KO 1 SĀMIUELA 25
25
Ko e Mālōlō ‘a Sāmiuelá
1PEA pekia ‘a Sāmiuela, pea fakataha mai ‘a ‘Isileli kātoa, ‘o tēngihia ia, ‘o nau telio ‘i hono fale ‘i Lama. Pea tu‘u ‘a Tēvita, ‘o ‘alu hifo ki he Toafa ‘o Pēlana.
2Pea na‘e ai ha tangata ‘i Maoni na‘e tu‘u ‘i Kāmeli ‘ene potu ngāue, pea ko e tangata lahi ‘aupito he na‘e toko tolu afe ‘ene fanga sipi, pea afe ‘ene fanga kosi: pea na‘e fai ‘ene kosi sipi ‘i Kāmeli. 3Pea ko Nāpale ‘a e hingoa ‘o e matāpule; pea ko hono uaifi ko ‘Apikale: pea ko e fefine loto matala ia, pea hōihoifua: ka ko e tangata na‘e faingata‘a, pea kovi ‘ene ngaahi tō‘onga; pea ne kau ki he fale ‘o Kēlepi.
4Pea na‘e fanongo ‘a Tēvita ‘i he toafa ‘oku fai ‘e Nāpale ‘ene kosi sipi. 5Pea fekau atu ‘e Tēvita ha tu‘unga me‘a ‘e toko hongofulu, ‘o ne pehē ki he kau tama, ‘Alu hake ki Kāmeli, kia Nāpale, ‘o fetapa ki ai ‘i hoku hingoa, ‘o tala hoku ‘ofa ki ai: 6pea ‘e pehē ho‘omou lea, Fakafeta‘i ho‘o laumālie, pea ‘ofa ke ke tu‘umālie koe, pea tu‘umālie mo ho fale, pea tu‘umālie mo ho‘o me‘a kotoa. 7Pea ko eni, kuo ongo mai ‘oku ‘iate koe ha kau kosi; vakai, na‘e ‘iate kimautolu ho‘o kau tauhi: na‘e ‘ikai te mau fai ha kovi ki ai, pea na‘e ‘ikai mole ha‘anau momo‘i me‘a lototonga na‘a mau ‘i Kāmeli. 8Fehu‘i ki ho‘o kau tama, pea te nau tala kiate koe; ko ia, ke ‘ofeina ‘a e kau tama ni ‘i ho ‘ao; he ko e faingamālie ‘enau ‘alu atu: foaki mu‘a ha me‘a te ke lava ki ho‘o kau tamaio‘eiki ko kimautolu, pea ki ho foha ko Tēvita.
9Pea a‘u atu ‘a e kau tama ‘a Tēvita, pea nau lea pehē kia Nāpale ‘i he hingoa ‘o Tēvita, ‘o nau nofo. 10Pea tali ‘e Nāpale ki he kau tamaio‘eiki ‘a Tēvita, ‘o pehē, Ko hai tū ‘a Tēvita, pea ko hai ‘a e foha ‘o Sese? ‘I onopooni ‘oku tokolahi ‘a e tamaio‘eiki ‘oku hū fakamālohi mei honau hou‘eiki. 11Pea ko e pehē ke u to‘o ‘eku me‘akai mo ‘eku me‘a inu, mo e kiki kuo u tāmate‘i ma‘a ‘eku kau kosi, ‘o ‘ange ki ha kau siana ‘oku ‘ikai te u ‘ilo pe ‘oku mei fē kinautolu?
12Pea tafoki ‘a e kau tama ‘a Tēvita ‘i honau fononga, ‘o nau foki mai, ‘o fakapā kiate ia ‘a e ngaahi lea kotoa ko ia. 13Pea fekau ‘e Tēvita ki he‘ene kau tangata, takitaha tau ‘ene heletā. Pea nau tau heletā kātoa, pea tau heletā mo Tēvita foki, pea na‘e ō hake mo Tēvita he toko fāngeau nai, ka ko e toko uangeau na‘e nofo mo e nga‘oto‘ota.
14Ka ko e toko taha, ‘o e kau tama na‘a ne fakahā kia ‘Apikale ko e uaifi ‘o Nāpale, ‘o pehē; Vakai, na‘e tuku mai ‘e Tēvita ha kau talafekau mei he toafa ke fetapa ki he tangata‘eiki, ka ne hanga ‘o ngaohia kinautolu. 15Ka na‘e ‘ofa ‘aupito ‘a e kau tangata kiate kimautolu, pea na‘e ‘ikai ha kovi ‘e fai mai, pea na‘e ‘ikai mole ha‘amau momo‘i me‘a lolotonga ‘emau feangai mo kinautolu ‘i he‘emau nofo vao. 16Na‘a nau hangē ha ‘ā kiate kinautolu he pō mo e ‘aho lolotonga na‘a mau ‘iate kinautolu he fanga sipi. 17Pea ko eni ke ke ‘ilo mo vakai pe ko e hā te ke fai: he kuo pau ha kovi ki he tangata‘eiki, mo hono fale kotoa, pea kuo pehē fau ‘ene anga fakaPileali, ‘oku ‘ikai lava ‘e ha taha ke lea ki ai.
18Pea fakavave ‘a ‘Apikale, ‘o ne to‘o ha uangeau‘i fo‘i mā, mo e ongo hina leta uaine, mo e nima‘i sipi kuo ‘osi ngaohi, mo e nima‘i fua‘anga koane tunu, mo e teau‘i takaonga kālepi tau‘aki, mo e uangeau‘i takaonga fiki, ‘o ne fakaheka ‘asi ia. 19Pea ne pehē ki he‘ene kau tama, Mou mu‘omu‘a pē; pea ko au eni te u muimui atu, Ka na‘e ‘ikai te ne tala ki hono hoa ko Nāpale.
20Pea ‘iloange, ‘i he‘ene heka ‘asi atu ‘o puli ‘ene hifo ‘i he mo‘unga, tā ko Tēvita ena mo ‘ene kau tangata ‘oku hifo fakahangatonu mai kiate ia, pea ne fakafetaulaki atu kiate kinautolu. 21Pea kuo pehē ‘e Tēvita, Tā ko e kulanoa ‘eku tauhi ‘a e ngaahi me‘a ‘a e siana ni ‘i he toafa, ‘o ‘ikai mole ha‘ane momo‘i me‘a: pea kuo ne totongi ‘a e lelei ‘aki ‘a e kovi. 22‘Ilo ‘a e ngaahi fili ‘o Tēvita#25.22 ngaahi fili: Ko hono faka-Hepeluú ia, ka ‘oku pehē he hiki fuoloa ‘e taha: ‘Otuá. ‘o lahi hake, ‘o kapau te u tuku ke ‘ahoia ha‘ane ki‘i tangata.
23Pea ‘i he mamata ‘a ‘Apikale kia Tēvita na‘a ne ‘alu hifo ke vave mei he ‘asi, ‘o ne tō fo‘ohifo ‘i he ‘ao ‘o Tēvita, ‘o faka‘apa‘apa ‘o a‘u ki he kelekele. 24Pea ne tō atu ki he va‘e ‘o Tēvita, ‘o ne pehē, ‘Ēī, ke ‘iate au pē ‘a e kovi; fakamolemole, kae tuku ke fakatau folofola ‘e ho‘o kaunanga ko au, pea ongona ‘a e lea ‘a ho‘o kaunanga. 25Ke ‘oua na‘a tokanga ‘e he Feitu‘u na ki he tangata faka-Pileali na, ‘a Nāpale, he ‘oku tatau hono anga mo hono hingoa, ko Nāpale (ko Vale) hono hingoa, pea ‘oku fale ai ‘a e vale: ka ko ho‘o kaunanga ko au na‘e ‘ikai te u sio ki he kau tama ‘a e Feitu‘u na na‘a ke fekau mai. 26Pea ko eni, tangi mo‘oni ‘a e ‘Eiki, pea tangi mo‘oni ‘a e Feitu‘u na, kuo ta‘ofi koe ‘e Sihova mei he mo‘ua ‘i ha toto, mo e taukapo‘i koe ‘aki ho nima ‘o‘ou; pea ko eni, ke hoko hangē ko Nāpale ho ngaahi fili, mo kinautolu ‘oku feinga ke fai ha kovi ki hoku ‘eiki. 27Pea ko eni, ko e mōihū ni kuo u ha‘u mo ho‘o kaunanga ko au ki hoku ‘eiki. ‘Ange pē ia ki he kau tama ‘oku tali fekau ki hoku ‘eiki. 28Fakamolemole mu‘a ‘a e hia ‘a ho kaunanga, he kuo pau ke fakaai ‘e he ‘Eiki ‘a e fale ‘o e Feitu‘u na; he ‘oku ke fai ‘a e ngaahi tau ‘a Sihova, pea ‘e ‘ikai ‘ilo ha kovi#25.28 ‘ilo ha kovi; ‘a ia, ‘e ‘ikai te ke fai ha kovi, pe ‘e ‘ikai ke hoko ha kovi kiate koe. ‘iate koe lolotonga ho‘o mo‘ui. 29Pea neongo kuo tu‘u ha tangata ke tuli koe, pea ke kumi ho‘o mo‘ui; ka ko e mo‘ui ‘a e Feitu‘u na ‘e no‘o ‘i he ‘ū mo‘ui ‘ia Sihova ko ho ‘Otua; pea ko e mo‘ui ‘a ho ngaahi fili te ne ‘ai ki he loto makatā, ‘o makataa‘i. 30Pea ka faifai pea fakaai ‘e Sihova ‘a e ngaahi lelei kuo ne folofola ki ai ma‘a e Feitu‘u na, pea kuo ne tu‘utu‘uni koe ke ‘eiki ‘i ‘Isileli; 31pea ‘e ‘ikai ai ‘a e me‘a ni ke taupunga‘i ‘a e Feitu‘u na, mo tautea ho loto, ‘a e lilingi ‘e he Feitu‘u na ‘a e toto tu‘unga‘a pē, mo taukapo‘i koe ‘e koe: pea ka fai lelei ‘a Sihova ki he Feitu‘u na, ‘ofa ke manatua ho‘o kaunanga.
32Pea tali ‘a Tēvita kia ‘Apikale, Mālō mo e ‘Eiki ko e ‘Otua ‘o ‘Isileli ‘ene fekau koe ke fakafetaulaki kiate au he ‘aho ni. 33Pea mālō e fai fakapotopoto; ‘io, mālō mo koe ‘a e ta‘ofi au he ‘aho ni mei he mo‘ua he toto, pea mo e taukapo‘i au ‘aki hoku nima ‘o‘oku: 34he tangi mo‘oni ‘a e ‘Eiki ko e ‘Otua ‘o ‘Isileli, ‘a ia kuo ne ta‘ofi au mei he fai ha kovi kiate koe, ka ne ta‘e‘oua ho‘o vave mai ke fakafetaulaki kiate au, pehē ne ‘ikai ‘ahoia ‘ia Nāpale hano ki‘i tangata. 35Ko ia, na‘e tali ‘e Tēvita ‘a e me‘a na‘e ‘omi ‘e he fefine: ‘o ne pehē ki ai, ‘alu hake fiemālie ki ho fale; vakai kuo u fakaongo ki ho le‘o, pea kuo u tali ho‘o fotu.
36Pea ha‘u ‘a ‘Apikale kia Nāpale, pea tā ‘oku fai ‘ene kātoanga ‘i hono fale, hangē ha kātoanga ‘a ha tu‘i; pea kuo māfana ‘a e loto ‘o Nāpale, he kuo ne konā ‘aupito: ko ia na‘e ‘ikai te ne fakahā kiate ia ha me‘a si‘i pe lahi kae‘oua ke ma‘a ‘a e ‘aho. 37Pea ‘i he fafai pea mole ‘ene uaine‘ia, na‘e tala pongipongi kiate ia ‘e hono uaifi ‘a e ngaahi me‘a ko ē, pea ne mo‘umateā hangē ha maka. 38Pea hili ‘a e ‘aho ‘e hongofulu nai, na‘e taa‘i ‘a Nāpale ‘e he ‘Eiki, ‘o ne pekia.
39Pea ‘i he fanongo ‘e Tēvita kuo pekia ‘a Nāpale, na‘a ne pehē, Mālō mo e ‘Eiki, ‘ene taukapo‘i ‘eku me‘a, ‘a hoku fakamaa‘i ‘e Nāpale, mo ‘ene ta‘ofi ‘ene tamaio‘eiki ko au mei he kovi: ka ko e kovi ‘a Nāpale kuo ne fakafoki ki hono ‘ulu ‘o‘ona. Pea ‘alu ‘a e fekau ‘a Tēvita ko e fai ‘ene tohi kia ‘Apikale, ke ne ma‘u ia mōno uaifi.
40Pea ō ‘a e kau tamaio‘eiki ‘a Tēvita kia ‘Apikale ki Kāmeli, pea nau lea ki ai, ‘o pehē, Kuo fekau mai kimautolu ‘e Tēvita kiate koe ko ‘ene fie ma‘u koe mōno uaifi.
41Pea tu‘u ‘a e fefine, ‘o ne faka‘apa‘apa ‘o a‘u ki he kelekele, ‘o ne pehē, Ke hoko ‘a kita tu‘a ni ko e kaunanga ke fufulu ‘a e va‘e ‘o e kau tamaio‘eiki ‘a hoku ‘eiki. 42Pea fakavave ‘a ‘Apikale, ‘o ne tu‘u ‘o heka ki he‘ene ‘asi, mo e tu‘unga finemui ‘e toko nima na‘e fakaongo kiate ia, pea ne muimui ki he kau talafekau ‘a Tēvita, ‘o ne hoko ko hono uaifi.
43Pea mali foki ‘a Tēvita mo ‘Ahinoami mei Sisilili, pea na fakatou hoko ko hono ‘unoho. 44Ka kuo ‘ange ‘e Saula hono ‘ōfefine ko Maikale ko e uaifi ‘o Tēvita kia Pāleti foha ‘o Laisi, ‘a ia na‘e kau ki Kālimi.#2 Sām 3.14-16
Currently Selected:
KO 1 SĀMIUELA 25: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 25
25
Ko e Mālōlō ‘a Sāmiuelá
1PEA pekia ‘a Sāmiuela, pea fakataha mai ‘a ‘Isileli kātoa, ‘o tēngihia ia, ‘o nau telio ‘i hono fale ‘i Lama. Pea tu‘u ‘a Tēvita, ‘o ‘alu hifo ki he Toafa ‘o Pēlana.
2Pea na‘e ai ha tangata ‘i Maoni na‘e tu‘u ‘i Kāmeli ‘ene potu ngāue, pea ko e tangata lahi ‘aupito he na‘e toko tolu afe ‘ene fanga sipi, pea afe ‘ene fanga kosi: pea na‘e fai ‘ene kosi sipi ‘i Kāmeli. 3Pea ko Nāpale ‘a e hingoa ‘o e matāpule; pea ko hono uaifi ko ‘Apikale: pea ko e fefine loto matala ia, pea hōihoifua: ka ko e tangata na‘e faingata‘a, pea kovi ‘ene ngaahi tō‘onga; pea ne kau ki he fale ‘o Kēlepi.
4Pea na‘e fanongo ‘a Tēvita ‘i he toafa ‘oku fai ‘e Nāpale ‘ene kosi sipi. 5Pea fekau atu ‘e Tēvita ha tu‘unga me‘a ‘e toko hongofulu, ‘o ne pehē ki he kau tama, ‘Alu hake ki Kāmeli, kia Nāpale, ‘o fetapa ki ai ‘i hoku hingoa, ‘o tala hoku ‘ofa ki ai: 6pea ‘e pehē ho‘omou lea, Fakafeta‘i ho‘o laumālie, pea ‘ofa ke ke tu‘umālie koe, pea tu‘umālie mo ho fale, pea tu‘umālie mo ho‘o me‘a kotoa. 7Pea ko eni, kuo ongo mai ‘oku ‘iate koe ha kau kosi; vakai, na‘e ‘iate kimautolu ho‘o kau tauhi: na‘e ‘ikai te mau fai ha kovi ki ai, pea na‘e ‘ikai mole ha‘anau momo‘i me‘a lototonga na‘a mau ‘i Kāmeli. 8Fehu‘i ki ho‘o kau tama, pea te nau tala kiate koe; ko ia, ke ‘ofeina ‘a e kau tama ni ‘i ho ‘ao; he ko e faingamālie ‘enau ‘alu atu: foaki mu‘a ha me‘a te ke lava ki ho‘o kau tamaio‘eiki ko kimautolu, pea ki ho foha ko Tēvita.
9Pea a‘u atu ‘a e kau tama ‘a Tēvita, pea nau lea pehē kia Nāpale ‘i he hingoa ‘o Tēvita, ‘o nau nofo. 10Pea tali ‘e Nāpale ki he kau tamaio‘eiki ‘a Tēvita, ‘o pehē, Ko hai tū ‘a Tēvita, pea ko hai ‘a e foha ‘o Sese? ‘I onopooni ‘oku tokolahi ‘a e tamaio‘eiki ‘oku hū fakamālohi mei honau hou‘eiki. 11Pea ko e pehē ke u to‘o ‘eku me‘akai mo ‘eku me‘a inu, mo e kiki kuo u tāmate‘i ma‘a ‘eku kau kosi, ‘o ‘ange ki ha kau siana ‘oku ‘ikai te u ‘ilo pe ‘oku mei fē kinautolu?
12Pea tafoki ‘a e kau tama ‘a Tēvita ‘i honau fononga, ‘o nau foki mai, ‘o fakapā kiate ia ‘a e ngaahi lea kotoa ko ia. 13Pea fekau ‘e Tēvita ki he‘ene kau tangata, takitaha tau ‘ene heletā. Pea nau tau heletā kātoa, pea tau heletā mo Tēvita foki, pea na‘e ō hake mo Tēvita he toko fāngeau nai, ka ko e toko uangeau na‘e nofo mo e nga‘oto‘ota.
14Ka ko e toko taha, ‘o e kau tama na‘a ne fakahā kia ‘Apikale ko e uaifi ‘o Nāpale, ‘o pehē; Vakai, na‘e tuku mai ‘e Tēvita ha kau talafekau mei he toafa ke fetapa ki he tangata‘eiki, ka ne hanga ‘o ngaohia kinautolu. 15Ka na‘e ‘ofa ‘aupito ‘a e kau tangata kiate kimautolu, pea na‘e ‘ikai ha kovi ‘e fai mai, pea na‘e ‘ikai mole ha‘amau momo‘i me‘a lolotonga ‘emau feangai mo kinautolu ‘i he‘emau nofo vao. 16Na‘a nau hangē ha ‘ā kiate kinautolu he pō mo e ‘aho lolotonga na‘a mau ‘iate kinautolu he fanga sipi. 17Pea ko eni ke ke ‘ilo mo vakai pe ko e hā te ke fai: he kuo pau ha kovi ki he tangata‘eiki, mo hono fale kotoa, pea kuo pehē fau ‘ene anga fakaPileali, ‘oku ‘ikai lava ‘e ha taha ke lea ki ai.
18Pea fakavave ‘a ‘Apikale, ‘o ne to‘o ha uangeau‘i fo‘i mā, mo e ongo hina leta uaine, mo e nima‘i sipi kuo ‘osi ngaohi, mo e nima‘i fua‘anga koane tunu, mo e teau‘i takaonga kālepi tau‘aki, mo e uangeau‘i takaonga fiki, ‘o ne fakaheka ‘asi ia. 19Pea ne pehē ki he‘ene kau tama, Mou mu‘omu‘a pē; pea ko au eni te u muimui atu, Ka na‘e ‘ikai te ne tala ki hono hoa ko Nāpale.
20Pea ‘iloange, ‘i he‘ene heka ‘asi atu ‘o puli ‘ene hifo ‘i he mo‘unga, tā ko Tēvita ena mo ‘ene kau tangata ‘oku hifo fakahangatonu mai kiate ia, pea ne fakafetaulaki atu kiate kinautolu. 21Pea kuo pehē ‘e Tēvita, Tā ko e kulanoa ‘eku tauhi ‘a e ngaahi me‘a ‘a e siana ni ‘i he toafa, ‘o ‘ikai mole ha‘ane momo‘i me‘a: pea kuo ne totongi ‘a e lelei ‘aki ‘a e kovi. 22‘Ilo ‘a e ngaahi fili ‘o Tēvita#25.22 ngaahi fili: Ko hono faka-Hepeluú ia, ka ‘oku pehē he hiki fuoloa ‘e taha: ‘Otuá. ‘o lahi hake, ‘o kapau te u tuku ke ‘ahoia ha‘ane ki‘i tangata.
23Pea ‘i he mamata ‘a ‘Apikale kia Tēvita na‘a ne ‘alu hifo ke vave mei he ‘asi, ‘o ne tō fo‘ohifo ‘i he ‘ao ‘o Tēvita, ‘o faka‘apa‘apa ‘o a‘u ki he kelekele. 24Pea ne tō atu ki he va‘e ‘o Tēvita, ‘o ne pehē, ‘Ēī, ke ‘iate au pē ‘a e kovi; fakamolemole, kae tuku ke fakatau folofola ‘e ho‘o kaunanga ko au, pea ongona ‘a e lea ‘a ho‘o kaunanga. 25Ke ‘oua na‘a tokanga ‘e he Feitu‘u na ki he tangata faka-Pileali na, ‘a Nāpale, he ‘oku tatau hono anga mo hono hingoa, ko Nāpale (ko Vale) hono hingoa, pea ‘oku fale ai ‘a e vale: ka ko ho‘o kaunanga ko au na‘e ‘ikai te u sio ki he kau tama ‘a e Feitu‘u na na‘a ke fekau mai. 26Pea ko eni, tangi mo‘oni ‘a e ‘Eiki, pea tangi mo‘oni ‘a e Feitu‘u na, kuo ta‘ofi koe ‘e Sihova mei he mo‘ua ‘i ha toto, mo e taukapo‘i koe ‘aki ho nima ‘o‘ou; pea ko eni, ke hoko hangē ko Nāpale ho ngaahi fili, mo kinautolu ‘oku feinga ke fai ha kovi ki hoku ‘eiki. 27Pea ko eni, ko e mōihū ni kuo u ha‘u mo ho‘o kaunanga ko au ki hoku ‘eiki. ‘Ange pē ia ki he kau tama ‘oku tali fekau ki hoku ‘eiki. 28Fakamolemole mu‘a ‘a e hia ‘a ho kaunanga, he kuo pau ke fakaai ‘e he ‘Eiki ‘a e fale ‘o e Feitu‘u na; he ‘oku ke fai ‘a e ngaahi tau ‘a Sihova, pea ‘e ‘ikai ‘ilo ha kovi#25.28 ‘ilo ha kovi; ‘a ia, ‘e ‘ikai te ke fai ha kovi, pe ‘e ‘ikai ke hoko ha kovi kiate koe. ‘iate koe lolotonga ho‘o mo‘ui. 29Pea neongo kuo tu‘u ha tangata ke tuli koe, pea ke kumi ho‘o mo‘ui; ka ko e mo‘ui ‘a e Feitu‘u na ‘e no‘o ‘i he ‘ū mo‘ui ‘ia Sihova ko ho ‘Otua; pea ko e mo‘ui ‘a ho ngaahi fili te ne ‘ai ki he loto makatā, ‘o makataa‘i. 30Pea ka faifai pea fakaai ‘e Sihova ‘a e ngaahi lelei kuo ne folofola ki ai ma‘a e Feitu‘u na, pea kuo ne tu‘utu‘uni koe ke ‘eiki ‘i ‘Isileli; 31pea ‘e ‘ikai ai ‘a e me‘a ni ke taupunga‘i ‘a e Feitu‘u na, mo tautea ho loto, ‘a e lilingi ‘e he Feitu‘u na ‘a e toto tu‘unga‘a pē, mo taukapo‘i koe ‘e koe: pea ka fai lelei ‘a Sihova ki he Feitu‘u na, ‘ofa ke manatua ho‘o kaunanga.
32Pea tali ‘a Tēvita kia ‘Apikale, Mālō mo e ‘Eiki ko e ‘Otua ‘o ‘Isileli ‘ene fekau koe ke fakafetaulaki kiate au he ‘aho ni. 33Pea mālō e fai fakapotopoto; ‘io, mālō mo koe ‘a e ta‘ofi au he ‘aho ni mei he mo‘ua he toto, pea mo e taukapo‘i au ‘aki hoku nima ‘o‘oku: 34he tangi mo‘oni ‘a e ‘Eiki ko e ‘Otua ‘o ‘Isileli, ‘a ia kuo ne ta‘ofi au mei he fai ha kovi kiate koe, ka ne ta‘e‘oua ho‘o vave mai ke fakafetaulaki kiate au, pehē ne ‘ikai ‘ahoia ‘ia Nāpale hano ki‘i tangata. 35Ko ia, na‘e tali ‘e Tēvita ‘a e me‘a na‘e ‘omi ‘e he fefine: ‘o ne pehē ki ai, ‘alu hake fiemālie ki ho fale; vakai kuo u fakaongo ki ho le‘o, pea kuo u tali ho‘o fotu.
36Pea ha‘u ‘a ‘Apikale kia Nāpale, pea tā ‘oku fai ‘ene kātoanga ‘i hono fale, hangē ha kātoanga ‘a ha tu‘i; pea kuo māfana ‘a e loto ‘o Nāpale, he kuo ne konā ‘aupito: ko ia na‘e ‘ikai te ne fakahā kiate ia ha me‘a si‘i pe lahi kae‘oua ke ma‘a ‘a e ‘aho. 37Pea ‘i he fafai pea mole ‘ene uaine‘ia, na‘e tala pongipongi kiate ia ‘e hono uaifi ‘a e ngaahi me‘a ko ē, pea ne mo‘umateā hangē ha maka. 38Pea hili ‘a e ‘aho ‘e hongofulu nai, na‘e taa‘i ‘a Nāpale ‘e he ‘Eiki, ‘o ne pekia.
39Pea ‘i he fanongo ‘e Tēvita kuo pekia ‘a Nāpale, na‘a ne pehē, Mālō mo e ‘Eiki, ‘ene taukapo‘i ‘eku me‘a, ‘a hoku fakamaa‘i ‘e Nāpale, mo ‘ene ta‘ofi ‘ene tamaio‘eiki ko au mei he kovi: ka ko e kovi ‘a Nāpale kuo ne fakafoki ki hono ‘ulu ‘o‘ona. Pea ‘alu ‘a e fekau ‘a Tēvita ko e fai ‘ene tohi kia ‘Apikale, ke ne ma‘u ia mōno uaifi.
40Pea ō ‘a e kau tamaio‘eiki ‘a Tēvita kia ‘Apikale ki Kāmeli, pea nau lea ki ai, ‘o pehē, Kuo fekau mai kimautolu ‘e Tēvita kiate koe ko ‘ene fie ma‘u koe mōno uaifi.
41Pea tu‘u ‘a e fefine, ‘o ne faka‘apa‘apa ‘o a‘u ki he kelekele, ‘o ne pehē, Ke hoko ‘a kita tu‘a ni ko e kaunanga ke fufulu ‘a e va‘e ‘o e kau tamaio‘eiki ‘a hoku ‘eiki. 42Pea fakavave ‘a ‘Apikale, ‘o ne tu‘u ‘o heka ki he‘ene ‘asi, mo e tu‘unga finemui ‘e toko nima na‘e fakaongo kiate ia, pea ne muimui ki he kau talafekau ‘a Tēvita, ‘o ne hoko ko hono uaifi.
43Pea mali foki ‘a Tēvita mo ‘Ahinoami mei Sisilili, pea na fakatou hoko ko hono ‘unoho. 44Ka kuo ‘ange ‘e Saula hono ‘ōfefine ko Maikale ko e uaifi ‘o Tēvita kia Pāleti foha ‘o Laisi, ‘a ia na‘e kau ki Kālimi.#2 Sām 3.14-16
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.