ulumotu‘a ki he fāmili takitaha, pea na‘e lau honau hingoa tāutaha; pea ‘i he ‘uluaki ‘aho ‘o hono hongofulu ‘o e māhina na‘a nau nofo hifo ke ‘eke ‘a e me‘a. 17Pea fe‘unga mo e ‘uluaki ‘aho ‘o e ‘uluaki māhina kuo nau ‘osi ‘a e kau tangata kuo nonofo mo e kau fefine muli.
18Pea ‘i ha‘a taula‘eiki na‘e ‘ilo ha ni‘ihi kuo nonofo mo e kau fefine muli: ‘a eni; ‘i he fānau ‘a Sisua foha ‘o Siosateki mo hono kāinga, ko Ma‘aseia, mo ‘Eliesa, mo Sialipi, mo Ketalaia.
19Pea nau mafao atu honau nima ke tukuange honau ‘unoho; pea ke nau mo‘ua ke ‘atu ‘a e sipi tangata koe‘uhi ko ‘enau hia. 20Pea ‘i ha‘a ‘Īmeli; ko Hānani, mo Sepataia. 21Pea ‘i ha‘a Hālimi; ko Ma‘aseia, mo ‘Ilaisiā, mo Sēmaia, mo Sēheli, mo ‘Ūsaia. 22Pea ‘i ha‘a Pāsua; ko ‘Elioenai, Ma‘aseia, ‘Isime‘eli, Nātaniela, Siosapate, mo ‘Ēlasa.
23Pea ‘i ha‘a Līvai; ko Siosapate, mo Simi, mo Kelaia, (kuo Kēlita ia), mo Petahaia, Siuta, pea mo ‘Eliesa. 24Pea ‘i he kau hiva; ko ‘Eliasipi: pea ‘i he kau le‘o matapā; ko Sālumi, mo Tēlemi, mo ‘Uli.
25Pea ‘i he kau ‘Isileli: ‘i ha‘a Pālosi: ko Lamaia, mo ‘Īsaia, mo Malakaia, mo Misiamini, mo ‘Eliesa, mo Malakaia, mo Penaia. 26Pea ‘i ha‘a ‘Īlami; ko Matanaia, Sākalaia, mo Sīheli, mo ‘Āpeti, mo ‘Ilimoti mo ‘Ilaisiā.
27Pea ‘i ha‘a Satu; ko ‘Elioenai, ‘Eliasipi, Matanaia, mo ‘Ilimoti, mo Sāpati, mo ‘Āsisa.
28Pea ‘i ha‘a Pēpai; ko Sihohanani, ‘Ananaia, Sapai, ‘Atelai. 29Pea ‘i ha‘a Pani; ko Mēsuilame, Māluki, mo ‘Āsaia, mo ‘Iasupi, mo Seali, mo Lāmoti. 30Pea ‘i ha‘a Pāhati-Moape; ko ‘Ātena, mo Kēlali, ko Penaia, Ma‘aseia, Matanaia, Pesalili, pea mo Pinui, mo Manase. 31Pea ‘i ha‘a Hālinu; ko ‘Eliesa, ‘Īsaia, Malakaia, Sēmaia, Simione; 32ko Penisimani, Māluki, Semalaia. 33‘I ha‘a Hāsumi: ko Matenai, Mātata, Sāpati, ‘Elifeleti, Selemai, Manase, Simi. 34‘I ha‘a Pani; ko Ma‘atai, ‘Amilami, pea mo ‘Ueli;
35ko Penaia, Peteia, Kēluhi; 36ko Vanaia, Melemoti, ‘Eliasipi; 37ko Matanaia, Matenai, pea mo ‘Ia‘asu; 38mo Pani, mo Pinui, mo Simi; 39mo Selemaia, mo Nētane, mo ‘Āsaia; 40ko Makanatepai, Sesai, Salai; 41ko ‘Asaleli, mo Selemaiahu, mo Semalaia; 42ko Sālumi, ‘Amalaia, Siosifa. 43‘I ha‘a Nepo; ko Sieli, ko Matetaia, ko Sāpati, ko Sēpina, ko ‘Ito mo Sioeli pea mo Penaia. 44Ko kinautolu ni kotoa kuo mali mo e kau fefine muli: pea ko honau ni‘ihi kuo ma‘u fānau honau uaifi.#10.44 ‘Oku ‘ikai ke mahino ‘a e faka-Hepelū ‘o e vēsí ni.
Currently Selected:
KO ‘ĒSELA 10: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
