1 Korintiya 6
6
Kubankanai a̱ kunukafada
1Vuza ɗa̱ vi yoku wi baci a kanananai n toku vi ni vi yoku vuza vu Kutoni, ka̱ta̱ u ɗika kadanshi ka a kubana a̱ ubuta̱ u keyevikafada ka na ka̱ kpa̱ɗa̱i kuyaꞋan vuza vu Kutoni ba. I dana uma a̱ Ka̱shile a yaꞋanka le ukuna wa afada wa. 2I yeve a na kanna ko yoku a̱tsu aza o Kutoni ci a kuyaꞋanka aduniyan afada ba? Yi baci a kufuɗa kuyaꞋanka aduniyan afada, ya kufuɗa kuyaꞋan afada a ukuna u kenkeꞋen feu ba? 3I yeve ta̱ a kubana kelime ci ta̱ a kuyaꞋanka alingata afada nannai kpamu, ci ta̱ a kufuɗa kuyaꞋan afada a ukuna u kenkeꞋen u wuma u nam pa. 4I ciya̱ baci kanananai nahannai, yi ɗa̱i ɗa i kubana wa eyevafada a na i kau n a̱ɗa̱, aza a na aza o Kutoni e ci neke tsugbayin ba? 5Mi ta̱ a kudansa ili i nam pa adama a na i pana wono. N yeve ta̱ vuza yoku a̱ ka̱tsuma̱ ka̱ ɗa̱ vuza na wi n ugboji u na u kufuɗa kuyaꞋan afada, kanananai ki baci lo a̱ ka̱tsuma̱ ka aza o Kutoni. 6Amma i tsu bankanai ta̱ a̱ ubuta̱ wa afada, ka̱ta̱ i yaꞋan kanananai ka e kelime ka aza a na i aza o Kutoni ba. U gaꞋan i yaꞋan nannai ba!
7Ayin a na baci i ɗikai kanananai ka̱ ɗa̱ a kubana a̱ kunukafada, i yikpa̱ ta̱ ɗe. Vuza vu Kutoni vi yoku u nusaka wu baci, ka̱ta̱ vu banka yi a̱ ubuta̱ u keyevikafada ba. U laꞋa ta̱ n kugaꞋan vu ka̱sa̱kpa̱ kadanshi ka nannai. Ko vuza vu Kutoni vi yoku u lyaꞋa wu baci, ka̱ta̱ vu banka yi u keyevikafada ba. U gaꞋan ta̱ vu ka̱sa̱kpa̱ ili ya nannai. 8Amma a̱ɗa̱ a̱ ka̱ci ka̱ ɗa̱ i ci yaꞋan ta̱ unushi nannai, ka̱ta̱ kpamu i yaꞋan kalyaꞋa a̱ ubuta̱ wa aza a̱ ɗa̱ aza o Kutoni.
9-10Ka̱ta̱ i ya̱nsa̱ ka̱ci ka̱ ɗa̱ ba. Mayun i yeve ta̱ aza a na a ci yaꞋan kawuya i a̱ kuciya̱ tsugono tsu Ka̱shile† ba. Uma a nam pa ele ɗa aza a na i o kutono a̱ma̱li. Uma a nam pa kpamu a ci yaꞋan ta̱ tsugbani, n aza a na a ci yaꞋan tsugbani n a̱ma̱ci a na i e le ba, ko a̱ma̱ci a na a ci yaꞋan tsugbani n ali a na i e le ba, a̱ kuciya̱ tsugono tsu Ka̱shile ba. Nannai kpamu n ali a na a ci yaꞋan tsugbani n otoku e le ali n uye kakau. Oboki, n aza a ulyopi, n aza a uboki m ma̱ga̱la̱ka̱ a̱ kuciya̱ tsugono tsu Ka̱shile ba. Ta kpamu ki nannai n aza a na o tsu soꞋo ma̱ra̱ ka̱ta̱ ma maka le, n aza a̱ kula̱nga̱su. Uma a na i a kuyaꞋan ili i nam pa ra̱ka̱ a kuꞋuwa o tsugono tsu Ka̱shile ba.
11Kafu i neke a̱ɗu n Vuzagbayin Yesu Kishi, a̱ɗa̱ vi yoku ishi ta̱ i ci yaꞋan ili i gbani-gbani i nan lo. Amma Ka̱shile ka̱ za̱Ꞌa̱ ta̱ unushi u ɗa̱ ɗa u bonokoi ɗa̱ ciɗa, ɗa u danai a cinukpaka ɗa̱ ta̱ unushi u ɗa̱ babu kpamu ili i wono wa̱ ni. U yaꞋan ta̱ ili i nam pa dem n kula ku Vuzagbayin Yesu Kishi koɓolo kpamu n utsura wa Ayinviki a̱ Ka̱shile a̱ tsu.
Cikpa Ka̱shile n ikyamba i nu dem
12A̱ɗa̱ vi yoku i dansai ili i nam pa: “Mi ta̱ a kufuɗa kuyaꞋan ili i na n cigai dem, adama a na n neke ta̱ ɗe ka̱ɗu ka̱ va̱ n Yesu.” Ɗa mu ushuki nahannai: “E, kuyotsongusu ku nan lo ku mayun ku ɗa. Amma na lo wi a kadanshi ki ili i na n yaꞋin ra̱ka̱ i gaꞋan mu ta̱ ba.” Mi ta̱ a kufuɗa kudana, “N fuɗa ta̱ kuyaꞋan ili ra̱ka̱ i na n cigai,” amma n iwan ta̱ kuka̱sa̱kpa̱ ko ili i te i bonoko mu kagbashi ka̱ ni. 13I danai, “TsuwaꞋa tsu ɗaɗa ili i singai i ka̱tsuma̱, ka̱tsuma̱ kpamu ili i singai i tsuwaꞋa i ɗa.” Mayun ɗa, amma kanna ko yoku Ka̱shile ki ta̱ a kuyawaka le uteku. Ka̱shile ka yaꞋan ikyamba adama a̱ tsugbani ba. U yaꞋan ta̱ i ɗa adama a na i cikpa Vuzagbayin, a̱yi Vuzagbayin tamkpamu ka̱ta̱ u la̱na̱ ikyamba ya. 14Ka̱shile ka̱ ɗengusa̱i Vuzagbayin Yesu n wuma, wi ta̱ feu a̱ kuɗengusa̱ tsu n utsura u ni. 15I yeve ta̱ ikyamba i ɗa̱ yi ta̱ ukambu kakau wi ikyamba i Kishi. U gaꞋan mu ta̱ n ɗika ukambu wi ikyamba i Kishi wa, ka̱ta̱ n gasaka u ɗa n kashakanlai? U gaꞋan ba, ko kenu! 16I yeve an vuza u gasa baci ikyamba n kashakanlai o okpo ta̱ ikyamba i te ba? Katagarda ka Ciɗa ka dana ta̱, “Aza e re o ɓolongu ta̱ ɗa o okpoi vuza te.”#Ugi. 2:24. 17Amma vuma vu na u ɓolongi ka̱ci ka̱ ni n Vuzagbayin, ayinviki a̱ ni n Ayinviki a̱ Ka̱shile a o okpo ta̱ e te.
18Adama a nannai sumai tsugbani. Unushi dem u na uma a yaꞋin ta punu u ɗa wi a ikyamba i le ba, sai tsugbani koci. Aza a na a ci yaꞋan tsugbani a ci yaꞋanka ta̱ ikyamba i le unushi. 19I yeve an ikyamba i ɗa̱ i ɗa ubuta̱ u na Ayinviki a̱ Ka̱shile i ida̱shi ba? Ayinviki a̱ Ka̱shile i ta̱ punu wa̱ a̱ɗa̱. Ka̱shile kaꞋa a̱ ka̱ci ka̱ ni u nekei ɗa̱ Ayinviki a̱ Ka̱shile. A̱ɗa̱ yi n ka̱ci ka̱ ɗa̱ ba, amma u Ka̱shile u ɗa yi. 20Ka̱shile ka tsula ɗa̱ ta̱. U tsupa ta̱ ɗe ka̱u adama a̱ ɗa̱. Adama a nannai, ili i na baci de dem i zuwai ikyamba i ɗa̱ kuyaꞋan, i yotsongu a na i nekei Ka̱shile tsugbayin.
Currently Selected:
1 Korintiya 6: asgNT
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
1 Korintiya 6
6
Kubankanai a̱ kunukafada
1Vuza ɗa̱ vi yoku wi baci a kanananai n toku vi ni vi yoku vuza vu Kutoni, ka̱ta̱ u ɗika kadanshi ka a kubana a̱ ubuta̱ u keyevikafada ka na ka̱ kpa̱ɗa̱i kuyaꞋan vuza vu Kutoni ba. I dana uma a̱ Ka̱shile a yaꞋanka le ukuna wa afada wa. 2I yeve a na kanna ko yoku a̱tsu aza o Kutoni ci a kuyaꞋanka aduniyan afada ba? Yi baci a kufuɗa kuyaꞋanka aduniyan afada, ya kufuɗa kuyaꞋan afada a ukuna u kenkeꞋen feu ba? 3I yeve ta̱ a kubana kelime ci ta̱ a kuyaꞋanka alingata afada nannai kpamu, ci ta̱ a kufuɗa kuyaꞋan afada a ukuna u kenkeꞋen u wuma u nam pa. 4I ciya̱ baci kanananai nahannai, yi ɗa̱i ɗa i kubana wa eyevafada a na i kau n a̱ɗa̱, aza a na aza o Kutoni e ci neke tsugbayin ba? 5Mi ta̱ a kudansa ili i nam pa adama a na i pana wono. N yeve ta̱ vuza yoku a̱ ka̱tsuma̱ ka̱ ɗa̱ vuza na wi n ugboji u na u kufuɗa kuyaꞋan afada, kanananai ki baci lo a̱ ka̱tsuma̱ ka aza o Kutoni. 6Amma i tsu bankanai ta̱ a̱ ubuta̱ wa afada, ka̱ta̱ i yaꞋan kanananai ka e kelime ka aza a na i aza o Kutoni ba. U gaꞋan i yaꞋan nannai ba!
7Ayin a na baci i ɗikai kanananai ka̱ ɗa̱ a kubana a̱ kunukafada, i yikpa̱ ta̱ ɗe. Vuza vu Kutoni vi yoku u nusaka wu baci, ka̱ta̱ vu banka yi a̱ ubuta̱ u keyevikafada ba. U laꞋa ta̱ n kugaꞋan vu ka̱sa̱kpa̱ kadanshi ka nannai. Ko vuza vu Kutoni vi yoku u lyaꞋa wu baci, ka̱ta̱ vu banka yi u keyevikafada ba. U gaꞋan ta̱ vu ka̱sa̱kpa̱ ili ya nannai. 8Amma a̱ɗa̱ a̱ ka̱ci ka̱ ɗa̱ i ci yaꞋan ta̱ unushi nannai, ka̱ta̱ kpamu i yaꞋan kalyaꞋa a̱ ubuta̱ wa aza a̱ ɗa̱ aza o Kutoni.
9-10Ka̱ta̱ i ya̱nsa̱ ka̱ci ka̱ ɗa̱ ba. Mayun i yeve ta̱ aza a na a ci yaꞋan kawuya i a̱ kuciya̱ tsugono tsu Ka̱shile† ba. Uma a nam pa ele ɗa aza a na i o kutono a̱ma̱li. Uma a nam pa kpamu a ci yaꞋan ta̱ tsugbani, n aza a na a ci yaꞋan tsugbani n a̱ma̱ci a na i e le ba, ko a̱ma̱ci a na a ci yaꞋan tsugbani n ali a na i e le ba, a̱ kuciya̱ tsugono tsu Ka̱shile ba. Nannai kpamu n ali a na a ci yaꞋan tsugbani n otoku e le ali n uye kakau. Oboki, n aza a ulyopi, n aza a uboki m ma̱ga̱la̱ka̱ a̱ kuciya̱ tsugono tsu Ka̱shile ba. Ta kpamu ki nannai n aza a na o tsu soꞋo ma̱ra̱ ka̱ta̱ ma maka le, n aza a̱ kula̱nga̱su. Uma a na i a kuyaꞋan ili i nam pa ra̱ka̱ a kuꞋuwa o tsugono tsu Ka̱shile ba.
11Kafu i neke a̱ɗu n Vuzagbayin Yesu Kishi, a̱ɗa̱ vi yoku ishi ta̱ i ci yaꞋan ili i gbani-gbani i nan lo. Amma Ka̱shile ka̱ za̱Ꞌa̱ ta̱ unushi u ɗa̱ ɗa u bonokoi ɗa̱ ciɗa, ɗa u danai a cinukpaka ɗa̱ ta̱ unushi u ɗa̱ babu kpamu ili i wono wa̱ ni. U yaꞋan ta̱ ili i nam pa dem n kula ku Vuzagbayin Yesu Kishi koɓolo kpamu n utsura wa Ayinviki a̱ Ka̱shile a̱ tsu.
Cikpa Ka̱shile n ikyamba i nu dem
12A̱ɗa̱ vi yoku i dansai ili i nam pa: “Mi ta̱ a kufuɗa kuyaꞋan ili i na n cigai dem, adama a na n neke ta̱ ɗe ka̱ɗu ka̱ va̱ n Yesu.” Ɗa mu ushuki nahannai: “E, kuyotsongusu ku nan lo ku mayun ku ɗa. Amma na lo wi a kadanshi ki ili i na n yaꞋin ra̱ka̱ i gaꞋan mu ta̱ ba.” Mi ta̱ a kufuɗa kudana, “N fuɗa ta̱ kuyaꞋan ili ra̱ka̱ i na n cigai,” amma n iwan ta̱ kuka̱sa̱kpa̱ ko ili i te i bonoko mu kagbashi ka̱ ni. 13I danai, “TsuwaꞋa tsu ɗaɗa ili i singai i ka̱tsuma̱, ka̱tsuma̱ kpamu ili i singai i tsuwaꞋa i ɗa.” Mayun ɗa, amma kanna ko yoku Ka̱shile ki ta̱ a kuyawaka le uteku. Ka̱shile ka yaꞋan ikyamba adama a̱ tsugbani ba. U yaꞋan ta̱ i ɗa adama a na i cikpa Vuzagbayin, a̱yi Vuzagbayin tamkpamu ka̱ta̱ u la̱na̱ ikyamba ya. 14Ka̱shile ka̱ ɗengusa̱i Vuzagbayin Yesu n wuma, wi ta̱ feu a̱ kuɗengusa̱ tsu n utsura u ni. 15I yeve ta̱ ikyamba i ɗa̱ yi ta̱ ukambu kakau wi ikyamba i Kishi. U gaꞋan mu ta̱ n ɗika ukambu wi ikyamba i Kishi wa, ka̱ta̱ n gasaka u ɗa n kashakanlai? U gaꞋan ba, ko kenu! 16I yeve an vuza u gasa baci ikyamba n kashakanlai o okpo ta̱ ikyamba i te ba? Katagarda ka Ciɗa ka dana ta̱, “Aza e re o ɓolongu ta̱ ɗa o okpoi vuza te.”#Ugi. 2:24. 17Amma vuma vu na u ɓolongi ka̱ci ka̱ ni n Vuzagbayin, ayinviki a̱ ni n Ayinviki a̱ Ka̱shile a o okpo ta̱ e te.
18Adama a nannai sumai tsugbani. Unushi dem u na uma a yaꞋin ta punu u ɗa wi a ikyamba i le ba, sai tsugbani koci. Aza a na a ci yaꞋan tsugbani a ci yaꞋanka ta̱ ikyamba i le unushi. 19I yeve an ikyamba i ɗa̱ i ɗa ubuta̱ u na Ayinviki a̱ Ka̱shile i ida̱shi ba? Ayinviki a̱ Ka̱shile i ta̱ punu wa̱ a̱ɗa̱. Ka̱shile kaꞋa a̱ ka̱ci ka̱ ni u nekei ɗa̱ Ayinviki a̱ Ka̱shile. A̱ɗa̱ yi n ka̱ci ka̱ ɗa̱ ba, amma u Ka̱shile u ɗa yi. 20Ka̱shile ka tsula ɗa̱ ta̱. U tsupa ta̱ ɗe ka̱u adama a̱ ɗa̱. Adama a nannai, ili i na baci de dem i zuwai ikyamba i ɗa̱ kuyaꞋan, i yotsongu a na i nekei Ka̱shile tsugbayin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved