KO 1 SĀMIUELA 16
16
Ko Hono Fakanofo Tu‘i ‘o Tēvita
1PEA folofola ‘a Sihova kia Sāmiuela, Ko futu ho‘o fakamamahi koe‘uhi ko Saula, ka kuo u li‘aki ia mei he‘ene Tu‘i ‘Isileli? Fakafonu lolo ho‘o nifo‘i manu, pea ‘alu, ‘o fai ‘eku fekau kia Sese ko e tangata Pētelihema: he kuo u tokonaki haku tu‘i mei hono ngaahi foha.
2Pea fakatau folofola ‘e Sāmiuela, ‘O u ‘alu fēfē? ka fanongo ki ai ‘e Saula, te ne fakapoongi au. Pea folofola ‘a e ‘Eiki, ‘Alu mo koe ha pulu mui fefine, pea te ke pehē, Ko ‘eku ha‘u ke fai feilaulau kia Sihova.
3Pea ke tala ‘a e feilaulau kia Sese, pea te u fakahā kiate koe ‘a e me‘a te ke fai: pea te ke pani ma‘aku ‘a ia te u tala kiate koe.
4Pea fai ‘e Sāmiuela ‘a e me‘a na‘e tala ‘e he ‘Eiki, pea ne a‘u ki Pētelihema. Pea ha‘u tetetete pē ‘a e mātu‘a ‘o e kolo ke fakafetaulaki kiate ia, pea nau pehē, Ko ho‘o ha‘u melino pē?
5Pea ne pehē, Melino pē; ko ‘eku ha‘u ke fai feilaulau kia Sihova: mou fakatāpui kimoutolu, ‘o mou omi ke tau ō ki he feilaulau. Pea ne fakatāpui ‘a Sese mo hono ngaahi foha, ‘o ne tala ‘a e feilaulau kiate kinautolu.
6Pea ‘i he‘enau omi, ‘o ne sio kia ‘Eliapi, na‘a ne pehē, Tā ko e pani ‘a e ‘Afiona ‘oku tau fe‘a‘ao. 7Ka ka folofola ‘a e ‘Eiki kia Sāmiuela, ‘Oua na‘a tokanga‘i hono fōtunga, pe ko hono mā‘olunga; he kuo u li‘aki ia: he tala‘ehai ko e fai ki he sio ‘a e tangata; he ‘oku sio ‘a e tangata ki he mata, ka ‘oku sio ‘a e ‘Eiki ki he loto.
8Pea ui ‘e Sese ‘a ‘Apinatape, ‘o ne fakalaka ia ‘i he ‘ao ‘o Sāmiuela. Pea ne pehē, Mo eni foki kuo ‘ikai fili ‘e Sihova. 9Pea fakalaka ‘e Sese ‘a Sama. Pea ne pehē, Mo ‘eni foki kuo ‘ikai fili ‘e Sihova. 10Pea fakalaka ‘e Sese ‘a hono ngaahi foha ‘e toko fitu ‘i he ‘ao ‘o Sāmiuela. Pea pehē ‘e Sāmiuela kia Sese, Kuo ‘ikai fili ‘e Sihova ‘a kinautolu ni. 11Pea me‘a ‘a Sāmiuela kia Sese, ‘Oku kātoa heni ‘a e kau tama? Pea ne pehē, ‘Oku kei toe pē ‘a e kihi‘i si‘i, ka ko eni ‘oku ne tauhi ‘a e fanga sipi. Pea me‘a ‘a Sāmiuela kia Sese, Fekau ke ‘omi ia: he ‘ikai te tau nofo ki he kai kae‘oua ke ne ha‘u ki heni.
12Pea na‘a ne fekau, ‘o ‘omi ia. Pea na‘e pahapaha ia, kae‘uma‘ā na‘e faka‘ofo‘ofa hono ongo fo‘i fofonga, pea ko e tama hōihoifua. Pea folofola ‘a e ‘Eiki, Tu‘u ‘o pani ia; he ko ia ia. 13Pea to‘o ‘e Sāmiuela ‘a e ‘ainga lolo, ‘o ne pani ia ‘i he lotolotonga ‘o hono kāinga: pea na‘e ‘ohofia ‘a Tēvita ‘e he Laumālie ‘o e ‘Eiki mei he ‘aho ko ia. Pea tu‘u ‘a Sāmiuela, ‘o ‘alu ki Lama.
Ko e Nofo ‘a Tēvita he Loto‘ā ‘o Saulá
14Pea hiki ‘a e Laumālie ‘o e ‘Eiki meia Saula, pea fakahoha‘a ia ‘e ha laumālie kovi meia Sihova. 15Pea lea ‘a e kau tamaio‘eiki ‘a Saula kiate ia, Tā ‘oku fakahoha‘a koe ‘e ha laumālie kovi faka‘Elohimi. 16Ke ke me‘a mai mu‘a ‘e he ‘Afiona ki ho‘o kau tamaio‘eiki ‘oku fakafe‘ao, ke kumi ha tangata ‘oku poto ‘i he tā ha‘ape: pea ka faifai pea hā‘ele ki he ‘Afiona ‘a e laumālie kovi faka‘Elohimi, ke ne ala ‘o tā, pea ‘e ‘aonga kiate koe.
17Pea me‘a ‘a Saula ki he‘ene kau tamaio‘eiki, Mou kumi mai he tangata ‘oku tā lelei, ‘o ‘omi kiate au.
18Pea fakatau folofola hake ‘e ha taha ‘o e kau tama, ‘o ne pehē, ‘Ā, kuo u mamata ki ha foha ‘o Sese ko e Pētelihema, ‘oku poto ‘i he tā ha‘ape, pea ko e tangata to‘a ‘aupito, pea ko e pāte‘i tau, pea ko e ngutu melie, pea ko e tangata toulekeleka; kae‘uma‘ā ‘oku ‘iate ia ‘a e ‘Eiki.
19Pea fekau ‘e Saula ha tu‘unga talafekau kia Sese, ‘o pehē, Tuku mai kiate au ‘a ho foha ko Tēvita, ‘a ia ‘oku ‘i he sipi. 20Pea to‘o ‘e Sese ha ‘asi mo ‘ene kavenga mā, mo e hina leta uaine, mo ha ki‘i kosi, ‘o ne ‘ave kia Saula ‘i he nima ‘o hono foha ko Tēvita. 21Pea a‘u ‘a Tēvita kia Saula, ‘o ne tu‘u ‘i hono ‘ao: pea ne ‘ofa lahi kiate ia; pea ne hoko ko ‘ene to‘o mahafu. 22Pea ‘alu ‘a e fekau ‘a Saula kia Sese, ‘o pehē, Tuku mu‘a ‘a Tēvita ke fakafe‘ao kiate au, he ‘oku ou matamatalelei‘ia ai. 23Pea ka ‘iloange na‘e ‘ia Saula ‘a e laumālie faka‘Elohimi, pea to‘o ‘e Tēvita ‘a e ha‘ape ‘o tā; pea nonga hifo ‘a Saula, ‘o ne lelei, pea malele ‘a e laumālie kovi meiate ia.
Currently Selected:
KO 1 SĀMIUELA 16: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 16
16
Ko Hono Fakanofo Tu‘i ‘o Tēvita
1PEA folofola ‘a Sihova kia Sāmiuela, Ko futu ho‘o fakamamahi koe‘uhi ko Saula, ka kuo u li‘aki ia mei he‘ene Tu‘i ‘Isileli? Fakafonu lolo ho‘o nifo‘i manu, pea ‘alu, ‘o fai ‘eku fekau kia Sese ko e tangata Pētelihema: he kuo u tokonaki haku tu‘i mei hono ngaahi foha.
2Pea fakatau folofola ‘e Sāmiuela, ‘O u ‘alu fēfē? ka fanongo ki ai ‘e Saula, te ne fakapoongi au. Pea folofola ‘a e ‘Eiki, ‘Alu mo koe ha pulu mui fefine, pea te ke pehē, Ko ‘eku ha‘u ke fai feilaulau kia Sihova.
3Pea ke tala ‘a e feilaulau kia Sese, pea te u fakahā kiate koe ‘a e me‘a te ke fai: pea te ke pani ma‘aku ‘a ia te u tala kiate koe.
4Pea fai ‘e Sāmiuela ‘a e me‘a na‘e tala ‘e he ‘Eiki, pea ne a‘u ki Pētelihema. Pea ha‘u tetetete pē ‘a e mātu‘a ‘o e kolo ke fakafetaulaki kiate ia, pea nau pehē, Ko ho‘o ha‘u melino pē?
5Pea ne pehē, Melino pē; ko ‘eku ha‘u ke fai feilaulau kia Sihova: mou fakatāpui kimoutolu, ‘o mou omi ke tau ō ki he feilaulau. Pea ne fakatāpui ‘a Sese mo hono ngaahi foha, ‘o ne tala ‘a e feilaulau kiate kinautolu.
6Pea ‘i he‘enau omi, ‘o ne sio kia ‘Eliapi, na‘a ne pehē, Tā ko e pani ‘a e ‘Afiona ‘oku tau fe‘a‘ao. 7Ka ka folofola ‘a e ‘Eiki kia Sāmiuela, ‘Oua na‘a tokanga‘i hono fōtunga, pe ko hono mā‘olunga; he kuo u li‘aki ia: he tala‘ehai ko e fai ki he sio ‘a e tangata; he ‘oku sio ‘a e tangata ki he mata, ka ‘oku sio ‘a e ‘Eiki ki he loto.
8Pea ui ‘e Sese ‘a ‘Apinatape, ‘o ne fakalaka ia ‘i he ‘ao ‘o Sāmiuela. Pea ne pehē, Mo eni foki kuo ‘ikai fili ‘e Sihova. 9Pea fakalaka ‘e Sese ‘a Sama. Pea ne pehē, Mo ‘eni foki kuo ‘ikai fili ‘e Sihova. 10Pea fakalaka ‘e Sese ‘a hono ngaahi foha ‘e toko fitu ‘i he ‘ao ‘o Sāmiuela. Pea pehē ‘e Sāmiuela kia Sese, Kuo ‘ikai fili ‘e Sihova ‘a kinautolu ni. 11Pea me‘a ‘a Sāmiuela kia Sese, ‘Oku kātoa heni ‘a e kau tama? Pea ne pehē, ‘Oku kei toe pē ‘a e kihi‘i si‘i, ka ko eni ‘oku ne tauhi ‘a e fanga sipi. Pea me‘a ‘a Sāmiuela kia Sese, Fekau ke ‘omi ia: he ‘ikai te tau nofo ki he kai kae‘oua ke ne ha‘u ki heni.
12Pea na‘a ne fekau, ‘o ‘omi ia. Pea na‘e pahapaha ia, kae‘uma‘ā na‘e faka‘ofo‘ofa hono ongo fo‘i fofonga, pea ko e tama hōihoifua. Pea folofola ‘a e ‘Eiki, Tu‘u ‘o pani ia; he ko ia ia. 13Pea to‘o ‘e Sāmiuela ‘a e ‘ainga lolo, ‘o ne pani ia ‘i he lotolotonga ‘o hono kāinga: pea na‘e ‘ohofia ‘a Tēvita ‘e he Laumālie ‘o e ‘Eiki mei he ‘aho ko ia. Pea tu‘u ‘a Sāmiuela, ‘o ‘alu ki Lama.
Ko e Nofo ‘a Tēvita he Loto‘ā ‘o Saulá
14Pea hiki ‘a e Laumālie ‘o e ‘Eiki meia Saula, pea fakahoha‘a ia ‘e ha laumālie kovi meia Sihova. 15Pea lea ‘a e kau tamaio‘eiki ‘a Saula kiate ia, Tā ‘oku fakahoha‘a koe ‘e ha laumālie kovi faka‘Elohimi. 16Ke ke me‘a mai mu‘a ‘e he ‘Afiona ki ho‘o kau tamaio‘eiki ‘oku fakafe‘ao, ke kumi ha tangata ‘oku poto ‘i he tā ha‘ape: pea ka faifai pea hā‘ele ki he ‘Afiona ‘a e laumālie kovi faka‘Elohimi, ke ne ala ‘o tā, pea ‘e ‘aonga kiate koe.
17Pea me‘a ‘a Saula ki he‘ene kau tamaio‘eiki, Mou kumi mai he tangata ‘oku tā lelei, ‘o ‘omi kiate au.
18Pea fakatau folofola hake ‘e ha taha ‘o e kau tama, ‘o ne pehē, ‘Ā, kuo u mamata ki ha foha ‘o Sese ko e Pētelihema, ‘oku poto ‘i he tā ha‘ape, pea ko e tangata to‘a ‘aupito, pea ko e pāte‘i tau, pea ko e ngutu melie, pea ko e tangata toulekeleka; kae‘uma‘ā ‘oku ‘iate ia ‘a e ‘Eiki.
19Pea fekau ‘e Saula ha tu‘unga talafekau kia Sese, ‘o pehē, Tuku mai kiate au ‘a ho foha ko Tēvita, ‘a ia ‘oku ‘i he sipi. 20Pea to‘o ‘e Sese ha ‘asi mo ‘ene kavenga mā, mo e hina leta uaine, mo ha ki‘i kosi, ‘o ne ‘ave kia Saula ‘i he nima ‘o hono foha ko Tēvita. 21Pea a‘u ‘a Tēvita kia Saula, ‘o ne tu‘u ‘i hono ‘ao: pea ne ‘ofa lahi kiate ia; pea ne hoko ko ‘ene to‘o mahafu. 22Pea ‘alu ‘a e fekau ‘a Saula kia Sese, ‘o pehē, Tuku mu‘a ‘a Tēvita ke fakafe‘ao kiate au, he ‘oku ou matamatalelei‘ia ai. 23Pea ka ‘iloange na‘e ‘ia Saula ‘a e laumālie faka‘Elohimi, pea to‘o ‘e Tēvita ‘a e ha‘ape ‘o tā; pea nonga hifo ‘a Saula, ‘o ne lelei, pea malele ‘a e laumālie kovi meiate ia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.