KO 1 SĀMIUELA 4
4
Ko Hono Fa‘ao ‘o e ‘A‘ake ‘o e Fuakavá
1PEA ‘alu atu ‘a ‘Isileli ke fakahoko tau mo e kakai Filisitia,#4.1 Pea ‘alu… ofi: Ko hono faka-Hepeluú ‘oku pehē: ‘I he ngaahi ‘aho ko iá na‘e ‘alu atu ‘a ‘Isileli ke fakahoko tau mo e kakai Filisitiá; ka ‘oku pehē he hiki fuoloa ‘e taha ‘I he ngaahi ‘aho ko iá na‘e fakatahataha mai ‘a e kakai Filisitiá ke tau mo ‘Isileli, pea ‘apitanga ofi ‘a e kakai ‘Isilelí. ki ‘Epenisa: ka ka ‘apitanga ‘a e kakai Filisitia ‘i ‘Ēfeki. 2Pea na‘e fakatē ‘a e kau Filisitia ke fai mo ‘Isileli: pea ‘i he tuku atu ‘a e tau, na‘e nuiki ‘a ‘Isileli ‘i he ‘ao ‘o e kau Filisitia: he na‘a nau taa‘i ‘i he vao ha toko fā afe nai ‘i he mata tau. 3Pea ‘i he a‘u ‘a e kakai ki he ‘apitanga, na‘e pehē ‘e he kau mātu‘a ‘Isileli, Ko e hā kuo nuiki ai kitautolu ‘e Sihova he ‘aho ni ‘i he ‘ao ‘o e kau Filisitia! Tau ‘omi mu‘a mei Sailo ‘a e ‘A‘ake ‘o e Kovinānite ‘o Sihova, ke ha‘u ia#4.3 ia; ‘Oku ‘uhinga eni ki he ‘A‘aké pe ko Sihova. ki hotau lotolotonga, ‘o fakahaofi kitautolu mei he nima ‘o hotau ngaahi fili. 4Ko ia, na‘e fekau ‘e he kakai ki Sailo, ‘o nau ‘omi mei ai ‘a e ‘A‘ake ‘o e Kovinānite ‘o Sihova Sāpaoti, ‘a ia ‘oku ne ‘afioa ‘a e ongo selupimi:#4.4 selupimi; Vakai ki he “Ngaahi Huluhulu”. pea na‘e ‘i ai ‘a e ongo foha ‘o ‘Īlai, ko Hofinai mo Finiasi, ‘o fakafe‘ao ki he ‘A‘ake ‘o e Kovinānite ‘o ‘Elohimi.#‘Eki 25.22
5Pea ‘i he hū mai ‘a e ‘A‘ake ‘o e Kovinānite ‘o Sihova ki he ‘apitanga, pea hiki ‘e ‘Isileli kātoa ‘enau fu‘u tuē, pea fe‘u‘ulu ai ‘a e fonua. 6Pea ‘i he fanongo ‘e he kau Filisitia ki he ongoonga‘a mai ‘a e tuē, na‘a nau pehē, Ko e hā ‘a e fu‘u tuē na ‘i he ‘apitanga ‘o e kau Hepelū ‘oku ongoonga‘a mai? Pea nau ‘ilo tā ko e ‘a‘ake ‘o Sihova kuo hū mai ki he ‘apitanga. 7Pea na‘e manavahē ‘a e kau Filisitia he‘enau pehē, Kuo hā‘ele mai ‘a e ‘Otua ki he ‘apitanga. Pea nau pehē, ‘Oiauē kitautolu! he kuo te‘eki pehē ha me‘a ha taimi. 8‘Oiauē kitautolu! Ko hai te ne fakahaofi kitautolu mei he nima ‘o e ngaahi ‘Otua Māfimafi na? Ko eni ‘a e ngaahi ‘otua na‘e taa‘i ‘a e kau ‘Isipite ‘aki ‘a e ngaahi tā kehekehe ‘i he Toafa. 9Mou lototo‘a, ‘a e kau Filisitia, ‘o fai ngali tangata, na‘a mou tamaio‘eiki ki he kau Hepelū, ‘o hangē ko ‘enau tamaio‘eiki kiate kitautolu: ko ia mou fai ‘o ngali tangata.
10Pea tau ‘a e kau Filisitia, pea na‘e nuiki ‘a ‘Isileli, ‘o nau hola takitaha ki honau tēniti: pea na‘e fai ha tā lahi ‘aupito: he na‘e tō ha toko tolu mano ‘i he tau hā‘ele ‘a ‘Isileli, 11pea na‘e ma‘u ‘a e ‘A‘ake ‘o e ‘Otua, pea na‘e tāmate‘i ‘a e ongo foha ‘o ‘Īlai, ko Hofinai mo Finiasi.
Ko e Mālōlō ‘a ‘Īlaí
12Pea na‘e lele ha tangata Penisimani mei he matatau, ‘o ne a‘u ki Sailo ‘i he ‘aho pē ko ia kuo hae hono kofu, pea kuo fakaefuefu hono ‘ulu. 13Pea ‘i he‘ene a‘u mai, tā ‘oku nofo ‘a ‘Īlai ‘i hono nofo‘a ‘i he ve‘ehala ke vakai; he na‘e moalo‘oa telia ‘a e ‘A‘ake ‘o ‘Elohimi. Pea ‘i he a‘u ‘a e tangata ki he kolo, ‘o tala ‘a e ongoongo, na‘e ‘oiauē ‘a e kolo kotoa. 14Pea ‘i he ongoonga‘a mai kia ‘Īlai ‘a e tangi, na‘a ne pehē, Ko e hā tū ‘a e maveuveu ni ‘oku longoa‘a? Pea fakavave mai ‘a e tangata, ‘o ne fakamatala kia ‘Īlai. 15Pea kuo hivangofulu mā valu ta‘u ‘a ‘Ilai: pea kuo ma‘u hono mata, ‘o ‘ikai te ne lava ke sio. 16Pea pehē ‘a e tangata kia ‘Īlai, Ko au mei he matatau, pea na‘a ku hola mei ai he ‘aho ni.
17Pea pehē ‘e ia, Na‘e fēfē ‘a e me‘a, tama? Pea tali ‘e ia na‘e ha‘u mo e ongoongo, ‘o pehē, Kuo hola ‘a ‘Isileli ‘i he ‘ao ‘o e kau Filisitia, pea kuo lahi foki ‘a e tō ‘a e kakai, pea kuo pekia ho ongo foha foki, ko Hofinai mo Finiasi, pea kuo ‘ave ‘a e ‘A‘ake ‘o ‘Elohimi.
18Pea ‘i he ‘iloange na‘a ne lau ki he ‘A‘ake ‘o ‘Elohimi, na‘a ne tō fo‘ohake mei hono nofo‘a ‘i he tafa‘aki matanikolo, pea na‘e fasi hono kia, ‘o ne pekia: he ko e motu‘a ia, pea mamafa ‘aupito. Pea kuo ne fai fakamaau ‘i ‘Isileli, ‘o fāngofulu ta‘u.
19Pea ko e uaifi ‘o hono foha ko Finiasi kuo feitama, ‘o tei fā‘ele: pea ‘i he‘ene fanongo ki he ongoongo, tokua kuo ‘ave ‘a e ‘A‘ake ‘o ‘Elohimi, pea kuo pekia hono husepāniti, mo ‘ene tamai, na‘a ne punou hifo leva ‘o fā‘ele; he na‘e langa‘i ai ‘ene langā. 20Pea ‘i he‘ene hokotaki, na‘e pehē ange ‘e he kau fefine na‘e tutu‘u ofi mai, ‘Oua te ke manavahē; he kuo ke fā‘ele‘i ha tama. Ka na‘e ‘ikai ha‘ane tali, pea na‘e ‘ikai te ne tokanga ki ai. 21Pea ne fakahingoa ‘a e tamasi‘i ko ‘Ikapote (ko Ta‘e-ha-lāngilangi), he‘ene pehē, Kuo mole ‘a e lāngilangi ‘o ‘Isileli: ko ‘ene lau ki he ‘ave ‘o e ‘A‘ake ‘o ‘Elohimi, pea mo hono husepāniti mo ‘ene tamai. 22Pea ne pehē, Kuo mole ‘a e lāngilangi mei ‘Isileli; he kuo ‘ave ‘a e ‘A‘ake ‘o ‘Elohimi.
Currently Selected:
KO 1 SĀMIUELA 4: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 4
4
Ko Hono Fa‘ao ‘o e ‘A‘ake ‘o e Fuakavá
1PEA ‘alu atu ‘a ‘Isileli ke fakahoko tau mo e kakai Filisitia,#4.1 Pea ‘alu… ofi: Ko hono faka-Hepeluú ‘oku pehē: ‘I he ngaahi ‘aho ko iá na‘e ‘alu atu ‘a ‘Isileli ke fakahoko tau mo e kakai Filisitiá; ka ‘oku pehē he hiki fuoloa ‘e taha ‘I he ngaahi ‘aho ko iá na‘e fakatahataha mai ‘a e kakai Filisitiá ke tau mo ‘Isileli, pea ‘apitanga ofi ‘a e kakai ‘Isilelí. ki ‘Epenisa: ka ka ‘apitanga ‘a e kakai Filisitia ‘i ‘Ēfeki. 2Pea na‘e fakatē ‘a e kau Filisitia ke fai mo ‘Isileli: pea ‘i he tuku atu ‘a e tau, na‘e nuiki ‘a ‘Isileli ‘i he ‘ao ‘o e kau Filisitia: he na‘a nau taa‘i ‘i he vao ha toko fā afe nai ‘i he mata tau. 3Pea ‘i he a‘u ‘a e kakai ki he ‘apitanga, na‘e pehē ‘e he kau mātu‘a ‘Isileli, Ko e hā kuo nuiki ai kitautolu ‘e Sihova he ‘aho ni ‘i he ‘ao ‘o e kau Filisitia! Tau ‘omi mu‘a mei Sailo ‘a e ‘A‘ake ‘o e Kovinānite ‘o Sihova, ke ha‘u ia#4.3 ia; ‘Oku ‘uhinga eni ki he ‘A‘aké pe ko Sihova. ki hotau lotolotonga, ‘o fakahaofi kitautolu mei he nima ‘o hotau ngaahi fili. 4Ko ia, na‘e fekau ‘e he kakai ki Sailo, ‘o nau ‘omi mei ai ‘a e ‘A‘ake ‘o e Kovinānite ‘o Sihova Sāpaoti, ‘a ia ‘oku ne ‘afioa ‘a e ongo selupimi:#4.4 selupimi; Vakai ki he “Ngaahi Huluhulu”. pea na‘e ‘i ai ‘a e ongo foha ‘o ‘Īlai, ko Hofinai mo Finiasi, ‘o fakafe‘ao ki he ‘A‘ake ‘o e Kovinānite ‘o ‘Elohimi.#‘Eki 25.22
5Pea ‘i he hū mai ‘a e ‘A‘ake ‘o e Kovinānite ‘o Sihova ki he ‘apitanga, pea hiki ‘e ‘Isileli kātoa ‘enau fu‘u tuē, pea fe‘u‘ulu ai ‘a e fonua. 6Pea ‘i he fanongo ‘e he kau Filisitia ki he ongoonga‘a mai ‘a e tuē, na‘a nau pehē, Ko e hā ‘a e fu‘u tuē na ‘i he ‘apitanga ‘o e kau Hepelū ‘oku ongoonga‘a mai? Pea nau ‘ilo tā ko e ‘a‘ake ‘o Sihova kuo hū mai ki he ‘apitanga. 7Pea na‘e manavahē ‘a e kau Filisitia he‘enau pehē, Kuo hā‘ele mai ‘a e ‘Otua ki he ‘apitanga. Pea nau pehē, ‘Oiauē kitautolu! he kuo te‘eki pehē ha me‘a ha taimi. 8‘Oiauē kitautolu! Ko hai te ne fakahaofi kitautolu mei he nima ‘o e ngaahi ‘Otua Māfimafi na? Ko eni ‘a e ngaahi ‘otua na‘e taa‘i ‘a e kau ‘Isipite ‘aki ‘a e ngaahi tā kehekehe ‘i he Toafa. 9Mou lototo‘a, ‘a e kau Filisitia, ‘o fai ngali tangata, na‘a mou tamaio‘eiki ki he kau Hepelū, ‘o hangē ko ‘enau tamaio‘eiki kiate kitautolu: ko ia mou fai ‘o ngali tangata.
10Pea tau ‘a e kau Filisitia, pea na‘e nuiki ‘a ‘Isileli, ‘o nau hola takitaha ki honau tēniti: pea na‘e fai ha tā lahi ‘aupito: he na‘e tō ha toko tolu mano ‘i he tau hā‘ele ‘a ‘Isileli, 11pea na‘e ma‘u ‘a e ‘A‘ake ‘o e ‘Otua, pea na‘e tāmate‘i ‘a e ongo foha ‘o ‘Īlai, ko Hofinai mo Finiasi.
Ko e Mālōlō ‘a ‘Īlaí
12Pea na‘e lele ha tangata Penisimani mei he matatau, ‘o ne a‘u ki Sailo ‘i he ‘aho pē ko ia kuo hae hono kofu, pea kuo fakaefuefu hono ‘ulu. 13Pea ‘i he‘ene a‘u mai, tā ‘oku nofo ‘a ‘Īlai ‘i hono nofo‘a ‘i he ve‘ehala ke vakai; he na‘e moalo‘oa telia ‘a e ‘A‘ake ‘o ‘Elohimi. Pea ‘i he a‘u ‘a e tangata ki he kolo, ‘o tala ‘a e ongoongo, na‘e ‘oiauē ‘a e kolo kotoa. 14Pea ‘i he ongoonga‘a mai kia ‘Īlai ‘a e tangi, na‘a ne pehē, Ko e hā tū ‘a e maveuveu ni ‘oku longoa‘a? Pea fakavave mai ‘a e tangata, ‘o ne fakamatala kia ‘Īlai. 15Pea kuo hivangofulu mā valu ta‘u ‘a ‘Ilai: pea kuo ma‘u hono mata, ‘o ‘ikai te ne lava ke sio. 16Pea pehē ‘a e tangata kia ‘Īlai, Ko au mei he matatau, pea na‘a ku hola mei ai he ‘aho ni.
17Pea pehē ‘e ia, Na‘e fēfē ‘a e me‘a, tama? Pea tali ‘e ia na‘e ha‘u mo e ongoongo, ‘o pehē, Kuo hola ‘a ‘Isileli ‘i he ‘ao ‘o e kau Filisitia, pea kuo lahi foki ‘a e tō ‘a e kakai, pea kuo pekia ho ongo foha foki, ko Hofinai mo Finiasi, pea kuo ‘ave ‘a e ‘A‘ake ‘o ‘Elohimi.
18Pea ‘i he ‘iloange na‘a ne lau ki he ‘A‘ake ‘o ‘Elohimi, na‘a ne tō fo‘ohake mei hono nofo‘a ‘i he tafa‘aki matanikolo, pea na‘e fasi hono kia, ‘o ne pekia: he ko e motu‘a ia, pea mamafa ‘aupito. Pea kuo ne fai fakamaau ‘i ‘Isileli, ‘o fāngofulu ta‘u.
19Pea ko e uaifi ‘o hono foha ko Finiasi kuo feitama, ‘o tei fā‘ele: pea ‘i he‘ene fanongo ki he ongoongo, tokua kuo ‘ave ‘a e ‘A‘ake ‘o ‘Elohimi, pea kuo pekia hono husepāniti, mo ‘ene tamai, na‘a ne punou hifo leva ‘o fā‘ele; he na‘e langa‘i ai ‘ene langā. 20Pea ‘i he‘ene hokotaki, na‘e pehē ange ‘e he kau fefine na‘e tutu‘u ofi mai, ‘Oua te ke manavahē; he kuo ke fā‘ele‘i ha tama. Ka na‘e ‘ikai ha‘ane tali, pea na‘e ‘ikai te ne tokanga ki ai. 21Pea ne fakahingoa ‘a e tamasi‘i ko ‘Ikapote (ko Ta‘e-ha-lāngilangi), he‘ene pehē, Kuo mole ‘a e lāngilangi ‘o ‘Isileli: ko ‘ene lau ki he ‘ave ‘o e ‘A‘ake ‘o ‘Elohimi, pea mo hono husepāniti mo ‘ene tamai. 22Pea ne pehē, Kuo mole ‘a e lāngilangi mei ‘Isileli; he kuo ‘ave ‘a e ‘A‘ake ‘o ‘Elohimi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.