1 Korintiya 5
5
Kudansuka aza o Kutoni adama a tsugbani
1M pana ta̱ uma o yoku a danai vuma vi yoku a̱ ka̱tsuma̱ ka̱ ɗa̱ wi ta̱ a kuyaꞋan tsugbani an wi a kaꞋasasa n vuka ve esheku a̱ ni. Ko uma a na e yevei Ka̱shile ba, a iwan ta̱ biꞋi ili i nan lo. 2U gaꞋan ta̱ i pana wono, ɗa kucikpa yi a kuyaꞋan a̱ra̱ɗi. U gaꞋan ta̱ a̱ɗu a̱ ɗa̱ a̱ na̱mgba̱ adama a̱ unushi u vuma vu nam pa. Yi ishi baci i na̱mgba̱ a̱tsuma̱ nannai, yi ishi ta̱ a̱ kusa̱nka̱ yi kugaꞋasa n a̱ɗa̱ a̱ oɓolo a̱ ɗa̱.
3Ko an mi daꞋin n a̱ɗa̱, n ci yongo ta̱ a kuciɓasa ɗa̱ a̱ ka̱ɗu ka̱ va̱. N kotso ta̱ ɗe kuyaꞋan afada adanshi mi ta̱ lo koɓolo n a̱ɗa̱ gogo na. N utsura u na Vuzagbayin Yesu u nekei mu, n sheshe ta̱ i neke vuma vu na u yaꞋin unushi u nan lo wa atakaci. 4U gaꞋan ta̱ i ɗeke oɓolo. I yaꞋan baci nannai ka̱ɗu ka̱ va̱ ki ta̱ ɗe koɓolo n a̱ɗa̱, utsura u Vuzagbayin Yesu kpamu wi ta̱ o kutono n a̱ɗa̱ a̱ ubuta̱ wo oɓolo u ɗa̱. 5U gaꞋan ta̱ i neke vuma vu nan lo e ekiye a MalyaꞋi ka̱ta̱ u neke ikyamba i ni atakaci. Ka̱ta̱ nannai ayinviki a̱ ni a̱ ciya̱ wishi ayin a na baci Vuzagbayin Yesu u bonoi.
6A̱ra̱ɗi a̱ ɗa̱ a gaꞋan ba. A̱ɗa̱ feu i la̱na̱ ili i na ansa a i a kudana, “Kusasu ku kenu koci a̱ umbuku baci ku tsu zuwa ta̱ kiya ku masasu ku shita ka̱u.” Na va ɗaɗa i ka̱sa̱kpa̱ baci vuma vu tsugbani vu nan lo u lyaꞋi kelime n kuyongo n a̱ɗa̱, uma o yoku a̱ ka̱tsuma̱ ka̱ ɗa̱ i ta̱ a̱ kugita̱ kuyaꞋan unushi tsu na vuma vu nan lo va wi a kuyaꞋan. 7Uteku u na Ayahuda a tsu takpa kusasu ra̱ka̱ a iꞋuwa i le kafu a yaꞋan Ka̱ɗiva̱ ka Kupasamgbanai, adama a nannai takpai vuma vu nan lo a̱ ka̱tsuma̱ ka̱ ɗa̱. Ka̱shile ka takpa ta̱ ɗe nshinda̱ n ɗa̱ adama a na Kishi u kuwa̱ ta̱ adama a na wi isa tsu a̱ ubuta̱ wu unushi u tsu. Wi ta̱ tsu malala ma na Ayahuda a kiɗai a̱ Ka̱ɗiva̱ ka Kupasamgbanai n ayin a cau. 8Adama a na ta ki nannai mayun, ci ciɓai ayin tutu a na a̱tsu uma a̱ Ka̱shile a ɗa ci. U gaꞋan ta̱ tsu vakangu kusasu ku kuku. Ɗaɗa, tsu ka̱sa̱kpa̱ cisheꞋe n kuyaꞋan ki ili i gbani-gbani tsu na ci ishi a kuyaꞋan kafu tso okpo aza o Kutoni.
9Ana n ɗanakai ɗa̱ n ayin a ɗe, n dana ɗa̱ ta̱ ka̱ta̱ i yongo koɓolo n uma a na a ci yaꞋan tsugbani ba. 10A ayin a na n ɗanakai ɗa̱ va, mi a kuyaꞋan kadanshi ka aza a na i o Kutoni ba. Ele mayun ɗa aza o yoku e le a ci yaꞋan ta̱ tsugbani. Aza o yoku e le i ta̱ n ulyopi, aza o yoku e le a ci yaꞋan ta̱ modoroko, aza o yoku e le kpamu o kutono a̱ma̱li. I ciga baci i suma uma a na i n unushi nannai, sai i ka̱sa̱kpa̱ kuyongo ka aduniyan ku nam pa. 11Ili i na mi a kudansa i ɗaɗa, pecei vuma vu na u danai a̱yi vuza vu Kutoni ɗa amma wi a kuyaꞋansa tsugbani. Pecei ka̱ci ka̱ ɗa̱ n vuza vu ulyopi, n vuza na wi o kutono a̱ma̱li. Pecei ka̱ci ka̱ ɗa̱ n vuza vu kula̱nga̱su, n vuza na wi kosoꞋi, n vuza na wi a kuyaꞋansa modoroko. Ka̱ta̱ i lyaꞋa ilikulyaꞋa n uma a na i nannai ba.
12Mi n utsura u na n kuyaꞋanka aza a na i aza o Kutoni ba, afada. Amma yi ta̱ n utsura i dansuka aza o Kutoni a na a yaꞋin unushi nannai. 13Ka̱shile ki ta̱ a kuyaꞋanka aza a na i aza o Kutoni ba afada. Katagarda ka Ciɗa ka danai, “Vuza ɗa̱ vi yoku wi baci a kuyaꞋan ili i gbani-gbani, lokoi ni.”#K.Wil. 17:7.
Currently Selected:
1 Korintiya 5: asgNT
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
1 Korintiya 5
5
Kudansuka aza o Kutoni adama a tsugbani
1M pana ta̱ uma o yoku a danai vuma vi yoku a̱ ka̱tsuma̱ ka̱ ɗa̱ wi ta̱ a kuyaꞋan tsugbani an wi a kaꞋasasa n vuka ve esheku a̱ ni. Ko uma a na e yevei Ka̱shile ba, a iwan ta̱ biꞋi ili i nan lo. 2U gaꞋan ta̱ i pana wono, ɗa kucikpa yi a kuyaꞋan a̱ra̱ɗi. U gaꞋan ta̱ a̱ɗu a̱ ɗa̱ a̱ na̱mgba̱ adama a̱ unushi u vuma vu nam pa. Yi ishi baci i na̱mgba̱ a̱tsuma̱ nannai, yi ishi ta̱ a̱ kusa̱nka̱ yi kugaꞋasa n a̱ɗa̱ a̱ oɓolo a̱ ɗa̱.
3Ko an mi daꞋin n a̱ɗa̱, n ci yongo ta̱ a kuciɓasa ɗa̱ a̱ ka̱ɗu ka̱ va̱. N kotso ta̱ ɗe kuyaꞋan afada adanshi mi ta̱ lo koɓolo n a̱ɗa̱ gogo na. N utsura u na Vuzagbayin Yesu u nekei mu, n sheshe ta̱ i neke vuma vu na u yaꞋin unushi u nan lo wa atakaci. 4U gaꞋan ta̱ i ɗeke oɓolo. I yaꞋan baci nannai ka̱ɗu ka̱ va̱ ki ta̱ ɗe koɓolo n a̱ɗa̱, utsura u Vuzagbayin Yesu kpamu wi ta̱ o kutono n a̱ɗa̱ a̱ ubuta̱ wo oɓolo u ɗa̱. 5U gaꞋan ta̱ i neke vuma vu nan lo e ekiye a MalyaꞋi ka̱ta̱ u neke ikyamba i ni atakaci. Ka̱ta̱ nannai ayinviki a̱ ni a̱ ciya̱ wishi ayin a na baci Vuzagbayin Yesu u bonoi.
6A̱ra̱ɗi a̱ ɗa̱ a gaꞋan ba. A̱ɗa̱ feu i la̱na̱ ili i na ansa a i a kudana, “Kusasu ku kenu koci a̱ umbuku baci ku tsu zuwa ta̱ kiya ku masasu ku shita ka̱u.” Na va ɗaɗa i ka̱sa̱kpa̱ baci vuma vu tsugbani vu nan lo u lyaꞋi kelime n kuyongo n a̱ɗa̱, uma o yoku a̱ ka̱tsuma̱ ka̱ ɗa̱ i ta̱ a̱ kugita̱ kuyaꞋan unushi tsu na vuma vu nan lo va wi a kuyaꞋan. 7Uteku u na Ayahuda a tsu takpa kusasu ra̱ka̱ a iꞋuwa i le kafu a yaꞋan Ka̱ɗiva̱ ka Kupasamgbanai, adama a nannai takpai vuma vu nan lo a̱ ka̱tsuma̱ ka̱ ɗa̱. Ka̱shile ka takpa ta̱ ɗe nshinda̱ n ɗa̱ adama a na Kishi u kuwa̱ ta̱ adama a na wi isa tsu a̱ ubuta̱ wu unushi u tsu. Wi ta̱ tsu malala ma na Ayahuda a kiɗai a̱ Ka̱ɗiva̱ ka Kupasamgbanai n ayin a cau. 8Adama a na ta ki nannai mayun, ci ciɓai ayin tutu a na a̱tsu uma a̱ Ka̱shile a ɗa ci. U gaꞋan ta̱ tsu vakangu kusasu ku kuku. Ɗaɗa, tsu ka̱sa̱kpa̱ cisheꞋe n kuyaꞋan ki ili i gbani-gbani tsu na ci ishi a kuyaꞋan kafu tso okpo aza o Kutoni.
9Ana n ɗanakai ɗa̱ n ayin a ɗe, n dana ɗa̱ ta̱ ka̱ta̱ i yongo koɓolo n uma a na a ci yaꞋan tsugbani ba. 10A ayin a na n ɗanakai ɗa̱ va, mi a kuyaꞋan kadanshi ka aza a na i o Kutoni ba. Ele mayun ɗa aza o yoku e le a ci yaꞋan ta̱ tsugbani. Aza o yoku e le i ta̱ n ulyopi, aza o yoku e le a ci yaꞋan ta̱ modoroko, aza o yoku e le kpamu o kutono a̱ma̱li. I ciga baci i suma uma a na i n unushi nannai, sai i ka̱sa̱kpa̱ kuyongo ka aduniyan ku nam pa. 11Ili i na mi a kudansa i ɗaɗa, pecei vuma vu na u danai a̱yi vuza vu Kutoni ɗa amma wi a kuyaꞋansa tsugbani. Pecei ka̱ci ka̱ ɗa̱ n vuza vu ulyopi, n vuza na wi o kutono a̱ma̱li. Pecei ka̱ci ka̱ ɗa̱ n vuza vu kula̱nga̱su, n vuza na wi kosoꞋi, n vuza na wi a kuyaꞋansa modoroko. Ka̱ta̱ i lyaꞋa ilikulyaꞋa n uma a na i nannai ba.
12Mi n utsura u na n kuyaꞋanka aza a na i aza o Kutoni ba, afada. Amma yi ta̱ n utsura i dansuka aza o Kutoni a na a yaꞋin unushi nannai. 13Ka̱shile ki ta̱ a kuyaꞋanka aza a na i aza o Kutoni ba afada. Katagarda ka Ciɗa ka danai, “Vuza ɗa̱ vi yoku wi baci a kuyaꞋan ili i gbani-gbani, lokoi ni.”#K.Wil. 17:7.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved