KO 1 SĀMIUELA 15
15
Ko e Tau‘i ‘o e Kakai ‘Amalekí
1PEA pehē ‘e Sāmiuela kia Saula, Na‘e fekau au ‘e Sihova ke pani koe ke tu‘i ki hono kakai, ‘a ‘Isileli, pea ko eni, fanongo mai ki he le‘o ‘o e folofola ‘a Sihova.#1 Sām 10.1 2Ko e folofola eni ‘a Sihova Sāpaoti, Kuo u fakamanatu ‘a e me‘a na‘e fai ‘e ‘Amaleki ki ‘Isileli, ‘a ‘ene tu‘u ki ai ‘i he hala, ‘i he‘ene ‘alu hake mei ‘Isipite.#‘Eki 17.8-14; Teu 25.17-19 3Ko ia, ke ke ‘alu ‘o taa‘i ‘a ‘Amaleki, pea ke mōifua ‘a e me‘a kotoa ‘oku ne ma‘u, ‘o ‘oua te ke mamae ki ai; ka ke tāmate‘i ‘a e tangata mo e fefine, ‘a e tamaiki mo e fefine, ‘a e tamaiki mo e kei huhu, ‘a e pulu mo e sipi, ‘a e kāmeli mo e ‘asi.
4Pea fanongonongo ‘e Saula ke ha‘u ‘a e kakai, ‘o ne lau kinautolu ‘i Telaimi, ko e toko ua kilu ‘a e tau hā‘ele, pea taha mano ‘a e kau Siuta. 5Pea a‘u ‘a Saula ki he kolo ‘Amaleki, ‘o ne fakatoka ha malumu ‘i he talalo. 6Pea me‘a ‘a Saula ki ha‘a Keini, Mou ‘alu, hiki, ‘alu hifo mei he lotolotonga ‘o ha‘a ‘Amaleki, na‘a ku faka‘osi koe fakataha mo ia: ka na‘a ke fai ‘ofa ki ha‘a ‘Isileli kotoa ‘i he‘enau ‘alu hake mei ‘Isipite. Ko ia na‘e hiki ‘e ha‘a Keini mei he lotolotonga ‘o ha‘a ‘Amaleki.
7Pea taa‘i ‘e Saula ‘a ‘Amaleki, mei Havila ‘o fakapehē ki Sua, ‘a ia ‘oku ‘i he matāfonua ‘o ‘Isipite. 8Pea ne puke mo‘ui ‘a ‘Ēkaki ko e Tu‘i ‘Amaleki, ka ko hono kotoa ‘o e kakai na‘a ne mōifua ‘aki ‘a e mata ‘o e heletā. 9Ka na‘e ma‘ema‘ekina ‘e Saula mo e kakai ‘a ‘Ēkaki, pea mo e lelei ‘o e sipi mo e pulu, kae‘uma‘ā ‘a e ‘oloua, mo e fanga lami,#15.9 ‘a e ‘oloua, mo e fanga lami; ‘Oku ‘ikai ke mahino ‘a hono faka-Hepeluú, ka ‘oku pehē he hiki fuoloa ‘e taha: pulu muí mo e lamí. ‘io, ‘a ia kotoa pē na‘e lelei, ‘o ‘ikai te nau tāmate‘i mōifua kinautolu: ka ko e kotoa kotoa na‘e feifei‘avale mo tutue,#15.9 feifei‘avale mo tutue; ‘Oku ‘ikai ke mahino ‘a hono faka-Hepeluú, ka ‘oku pehē he ngaahi hiki fuoloa ‘e ni‘ihi: ‘ikai hano ‘aonga pe mahu‘inga. na‘a nau mōifua ia.
Ko e Fakafisinga‘i ‘o e Tu‘i ‘a Saulá
10Pea hoko mai ‘a e folofola ‘a e ‘Eiki kia Sāmiuela, ‘o pehē, 11‘Oku ou fakatomala ‘i he‘eku fokotu‘u ‘a Saula ke tu‘i: he kuo ne tuku ‘ene muimui kiate au, pea kuo ‘ikai te ne fakaai ‘eku ngaahi lea. Pea na‘e ‘ita ‘a Sāmiuela; pea ne tangi kia Sihova ‘i he pō ko ia ‘o ‘aho. 12Pea tu‘u hengihengi hake ‘a Sāmiuela ke fakafetaulaki kia Saula; pea na‘e fakapā kia Sāmiuela, ‘o pehē, Na‘e ha‘u ‘a Saula ki Kāmeli, pea tā kuo ne fokotu‘u hano fakamanatu, pea kuo ne tafoki ‘o laka ange, ‘o ‘alu hifo ki Kilikali. 13Pea a‘u ‘a Sāmiuela kia Saula: pea me‘a ki ai ‘a Saula, ke monū‘ia koe meia Sihova: kuo u fakaai ‘a e folofola ‘a e ‘Eiki.
14Pea pehē ange ‘e Sāmiuela, Pea ko e hā ai ‘a e lea ‘a e fanga sipi ‘oku ongoonga‘a mai, mo e tangi ‘a e fanga pulu ‘oku ou fanongoa?
15Pea tali ‘e Saula, Kuo nau ‘omi mei ha‘a ‘Amaleki; he na‘e mamae‘i ‘e he kakai ‘a e lelei ‘o e monumanu koe‘uhiā ke feilaulau ‘aki kia Sihova ko ho ‘Otua; ka ko hono toe kuo mau mōifua.#15.15 mōifua; Na‘e fakatāpui faka‘āufuli e monumanú ni kia Sihova ‘o pau ai ke faka‘auha (vakai kia Lev 27.28).
16Pea pehē ‘e Sāmiuela kia Saula, Tatali, ka u fakahā kiate koe ‘a e me‘a na‘e folofola‘aki mai ‘e Sihova ‘anepō.
17Pea ne tali, Lea pē. Pea pehē ‘e Sāmiuela, Lolotonga na‘a ke si‘i ‘i ho‘o vakai ‘a‘au, ‘ikai na‘a ke hoko ko e ‘ulu ‘o e ngaahi matakali ‘Isileli? Pea na‘e pani koe ‘e Sihova ke Tu‘i ‘Isileli, 18pea fekau atu koe ‘e Sihova hao fononga, ‘o ne folofola mai, ‘Alu, ‘o mōifua ‘a e kau angahala na ko e kau ‘Amaleki, ‘o tau‘i kinautolu kae‘oua ke nau ‘osi. 19Pea ko e hā na‘e ‘ikai te ke talangofua ai ki he folofola ‘a Sihova, ka kuo ke ‘oho ki he vete, ‘o ke fai ‘a e me‘a na‘e kovi kia Sihova?
20Pea tali ‘a Saula kia Sāmiuela, ‘Ā, kuo u fai talangofua ki he folofola ‘a Sihova, pea kuo u fai ‘a e fononga kuo ne fekau ai au, pea kuo u ‘omi ‘a ‘Ēkaki, ‘a e Tu‘i ‘Āmoli, ka ko ‘Amaleki kuo u mōifua. 21Ka na‘e to‘o ‘e he kakai mei he vete ha sipi mo ha pulu, ‘a e lelei ‘o e me‘a na‘e mōifua, ke fai feilaulau ‘aki kia Sihova ko ho ‘Otua ‘i Kilikali.
22Pea pehē ‘e Sāmiuela, He ‘oku manako ‘e Sihova ki he ngaahi feilaulaumōifua mo e ngaahi feilaulau kehe ‘i he fai talangofua ki he‘ene folofola? Ko eni, ‘oku lelei ‘a e talangofua ‘i he fai feilaulau, pea ko e fakaongo ‘i he ngako‘i sipi tangata. 23He ko e angahala fakafiemana ‘a e angatu‘u, pea ko e talangata‘a ko e fakahīteni tofu pē mo e tauhi ‘aitoli. Na‘a ke li‘aki ‘a e folofola ‘a Sihova, pea kuo ne li‘aki koe mei ho‘o tu‘i.
24Pea pehē ‘e Saula kia Sāmiuela, Kuo u hia; he kuo u hiki mei he fekau tonu ‘a Sihova, mo ho‘o ngaahi lea foki: he na‘a ku manavahē ki he kakai, ‘o u fakaongo ki honau le‘o. 25Ka ko eni, fakamolemole mu‘a ‘eku angahala, pea foki mo au kau fai ‘eku lotu kia Sihova.
26Pea pehē ‘e Sāmiuela kia Saula, ‘E ‘ikai te u foki mo koe; he kuo ke li‘aki ‘a e folofola ‘a Sihova, pea kuo li‘aki koe ‘e Sihova mei ho‘o Tu‘i ‘Isileli.
27Pea ‘i he tafoki ‘a Sāmiuela ke ‘alu, na‘a ne puke ki he kapa ‘o hono kofu tōtōlofa, pea ne mahae.#1 Sām 28.17; 1 Tu‘i 11.30-31 28Pea pehē ‘e Sāmiuela kiate ia, Kuo hae ‘e Sihova ‘a e pule‘anga ‘o ‘Isileli meiate koe he ‘aho ni, pea kuo ne foaki ki hao kaungā‘api, ha taha ‘oku lelei hake ‘iate koe. 29Kae‘uma‘ā foki ko e Mālohinga ‘o ‘Isileli ‘e ‘ikai loi, pea ‘e ‘ikai fakatomala: he ‘oku ‘ikai ko e tangata ia ke ne fakatomala.
30Pea ne pehē, Kuo u hia; ka ‘oku ou kole ke ke fakalāngilangi‘i au ‘i he ‘ao ‘o e mātu‘a ‘o hoku kakai, pea ‘i he ‘ao ‘o ‘Isileli, pea tafoki mo au ke fai ‘a e lotu kia Sihova ko ho ‘Otua. 31Ko ia na‘e foki ‘a Sāmiuela ‘o muimui kia Saula; pea fai ‘e Saula ‘ene lotu kia Sihova.
32Pea toki pehē ‘e Sāmiuela, ‘Omi kiate au ‘a ‘Ēkaki koe Tu‘i ‘Amaleki. Pea hā‘ele fiemālie mai ‘a ‘Ēkaki. He ne pehē ‘e ‘Ēkaki, Kuo pau kuo mahili ‘a e kona ‘o e mate.#15.32 Kuo pau… kona ‘o e; pe Hono ‘ikai kona ‘a e me‘a ko e mate. 33Pea pehē ‘e Sāmiuela, Hangē kuo faka-ta‘e-ha-fānau ‘e ho‘o heletā ‘ani fafine, pehē ‘e nofo ta‘eha fānau ‘e ho‘o fa‘ē ‘i he lotolotonga ‘o e kau fefine. Pea na‘e have‘i ‘e Sāmiuela ‘a ‘Ēkaki ‘i he ‘ao ‘o e ‘eiki ‘i Kilikali.
34Pea ‘alu ‘a Sāmiuela ki Lama; pea ‘alu hake ‘a Saula ki hono fale ki Kipea-Saula. 35Pea na‘e ‘ikai toe ‘a‘ahi ‘a Sāmiuela kia Saula, ‘o a‘u ki he ‘aho ‘o ‘ene pekia; ka ka fakamamahi ‘a Sāmiuela koe‘uhi ko Saula: pea fakatomala ‘e he ‘Eiki ‘i he‘ene fakanofo ‘a Saula ke Tu‘i ‘Isileli,
Currently Selected:
KO 1 SĀMIUELA 15: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 15
15
Ko e Tau‘i ‘o e Kakai ‘Amalekí
1PEA pehē ‘e Sāmiuela kia Saula, Na‘e fekau au ‘e Sihova ke pani koe ke tu‘i ki hono kakai, ‘a ‘Isileli, pea ko eni, fanongo mai ki he le‘o ‘o e folofola ‘a Sihova.#1 Sām 10.1 2Ko e folofola eni ‘a Sihova Sāpaoti, Kuo u fakamanatu ‘a e me‘a na‘e fai ‘e ‘Amaleki ki ‘Isileli, ‘a ‘ene tu‘u ki ai ‘i he hala, ‘i he‘ene ‘alu hake mei ‘Isipite.#‘Eki 17.8-14; Teu 25.17-19 3Ko ia, ke ke ‘alu ‘o taa‘i ‘a ‘Amaleki, pea ke mōifua ‘a e me‘a kotoa ‘oku ne ma‘u, ‘o ‘oua te ke mamae ki ai; ka ke tāmate‘i ‘a e tangata mo e fefine, ‘a e tamaiki mo e fefine, ‘a e tamaiki mo e kei huhu, ‘a e pulu mo e sipi, ‘a e kāmeli mo e ‘asi.
4Pea fanongonongo ‘e Saula ke ha‘u ‘a e kakai, ‘o ne lau kinautolu ‘i Telaimi, ko e toko ua kilu ‘a e tau hā‘ele, pea taha mano ‘a e kau Siuta. 5Pea a‘u ‘a Saula ki he kolo ‘Amaleki, ‘o ne fakatoka ha malumu ‘i he talalo. 6Pea me‘a ‘a Saula ki ha‘a Keini, Mou ‘alu, hiki, ‘alu hifo mei he lotolotonga ‘o ha‘a ‘Amaleki, na‘a ku faka‘osi koe fakataha mo ia: ka na‘a ke fai ‘ofa ki ha‘a ‘Isileli kotoa ‘i he‘enau ‘alu hake mei ‘Isipite. Ko ia na‘e hiki ‘e ha‘a Keini mei he lotolotonga ‘o ha‘a ‘Amaleki.
7Pea taa‘i ‘e Saula ‘a ‘Amaleki, mei Havila ‘o fakapehē ki Sua, ‘a ia ‘oku ‘i he matāfonua ‘o ‘Isipite. 8Pea ne puke mo‘ui ‘a ‘Ēkaki ko e Tu‘i ‘Amaleki, ka ko hono kotoa ‘o e kakai na‘a ne mōifua ‘aki ‘a e mata ‘o e heletā. 9Ka na‘e ma‘ema‘ekina ‘e Saula mo e kakai ‘a ‘Ēkaki, pea mo e lelei ‘o e sipi mo e pulu, kae‘uma‘ā ‘a e ‘oloua, mo e fanga lami,#15.9 ‘a e ‘oloua, mo e fanga lami; ‘Oku ‘ikai ke mahino ‘a hono faka-Hepeluú, ka ‘oku pehē he hiki fuoloa ‘e taha: pulu muí mo e lamí. ‘io, ‘a ia kotoa pē na‘e lelei, ‘o ‘ikai te nau tāmate‘i mōifua kinautolu: ka ko e kotoa kotoa na‘e feifei‘avale mo tutue,#15.9 feifei‘avale mo tutue; ‘Oku ‘ikai ke mahino ‘a hono faka-Hepeluú, ka ‘oku pehē he ngaahi hiki fuoloa ‘e ni‘ihi: ‘ikai hano ‘aonga pe mahu‘inga. na‘a nau mōifua ia.
Ko e Fakafisinga‘i ‘o e Tu‘i ‘a Saulá
10Pea hoko mai ‘a e folofola ‘a e ‘Eiki kia Sāmiuela, ‘o pehē, 11‘Oku ou fakatomala ‘i he‘eku fokotu‘u ‘a Saula ke tu‘i: he kuo ne tuku ‘ene muimui kiate au, pea kuo ‘ikai te ne fakaai ‘eku ngaahi lea. Pea na‘e ‘ita ‘a Sāmiuela; pea ne tangi kia Sihova ‘i he pō ko ia ‘o ‘aho. 12Pea tu‘u hengihengi hake ‘a Sāmiuela ke fakafetaulaki kia Saula; pea na‘e fakapā kia Sāmiuela, ‘o pehē, Na‘e ha‘u ‘a Saula ki Kāmeli, pea tā kuo ne fokotu‘u hano fakamanatu, pea kuo ne tafoki ‘o laka ange, ‘o ‘alu hifo ki Kilikali. 13Pea a‘u ‘a Sāmiuela kia Saula: pea me‘a ki ai ‘a Saula, ke monū‘ia koe meia Sihova: kuo u fakaai ‘a e folofola ‘a e ‘Eiki.
14Pea pehē ange ‘e Sāmiuela, Pea ko e hā ai ‘a e lea ‘a e fanga sipi ‘oku ongoonga‘a mai, mo e tangi ‘a e fanga pulu ‘oku ou fanongoa?
15Pea tali ‘e Saula, Kuo nau ‘omi mei ha‘a ‘Amaleki; he na‘e mamae‘i ‘e he kakai ‘a e lelei ‘o e monumanu koe‘uhiā ke feilaulau ‘aki kia Sihova ko ho ‘Otua; ka ko hono toe kuo mau mōifua.#15.15 mōifua; Na‘e fakatāpui faka‘āufuli e monumanú ni kia Sihova ‘o pau ai ke faka‘auha (vakai kia Lev 27.28).
16Pea pehē ‘e Sāmiuela kia Saula, Tatali, ka u fakahā kiate koe ‘a e me‘a na‘e folofola‘aki mai ‘e Sihova ‘anepō.
17Pea ne tali, Lea pē. Pea pehē ‘e Sāmiuela, Lolotonga na‘a ke si‘i ‘i ho‘o vakai ‘a‘au, ‘ikai na‘a ke hoko ko e ‘ulu ‘o e ngaahi matakali ‘Isileli? Pea na‘e pani koe ‘e Sihova ke Tu‘i ‘Isileli, 18pea fekau atu koe ‘e Sihova hao fononga, ‘o ne folofola mai, ‘Alu, ‘o mōifua ‘a e kau angahala na ko e kau ‘Amaleki, ‘o tau‘i kinautolu kae‘oua ke nau ‘osi. 19Pea ko e hā na‘e ‘ikai te ke talangofua ai ki he folofola ‘a Sihova, ka kuo ke ‘oho ki he vete, ‘o ke fai ‘a e me‘a na‘e kovi kia Sihova?
20Pea tali ‘a Saula kia Sāmiuela, ‘Ā, kuo u fai talangofua ki he folofola ‘a Sihova, pea kuo u fai ‘a e fononga kuo ne fekau ai au, pea kuo u ‘omi ‘a ‘Ēkaki, ‘a e Tu‘i ‘Āmoli, ka ko ‘Amaleki kuo u mōifua. 21Ka na‘e to‘o ‘e he kakai mei he vete ha sipi mo ha pulu, ‘a e lelei ‘o e me‘a na‘e mōifua, ke fai feilaulau ‘aki kia Sihova ko ho ‘Otua ‘i Kilikali.
22Pea pehē ‘e Sāmiuela, He ‘oku manako ‘e Sihova ki he ngaahi feilaulaumōifua mo e ngaahi feilaulau kehe ‘i he fai talangofua ki he‘ene folofola? Ko eni, ‘oku lelei ‘a e talangofua ‘i he fai feilaulau, pea ko e fakaongo ‘i he ngako‘i sipi tangata. 23He ko e angahala fakafiemana ‘a e angatu‘u, pea ko e talangata‘a ko e fakahīteni tofu pē mo e tauhi ‘aitoli. Na‘a ke li‘aki ‘a e folofola ‘a Sihova, pea kuo ne li‘aki koe mei ho‘o tu‘i.
24Pea pehē ‘e Saula kia Sāmiuela, Kuo u hia; he kuo u hiki mei he fekau tonu ‘a Sihova, mo ho‘o ngaahi lea foki: he na‘a ku manavahē ki he kakai, ‘o u fakaongo ki honau le‘o. 25Ka ko eni, fakamolemole mu‘a ‘eku angahala, pea foki mo au kau fai ‘eku lotu kia Sihova.
26Pea pehē ‘e Sāmiuela kia Saula, ‘E ‘ikai te u foki mo koe; he kuo ke li‘aki ‘a e folofola ‘a Sihova, pea kuo li‘aki koe ‘e Sihova mei ho‘o Tu‘i ‘Isileli.
27Pea ‘i he tafoki ‘a Sāmiuela ke ‘alu, na‘a ne puke ki he kapa ‘o hono kofu tōtōlofa, pea ne mahae.#1 Sām 28.17; 1 Tu‘i 11.30-31 28Pea pehē ‘e Sāmiuela kiate ia, Kuo hae ‘e Sihova ‘a e pule‘anga ‘o ‘Isileli meiate koe he ‘aho ni, pea kuo ne foaki ki hao kaungā‘api, ha taha ‘oku lelei hake ‘iate koe. 29Kae‘uma‘ā foki ko e Mālohinga ‘o ‘Isileli ‘e ‘ikai loi, pea ‘e ‘ikai fakatomala: he ‘oku ‘ikai ko e tangata ia ke ne fakatomala.
30Pea ne pehē, Kuo u hia; ka ‘oku ou kole ke ke fakalāngilangi‘i au ‘i he ‘ao ‘o e mātu‘a ‘o hoku kakai, pea ‘i he ‘ao ‘o ‘Isileli, pea tafoki mo au ke fai ‘a e lotu kia Sihova ko ho ‘Otua. 31Ko ia na‘e foki ‘a Sāmiuela ‘o muimui kia Saula; pea fai ‘e Saula ‘ene lotu kia Sihova.
32Pea toki pehē ‘e Sāmiuela, ‘Omi kiate au ‘a ‘Ēkaki koe Tu‘i ‘Amaleki. Pea hā‘ele fiemālie mai ‘a ‘Ēkaki. He ne pehē ‘e ‘Ēkaki, Kuo pau kuo mahili ‘a e kona ‘o e mate.#15.32 Kuo pau… kona ‘o e; pe Hono ‘ikai kona ‘a e me‘a ko e mate. 33Pea pehē ‘e Sāmiuela, Hangē kuo faka-ta‘e-ha-fānau ‘e ho‘o heletā ‘ani fafine, pehē ‘e nofo ta‘eha fānau ‘e ho‘o fa‘ē ‘i he lotolotonga ‘o e kau fefine. Pea na‘e have‘i ‘e Sāmiuela ‘a ‘Ēkaki ‘i he ‘ao ‘o e ‘eiki ‘i Kilikali.
34Pea ‘alu ‘a Sāmiuela ki Lama; pea ‘alu hake ‘a Saula ki hono fale ki Kipea-Saula. 35Pea na‘e ‘ikai toe ‘a‘ahi ‘a Sāmiuela kia Saula, ‘o a‘u ki he ‘aho ‘o ‘ene pekia; ka ka fakamamahi ‘a Sāmiuela koe‘uhi ko Saula: pea fakatomala ‘e he ‘Eiki ‘i he‘ene fakanofo ‘a Saula ke Tu‘i ‘Isileli,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.