KO 1 SĀMIUELA 1
1
Ko ‘Elikena mo Hono Fāmilí ‘i Sailo
1PEA na‘e ai ha tangata ‘e taha na‘e kau ki Lamataimi-Sōfimi, mei Mo‘unga-‘Ifalemi, pea ko hono hingoa ko ‘Elikena, foha ‘o ‘Ilohame, foha ‘o ‘Ilaiū, foha ‘o Tohu foha ‘o Sufi, ko e motu‘a ‘Ifalemi ia. 2Pea na‘e tokoua hono ‘unoho; ko e hingoa ‘o e taha ko ‘Ana, pea ko e hingoa ‘o e taha ko Pēnina: pea na‘e ai ha fānau ‘a Pēnina, kae ‘ikai ha fānau ‘a ‘Ana. 3Pea na‘e ‘alu hake ‘a e motu‘a ko ia ‘i he ta‘u kotoa pē mei hono kolo ke lotu mo fai feilaulau kia Sihova Sāpaoti ‘i Sailo. Pea na‘e ‘i he potu ko ia ‘a e ongo foha ‘o ‘Īlai, ko Hofinai mo Finiasi, ko e ongo taula ‘a Sihova. 4Pea ‘i he ‘aho na‘e fai feilaulau ai ‘e ‘Elikena, na‘a ne ‘ave ‘inasi ki hono uaifi ko Pēnina, pea ki he‘ene fānau tangata mo fānau fefine kotoa pē: 5ka ko ‘Ana na‘a ne ‘ave ki ai ha ‘inasi lōua; he ko ‘Ana na‘a ne ‘ofa ki ai: ka#1.5 ka… ka; pe neongo na‘á ne ‘ofa lahi ‘ia ‘Ana ka na‘á ne vahe ange pē hono ‘inasi ‘e taha, he. kuo tapui ‘e Sihova ‘ene fanau. 6Pea lea fakamāhuahu lahi foki ‘a hono fili, koe‘uhi ke ne mamahi, koe‘uhi kuo mātu‘aki tapui ‘e Sihova ‘ene fanau. 7Na‘e pehē ‘a e fai ‘e ‘Elikena ‘i he ta‘u kotoa pē, ‘oka ‘alu hake ‘a e fefine ki he fale ‘o Sihova, pea pehē mo e fai ‘e Me‘a hono fakamamahi; ko ia na‘a ne tangi ai, ‘o ‘ikai te ne fie kai. 8Pea lea ki ai hono husepāniti ko ‘Elikena, ‘Ana, ko e hā ‘oku ke tangi ai? Pea ko e hā ‘oku ‘ikai te ke kai ai? Pea ko e hā ‘oku hoha‘a ai ho loto? ‘ikai ‘oku ou mahu‘inga kiate koe ‘i ha tama ‘e hongofulu?
Ko ‘Ana mo ‘Īlai
9Pea tu‘u ‘a ‘Ana hili ‘a e kai ‘i Sailo, pea hili ‘a e inu kava. Pea na‘e nofo ‘a e taula‘eiki ko ‘Īlai ‘i he taloni ofi ki he pou matapā ‘o e Temipale ‘o Sihova. 10Pea na‘e kona hono laumālie, pea na‘a ne hū kia Sihova, ‘o ne tangi lahi. 11Pea fai ‘e he fefine ‘ene tukumo‘ui, ‘o pehē, Sihova Sāpaoti ē, kapau mo‘oni te ke ‘afio‘i ‘a e mamahi ‘a ho‘o kaunanga, ka ke manatu‘i au, ‘o ‘ikai ngalo ho‘o kaunanga, ka ke foaki mai ha hako tangata, pea te u toki tuku ia ki he ‘Afiona ‘i he ngaahi ‘aho kotoa pē ‘o ‘ene mo‘ui, pea ‘e ‘ikai apo ha tele ki hono ‘ulu.#1.11 ‘e ‘ikai… ‘ulú; Ko e faka‘ilonga eni ‘o hono fakatāpui ha taha kia Sihova; (vakai kia Nōm 6.5). #Nōm 6.5
12Pea ‘i he fai atu ‘e he fefine ‘ene hū ‘o fuoloa ‘i he ‘ao ‘o Sihova, ‘iloange na‘e tokanga ‘a ‘Īlai ki hono ngutu. 13Pea na‘e lea pē ‘a ‘Ana ‘i hono loto; na‘e ngaue pē hono loungutu, kae ‘ikai ‘asi mai hono le‘o: ko ia na‘e mahalo ‘e ‘Īlai ‘oku ne konā. 14Pea lea ‘a ‘Īlai ki ai, ‘E ‘osi ‘afē ho‘o tuku ke hā ho‘o konā? fai ha me‘a ke mole ‘a e uaine meiate koe.
15Pea tali ‘e ‘Ana, ‘o ne pehē, ‘Oku ‘ikai pehē, Tangata‘eiki; ko e fefine loto mafasia au: kuo ‘ikai te u inu ha uaine, pe ha kava mālohi, ka ko ‘eku lilingi hoku loto ‘i he ‘ao ‘o Sihova. 16‘Oua te ke lau ho‘o kaunanga ko e hako‘i Pileali: he ko ‘eku lea ‘anenai na‘e tupu mei he lahi ‘o ‘eku hanu, mo hoku fakaehaua.
17Pea tali ‘e ‘Īlai, ‘o ne pehē, ‘Alu fiemālie pē: pea tauange mo e ‘Otua ‘o ‘Isileli ke ne tali ‘a e kole kuo ke fai kiate ia.
18Pea pehē ‘e he fefine, ‘Ofa ke hōifua ‘a e Feitu‘u na ‘i ho‘o kaunanga. Pea ‘alu mei ai ‘a e fefine, ‘o ne kai, pea na‘e ‘ikai toe pehē hono fofonga.
19Pea na‘a nau tutu‘u hengihengi hake, pea nau fai ‘enau lotu ‘i he ‘ao ‘o Sihova, pea nau toki foki ‘o a‘u ki honau ‘api ‘i Lama. Pea fe‘iloaki ‘a ‘Elikena mo hono uaifi ko ‘Ana, pea na‘e manatu ia ‘e he ‘Eiki. 20Pea ‘i he faifai pea hoko ‘a e taimi, na‘e feitama ‘a ‘Ana, ‘o ne fā‘ele‘i ha tama tangata; pea ne fakahingoa ia ko Sāmiuela (ko Ongo‘i-‘e-he-‘Ot ua)#1.20 Sāmiuela; Ko e ‘uhinga ‘o e hingoá ni ko e “huafa ‘o e ‘Otuá”, ka ‘oku faka‘uhinga‘i he potu tohí ni ki he faka-Hepelū ‘o e “kole”. he‘ene pehē, Na‘a ku kole ia meia Sihova.
21Pea ‘alu hake ‘a e matāpule ko ‘Elikena mo hono fale kotoa ke feia kia Sihova ‘a e feilaulau fakata‘u, pea mo ‘ene tukumo‘ui. 22Ka na‘e ‘ikai ke ‘alu ‘a ‘Ana; he na‘a ne pehē ki hono husepāniti, ‘Oua ke fakamavae ‘a e tamasi‘i, ka u toki ‘ave ia, ke ne hā ‘i he ‘ao ‘o Sihova, ‘o nofo ai ‘o ta‘engata.
23Pea tali ‘e hono husepāniti ko ‘Elikena, Fai pē ‘a e me‘a ‘oku hā lelei kiate koe; nofo pē kae‘oua ke fakamavae ia: kehe pē ke fakaai ‘e Sihova ‘ene#1.23 ‘ene: Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: ho‘o. folofola. Ko ia na‘e nofo pē ‘a e fefine, ‘o ne fakahuhu ‘ene tama, kae‘oua ke mavae.
24Pea ‘i he ‘osi hono mavae, na‘a ne ‘alu hake mo ia, ‘o ne ‘alu mo ia ha pulu mui ‘e toko tolu,#1.24 ha pulu… tolu; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: ha pulu mui ta‘u tolu. mo e efa mahoa‘a ‘e taha, mo ha hina leta uaine, ‘o ne ‘ave ia ki he fale ‘o Sihova ki Sailo: pea na‘e kei si‘i ‘a e tama. 25Pea nau tāmate‘i ‘a e pulu, ‘o nau ‘omi ‘a e tamasi‘i kia ‘Īlai. 26Pea pehē ‘e he fefine, Tangata‘eiki, tangi ho‘o mo‘ui, Tangata‘eiki, ko e fefine au na‘e tu‘u ofi kiate koe hena, ‘o hū ki he ‘Eiki. 27Ko e tamasi‘i eni na‘a ku lotu ki ai; pea kuo ‘omi ‘e he ‘Eiki ‘a e me‘a na‘a ku kole meiate ia; ko ia, ko au foki kuo u humaki atu ia kia Sihova; 28lolotonga ‘ene mo‘ui ko e nō ia ‘a Sihova. Pea fai ai ‘e he tangata ‘ene#1.28 ‘e he tangata ‘ene; Ko hono faka-Hepeluú ko e ‘ene [‘a ia ko e tangatá ia]; ka ‘oku pehē he ngaahi hiki fuoloa ‘e ni‘ihi: ‘enau. lotu ki he ‘Eiki.
Currently Selected:
KO 1 SĀMIUELA 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 1
1
Ko ‘Elikena mo Hono Fāmilí ‘i Sailo
1PEA na‘e ai ha tangata ‘e taha na‘e kau ki Lamataimi-Sōfimi, mei Mo‘unga-‘Ifalemi, pea ko hono hingoa ko ‘Elikena, foha ‘o ‘Ilohame, foha ‘o ‘Ilaiū, foha ‘o Tohu foha ‘o Sufi, ko e motu‘a ‘Ifalemi ia. 2Pea na‘e tokoua hono ‘unoho; ko e hingoa ‘o e taha ko ‘Ana, pea ko e hingoa ‘o e taha ko Pēnina: pea na‘e ai ha fānau ‘a Pēnina, kae ‘ikai ha fānau ‘a ‘Ana. 3Pea na‘e ‘alu hake ‘a e motu‘a ko ia ‘i he ta‘u kotoa pē mei hono kolo ke lotu mo fai feilaulau kia Sihova Sāpaoti ‘i Sailo. Pea na‘e ‘i he potu ko ia ‘a e ongo foha ‘o ‘Īlai, ko Hofinai mo Finiasi, ko e ongo taula ‘a Sihova. 4Pea ‘i he ‘aho na‘e fai feilaulau ai ‘e ‘Elikena, na‘a ne ‘ave ‘inasi ki hono uaifi ko Pēnina, pea ki he‘ene fānau tangata mo fānau fefine kotoa pē: 5ka ko ‘Ana na‘a ne ‘ave ki ai ha ‘inasi lōua; he ko ‘Ana na‘a ne ‘ofa ki ai: ka#1.5 ka… ka; pe neongo na‘á ne ‘ofa lahi ‘ia ‘Ana ka na‘á ne vahe ange pē hono ‘inasi ‘e taha, he. kuo tapui ‘e Sihova ‘ene fanau. 6Pea lea fakamāhuahu lahi foki ‘a hono fili, koe‘uhi ke ne mamahi, koe‘uhi kuo mātu‘aki tapui ‘e Sihova ‘ene fanau. 7Na‘e pehē ‘a e fai ‘e ‘Elikena ‘i he ta‘u kotoa pē, ‘oka ‘alu hake ‘a e fefine ki he fale ‘o Sihova, pea pehē mo e fai ‘e Me‘a hono fakamamahi; ko ia na‘a ne tangi ai, ‘o ‘ikai te ne fie kai. 8Pea lea ki ai hono husepāniti ko ‘Elikena, ‘Ana, ko e hā ‘oku ke tangi ai? Pea ko e hā ‘oku ‘ikai te ke kai ai? Pea ko e hā ‘oku hoha‘a ai ho loto? ‘ikai ‘oku ou mahu‘inga kiate koe ‘i ha tama ‘e hongofulu?
Ko ‘Ana mo ‘Īlai
9Pea tu‘u ‘a ‘Ana hili ‘a e kai ‘i Sailo, pea hili ‘a e inu kava. Pea na‘e nofo ‘a e taula‘eiki ko ‘Īlai ‘i he taloni ofi ki he pou matapā ‘o e Temipale ‘o Sihova. 10Pea na‘e kona hono laumālie, pea na‘a ne hū kia Sihova, ‘o ne tangi lahi. 11Pea fai ‘e he fefine ‘ene tukumo‘ui, ‘o pehē, Sihova Sāpaoti ē, kapau mo‘oni te ke ‘afio‘i ‘a e mamahi ‘a ho‘o kaunanga, ka ke manatu‘i au, ‘o ‘ikai ngalo ho‘o kaunanga, ka ke foaki mai ha hako tangata, pea te u toki tuku ia ki he ‘Afiona ‘i he ngaahi ‘aho kotoa pē ‘o ‘ene mo‘ui, pea ‘e ‘ikai apo ha tele ki hono ‘ulu.#1.11 ‘e ‘ikai… ‘ulú; Ko e faka‘ilonga eni ‘o hono fakatāpui ha taha kia Sihova; (vakai kia Nōm 6.5). #Nōm 6.5
12Pea ‘i he fai atu ‘e he fefine ‘ene hū ‘o fuoloa ‘i he ‘ao ‘o Sihova, ‘iloange na‘e tokanga ‘a ‘Īlai ki hono ngutu. 13Pea na‘e lea pē ‘a ‘Ana ‘i hono loto; na‘e ngaue pē hono loungutu, kae ‘ikai ‘asi mai hono le‘o: ko ia na‘e mahalo ‘e ‘Īlai ‘oku ne konā. 14Pea lea ‘a ‘Īlai ki ai, ‘E ‘osi ‘afē ho‘o tuku ke hā ho‘o konā? fai ha me‘a ke mole ‘a e uaine meiate koe.
15Pea tali ‘e ‘Ana, ‘o ne pehē, ‘Oku ‘ikai pehē, Tangata‘eiki; ko e fefine loto mafasia au: kuo ‘ikai te u inu ha uaine, pe ha kava mālohi, ka ko ‘eku lilingi hoku loto ‘i he ‘ao ‘o Sihova. 16‘Oua te ke lau ho‘o kaunanga ko e hako‘i Pileali: he ko ‘eku lea ‘anenai na‘e tupu mei he lahi ‘o ‘eku hanu, mo hoku fakaehaua.
17Pea tali ‘e ‘Īlai, ‘o ne pehē, ‘Alu fiemālie pē: pea tauange mo e ‘Otua ‘o ‘Isileli ke ne tali ‘a e kole kuo ke fai kiate ia.
18Pea pehē ‘e he fefine, ‘Ofa ke hōifua ‘a e Feitu‘u na ‘i ho‘o kaunanga. Pea ‘alu mei ai ‘a e fefine, ‘o ne kai, pea na‘e ‘ikai toe pehē hono fofonga.
19Pea na‘a nau tutu‘u hengihengi hake, pea nau fai ‘enau lotu ‘i he ‘ao ‘o Sihova, pea nau toki foki ‘o a‘u ki honau ‘api ‘i Lama. Pea fe‘iloaki ‘a ‘Elikena mo hono uaifi ko ‘Ana, pea na‘e manatu ia ‘e he ‘Eiki. 20Pea ‘i he faifai pea hoko ‘a e taimi, na‘e feitama ‘a ‘Ana, ‘o ne fā‘ele‘i ha tama tangata; pea ne fakahingoa ia ko Sāmiuela (ko Ongo‘i-‘e-he-‘Ot ua)#1.20 Sāmiuela; Ko e ‘uhinga ‘o e hingoá ni ko e “huafa ‘o e ‘Otuá”, ka ‘oku faka‘uhinga‘i he potu tohí ni ki he faka-Hepelū ‘o e “kole”. he‘ene pehē, Na‘a ku kole ia meia Sihova.
21Pea ‘alu hake ‘a e matāpule ko ‘Elikena mo hono fale kotoa ke feia kia Sihova ‘a e feilaulau fakata‘u, pea mo ‘ene tukumo‘ui. 22Ka na‘e ‘ikai ke ‘alu ‘a ‘Ana; he na‘a ne pehē ki hono husepāniti, ‘Oua ke fakamavae ‘a e tamasi‘i, ka u toki ‘ave ia, ke ne hā ‘i he ‘ao ‘o Sihova, ‘o nofo ai ‘o ta‘engata.
23Pea tali ‘e hono husepāniti ko ‘Elikena, Fai pē ‘a e me‘a ‘oku hā lelei kiate koe; nofo pē kae‘oua ke fakamavae ia: kehe pē ke fakaai ‘e Sihova ‘ene#1.23 ‘ene: Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: ho‘o. folofola. Ko ia na‘e nofo pē ‘a e fefine, ‘o ne fakahuhu ‘ene tama, kae‘oua ke mavae.
24Pea ‘i he ‘osi hono mavae, na‘a ne ‘alu hake mo ia, ‘o ne ‘alu mo ia ha pulu mui ‘e toko tolu,#1.24 ha pulu… tolu; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: ha pulu mui ta‘u tolu. mo e efa mahoa‘a ‘e taha, mo ha hina leta uaine, ‘o ne ‘ave ia ki he fale ‘o Sihova ki Sailo: pea na‘e kei si‘i ‘a e tama. 25Pea nau tāmate‘i ‘a e pulu, ‘o nau ‘omi ‘a e tamasi‘i kia ‘Īlai. 26Pea pehē ‘e he fefine, Tangata‘eiki, tangi ho‘o mo‘ui, Tangata‘eiki, ko e fefine au na‘e tu‘u ofi kiate koe hena, ‘o hū ki he ‘Eiki. 27Ko e tamasi‘i eni na‘a ku lotu ki ai; pea kuo ‘omi ‘e he ‘Eiki ‘a e me‘a na‘a ku kole meiate ia; ko ia, ko au foki kuo u humaki atu ia kia Sihova; 28lolotonga ‘ene mo‘ui ko e nō ia ‘a Sihova. Pea fai ai ‘e he tangata ‘ene#1.28 ‘e he tangata ‘ene; Ko hono faka-Hepeluú ko e ‘ene [‘a ia ko e tangatá ia]; ka ‘oku pehē he ngaahi hiki fuoloa ‘e ni‘ihi: ‘enau. lotu ki he ‘Eiki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.