KO ‘ĒSETA 6
6
Ko Hono Fakalāngilangi‘i ‘e he Tu‘í ‘a Motekiaia
1KO E pō ko ia na‘e ‘ikai mamohe ‘a e tu‘i, pea ne fekau ke ‘omi ‘a e tohi Kalonikali, pea na‘e laulau atu ‘i he ‘ao ‘o e tu‘i. 2Pea faifai pea nau a‘u ki he fakamatala ko eni, Tokua na‘e faka‘ilo ‘e Motekiai ‘a Pikitana mo Tēlesi, ko e ongo ‘iunoke ‘a e tu‘i na‘e kau ‘i he kau le‘o hū‘anga, kuo na feinga ke ala kia Kingi ‘Ehasivelo.#‘Ēseta 2.21-22 3Pea folofola ‘a e tu‘i, Ko e hā ha fakahīkihiki‘i pe fakanofo tu‘unga na‘e fai kia Motekiai koe‘uhi ko e me‘a ko ia?
Pea tali ‘a e kau tama ‘a e tu‘i na‘e tauhi ia, Kuo te‘eki ke fai kiate ia ha me‘a.
4Pea folofola ‘a e tu‘i, Ko hai ‘oku ‘i loto‘ā na? Tā ko Hāmani kuo ha‘u ki he loto‘ā tu‘a ‘o e fale ‘o e tu‘i, ke fakatau folofola ki he‘ene ‘afio ke fakatūfana‘i ‘a Motekiai ‘i he ‘akau kuo ne teu mo‘ona.
5Ko ia na‘e fakatau folofola hake ‘a e kau tama ‘a e tu‘i, Ko Hāmani ena ‘oku tu‘u mai mei loto‘ā.
Pea folofola ‘a e tu‘i, Ke ne ha‘u pē.
6Pea hū mai ‘a Hāmani. Pea folofola ‘a e tu‘i ki ai, Ko e hā ‘e fai ki he tangata ‘oku hu‘u ki ai ‘a e loto ‘o e tu‘i ke fakahīkihiki‘i?
Pea pehē ‘e Hāmani ‘i hono loto, Ko hai ha taha ‘oku hu‘u ‘a e finangalo ‘o e tu‘i ki ai ke fakahīkihiki‘i, ‘o tuku au?
7Pea fakatau folofola ‘a Hāmani ki he tu‘i, Ko e tangata ‘oku hu‘u ki ai ‘a e finangalo ‘o e tu‘i ke fai hono fakahīkihiki‘i–#6.7-8 fai hono fakahīkihiki‘i; Ko hono ‘oange nai ha fa‘ahinga kalauni. 8ke ‘omi mo‘ona ‘a e kofu fakatu‘i ‘oku fa‘a tui ‘e he ‘afiona, mo e hoosi ‘oku heka ai ‘a e ‘afio, pea ‘oku ‘ai ha kalauni fakatu‘i ‘i hono ‘ulu: 9pea ke tuku ‘a e kofu mo e hoosi ki he nima ‘o ha taha ‘o e hou‘eiki nōpele ‘o e tu‘i, ke nau fakakofu ‘aki ‘a e tangata ‘oku tokanga ‘a e tu‘i ke fakahīkihiki‘i; pea ke ne fakahā‘ele ia ‘i he funga hoosi, ‘o hala loto kolo; pea ke ne ui‘aki ‘i hono ‘ao, ‘o pehē, Ko e tō‘onga eni ‘e fai ki ha tangata ‘oku tokanga ‘a e tu‘i ke fakahīkihiki‘i.
10Pea folofola ‘a e tu‘i kia Hāmani, Fai vave; to‘o ‘a e kofu mo e hoosi, ‘o hangē ko ho‘o lau, ‘o fai pehē kia Motekiai Siu ‘oku nofo ‘i he hū‘anga ki Loto‘ā: ke ‘oua ‘e hala ha me‘a ‘e taha ‘i he ngaahi me‘a kuo ke lau.
11Pea to‘o ‘e Hāmani ‘a e kofu mo e hoosi, ‘o ne fakakofu ‘aki ‘a Motekiai, pea ne fakahā‘ele ia ‘i he loto kolo, ‘o ne ui‘aki ‘i mu‘a, Ko e tō‘onga eni ‘e fai ki ha tangata ‘oku tokanga ‘a e tu‘i ke fakahīkihiki‘i.
12Pea foki ‘a Motekiai ki he hū‘anga ki Loto‘ā, ka ka fakavave ‘a Hāmani ki hono fale ‘o‘ona, ‘oku ne ‘oiauē mo pūlou. 13Pea ‘a‘au ‘e Hāmani ki hono uaifi ko Sēlesi, pea ki hono kāinga kotoa, ‘a e me‘a kehekehe kuo hoko kiate ia. Pea tali ki ai ‘ene kau poto mo Sēlesi ko hono uaifi, ‘o pehē, Kapau ko e hako‘i Siu ‘a Motekiai, ‘a ia kuo ke kamata vaivai ki ai, ‘e ‘ikai te ke lava‘i ia, ka kuo pau te ke mātu‘aki holo ai.
Ko Hono Tāmate‘i ‘o Hāmani
14Lolotonga ‘enau kei alea mo ia mo e a‘u mai ‘a e kau ‘iunoke ‘a e tu‘i, ‘o nau fakavave ‘a e ‘ave ‘o Hāmani ki he kātoanga kuo teu ‘e ‘Ēseta.
Currently Selected:
KO ‘ĒSETA 6: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘ĒSETA 6
6
Ko Hono Fakalāngilangi‘i ‘e he Tu‘í ‘a Motekiaia
1KO E pō ko ia na‘e ‘ikai mamohe ‘a e tu‘i, pea ne fekau ke ‘omi ‘a e tohi Kalonikali, pea na‘e laulau atu ‘i he ‘ao ‘o e tu‘i. 2Pea faifai pea nau a‘u ki he fakamatala ko eni, Tokua na‘e faka‘ilo ‘e Motekiai ‘a Pikitana mo Tēlesi, ko e ongo ‘iunoke ‘a e tu‘i na‘e kau ‘i he kau le‘o hū‘anga, kuo na feinga ke ala kia Kingi ‘Ehasivelo.#‘Ēseta 2.21-22 3Pea folofola ‘a e tu‘i, Ko e hā ha fakahīkihiki‘i pe fakanofo tu‘unga na‘e fai kia Motekiai koe‘uhi ko e me‘a ko ia?
Pea tali ‘a e kau tama ‘a e tu‘i na‘e tauhi ia, Kuo te‘eki ke fai kiate ia ha me‘a.
4Pea folofola ‘a e tu‘i, Ko hai ‘oku ‘i loto‘ā na? Tā ko Hāmani kuo ha‘u ki he loto‘ā tu‘a ‘o e fale ‘o e tu‘i, ke fakatau folofola ki he‘ene ‘afio ke fakatūfana‘i ‘a Motekiai ‘i he ‘akau kuo ne teu mo‘ona.
5Ko ia na‘e fakatau folofola hake ‘a e kau tama ‘a e tu‘i, Ko Hāmani ena ‘oku tu‘u mai mei loto‘ā.
Pea folofola ‘a e tu‘i, Ke ne ha‘u pē.
6Pea hū mai ‘a Hāmani. Pea folofola ‘a e tu‘i ki ai, Ko e hā ‘e fai ki he tangata ‘oku hu‘u ki ai ‘a e loto ‘o e tu‘i ke fakahīkihiki‘i?
Pea pehē ‘e Hāmani ‘i hono loto, Ko hai ha taha ‘oku hu‘u ‘a e finangalo ‘o e tu‘i ki ai ke fakahīkihiki‘i, ‘o tuku au?
7Pea fakatau folofola ‘a Hāmani ki he tu‘i, Ko e tangata ‘oku hu‘u ki ai ‘a e finangalo ‘o e tu‘i ke fai hono fakahīkihiki‘i–#6.7-8 fai hono fakahīkihiki‘i; Ko hono ‘oange nai ha fa‘ahinga kalauni. 8ke ‘omi mo‘ona ‘a e kofu fakatu‘i ‘oku fa‘a tui ‘e he ‘afiona, mo e hoosi ‘oku heka ai ‘a e ‘afio, pea ‘oku ‘ai ha kalauni fakatu‘i ‘i hono ‘ulu: 9pea ke tuku ‘a e kofu mo e hoosi ki he nima ‘o ha taha ‘o e hou‘eiki nōpele ‘o e tu‘i, ke nau fakakofu ‘aki ‘a e tangata ‘oku tokanga ‘a e tu‘i ke fakahīkihiki‘i; pea ke ne fakahā‘ele ia ‘i he funga hoosi, ‘o hala loto kolo; pea ke ne ui‘aki ‘i hono ‘ao, ‘o pehē, Ko e tō‘onga eni ‘e fai ki ha tangata ‘oku tokanga ‘a e tu‘i ke fakahīkihiki‘i.
10Pea folofola ‘a e tu‘i kia Hāmani, Fai vave; to‘o ‘a e kofu mo e hoosi, ‘o hangē ko ho‘o lau, ‘o fai pehē kia Motekiai Siu ‘oku nofo ‘i he hū‘anga ki Loto‘ā: ke ‘oua ‘e hala ha me‘a ‘e taha ‘i he ngaahi me‘a kuo ke lau.
11Pea to‘o ‘e Hāmani ‘a e kofu mo e hoosi, ‘o ne fakakofu ‘aki ‘a Motekiai, pea ne fakahā‘ele ia ‘i he loto kolo, ‘o ne ui‘aki ‘i mu‘a, Ko e tō‘onga eni ‘e fai ki ha tangata ‘oku tokanga ‘a e tu‘i ke fakahīkihiki‘i.
12Pea foki ‘a Motekiai ki he hū‘anga ki Loto‘ā, ka ka fakavave ‘a Hāmani ki hono fale ‘o‘ona, ‘oku ne ‘oiauē mo pūlou. 13Pea ‘a‘au ‘e Hāmani ki hono uaifi ko Sēlesi, pea ki hono kāinga kotoa, ‘a e me‘a kehekehe kuo hoko kiate ia. Pea tali ki ai ‘ene kau poto mo Sēlesi ko hono uaifi, ‘o pehē, Kapau ko e hako‘i Siu ‘a Motekiai, ‘a ia kuo ke kamata vaivai ki ai, ‘e ‘ikai te ke lava‘i ia, ka kuo pau te ke mātu‘aki holo ai.
Ko Hono Tāmate‘i ‘o Hāmani
14Lolotonga ‘enau kei alea mo ia mo e a‘u mai ‘a e kau ‘iunoke ‘a e tu‘i, ‘o nau fakavave ‘a e ‘ave ‘o Hāmani ki he kātoanga kuo teu ‘e ‘Ēseta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.