KO 1 SĀMIUELA 2
2
Ko e Lotu Hū ‘a ‘Ana
1PEA hū ‘a ‘Ana,#Luk 1.46-55 ‘o ne pehē,
‘Oku hākahaka hoku loto ‘ia Sihova,
‘Oku mā‘olunga hoku nifo ‘ia Sihova:
‘Oku mafa‘a hoku ngutu ki hoku ngaahi fili;
Ko ‘eku neka ‘i ho‘o fakamo‘ui.
2‘Oku ‘ikai ha mā‘oni‘oni hangē ko Sihova;
He ‘oku ‘ikai ke ua ‘aki ‘a e ‘Afiona:
Pea ‘oku ‘ikai ha makatu‘u hangē ko hotau ‘Otua.
3‘Oua te mou ha‘aki lau ‘a e koto fie lahi na;
‘Oua ‘e ‘alu atu mei homou ngutu ‘a e fiematamu‘a:
He ko e Tokaima‘ananga ‘a Sihova,
‘Oku fua tautau ‘a e ngaahi ngāue ‘i he ‘Afiona.
4Ko e kaufana ‘a e kau to‘a ‘oku mafesifesi,
Ka ko e tohumu kuo no‘o ‘aki ‘a e mālohi.
5Ko kinautolu na‘e mākona kuo nō ngāue ke ma‘u ha kai;
Ka ko ha‘a fiekaia kuo ma‘u ā ko ‘ene lahi:
‘Io, ko si‘i pa‘a kuo ne fanau‘i ha fitu;
Ka ko ia na‘e tokolahi kuo maheikau.
6‘Oku tāmate‘i ‘e Sihova, ‘oku ne fakaola foki:
‘Oku ne ‘ohifo ki Hētesi, pea ne fokotu‘u mei ai.
7‘Oku fakamasiva ‘e Sihova, pea ‘oku ne fakamo‘umo‘ua,
‘Oku ne fakatōkilalo, pea ko ia foki ‘oku ne fakatau‘olunga.
8‘Oku ne fokotu‘u mei he efu ‘a e lāuvale,
‘Oku ne hiki masiva mei he tu‘unga veve,
‘O ne ‘ai ke nau nonofo mo e hou‘eiki na,
Pea ke tofi‘a ‘aki ‘a e taloni lāngilangi‘ia:
He ‘oku ‘a e ‘Eiki ‘a e ngaahi pou ‘o māmani,
Pea kuo ne hilifaki ‘a e fonua ki ai.
9Te ne tauhi ‘a e va‘e ‘o ‘ene kau lotu mo‘oni,
Ka ‘e fakasīlongo ‘i he po‘uli ‘a e kakai kovi:
He ‘e ‘ikai ikuna ha taha ‘aki hono mālohi.
10Ko Sihova–ko kinautolu ‘e fetakai mo ia ‘e lailai;
Te ne mana kiate ia ‘i langi:
‘E fakamāu‘i ‘e he ‘Eiki ‘a e ngaahi ngata‘anga ‘o māmani;
Pea te ne tuku mālohi ki he‘ene tu‘i,
Mo fakamā‘olunga ‘a e nifo ‘o ‘ene pani.
11Pea ‘alu ‘a ‘Elikena ki Lama ki hono ‘api. Ka ka nofo ‘a e tama ‘o fai ‘a e tauhi ‘o Sihova ‘i he ‘ao ‘o ‘Īlai taula‘eiki.
Ko e ngaahi Foha ‘o ‘Īlai
12Pea ko e ongo foha ‘o ‘Īlai ko e hako‘i Pileali: na‘e ‘ikai te na toka‘i ‘a e ‘Eiki, pe ko e konisitūtone ‘o e taula‘eiki mo e kakai. 13Ka fai feilaulau ‘e ha taha, na‘e ha‘u ‘a e tama ‘a e taula‘eiki, lolotonga ‘oku haka ‘a e kanomate, ‘oku ne to‘o ha huhu mata tolu; 14pea ne velo ki he kapa, pe tikatele, pe sasepani, pe kulo: ‘ilonga ha me‘a na‘e ‘ohake ‘e he huhu na‘e to‘o ia ‘e he taula‘eiki ma‘ana. Na‘e pehē ‘ena fai ‘i Sailo ki he kakai ‘Isileli na‘e ha‘u ki ai. 15Kae‘uma‘ā foki ‘i he te‘eki ke tutu ‘a e ngako, na‘e ha‘u ‘a e tama ‘a e taula‘eiki, ‘o ne pehē kiate ia ‘oku ‘a‘ana ‘a e feilaulau, ‘Omi kanomate ke ta‘o ma‘a e taula‘eiki: he ‘e ‘ikai te ne tali kanomate kuo moho, kae mata pē.
16Pea kapau ‘e tali ki ai ‘e he tangata, ‘E tutu leva ‘anai ‘a e ngako, pea ke toki fa‘iteliha ki ai ha me‘a te ke to‘o; ka te ne tali, ‘Ikai, ka te ke ‘omi leva; pea ka ‘ikai, pea te u to‘o fakamālohi.
17Ko ia na‘e lahi ‘aupito ‘a e hia ‘a e ongo talavou ‘i he ‘ao ‘o e ‘Eiki; he na‘e fakalili‘a ai ‘a e kakai ki he fai feilaulau kia Sihova.
18Ka ko Sāmiuela na‘e fai ngāue ‘i he ‘ao ‘o Sihova, ko e tamasi‘i pē, ‘o kofu ‘i ha ‘ēfoti tupenu. 19Kae‘uma‘ā na‘e tuitui mo‘ona ‘e he‘ene fa‘ē ha ki‘i kofu tōtōlofa, ‘o ne ‘ave kiate ia ‘i he ta‘u kotoa pē, ‘i he‘ene ‘alu hake mo hono husepāniti ke feia ‘a e feilaulau fakata‘u. 20Pea na‘e tāpuaki‘i ‘e ‘Īlai ‘a ‘Elikena mo hono uaifi, ‘o ne pehē, Tauange mo Sihova ke ne fakaai ha‘o hako ‘i he fefine ni, ko e fetongi ‘o e taha na‘e kolea, ‘a ia na‘e kolea meia Sihova. Pea na foki ki hono ‘api.
21He na‘e ‘a‘ahi ‘a e ‘Eiki kia ‘Ana, pea ne feitama, pea ne fā‘ele‘i ha tama ‘e toko tolu mo e ongo ta‘ahine. Pea tupu ‘a e tamasi‘i ko Sāmiuela ‘i he fakafe‘ao kia Sihova.
Ko ‘Īlai mo Hono ngaahi Fohá
22Pea kuo motu‘a ‘aupito ‘a ‘Īlai: pea ne fanongo ki he ngaahi me‘a na‘e fai ‘e hono ongo foha ki ‘Isileli kātoa, pea mo ‘ena mohe mo e kau fefine ‘o e kongakau na‘e fakataha ki he matapā ‘o e Tēniti Fe‘iloaki‘anga. 23Pea ne pehē kiate kinaua, Ko e hā ‘oku mo fai ai ‘a e ngaahi me‘a pehē? he ‘oku ou fanongo ki ho‘omo ngaahi faikovi mei he kakai ni kotoa. 24‘Oua, nga‘ata, he tala‘ehai ko e ongoongo lelei ‘oku ‘omi kiate au, ho‘omo fakaangahala‘i ‘a e kainanga ‘o Sihova. 25Kapau ‘e hia ha tangata ki ha tangata, ‘e fakamaau ia ‘e he ‘Otua; ka ‘o kapau ko Sihova ‘oku hia ki ai ha taha, ko hai te ne hufekina ia? Ka na‘e ‘ikai te na fakaongo ki he le‘o ‘o ‘ena tamai; he kuo finangalo ‘e Sihova ke tāmate‘i kinaua.
26Ka ka tupu ai pē ‘a e tamasi‘i ko Sāmiuela, pea na‘e ‘ofeina ‘ia Sihova mo e kakai foki.#Luk 2.52
Ko Hono Kikite‘i ha Mala ‘o e Fāmili ‘o ‘Īlaí
27Pea na‘e ha‘u ha tangata ‘o ‘Elohimi kia ‘Īlai, ‘o ne pehē ki ai, Ko e folofola eni ‘a Sihova, Na‘a ku mātu‘aki hā koā ki he fale ‘o ho‘o kui, ‘i he‘enau ‘i ‘Isipite ‘i he fale ‘o Felo, ‘inē? 28Pea u fili ia koā mei he ngaahi matakali ‘o ‘Isileli mooku taula‘eiki, ke ‘alu hake ki hoku ‘ōlita ke tutu ‘inisēnisi, ke kofu ‘aki ‘a e ‘ēfoti#2.28 ‘ēfoti; Vakai ki he “Ngaahi Huluhulu”. ‘i hoku ‘ao, ‘inē? Pea na‘a ku tuku koā ki he fale ‘o ho‘o kui ‘a e ngaahi feilaulau tutu ‘a ha‘a ‘Isileli, ‘inē?#‘Eki 28.1-4; Lev 7.35-36 29Ko e hā ‘oku mou malaki ai ‘eku#2.29 malaki ai ‘eku; ‘Oku ‘ikai ke mahino ‘a hono faka-Hepeluú, ka ‘oku pehē ‘i he hiki fuoloa ‘e taha: sio ai mo e mānumanu ki he‘eku. feilaulau, mo e tuku me‘a‘ofa kiate au, ‘a ia kuo u tu‘utu‘uni ‘i he Fale; pea ‘oku mamafa ange kiate koe ho‘o fānau ‘iate au, ke fangapesi kimoutolu ‘aki ‘a e ‘uluaki ‘o e ngaahi me‘a‘ofa ‘a ‘Isileli, ka ko hoku kakai? 30Ko ia ai, ‘oku folofola mei he Ta‘ehāmai ‘e Sihova ko e ‘Otua ‘o ‘Isileli, Na‘a ku mātu‘aki pehē, Ko ho fale, mo e fale ‘o ho‘o tamai, te mou taka ofi kiate au ‘o ta‘engata: ka ko eni ‘oku folofola mai ‘a Sihova, Molekemama‘o; he ko kinautolu ‘oku fakahīkihiki‘i au te u fakahīkihiki‘i, ka ko kinautolu ‘oku manuki‘i au ‘e ta‘etoka‘i. 31Ko eni, ‘ene tokaange ha taimi te u tu‘usi ho mālohi, mo e mālohi ‘o e fale ‘o ho‘o tamai, ke ‘oua na‘a ai ha taha ‘i ho fale ‘e motu‘a. 32Pea te ke mamata ki ha fili#2.32 mamata ki ha fili; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o mamata mo e loto meheka. ‘i he Fale, ‘oku ne lotolotoi ‘i he ngaahi me‘a ‘oku Ne fakakoloa ‘aki ‘a ‘Isileli: pea koe anga ai pē ‘o ho fale ke ta‘eha taha ‘oku motu‘a. 33Pea ko e tangata ‘a‘au ‘a ia ‘e ‘ikai te u tu‘usi mei hoku ‘ōlita, te ne ‘i ai pē ke ‘osi‘osi ho mata,#2.33 ho matá; Ko hono faka-Hepeluú ia, ka ‘oku pehē he hiki fuoloa ‘e taha: ia [= hono matá]. pea ke fakamamahi ho‘o mo‘ui: pea ko e tupu kotoa ‘o ho fāmili te nau mate fatutangata. 34Pea ko eni ‘a e pekepeka‘ātama kiate koe, ‘a ia ‘e hoko ki ho ongo foha, kia Hofinai mo Finiasi; te na fakatou pekia ‘i ha ‘aho pē taha.#1 Sām 4.11 35Pea te u fokotu‘u ma‘aku ha taula‘eiki tu‘u ma‘u, ‘a ia te ne fai tatau mo e me‘a ‘oku ‘i hoku loto mo hoku laumālie: pea te u langa mo‘ona ha fale tu‘u ma‘u, pea te ne fakafe‘ao ki he‘eku pani ma‘u ai pē. 36Pea ‘e faifai, pea ko e toe ‘i ho fale te ne ha‘u ‘o punou kiate ia ke ma‘u ha mokimoki‘i pa‘anga mo ha fo‘i mā, pea te ne pehē, Fakakau au mu‘a ki ha taha ‘o e ngaahi lakanga fakataula‘eiki, ke u mama ha me‘i me‘akai.
Currently Selected:
KO 1 SĀMIUELA 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 2
2
Ko e Lotu Hū ‘a ‘Ana
1PEA hū ‘a ‘Ana,#Luk 1.46-55 ‘o ne pehē,
‘Oku hākahaka hoku loto ‘ia Sihova,
‘Oku mā‘olunga hoku nifo ‘ia Sihova:
‘Oku mafa‘a hoku ngutu ki hoku ngaahi fili;
Ko ‘eku neka ‘i ho‘o fakamo‘ui.
2‘Oku ‘ikai ha mā‘oni‘oni hangē ko Sihova;
He ‘oku ‘ikai ke ua ‘aki ‘a e ‘Afiona:
Pea ‘oku ‘ikai ha makatu‘u hangē ko hotau ‘Otua.
3‘Oua te mou ha‘aki lau ‘a e koto fie lahi na;
‘Oua ‘e ‘alu atu mei homou ngutu ‘a e fiematamu‘a:
He ko e Tokaima‘ananga ‘a Sihova,
‘Oku fua tautau ‘a e ngaahi ngāue ‘i he ‘Afiona.
4Ko e kaufana ‘a e kau to‘a ‘oku mafesifesi,
Ka ko e tohumu kuo no‘o ‘aki ‘a e mālohi.
5Ko kinautolu na‘e mākona kuo nō ngāue ke ma‘u ha kai;
Ka ko ha‘a fiekaia kuo ma‘u ā ko ‘ene lahi:
‘Io, ko si‘i pa‘a kuo ne fanau‘i ha fitu;
Ka ko ia na‘e tokolahi kuo maheikau.
6‘Oku tāmate‘i ‘e Sihova, ‘oku ne fakaola foki:
‘Oku ne ‘ohifo ki Hētesi, pea ne fokotu‘u mei ai.
7‘Oku fakamasiva ‘e Sihova, pea ‘oku ne fakamo‘umo‘ua,
‘Oku ne fakatōkilalo, pea ko ia foki ‘oku ne fakatau‘olunga.
8‘Oku ne fokotu‘u mei he efu ‘a e lāuvale,
‘Oku ne hiki masiva mei he tu‘unga veve,
‘O ne ‘ai ke nau nonofo mo e hou‘eiki na,
Pea ke tofi‘a ‘aki ‘a e taloni lāngilangi‘ia:
He ‘oku ‘a e ‘Eiki ‘a e ngaahi pou ‘o māmani,
Pea kuo ne hilifaki ‘a e fonua ki ai.
9Te ne tauhi ‘a e va‘e ‘o ‘ene kau lotu mo‘oni,
Ka ‘e fakasīlongo ‘i he po‘uli ‘a e kakai kovi:
He ‘e ‘ikai ikuna ha taha ‘aki hono mālohi.
10Ko Sihova–ko kinautolu ‘e fetakai mo ia ‘e lailai;
Te ne mana kiate ia ‘i langi:
‘E fakamāu‘i ‘e he ‘Eiki ‘a e ngaahi ngata‘anga ‘o māmani;
Pea te ne tuku mālohi ki he‘ene tu‘i,
Mo fakamā‘olunga ‘a e nifo ‘o ‘ene pani.
11Pea ‘alu ‘a ‘Elikena ki Lama ki hono ‘api. Ka ka nofo ‘a e tama ‘o fai ‘a e tauhi ‘o Sihova ‘i he ‘ao ‘o ‘Īlai taula‘eiki.
Ko e ngaahi Foha ‘o ‘Īlai
12Pea ko e ongo foha ‘o ‘Īlai ko e hako‘i Pileali: na‘e ‘ikai te na toka‘i ‘a e ‘Eiki, pe ko e konisitūtone ‘o e taula‘eiki mo e kakai. 13Ka fai feilaulau ‘e ha taha, na‘e ha‘u ‘a e tama ‘a e taula‘eiki, lolotonga ‘oku haka ‘a e kanomate, ‘oku ne to‘o ha huhu mata tolu; 14pea ne velo ki he kapa, pe tikatele, pe sasepani, pe kulo: ‘ilonga ha me‘a na‘e ‘ohake ‘e he huhu na‘e to‘o ia ‘e he taula‘eiki ma‘ana. Na‘e pehē ‘ena fai ‘i Sailo ki he kakai ‘Isileli na‘e ha‘u ki ai. 15Kae‘uma‘ā foki ‘i he te‘eki ke tutu ‘a e ngako, na‘e ha‘u ‘a e tama ‘a e taula‘eiki, ‘o ne pehē kiate ia ‘oku ‘a‘ana ‘a e feilaulau, ‘Omi kanomate ke ta‘o ma‘a e taula‘eiki: he ‘e ‘ikai te ne tali kanomate kuo moho, kae mata pē.
16Pea kapau ‘e tali ki ai ‘e he tangata, ‘E tutu leva ‘anai ‘a e ngako, pea ke toki fa‘iteliha ki ai ha me‘a te ke to‘o; ka te ne tali, ‘Ikai, ka te ke ‘omi leva; pea ka ‘ikai, pea te u to‘o fakamālohi.
17Ko ia na‘e lahi ‘aupito ‘a e hia ‘a e ongo talavou ‘i he ‘ao ‘o e ‘Eiki; he na‘e fakalili‘a ai ‘a e kakai ki he fai feilaulau kia Sihova.
18Ka ko Sāmiuela na‘e fai ngāue ‘i he ‘ao ‘o Sihova, ko e tamasi‘i pē, ‘o kofu ‘i ha ‘ēfoti tupenu. 19Kae‘uma‘ā na‘e tuitui mo‘ona ‘e he‘ene fa‘ē ha ki‘i kofu tōtōlofa, ‘o ne ‘ave kiate ia ‘i he ta‘u kotoa pē, ‘i he‘ene ‘alu hake mo hono husepāniti ke feia ‘a e feilaulau fakata‘u. 20Pea na‘e tāpuaki‘i ‘e ‘Īlai ‘a ‘Elikena mo hono uaifi, ‘o ne pehē, Tauange mo Sihova ke ne fakaai ha‘o hako ‘i he fefine ni, ko e fetongi ‘o e taha na‘e kolea, ‘a ia na‘e kolea meia Sihova. Pea na foki ki hono ‘api.
21He na‘e ‘a‘ahi ‘a e ‘Eiki kia ‘Ana, pea ne feitama, pea ne fā‘ele‘i ha tama ‘e toko tolu mo e ongo ta‘ahine. Pea tupu ‘a e tamasi‘i ko Sāmiuela ‘i he fakafe‘ao kia Sihova.
Ko ‘Īlai mo Hono ngaahi Fohá
22Pea kuo motu‘a ‘aupito ‘a ‘Īlai: pea ne fanongo ki he ngaahi me‘a na‘e fai ‘e hono ongo foha ki ‘Isileli kātoa, pea mo ‘ena mohe mo e kau fefine ‘o e kongakau na‘e fakataha ki he matapā ‘o e Tēniti Fe‘iloaki‘anga. 23Pea ne pehē kiate kinaua, Ko e hā ‘oku mo fai ai ‘a e ngaahi me‘a pehē? he ‘oku ou fanongo ki ho‘omo ngaahi faikovi mei he kakai ni kotoa. 24‘Oua, nga‘ata, he tala‘ehai ko e ongoongo lelei ‘oku ‘omi kiate au, ho‘omo fakaangahala‘i ‘a e kainanga ‘o Sihova. 25Kapau ‘e hia ha tangata ki ha tangata, ‘e fakamaau ia ‘e he ‘Otua; ka ‘o kapau ko Sihova ‘oku hia ki ai ha taha, ko hai te ne hufekina ia? Ka na‘e ‘ikai te na fakaongo ki he le‘o ‘o ‘ena tamai; he kuo finangalo ‘e Sihova ke tāmate‘i kinaua.
26Ka ka tupu ai pē ‘a e tamasi‘i ko Sāmiuela, pea na‘e ‘ofeina ‘ia Sihova mo e kakai foki.#Luk 2.52
Ko Hono Kikite‘i ha Mala ‘o e Fāmili ‘o ‘Īlaí
27Pea na‘e ha‘u ha tangata ‘o ‘Elohimi kia ‘Īlai, ‘o ne pehē ki ai, Ko e folofola eni ‘a Sihova, Na‘a ku mātu‘aki hā koā ki he fale ‘o ho‘o kui, ‘i he‘enau ‘i ‘Isipite ‘i he fale ‘o Felo, ‘inē? 28Pea u fili ia koā mei he ngaahi matakali ‘o ‘Isileli mooku taula‘eiki, ke ‘alu hake ki hoku ‘ōlita ke tutu ‘inisēnisi, ke kofu ‘aki ‘a e ‘ēfoti#2.28 ‘ēfoti; Vakai ki he “Ngaahi Huluhulu”. ‘i hoku ‘ao, ‘inē? Pea na‘a ku tuku koā ki he fale ‘o ho‘o kui ‘a e ngaahi feilaulau tutu ‘a ha‘a ‘Isileli, ‘inē?#‘Eki 28.1-4; Lev 7.35-36 29Ko e hā ‘oku mou malaki ai ‘eku#2.29 malaki ai ‘eku; ‘Oku ‘ikai ke mahino ‘a hono faka-Hepeluú, ka ‘oku pehē ‘i he hiki fuoloa ‘e taha: sio ai mo e mānumanu ki he‘eku. feilaulau, mo e tuku me‘a‘ofa kiate au, ‘a ia kuo u tu‘utu‘uni ‘i he Fale; pea ‘oku mamafa ange kiate koe ho‘o fānau ‘iate au, ke fangapesi kimoutolu ‘aki ‘a e ‘uluaki ‘o e ngaahi me‘a‘ofa ‘a ‘Isileli, ka ko hoku kakai? 30Ko ia ai, ‘oku folofola mei he Ta‘ehāmai ‘e Sihova ko e ‘Otua ‘o ‘Isileli, Na‘a ku mātu‘aki pehē, Ko ho fale, mo e fale ‘o ho‘o tamai, te mou taka ofi kiate au ‘o ta‘engata: ka ko eni ‘oku folofola mai ‘a Sihova, Molekemama‘o; he ko kinautolu ‘oku fakahīkihiki‘i au te u fakahīkihiki‘i, ka ko kinautolu ‘oku manuki‘i au ‘e ta‘etoka‘i. 31Ko eni, ‘ene tokaange ha taimi te u tu‘usi ho mālohi, mo e mālohi ‘o e fale ‘o ho‘o tamai, ke ‘oua na‘a ai ha taha ‘i ho fale ‘e motu‘a. 32Pea te ke mamata ki ha fili#2.32 mamata ki ha fili; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o mamata mo e loto meheka. ‘i he Fale, ‘oku ne lotolotoi ‘i he ngaahi me‘a ‘oku Ne fakakoloa ‘aki ‘a ‘Isileli: pea koe anga ai pē ‘o ho fale ke ta‘eha taha ‘oku motu‘a. 33Pea ko e tangata ‘a‘au ‘a ia ‘e ‘ikai te u tu‘usi mei hoku ‘ōlita, te ne ‘i ai pē ke ‘osi‘osi ho mata,#2.33 ho matá; Ko hono faka-Hepeluú ia, ka ‘oku pehē he hiki fuoloa ‘e taha: ia [= hono matá]. pea ke fakamamahi ho‘o mo‘ui: pea ko e tupu kotoa ‘o ho fāmili te nau mate fatutangata. 34Pea ko eni ‘a e pekepeka‘ātama kiate koe, ‘a ia ‘e hoko ki ho ongo foha, kia Hofinai mo Finiasi; te na fakatou pekia ‘i ha ‘aho pē taha.#1 Sām 4.11 35Pea te u fokotu‘u ma‘aku ha taula‘eiki tu‘u ma‘u, ‘a ia te ne fai tatau mo e me‘a ‘oku ‘i hoku loto mo hoku laumālie: pea te u langa mo‘ona ha fale tu‘u ma‘u, pea te ne fakafe‘ao ki he‘eku pani ma‘u ai pē. 36Pea ‘e faifai, pea ko e toe ‘i ho fale te ne ha‘u ‘o punou kiate ia ke ma‘u ha mokimoki‘i pa‘anga mo ha fo‘i mā, pea te ne pehē, Fakakau au mu‘a ki ha taha ‘o e ngaahi lakanga fakataula‘eiki, ke u mama ha me‘i me‘akai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.