Roma 13
13
Panakai ngono
1Panakai ngono n na mi a kulyaꞋa tsugono wa̱ ɗa̱. Ka̱shile endeꞋen ɗa u ci neke vuza utsura u lyaꞋa tsugono, a̱yi ɗa kpamu vuza na u tsu zuwa ngono n nam pa a̱ ubuta̱ u tsugono u le. 2Adama a nannai aza a na a iwain kupana wila̱ u gomunati, Ka̱shile kaꞋa i a kuꞋiwan kupanaka. I ta̱ kpamu o kuronoko ka̱ci ke le atakaci. 3Aza a na a ci yaꞋan ili i na yi derere, a tsu pana wovon wu ngono ba, amma a aza a na a ci yaꞋan ili yu unushi ele ɗa a tsu pana wovon u le. Ili yi lo i na i kuzuwa ɗa̱ i pana wovon u le ba. Avu yaꞋan ili i na yi derere, i ta̱ ta na a kucikpa wu adama i ɗa. 4Mogono kagbashi ka̱ Ka̱shile kaꞋa, ulinga u ni kpamu u ɗaɗa u ɓa̱nka̱ wu. Amma vi yaꞋan baci kawuya, vi ta̱ a kupana wovon u ni, adama a na wi ta̱ n utsura u na u takacika wu. A̱yi vuza vu usuki vu Ka̱shile ɗa, a ayin a na u tsu zuwa uma a na a yaꞋin kawuya a takacika.
5Mayun ɗa i panaka gomunati, adama a na ɗaɗa uye u na i kukatsukpa atakaci, adama a na feu na lo ɗa ili i derere i na i gaꞋin kuyaꞋan. 6Na lo va feu ɗaɗa ili i na i zuwai ɗa i tsu tsupa utafu. Ngono agbashi a̱ Ka̱shile a ɗa, a ci isa ta̱ kpamu utafu adama a na a lyaꞋa kelime n kuyaꞋan ulinga u na Ka̱shile ka zuwai le a yaꞋan. 7Tsupai le ili dem i na i o kutono ɗa̱. Tsupai icuꞋu yu utafu dem. I cikpa le ka̱ta̱ i neke le dem tsugbayin.
Cigai uma
8Ka̱ta̱ vuza u tono ɗa̱ kutan ba. Ili i te i ɗa yi lo i na yo okpoi mayun i yaꞋan, i ɗa ta na i ciganai, adama a na vuza na u cigai uma u tono ta̱ Wila̱ ra̱ka̱. 9Wila̱ u danai, “Ka̱ta̱ vi yaꞋan tsugbani ba. Ka̱ta̱ vi yaꞋan munaka ba. Ka̱ta̱ vi yaꞋan uboki ba. Ka̱ta̱ vi cikala ili ya aza o yoku ba.” Amma wila̱ u te wi ta̱ lo u na wi a kadanshi ki ili i nam pa ra̱ka̱: “Ciga vuza nu uteku u na vi cigai ka̱ci ka̱ nu.”#Kut. 20:13-15, 17; A.Gan. 19:18. 10Vi ciga baci uma, va kuyaꞋanka le kawuya ba. Adama a nannai kuciga uma ɗaɗa kutono Wila̱ ra̱ka̱.
11Mayun ɗa i yaꞋan ili i nam pa adama a na i yeve ta̱ icuꞋu i ayin a na ci punu gogo na. Gogo na ɗaɗa ayin a na i kujimgba alavu, adama a na wishi u tsu u laꞋa ta̱ n kuyawa ɗevu gogo na n ayin a na ci nekei a̱ɗu a̱ ugiti. 12Wi ta̱ adanshi kayin ka̱ ka̱na̱ ta̱ ka asa, kanna kpamu ki ta̱ an ka ɓatsa. Adama a nannai tsu ka̱sa̱kpa̱ kuyaꞋan ili i ka̱yimbi ka̱ta̱ ci ɗika yunatsu ka̱ta̱ ciya̱ ci shilika̱ a kutashi. 13Adama nan lo kpamu, yongoi mayin, tsu na uma a ci yaꞋan a kutashi. Ka̱ta̱ i yongo kavama a̱ ubuta̱ u ka̱ɗiva̱ ba. Ka̱ta̱ i soꞋo ili i maka ɗa̱ ba. Ka̱ta̱ i yaꞋan tsugbani kakau ba. Ka̱ta̱ i shilika̱ uteku u ɗa̱ ba. Ka̱ta̱ i yaꞋan cisheꞋe uteku u ɗa̱ ba. 14Amma ka̱sa̱kpa̱i Vuzagbayin Yesu Kishi u lyaꞋa tsugono wa̱ ɗa̱, ka̱ta̱ i ka̱sa̱kpa̱ kusheshe uye u na i kuciya̱ ili i kavama i na i cigai.
Currently Selected:
Roma 13: asgNT
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
Roma 13
13
Panakai ngono
1Panakai ngono n na mi a kulyaꞋa tsugono wa̱ ɗa̱. Ka̱shile endeꞋen ɗa u ci neke vuza utsura u lyaꞋa tsugono, a̱yi ɗa kpamu vuza na u tsu zuwa ngono n nam pa a̱ ubuta̱ u tsugono u le. 2Adama a nannai aza a na a iwain kupana wila̱ u gomunati, Ka̱shile kaꞋa i a kuꞋiwan kupanaka. I ta̱ kpamu o kuronoko ka̱ci ke le atakaci. 3Aza a na a ci yaꞋan ili i na yi derere, a tsu pana wovon wu ngono ba, amma a aza a na a ci yaꞋan ili yu unushi ele ɗa a tsu pana wovon u le. Ili yi lo i na i kuzuwa ɗa̱ i pana wovon u le ba. Avu yaꞋan ili i na yi derere, i ta̱ ta na a kucikpa wu adama i ɗa. 4Mogono kagbashi ka̱ Ka̱shile kaꞋa, ulinga u ni kpamu u ɗaɗa u ɓa̱nka̱ wu. Amma vi yaꞋan baci kawuya, vi ta̱ a kupana wovon u ni, adama a na wi ta̱ n utsura u na u takacika wu. A̱yi vuza vu usuki vu Ka̱shile ɗa, a ayin a na u tsu zuwa uma a na a yaꞋin kawuya a takacika.
5Mayun ɗa i panaka gomunati, adama a na ɗaɗa uye u na i kukatsukpa atakaci, adama a na feu na lo ɗa ili i derere i na i gaꞋin kuyaꞋan. 6Na lo va feu ɗaɗa ili i na i zuwai ɗa i tsu tsupa utafu. Ngono agbashi a̱ Ka̱shile a ɗa, a ci isa ta̱ kpamu utafu adama a na a lyaꞋa kelime n kuyaꞋan ulinga u na Ka̱shile ka zuwai le a yaꞋan. 7Tsupai le ili dem i na i o kutono ɗa̱. Tsupai icuꞋu yu utafu dem. I cikpa le ka̱ta̱ i neke le dem tsugbayin.
Cigai uma
8Ka̱ta̱ vuza u tono ɗa̱ kutan ba. Ili i te i ɗa yi lo i na yo okpoi mayun i yaꞋan, i ɗa ta na i ciganai, adama a na vuza na u cigai uma u tono ta̱ Wila̱ ra̱ka̱. 9Wila̱ u danai, “Ka̱ta̱ vi yaꞋan tsugbani ba. Ka̱ta̱ vi yaꞋan munaka ba. Ka̱ta̱ vi yaꞋan uboki ba. Ka̱ta̱ vi cikala ili ya aza o yoku ba.” Amma wila̱ u te wi ta̱ lo u na wi a kadanshi ki ili i nam pa ra̱ka̱: “Ciga vuza nu uteku u na vi cigai ka̱ci ka̱ nu.”#Kut. 20:13-15, 17; A.Gan. 19:18. 10Vi ciga baci uma, va kuyaꞋanka le kawuya ba. Adama a nannai kuciga uma ɗaɗa kutono Wila̱ ra̱ka̱.
11Mayun ɗa i yaꞋan ili i nam pa adama a na i yeve ta̱ icuꞋu i ayin a na ci punu gogo na. Gogo na ɗaɗa ayin a na i kujimgba alavu, adama a na wishi u tsu u laꞋa ta̱ n kuyawa ɗevu gogo na n ayin a na ci nekei a̱ɗu a̱ ugiti. 12Wi ta̱ adanshi kayin ka̱ ka̱na̱ ta̱ ka asa, kanna kpamu ki ta̱ an ka ɓatsa. Adama a nannai tsu ka̱sa̱kpa̱ kuyaꞋan ili i ka̱yimbi ka̱ta̱ ci ɗika yunatsu ka̱ta̱ ciya̱ ci shilika̱ a kutashi. 13Adama nan lo kpamu, yongoi mayin, tsu na uma a ci yaꞋan a kutashi. Ka̱ta̱ i yongo kavama a̱ ubuta̱ u ka̱ɗiva̱ ba. Ka̱ta̱ i soꞋo ili i maka ɗa̱ ba. Ka̱ta̱ i yaꞋan tsugbani kakau ba. Ka̱ta̱ i shilika̱ uteku u ɗa̱ ba. Ka̱ta̱ i yaꞋan cisheꞋe uteku u ɗa̱ ba. 14Amma ka̱sa̱kpa̱i Vuzagbayin Yesu Kishi u lyaꞋa tsugono wa̱ ɗa̱, ka̱ta̱ i ka̱sa̱kpa̱ kusheshe uye u na i kuciya̱ ili i kavama i na i cigai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved