KO 2 SĀMIUELA 9
9
Ko Tēvita mo Mefiposeti
1PEA me‘a ‘a Tēvita, ‘Oku pehē koā? ‘Oku kei toe ha taha ‘i he fale ‘o Saula, ke u fai ‘ofa ki ai koe‘uhi ko Sionatane?#1 Sām 20.15-17
2Pea na‘e ‘i ai ha tamaio‘eiki ‘i he fale ‘o Saula na‘e hingoa ko Sipa, pea nau ui ange ke ha‘u kia Tēvita; pea me‘a ‘a e tu‘i ki ai, Ko Sipa koe? Pea ne tali, Ko au ho‘o tamaio‘eiki ko ia.
3Pea folofola ‘a e tu‘i, ‘Oku ‘ikai ‘aupito ke toe ha taha ‘i he fale ‘o Saula, ke u fai ki ai ‘a e ‘ofa faka‘otua? Pea fakatau folofola ‘a Sipa ki he tu‘i, ‘Oku toe ha foha kia Sionatane, ko e motu‘a ‘oku heke.#2 Sām 4.4
4Pea me‘a ki ai ‘a e tu‘i, ‘Oku ‘i fē ia? Pea tali ‘e Sipa ki he tu‘i, Ko ena ia ‘i he fale ‘o Mākili foha ‘o ‘Amieli, ‘i Lō-tipale.
5Pea fekau ‘e Kingi Tēvita, ‘o ne ‘omi ia mei he fale ‘o Mākili foha ‘o ‘Amieli mei Lō-tipale.
6Pea ha‘u kia Tēvita ‘a Mefiposeti foha ‘o Sionatane foha ‘o Saula, ‘o ne tō fo‘ohifo, ‘o fai ‘ene hū, pea folofola ‘a Tēvita, Ko Mefiposeti koā? Pea ne tali, Ko au ho‘o tamaio‘eiki.
7Pea me‘a ki ai ‘a Tēvita, ‘Oua te ke manavahē: he te u mātu‘aki fai ‘ofa kiate koe, koe‘uhi ko ho‘o ‘eiki ko Sionatane, pea te u fakafoki kiate koe ‘a e ‘api kotoa ‘o ho‘o kui ko Saula; ka ko koe te ke tokoni ‘i hoku tēpile ma‘u pē.
8Pea ne fai ‘ene faka‘apa‘apa, ‘o ne fakatau folofola hake, Ko e hā tū ho‘o tamaio‘eiki ko au ke ke fie hanga ai ki ha kulī mate hangē ko au?
9Pea ui ange ‘e he tu‘i ‘a Sipa ko e matāpule ‘a Saula, ‘o ne me‘a ki ai, ‘Ilonga ha me‘a na‘e kau kia Saula mo hono fale kotoa kuo u tuku ki he foha ‘o ho ‘eiki. 10Pea te ke ngāue‘i ‘a e kelekele ma‘ana, ‘a koe mo ho‘o fānau mo ho‘o kau tamaio‘eiki, pea te ke taufetuku mei ai ke ma‘u me‘a tokoni ‘e he foha ‘o ho ‘eiki; ka ko Mefiposeti ko e foha ‘o ho ‘eiki te ne tokoni ma‘u pē ‘i hoku tēpile. (Pea ko eni, na‘e ‘ia Sipa ha foha ‘e toko hongofulu mā nima, mo e tamaio‘eiki ‘e toko uofulu.)
11Pea tali ‘e Sipa ki he tu‘i, Ko ia kotoa pē kuo me‘a ki ai ‘a e ‘Afio ‘a e tu‘i ki he‘ene tamaio‘eiki ko au, te u fai “Ka ko Mefiposeti te ne tokoni ma‘u pē ‘i hoku tēpile,#9.11 ‘i hoku tēpilé; Ko hono faka-Hēpeluú ia, ka ‘oku pehē he hiki fuoloa ‘e taha ‘i hoku tēpilé. ‘o hangē ko e foha ‘o e tu‘i” (ko e tu‘i ia).
12Pea na‘e ma‘u ‘e Mefiposeti ha ki‘i foha na‘e hingoa ko Maika. Ko kinautolu kotoa na‘e nofo ‘i he fale ‘o Sipa na‘e tamaio‘eiki kia Mefiposeti. 13Ko ia na‘e nofo ‘a Mefiposeti ‘i Selusalema, he na‘a ne tokoni ma‘u pē ‘i he tēpile ‘o e tu‘i; pea na‘e heke hono ongo va‘e fakatou‘osi.
Currently Selected:
KO 2 SĀMIUELA 9: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 9
9
Ko Tēvita mo Mefiposeti
1PEA me‘a ‘a Tēvita, ‘Oku pehē koā? ‘Oku kei toe ha taha ‘i he fale ‘o Saula, ke u fai ‘ofa ki ai koe‘uhi ko Sionatane?#1 Sām 20.15-17
2Pea na‘e ‘i ai ha tamaio‘eiki ‘i he fale ‘o Saula na‘e hingoa ko Sipa, pea nau ui ange ke ha‘u kia Tēvita; pea me‘a ‘a e tu‘i ki ai, Ko Sipa koe? Pea ne tali, Ko au ho‘o tamaio‘eiki ko ia.
3Pea folofola ‘a e tu‘i, ‘Oku ‘ikai ‘aupito ke toe ha taha ‘i he fale ‘o Saula, ke u fai ki ai ‘a e ‘ofa faka‘otua? Pea fakatau folofola ‘a Sipa ki he tu‘i, ‘Oku toe ha foha kia Sionatane, ko e motu‘a ‘oku heke.#2 Sām 4.4
4Pea me‘a ki ai ‘a e tu‘i, ‘Oku ‘i fē ia? Pea tali ‘e Sipa ki he tu‘i, Ko ena ia ‘i he fale ‘o Mākili foha ‘o ‘Amieli, ‘i Lō-tipale.
5Pea fekau ‘e Kingi Tēvita, ‘o ne ‘omi ia mei he fale ‘o Mākili foha ‘o ‘Amieli mei Lō-tipale.
6Pea ha‘u kia Tēvita ‘a Mefiposeti foha ‘o Sionatane foha ‘o Saula, ‘o ne tō fo‘ohifo, ‘o fai ‘ene hū, pea folofola ‘a Tēvita, Ko Mefiposeti koā? Pea ne tali, Ko au ho‘o tamaio‘eiki.
7Pea me‘a ki ai ‘a Tēvita, ‘Oua te ke manavahē: he te u mātu‘aki fai ‘ofa kiate koe, koe‘uhi ko ho‘o ‘eiki ko Sionatane, pea te u fakafoki kiate koe ‘a e ‘api kotoa ‘o ho‘o kui ko Saula; ka ko koe te ke tokoni ‘i hoku tēpile ma‘u pē.
8Pea ne fai ‘ene faka‘apa‘apa, ‘o ne fakatau folofola hake, Ko e hā tū ho‘o tamaio‘eiki ko au ke ke fie hanga ai ki ha kulī mate hangē ko au?
9Pea ui ange ‘e he tu‘i ‘a Sipa ko e matāpule ‘a Saula, ‘o ne me‘a ki ai, ‘Ilonga ha me‘a na‘e kau kia Saula mo hono fale kotoa kuo u tuku ki he foha ‘o ho ‘eiki. 10Pea te ke ngāue‘i ‘a e kelekele ma‘ana, ‘a koe mo ho‘o fānau mo ho‘o kau tamaio‘eiki, pea te ke taufetuku mei ai ke ma‘u me‘a tokoni ‘e he foha ‘o ho ‘eiki; ka ko Mefiposeti ko e foha ‘o ho ‘eiki te ne tokoni ma‘u pē ‘i hoku tēpile. (Pea ko eni, na‘e ‘ia Sipa ha foha ‘e toko hongofulu mā nima, mo e tamaio‘eiki ‘e toko uofulu.)
11Pea tali ‘e Sipa ki he tu‘i, Ko ia kotoa pē kuo me‘a ki ai ‘a e ‘Afio ‘a e tu‘i ki he‘ene tamaio‘eiki ko au, te u fai “Ka ko Mefiposeti te ne tokoni ma‘u pē ‘i hoku tēpile,#9.11 ‘i hoku tēpilé; Ko hono faka-Hēpeluú ia, ka ‘oku pehē he hiki fuoloa ‘e taha ‘i hoku tēpilé. ‘o hangē ko e foha ‘o e tu‘i” (ko e tu‘i ia).
12Pea na‘e ma‘u ‘e Mefiposeti ha ki‘i foha na‘e hingoa ko Maika. Ko kinautolu kotoa na‘e nofo ‘i he fale ‘o Sipa na‘e tamaio‘eiki kia Mefiposeti. 13Ko ia na‘e nofo ‘a Mefiposeti ‘i Selusalema, he na‘a ne tokoni ma‘u pē ‘i he tēpile ‘o e tu‘i; pea na‘e heke hono ongo va‘e fakatou‘osi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.