Legic 113
113
Anutunéŋ météqététaŋ wamma kecanʒu i méra énécmianʒac.
1Haleluya, Yaweac weleŋ qeqehéra, Yaweac qara mepésigic!
2Degucmuacnec hémbénaŋa Yaweac qara mepésigic. 3Baec waŋgoŋa Is igucnec Wes ac séc Yaweac qara mepési mimia wammac. 4Yawe imi baera baera mocʒoŋ yanda imuac qacginaiguc eŋeŋa kecʒac. Edamuya imi eŋeŋa ou kurumeŋiguc hezac.
5Mérénéŋ Yawe Anutunina éséc? Inéŋ ou eŋeŋa kecʒac. 6Waŋu eŋeyaoc memaamuma kiwa hiyu mayu baec kurumeŋ héŋanʒac. 7Hémma maqeqeya seitotoŋ igucnec meyac énécmima météqététaŋ ic muŋguc senduruŋ igucnec meyac énécmianʒac. 8Waŋu onoporu ic kiwa, ic embac ionac galeŋhécgina iniguc momacnec naŋanʒu. 9Waŋu embac héfiŋa mehiaru miyu amaiguc bénʒéŋ kecma nambérac héra mihicŋima neŋgoc waŋ énécmima ségiségi wamma kecanʒu. Haleluya, Yawe mepésigic.
Currently Selected:
Legic 113: KGF
Highlight
Copy
Compare
Share
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
