KO 1 SĀMIUELA Ko e Talateu
Ko e Talateu
Ko e tohi ‘Uluaki Sāmiuelá ‘oku hiki ai ‘a e liliu ‘i ‘Isileli mei he kuonga ‘o e kau fakamāú ki he pule fakatu‘i. Ko e liliu ko ‘eni ‘i he mo‘ui fakafonua ‘a ‘Isilelí, ‘oku tefito ia he kau tangata ‘e toko tolu: ko Sāmiuela, ko e fakamuimui ia ‘i he kau fakamaau lalahí; mo Saula, ko e fuofua tu‘i ‘o ‘Isilelí; mo Tēvita, ‘a ia ko ‘ene ngaahi lavame‘a kimu‘a peá ne hoko ‘o tu‘í ‘oku lalanga fakataha pē ia mo e ngaahi talanoa ‘o Saula mo Saulá.
Ko e kaveinga ‘o e tohí ni, ‘o hangē pē ko e ngaahi tohi hisitōlia kehe ‘o e Fuakava Motu‘á, ko e pau ke iku ai pē ‘a e talangofua ki he ‘Otuá ki he ikuna, kae iku ai pē ‘a e talangata‘á ki he faingata‘a. ‘Oku hā mahino mai ‘eni ‘i he folofola ‘a e ‘Otuá ki he taula‘eiki ko ‘Īlai he vahe 2.30: “Ko kinautolu ‘oku fakahīkihiki‘i aú, te u fakahīkihiki‘i, ka ko kinautolu ‘oku manuki‘i aú ‘e ta‘etoka‘i.”
‘Oku hā he tohí ni ‘a e ngahi fakakaukau kehekehe ‘o fekau‘aki mo hono fokotu‘u ‘o e pule fakatu‘í. Ko e ‘Otuá tonu na‘e lau ‘e he he kakai ‘Isilelí ko honau tu‘i mo‘oní, ka na‘e tali ‘e Sihova ‘a e kole ‘a e kakaí, ‘o ne fili e tu‘i mo‘onautolu. Ko e me‘a tēpuú, ko e fakatou fakaongoongo ‘a e tu‘í mo e kakaí ki he pule mo e fakamaau ‘a e ‘Otuá (2.7-10). ‘I he ngaahi lao ‘a e ‘Otuá na‘e pau ke mamahi‘i ‘a e ngaahi tau‘atāina ‘a e kakai kotoa pē, ‘o tatau ai pē ‘a e koloa‘ia mo e masiva.
Ko e Kakano ‘o e Tohí
Ko Sāmiuela ko e fakamaau ‘o ‘Isileli (1.1–7.17)
Ko e hoko ‘a Saula ko e tu‘i (8.1–10.27)
Ko e ngaahi fuofua ta‘u ‘o e pule ‘a Saula (11.1–15.35)
Ko Tēvita mo Saula (16.1–30.31)
Ko e hala ‘o Saula mo hono ngaahi fohá (31.1-13)
Currently Selected:
KO 1 SĀMIUELA Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.