KOHELETI 3

Ko e Me‘a Kotoa ‘Oku Ai Hano Taimi

1KO E me‘a kotoa ‘oku ai hano taimi, pea mo hono ‘aho kotofa ki he feinga kotoa pē ‘i he lalo langi.

2Ko e ‘aho ke fanau‘i,

Mo e ‘aho ke pekia;

Ko e ‘aho ke tō,

Mo e ‘aho ke ta‘aki ‘a e me‘a kuo tō.

3Ko e ‘aho ke tāmate‘i,

Mo e ‘aho ke faito‘o ke mo‘ui;

Ko e ‘aho ke holoki,

Mo e ‘aho ke langa.

4Ko e ‘aho ke tangi,

Mo e ‘aho ke kata;

Ko e ‘aho ke tēngihia,

Mo e ‘aho ke me‘e.

5Ko e ‘aho ke laku maka,

Mo e ‘aho ke tufi maka;

Ko e ‘aho ke fā‘ofua,

Mo e ‘aho ke faka‘ehi‘ehi mei he fā‘ofua.

6Ko e ‘aho ke kumi,

Mo e ‘aho ke tuku ke mole;

Ko e ‘aho ke tauhi,

Mo e ‘aho ke li‘aki.

7Ko e ‘aho ke hae,

Mo e ‘aho ke tuitui;

Ko e ‘aho ke sīlongo,

Mo e ‘aho ke lea.

8Ko e ‘aho ke ‘ofa,

Mo e ‘aho ke fehi‘a;

Ko e ‘aho ‘o e tau,

Mo e ‘aho ‘o e melino.

9Ko e hā ‘a e ‘aonga kiate ia ‘oku fai ‘a e me‘a kuo ne ngangau ai? 10Na‘a ku sio ki he fita‘a, ‘a ia kuo tuku ‘e ‘Elohimi ki he hako‘i tangata ke nau fakaongosia ai. 11Tā kuo ne ngaohi kotoa ke faka‘ofo‘ofa ‘i hono kuonga; kae‘uma‘ā kuo ne ‘ai ‘a ‘ītāniti ki honau loto, ko ia ai, ‘oku ‘ikai lava ‘e he tangata ke mahakulea ‘a e ngāue ‘oku fai ‘e ‘Elohimi mei he kamata‘anga ki he ngata‘anga. 12Kuo u ‘ilo ‘oku ‘ikai ha lelei ‘i he nofo, ka ke te fiefia mo fai lelei lolotonga ‘ete mo‘ui. 13Ka ko eni foki, ko e kai mo inu ‘a e tangata kotoa pē, mo ‘ene ‘ilo lelei ‘i he‘ene ngaahi ngāue kehekehe, ko e me‘a foaki ia ‘a e ‘Otua.

14Kuo u ‘ilo, ka ‘ilonga ha me‘a ‘oku fai ‘e ‘Elohimi, ‘e ‘i ai ia ‘o ta‘engata: ‘e ‘ikai fakalahi atu ha me‘a, pea ‘e ‘ikai to‘o mei ai ha me‘a: pea kuo fai ia ‘e ‘Elohimi koe‘uhi ke tō hono ngeia kiate kinautolu. 15Ko e me‘a ‘oku ‘i ai ni, kuo loa kālivu ia; pea ko e me‘a ‘e ‘i ai, kuo fuoloa ia: ‘io, ‘oku kumi#3.15 ‘io, ‘oku kumi; pe ka ‘oku kumi. ‘e ‘Elohimi ‘a e me‘a kuo hola atu.

16Na‘a ku sio foki ‘i he lalo la‘ā ki he potu fakamāu‘anga, tā ‘oku ‘i ai ‘a e angahala; pea ‘i he potu ‘o e fakatonutonu me‘a ‘oku ‘i ai ‘a e angahala. 17Pehē ‘e au ‘i hoku loto, ‘E fakamāu‘i ‘e ‘Elohimi ‘a e faitotonu mo e angahala foki: he ko e feinga kotoa pē mo e ngāue kotoa pē ‘oku ai hono ‘aho kotofa ‘i he Feitu‘u na.#3.17 hono… Feitu‘ú na; pe ‘i ai; Ko hono faka-Hepeluú ia, ka ‘oku ngali tonu hono hiki ‘o: hono ‘aho kotofa. 18Pehē ‘e au ‘i hoku loto, Tā koe‘uhiā ko e hako‘i tangata, ko e fie sivi kinautolu ‘e ‘Elohimi, pea ke nau sio ko e fanga manu pē kinautolu ‘iate kinautolu. 19He ko e hako‘i tangata ko e me‘a hoko noa, pea ko e fanga manu ko e me‘a hoko noa; pea ‘oku taha pē ‘a e me‘a ‘oku hoko kiate kinautolu: hangē ko e mate ‘a ē ‘oku pehē ‘a e mate ‘a ē; pea ko e mo‘ui#3.19 mo‘ui; pe mānava; pe laumālie. pē taha ‘oku ‘iate kinautolu kotoa; pea ‘oku ‘ikai ke ‘amo atu ‘a e tangata ‘i he manu: he ko e muna kotoa pē. 20‘Oku ‘alu kotoa ki ha potu pē taha; ‘oku mei he efu kotoa pē, pea ‘oku foki kotoa pē ki he efu. 21Ko hai ‘oku ne ‘ilo ki he mo‘ui ‘a e hako‘i tangata pē ‘oku ‘alu ia ki ‘olunga, mo e mo‘ui#3.21 mo‘ui; pe mānava; pe laumālie. ‘a e manu pē ‘oku ‘alu hifo ia ki he kelekele? 22Pea u vakai, tā ‘oku ‘ikai ha me‘a ‘oku lelei hake, ka ko e fiefia ‘a e tangata ‘i he ngaahi me‘a ‘oku ne fai; he ko hono ‘inasi ia;#3.22 ‘i he… ‘inasí ia; pe ‘i he ngaahi me‘a ‘okú ne faí. Ko e hā ha‘ane toe me‘a ‘e fai? pe ‘i he ngaahi me‘a ‘okú ne faí, he kuo pau foki ke ne fai ia ‘e ia, ‘o tatau ai pē pe ‘oku loto ki ai pe ‘ikai. he ko hai ‘e ‘ave ia ke sio ki he me‘a ‘e hoko hili ‘ene pekia?

Currently Selected:

KOHELETI 3: TMB

Highlight

Copy

Compare