KO 1 SĀMIUELA 5
5
Ko e ‘A‘ake ‘o e Fuakavá ‘i he Lotolotonga ‘o e Kakai Filisitiá
1PEA ‘ave ‘e he kau Filisitia ‘a e ‘A‘ake ‘o ‘Elohimi. Pea nau fakahā‘ele mei ‘Epenisa ki ‘Asitoti. 2Pea to‘o ‘e he kau Filisitia ‘a e ‘A‘ake ‘o ‘Elohimi, ‘o fakahū ia ki he fale ‘o Tākoni, ‘o nau tuku ‘i he tafa‘aki ‘o Tākoni. 3Pea ‘i he tu‘u hengihengi hake ‘apongipongi ‘a e kau ‘Asitoti, tā ko Tākoni ‘ena kuo tō fo‘ohifo ki he kelekele ‘i he ‘ao ‘o e ‘A‘ake ‘o Sihova. Pea nau to‘o ‘a Tākoni, ‘o toe fokotu‘u ki hono potu. 4Ka ‘i he‘enau tu‘u hake hengihengi ‘apongipongi, tā ko Tākoni ena kuo tō fo‘ohifo ki he kelekele ‘i he ‘ao ‘o e ‘A‘ake ‘o Sihova; pea ko e ‘ulu ‘o Tākoni mo hono ongo ‘aofinima kuo motu, ‘o tuku ‘i he tu‘unga matapā; ko hono fakaika pē na‘e toe kiate ia. 5Ko hono ‘uhinga ia ‘oku ‘ikai ke mala ai ki he tu‘unga matapā ‘o Tākoni hono kau taula, pe ha taha ‘oku hū ki he fale ‘o Tākoni ‘i ‘Asitoti, ‘o a‘u ki he ‘aho ni.
6Pea na‘e mamafa ‘a e tā ‘a Sihova ki he kau ‘Asitoti, ‘o ne maumau‘i kinautolu, ‘o ne taa‘i kinautolu ‘aki ‘a e ‘ulufī,#5.6 ‘ulufī; ‘I he fekau‘aki ko eni ‘a e ‘ulufií mo e fanga kumaá, ko e mahaki faka‘auha ko plague; ‘oku ngali lau ki aí (vakai ki he 6.5). ‘a ‘Asitoti mo hono feitu‘u. 7Pea ‘i he vakai ‘a e tangata ‘Asitoti ki hono anga ko ia, pea nau pehē, ‘E ‘ikai nofo mo kitautolu ‘a e ‘a‘ake ‘o e ‘Otua ‘o ‘Isileli; he ‘oku fakamamahi ‘ene tā kiate kitautolu, pea kia Tākoni ko hotau ‘Otua. 8Ko ia, na‘a nau fekau atu ‘o fakataha mai ‘a e kau ‘ulu kotoa ‘o ha‘a Filisitia, pea nau pehē, Ko e hā ‘atautolu ‘e fai ki he ‘a‘ake ‘o e ‘Otua ‘o ‘Isileli? Pea tali ‘e kinautolu, Ke fakahā‘ele mu‘a ‘a e ‘a‘ake ‘o e ‘Otua ‘o ‘Isileli ki Kati. Ko ia na‘a nau fakahā‘ele ‘a e ‘a‘ake ‘o e ‘Otua ‘o ‘Isileli.
9Pea hili ‘enau fakahā‘ele ia, na‘e ala ‘a Sihova ki he kolo, ko e me‘a fakalelemo‘ui lahi ‘aupito; pea ne taa‘i ‘a e kau tangata ‘o e kolo mei he si‘i ki he lahi, pea fisiki mai ‘a e ngaahi hangatāmaki ‘iate kinautolu. 10Ko ia na‘a nau tuku atu ‘a e ‘A‘ake ‘o ‘Elohimi ki ‘Ekiloni. Pea ‘i he a‘u mai ‘a e ‘A‘ake ‘o ‘Elohimi ki ‘Ekiloni, pea ‘oiauē leva ‘a e kakai ‘Ekiloni he‘enau pehē, Kuo nau fakahā‘ele mai ‘a e ‘a‘ake ‘o e ‘Otua ‘o e kakai ‘Isileli, ke tāmate‘i kitautolu mo hotau kakai. 11Ko ia na‘a nau fekau atu ‘o fakataha ‘a e kau ‘ulu kotoa ‘o ha‘a Filisitia, ‘o nau pehē, Tuku atu ‘a e ‘a‘ake ‘o e ‘Otua ‘o ‘Isileli, ke foki ki hono potu totonu, ‘o ‘oua ‘e tāmate‘i kitautolu mo hotau kakai: he na‘e ‘i he kolo kotoa ha ‘oho mate; na‘e mamafa ‘aupito ‘a e tā ‘a Sihova ‘i he potu ko ia. 12Pea ko e kau tangata na‘e ‘ikai mate na‘e taa‘i ‘aki ‘a e ‘ulufī: pea na‘e a‘u ki langi ‘enau tangi tokoni.
Currently Selected:
KO 1 SĀMIUELA 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 5
5
Ko e ‘A‘ake ‘o e Fuakavá ‘i he Lotolotonga ‘o e Kakai Filisitiá
1PEA ‘ave ‘e he kau Filisitia ‘a e ‘A‘ake ‘o ‘Elohimi. Pea nau fakahā‘ele mei ‘Epenisa ki ‘Asitoti. 2Pea to‘o ‘e he kau Filisitia ‘a e ‘A‘ake ‘o ‘Elohimi, ‘o fakahū ia ki he fale ‘o Tākoni, ‘o nau tuku ‘i he tafa‘aki ‘o Tākoni. 3Pea ‘i he tu‘u hengihengi hake ‘apongipongi ‘a e kau ‘Asitoti, tā ko Tākoni ‘ena kuo tō fo‘ohifo ki he kelekele ‘i he ‘ao ‘o e ‘A‘ake ‘o Sihova. Pea nau to‘o ‘a Tākoni, ‘o toe fokotu‘u ki hono potu. 4Ka ‘i he‘enau tu‘u hake hengihengi ‘apongipongi, tā ko Tākoni ena kuo tō fo‘ohifo ki he kelekele ‘i he ‘ao ‘o e ‘A‘ake ‘o Sihova; pea ko e ‘ulu ‘o Tākoni mo hono ongo ‘aofinima kuo motu, ‘o tuku ‘i he tu‘unga matapā; ko hono fakaika pē na‘e toe kiate ia. 5Ko hono ‘uhinga ia ‘oku ‘ikai ke mala ai ki he tu‘unga matapā ‘o Tākoni hono kau taula, pe ha taha ‘oku hū ki he fale ‘o Tākoni ‘i ‘Asitoti, ‘o a‘u ki he ‘aho ni.
6Pea na‘e mamafa ‘a e tā ‘a Sihova ki he kau ‘Asitoti, ‘o ne maumau‘i kinautolu, ‘o ne taa‘i kinautolu ‘aki ‘a e ‘ulufī,#5.6 ‘ulufī; ‘I he fekau‘aki ko eni ‘a e ‘ulufií mo e fanga kumaá, ko e mahaki faka‘auha ko plague; ‘oku ngali lau ki aí (vakai ki he 6.5). ‘a ‘Asitoti mo hono feitu‘u. 7Pea ‘i he vakai ‘a e tangata ‘Asitoti ki hono anga ko ia, pea nau pehē, ‘E ‘ikai nofo mo kitautolu ‘a e ‘a‘ake ‘o e ‘Otua ‘o ‘Isileli; he ‘oku fakamamahi ‘ene tā kiate kitautolu, pea kia Tākoni ko hotau ‘Otua. 8Ko ia, na‘a nau fekau atu ‘o fakataha mai ‘a e kau ‘ulu kotoa ‘o ha‘a Filisitia, pea nau pehē, Ko e hā ‘atautolu ‘e fai ki he ‘a‘ake ‘o e ‘Otua ‘o ‘Isileli? Pea tali ‘e kinautolu, Ke fakahā‘ele mu‘a ‘a e ‘a‘ake ‘o e ‘Otua ‘o ‘Isileli ki Kati. Ko ia na‘a nau fakahā‘ele ‘a e ‘a‘ake ‘o e ‘Otua ‘o ‘Isileli.
9Pea hili ‘enau fakahā‘ele ia, na‘e ala ‘a Sihova ki he kolo, ko e me‘a fakalelemo‘ui lahi ‘aupito; pea ne taa‘i ‘a e kau tangata ‘o e kolo mei he si‘i ki he lahi, pea fisiki mai ‘a e ngaahi hangatāmaki ‘iate kinautolu. 10Ko ia na‘a nau tuku atu ‘a e ‘A‘ake ‘o ‘Elohimi ki ‘Ekiloni. Pea ‘i he a‘u mai ‘a e ‘A‘ake ‘o ‘Elohimi ki ‘Ekiloni, pea ‘oiauē leva ‘a e kakai ‘Ekiloni he‘enau pehē, Kuo nau fakahā‘ele mai ‘a e ‘a‘ake ‘o e ‘Otua ‘o e kakai ‘Isileli, ke tāmate‘i kitautolu mo hotau kakai. 11Ko ia na‘a nau fekau atu ‘o fakataha ‘a e kau ‘ulu kotoa ‘o ha‘a Filisitia, ‘o nau pehē, Tuku atu ‘a e ‘a‘ake ‘o e ‘Otua ‘o ‘Isileli, ke foki ki hono potu totonu, ‘o ‘oua ‘e tāmate‘i kitautolu mo hotau kakai: he na‘e ‘i he kolo kotoa ha ‘oho mate; na‘e mamafa ‘aupito ‘a e tā ‘a Sihova ‘i he potu ko ia. 12Pea ko e kau tangata na‘e ‘ikai mate na‘e taa‘i ‘aki ‘a e ‘ulufī: pea na‘e a‘u ki langi ‘enau tangi tokoni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.