KO ‘ĒSETA 1
1
Ko e Tu‘u ‘a Kuini Vāsiti ki he Tu‘i ko ‘Ehasivelo
1TOKUA ‘i he taimi ‘o ‘Ehasivelo, (ko e ‘Ehasivelo ia na‘e pule mei ‘Initia ‘o a‘u ki ‘Itiopea,#1.1 ‘Itipea; Vakai ki he “Ngaahi Huluhulu”. #‘Ēsela 4.6 ko e vahefonua ‘e teau mā uofulu mā fitu), 2‘io, ‘i he taimi ko ia lolotonga na‘e ‘afio ‘a Kingi ‘Ehasivelo ‘i hono taloni fakapule‘anga, ‘a ia na‘e ‘i Sūsani Lotokolo, 3‘i he tolu ta‘u ‘o ‘ene pule, na‘a ne fai ha kātoanga ki he kotoa ‘o hono hou‘eiki, mo ‘ene tamaio‘eiki, pea na‘e fe‘ao mo ia ‘a e mālohi ‘o Pēsia mo Mītia, ‘a e kau nōpele, mo e hou‘eiki ‘o e ngaahi vahefonua; 4lolotonga ‘ene faka‘ali‘ali ‘a e koloa ‘o hono fu‘u pule‘anga, mo e ‘a‘apa‘ia ‘o hono tu‘unga lāngilangi‘ia, ‘o ‘aho lahi, ‘io, ko e ‘aho ‘e teau mā valungofulu.
5Pea ‘i he ‘osi ‘a e ngaahi ‘aho ko ia na‘e fai ‘e he tu‘i ha kātoanga ki he kakai kotoa na‘e toe ‘i Sūsani Lotokolo, ‘a e mā‘olunga mo e mā‘ulalo, ‘o ‘aho fitu, ‘i he loto‘ā ‘o e ngouetapu ‘o e palasi ‘o e tu‘i; 6–tupenu hina ē, mo lanu langi kuo tau afo hinaekiaki mo kula-popo‘uli ki he ngaahi mama siliva, moni pou māpele! Koni sofa koula e mo siliva, ‘o tu‘u ‘i ha faliki malakaita mo māpele, pea fonofono tofe, mo nge‘esi fonu!#1.6 Ko e fakamahalo pē eni, ka ‘oku hiki ‘e he ni‘ihi: faliki māpele na‘e pule kula, mo hina, mo felofelo, mo ‘uli‘uli 7Pea ko e fakatau kava ē ki he ngaahi ipu koula, pea koloto ke tatau ha ipu ‘e ua, mo e uaine fakatu‘i ‘o lahi, ‘o taau mo e mohu me‘a ‘o ‘ene ‘afio! 8Pea ko e inu kava na‘e fai tu‘utu‘uni: na‘e tapu ke fakafatongia‘i; he na‘e pehē ‘a e tu‘utu‘uni ‘a e tu‘i ki he kau mu‘a ‘o hono fale, ke fai ki he loto ‘o e tangata takitaha.#1.8 Pea ko e inu… takitaha; pe Ka na‘e ‘ikai fakamālohi‘i ha taha ke inu kava. Ko e tu‘utu‘uni ‘a e tu‘í ki he kau tamaio‘eiki he palasí ‘e fa‘iteliha ‘a e taha kotoa pē ki ha‘ane inu inu lahi pe si‘isi‘i.
9Ko Vasitai foki ko e kuini na‘a ne fai kātoanga ki he kau fefine ‘i he fale fakatu‘i na‘e ‘o Kingi ‘Ehasivelo.
10‘I hono fitu ‘o e ‘aho, kuo māfana ‘a e loto ‘o e tu‘i ‘i he uaine, na‘a ne fekau ‘a Mehumani, Pīseta, Ha‘apona, Pīketa, Va‘apaketa, Sētali, mo Ka‘akasa, ko e Fitu‘i ‘Iunoke na‘e fai ‘a e tauhi ‘o Kingi ‘Ehasivelo,
11ke nau ‘omi ‘a Kuini Vasitai ki he ‘ao ‘o e tu‘i kuo ‘ai hono kalauni, koe‘uhi ke ne faka‘ali‘ali ki he kakai mo e hou‘eiki hono hōihoifua; he ko e fefine matamatalelei.
12Ka ka fakafisi ‘e Kuini Vasitai ke ha‘u ‘i he fekau ‘a e tu‘i na‘e fakafai ‘i he kau ‘iunoke: ko ia na‘e tuputāmaki lahi ‘a e tu‘i, pea na‘e kakaha hono loto ‘i he houhau.
13Pea folofola ‘a e tu‘i ki he kau poto na‘e maheni mo e ngaahi taimi kuo hili, (he ko e anga ia ‘o e fokotu‘u ‘a e me‘a ‘a e tu‘i ki he kau poto ‘i he tu‘utu‘uni mo e fakamaau: 14pea na‘e vāofi mo ‘ene ‘afio ‘a Ka‘asena, Sētali, ‘Atemata, Tāsisi, Mēlesi, Ma‘asena, mo Memukani, ko e Fitu‘i Hou‘eiki Pēsia mo Mītia na‘e fe‘ao mo e tu‘i, ‘o nofo ki mu‘a ‘i he pule‘anga).
15Ko e hā ‘a e me‘a ‘i he lao ‘oku totonu ke fai kia Kuini Vasitai, ko e ‘ikai te ne talangofua ki he fekau ‘a Kingi ‘Ehasivelo na‘e fakafai ‘i he kau ‘iunoke?
16Pea tali ‘e Memukani ‘i he ‘ao ‘o e tu‘i mo e hou‘eiki, ‘Oku ‘ikai ko e tu‘i pē kuo hia ki ai ‘a Kuini Vasitai, ka ki he hou‘eiki kotoa mo e kakai kotoa ‘oku ‘i he ngaahi vahefonua ‘o Kingi ‘Ehasivelo. 17He ko e me‘a ni ‘a e kuini ‘e pavake atu ki he kau fefine kotoa, pea ‘e tupu ai ‘enau ta‘etoka‘i honau husepāniti, he‘enau pehē, Ko Kingi ‘Ehasivelo na‘e folofola ke ‘omi ‘a Vasitai ko e kuini ki hono ‘ao; ka na‘e ‘ikai te ne ha‘u. 18Na‘a mo e ‘aho ni ko e hou‘eiki fefine ‘o Pēsia mo Mītia, ‘a ia kuo nau fanongo ki he me‘a ‘a e kuini, te nau lea pehē ki he hou‘eiki fua pē ‘a e tu‘i. Pea nifi koā ‘a e ta‘etoka‘i mo e ‘ita! 19Ka lelei ki he ‘afiona, pea tuku ke fai atu ha fekau fakapule‘anga mei he Feitu‘u na, pea ke tohi ia mo e ngaahi lao Pēsia mo Mītia, ke ‘oua na‘a liliu, ‘o pehē, Ke ‘oua na‘a toe ha‘u ‘a Vasitai ki he ‘ao ‘o Kingi ‘Ehasivelo, pea ke tuku ‘e he tu‘i hono tu‘unga fakakuini ki ha taha ‘oku lelei hake ‘iate ia. 20Pea ka fanongonongo ‘a e fekau ‘a e tu‘i ka fai ‘i he kotoa ‘o hono pule‘anga (he ko e pule‘anga lahi ia), pea ‘e toki ‘apasia ‘a e kau fefine kotoa ki honau husepāniti, ‘a e mā‘olunga mo e mā‘ulalo.
21Pea na‘e hā lelei ‘a e me‘a ki he tu‘i mo e hou‘eiki, pea na‘e fai ‘e he tu‘i ‘o hangē ko e lea ‘a Memukani: 22he na‘a ne fai tohi ki he ngaahi vahefonua kotoa ‘o e tu‘i, pea na‘e takitaha ‘a e vahefonua hono tohinima, pea takitaha ‘a e kakai hono lea, Tokua ke pule ‘a e tangata fua pē ‘i hono fale, pea ke lea ‘i he lea ‘o hono kakai.#1.22 ‘Oku fihi eni.
Currently Selected:
KO ‘ĒSETA 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
