1 Tesalonaika Asuluma꞉no꞉ towo꞉ we
Asuluma꞉no꞉ towo꞉ we
Fo꞉l eyo꞉ mo꞉fo꞉s we tilidabu kaluka꞉isale Tesalonaika amisa꞉n a꞉namilo꞉ sab o꞉mo꞉ sa꞉sa꞉liga꞉fo꞉. Tesalonaika amisa꞉n a꞉no꞉ Masedonia hen us a꞉na a꞉lab. Ho꞉len Fo꞉l eyo꞉ Filibai amisa꞉no꞉ ta꞉ta꞉sa꞉ga꞉, Tesalonaika ha꞉na꞉ga꞉yo꞉, sa꞉so꞉ a꞉na mo꞉mo꞉do꞉. (Iliga꞉felo꞉ 17.1-9) Fo꞉l eyo꞉ to nafa a꞉no꞉ Tesalonaika kaluka꞉isalemo꞉ widabikiyo꞉, iliyo꞉ Fo꞉l elo꞉ sa꞉lab a꞉no꞉ kudu ha꞉nabiki, Yu kaluwo꞉ ba꞉da꞉sa꞉ga꞉ gadiaki, Folo꞉ Tesalonaika heno꞉ ta꞉ta꞉ga꞉ ane.
Tif amio꞉ Folo꞉ Kolin amisa꞉n a꞉na ha꞉na꞉ga꞉ sabikiyo꞉, egeledo꞉ nanogdo꞉ dian kalu Timoti a꞉no꞉ Fo꞉ldo꞉wa ha꞉na꞉ga꞉ fa꞉la꞉dowaki, hida꞉yo꞉ Tesalonaika sa꞉s a꞉namilo꞉ fa꞉la꞉dowab a꞉no꞉ ko꞉lo꞉ sio꞉.
Fo꞉l eyo꞉ Timoti elo꞉ to sa꞉lab a꞉no꞉ da꞉da꞉sa꞉ga꞉yo꞉, Folo꞉ Sales Timotiyo꞉ iliyo꞉ tilidabu kaluka꞉isale Tesalonaika sa꞉s a꞉namilo꞉ sab a꞉no꞉ halale alitaki, mo꞉fo꞉s we a꞉na sa꞉sa꞉liga꞉fo꞉.
Tesalonaika tilidabu kaluka꞉isaleyo꞉ man nafa kudu ha꞉nab a꞉no꞉ da꞉da꞉sa꞉ga꞉, Fo꞉l e sagalo꞉wo꞉ alan dowa꞉sa꞉ga꞉, a꞉na sa꞉sa꞉liga꞉fo꞉.
To nowo꞉ we. Tesalonaika tilidabu kaluka꞉isale a꞉no꞉ Ya꞉su Keliso a꞉ma꞉la꞉lo꞉ mia꞉nigab a꞉no꞉ dinafa fanda asuluma꞉ki, Fo꞉l eyo꞉ mo꞉fo꞉s we imo꞉wo꞉ a꞉na sa꞉sa꞉liga꞉fo꞉.
A꞉la꞉ta꞉ga꞉ Tesalonaika kaluka꞉isaleya꞉lo꞉ dabu ba꞉ba꞉ dowo꞉ a꞉no꞉ nowo꞉ we. Ya꞉suwo꞉ a꞉ma꞉la꞉yo꞉ semo꞉ yalikiyo꞉, tilidabu kalu sowo꞉ a꞉no꞉ e a꞉ma꞉la꞉ dasilia꞉ga꞉ mela꞉no꞉wo꞉ doma꞉iba꞉le? Nowo꞉ we, Ya꞉su Kelisowo꞉ ho꞉leno꞉ iga꞉sa mia꞉iba? Ililo꞉ dabu ba꞉ba꞉ a꞉no꞉ eyo꞉ a꞉ma꞉la꞉ fanda sa꞉laki, Ya꞉su e mia꞉no꞉ yasi silikiyo꞉ iyo꞉ ha꞉sa siliki, tilidabuwa halale dofo꞉melea꞉ki, mo꞉fo꞉s we a꞉na sa꞉sa꞉liga꞉fo꞉.
Currently Selected:
1 Tesalonaika Asuluma꞉no꞉ towo꞉ we: BCO
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.