KO ‘ĒSETA 7
7
1KO ia na‘e omi ‘a e tu‘i mo Hāmani ke kātoanga mo ‘Ēseta ko e kuini. 2Pea folofola ‘a e tu‘i kia ‘Ēseta ‘i hono ‘aho ua foki, ‘i he‘enau inu uaine, Ko e hā ho‘o kole, Kuini ‘Ēseta? pea ‘e ‘atu: ‘io, ko e hā ‘a e me‘a ‘oku ke fiema‘u? pea ‘e fai, neongo ko e vaeua ‘o e pule‘anga.
3Pea tali ‘e Kuini ‘Ēseta, ‘o ne fakatau folofola, ‘Ēī, ka kuo u ta‘imālie ‘ofa ‘i he ‘afiona, pea ka ‘oku lelei ki he ‘afiona, pea tuku mai ke u mo‘ui–ko ‘eku kole ia–mo hoku kakai foki–ko e me‘a ia ‘oku ou fiema‘u. 4He kuo fakatau kimautolu, ‘a au mo hoku kakai, ke faka‘auha, ke tāmate‘i, pea ke faka‘osi. Ka ‘oka ne ko e fakatau kimautolu ke tamaio‘eiki mo kaunanga, pehē kuo u fakalongo, neongo ‘e ‘ikai lava ‘e he fili ke fakaai ‘a e fakamasiva ‘o e tu‘i.#7.4 fakalongo… tu‘í; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: fakalongo ‘o ‘ikai fakahoha‘asi ai ‘a e ‘Afio na.
5Pea folofola ‘a Kingi ‘Ehasivelo kia ‘Ēseta ko e kuini, Ko hai tū ia, pea ‘oku ne ‘i fē, kuo ‘afungi hono loto ke fai ha me‘a pehē?
6Pea tali ‘e ‘Ēseta. Ha tangata fakamamahi mo fili–‘a Hāmani Kovi na! Pea manavahē ‘a Hāmani ‘i he ‘ao ‘o e tu‘i mo e kuini.
7Pea me‘a hake ‘a e tu‘i mei he inu uaine kuo tuputāmaki, ‘o ne ‘alu ki he ngouetapu ‘o e palasi: pea tu‘u ‘a Hāmani ke kole mo‘ui meia Kuini ‘Ēseta; he na‘a ne vakai kuo pau ‘a e mala kiate ia mei he tu‘i. 8Pea foki ‘a e tu‘i mei he ngouetapu ‘o e palasi ki he fale taumafa uaine, pea ko Hāmani e kuo hinga ki he sofa ‘oku ‘i ai ‘a ‘Ēseta. Pea folofola ‘a e tu‘i, Te ne tohotoho‘i foki ‘a e kuini, ‘i fale, ‘i hoku ‘ao! Ko e tō mai leva ‘a e lea mei he fofonga ‘o e tu‘i na‘a nau ‘ai ‘a e pūlou ki he fofonga ‘o Hāmani.
9Pea fakatau folofola hake ‘a Ha‘apona ko e taha ‘i he kau ‘iunoke na‘e fai ‘a e fakafe‘ao ki he tu‘i, Vakai foki, ko e ‘akau na‘e ngaohi ‘e Hāmani kia Motekiai na‘e tala me‘a ‘aonga ma‘a e tu‘i, ‘oku kei tu‘u ia ‘i he fale ‘o Hāmani, ‘oku nimangofulu‘i kiupite hono mā‘olunga.
10Pea folofola ‘a e tu‘i, Fakatūfana‘i ia ‘i ai. Ko ia na‘a nau fakatūfana‘i ‘a Hāmani ‘i he ‘akau na‘a ne teu mo‘o Motekiai. Pea na‘e toki lolou ai ‘a e houhau ‘o e tu‘i.
Currently Selected:
KO ‘ĒSETA 7: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘ĒSETA 7
7
1KO ia na‘e omi ‘a e tu‘i mo Hāmani ke kātoanga mo ‘Ēseta ko e kuini. 2Pea folofola ‘a e tu‘i kia ‘Ēseta ‘i hono ‘aho ua foki, ‘i he‘enau inu uaine, Ko e hā ho‘o kole, Kuini ‘Ēseta? pea ‘e ‘atu: ‘io, ko e hā ‘a e me‘a ‘oku ke fiema‘u? pea ‘e fai, neongo ko e vaeua ‘o e pule‘anga.
3Pea tali ‘e Kuini ‘Ēseta, ‘o ne fakatau folofola, ‘Ēī, ka kuo u ta‘imālie ‘ofa ‘i he ‘afiona, pea ka ‘oku lelei ki he ‘afiona, pea tuku mai ke u mo‘ui–ko ‘eku kole ia–mo hoku kakai foki–ko e me‘a ia ‘oku ou fiema‘u. 4He kuo fakatau kimautolu, ‘a au mo hoku kakai, ke faka‘auha, ke tāmate‘i, pea ke faka‘osi. Ka ‘oka ne ko e fakatau kimautolu ke tamaio‘eiki mo kaunanga, pehē kuo u fakalongo, neongo ‘e ‘ikai lava ‘e he fili ke fakaai ‘a e fakamasiva ‘o e tu‘i.#7.4 fakalongo… tu‘í; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: fakalongo ‘o ‘ikai fakahoha‘asi ai ‘a e ‘Afio na.
5Pea folofola ‘a Kingi ‘Ehasivelo kia ‘Ēseta ko e kuini, Ko hai tū ia, pea ‘oku ne ‘i fē, kuo ‘afungi hono loto ke fai ha me‘a pehē?
6Pea tali ‘e ‘Ēseta. Ha tangata fakamamahi mo fili–‘a Hāmani Kovi na! Pea manavahē ‘a Hāmani ‘i he ‘ao ‘o e tu‘i mo e kuini.
7Pea me‘a hake ‘a e tu‘i mei he inu uaine kuo tuputāmaki, ‘o ne ‘alu ki he ngouetapu ‘o e palasi: pea tu‘u ‘a Hāmani ke kole mo‘ui meia Kuini ‘Ēseta; he na‘a ne vakai kuo pau ‘a e mala kiate ia mei he tu‘i. 8Pea foki ‘a e tu‘i mei he ngouetapu ‘o e palasi ki he fale taumafa uaine, pea ko Hāmani e kuo hinga ki he sofa ‘oku ‘i ai ‘a ‘Ēseta. Pea folofola ‘a e tu‘i, Te ne tohotoho‘i foki ‘a e kuini, ‘i fale, ‘i hoku ‘ao! Ko e tō mai leva ‘a e lea mei he fofonga ‘o e tu‘i na‘a nau ‘ai ‘a e pūlou ki he fofonga ‘o Hāmani.
9Pea fakatau folofola hake ‘a Ha‘apona ko e taha ‘i he kau ‘iunoke na‘e fai ‘a e fakafe‘ao ki he tu‘i, Vakai foki, ko e ‘akau na‘e ngaohi ‘e Hāmani kia Motekiai na‘e tala me‘a ‘aonga ma‘a e tu‘i, ‘oku kei tu‘u ia ‘i he fale ‘o Hāmani, ‘oku nimangofulu‘i kiupite hono mā‘olunga.
10Pea folofola ‘a e tu‘i, Fakatūfana‘i ia ‘i ai. Ko ia na‘a nau fakatūfana‘i ‘a Hāmani ‘i he ‘akau na‘a ne teu mo‘o Motekiai. Pea na‘e toki lolou ai ‘a e houhau ‘o e tu‘i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.