1 Korintiya 12
12
Ayinviki a̱ Ka̱shile e ci neke ta̱ kuneꞋe kakau
1Uma a̱ va̱, gogo na mi ta̱ a kuɗanaka ɗa̱ ukuna u kuneꞋe kakau ku na Ayinviki a̱ Ka̱shile e ci neke yaba dem vu tsu.
N ciga ta̱ i yeve ukuna u le mayun. 2N ciga ta̱ i ciɓa, n ayin a cau kafu i gita̱ kutono Vuzagbayin, a zuwa ɗa̱ ta̱ uye u na i puwa̱nka̱i ali ɗa i tonoi a̱ma̱li a na a tsu dansa ba. 3N ciga ta̱ i yeve Ayinviki a̱ Ka̱shile o tono baci n vuza, vuma vu nan lo ko kenu u kudana, “N yaꞋanka ta̱ Yesu una̱!” ba. Babu kpamu vuza na u kudana, “Yesu ɗa Vuzagbayin,” saidei Ayinviki a̱ Ka̱shile a zuwa yi u yaꞋan nannai.
4KuneꞋe ki ta̱ lo kakau, amma Ayinviki a̱ Ka̱shile e te a ɗa e ci neke ku ɗa dem. 5Uye wi ta̱ lo kakau u kuyaꞋan tsugbashi, amma ra̱ka̱ vu tsu Vuzagbayin vi te ɗa ci a kuyaꞋanka tsugbashi tsa. 6Uma i ta̱ a kufuɗa kuyaꞋan ulinga kakau, amma Ka̱shile ke te kaꞋa ke nekei yaba dem utsura u yaꞋan ulinga nannai.
7Ayinviki a̱ Ka̱shile o ci yotsongu ta̱ ka̱ci ka̱ ni u yaba dem ayin a na baci u nekei ni ulinga kau u na u kuɓa̱nka̱ aza o Kutoni† ra̱ka̱. 8Ayinviki a̱ Ka̱shile e ci neke ta̱ vuma utsura u kuneke kadanshi ko odoki n ugboji. Ayinviki a̱ Ka̱shile a ɗa kpamu e te e ci neke vuza yoku utsura u kuyaꞋan kadanshi ka na ki n kuyeve n a̱bunda̱i. 9Ayinviki a̱ Ka̱shile a ɗa kpamu e te a tsu zuwa vuma u yaꞋan n uneki u ka̱ɗu u gbayin. U ci neke ta̱ kpamu vuma vi yoku utsura u kupotsokpo aza a̱ mɓa̱la̱. 10U ci neke ta̱ vuza yoku utsura u na u yaꞋan ili i mereve,† ka̱ta̱ u neke vuza yoku utsura kpamu u na u kudana uma akaka a̱ Ka̱shile. U ci neke ta̱ feu vuza yoku utsura u na u yeve ili i na yu uta̱i u Ka̱shile n i na i kpa̱ɗa̱i kuta̱ u Ka̱shile. U ci neke ta̱ vuza yoku kpamu utsura u na u kuyaꞋan kadanshi n elentsu kakau. U nekei vuza yoku kpamu utsura u kuyaꞋan kadanshi e keteshe ka na aza o yoku a yaꞋin n elentsu a nan lo. 11Ayinviki a̱ Ka̱shile e te a ɗa, a ɗa kpamu koci e ci neke kuneꞋe kakau ku nan lo. A̱yi ɗa u ci sheshe ko kuneꞋe ke ne ku ɗai ku gaꞋin u neke yaba dem.
Ikyamba i Kishi n ukambu kakau
12Ikyamba i vuma ili i te i ɗa, amma yi ta̱ n ukambu kakau. Ko a na ikyamba ya yi n ukambu kakau, ukambu u nan lo ra̱ka̱ u ɗaɗa u ɓolongi ɗa wu uta̱i ikyamba i te. Ikyamba i Kishi ta feu yi nannai. 13A̱tsu yoku Ayahuda a ɗa, aza o yoku Aza̱ka̱yimbi a ɗa. A̱tsu yoku agbashi a ɗa, aza o yoku agbashi a ɗa ba. Amma Ayinviki a̱ Ka̱shile a yaꞋanka ta̱ yaba dem vu tsu kusumbu ka akucina ɗa o bonokoi tsu ukambu wi ikyamba i te n Kishi. Ra̱ka̱ vu tsu ci isa ta̱ ta na Ayinviki a̱ Ka̱shile e te.
14Ta nannai, ikyamba yi ta̱ n ukambu kakau, ukambu u te u ɗa koci ba. 15Kune ku dana baci, “Mpa ukambu wi ikyamba u ɗa mi ba, adama a na kukiye ku ɗa mi ba,” na lo u sa̱nka̱ yi ta̱ kokpo ukambu wi ikyamba? 16Kutsuvu kpamu ku dana baci, “Mpa ukambu wi ikyamba u ɗa mi ba, adama a na kutsuvu ku ɗa koci, mi ka̱shi ba,” na lo u sa̱nka̱ yi ta̱ kokpo ukambu wi ikyamba? 17Ikyamba ya ra̱ka̱ i yaꞋan baci ka̱shi, nini ɗai i ɗa i kupana? I ɗa i yaꞋan baci kutsuvu, nini ɗai i kutsumgba ili? 18Amma Ka̱shile ka yaꞋan ta̱ ikyamba i tsu n ukambu n a̱bunda̱i, ɗa ta na u zuwai ukambu dem a̱ ubuta̱ u na u cigai u ɗa u yaꞋan. 19Ili i wovon i ɗa ikyamba yi ishi a kuyaꞋan i yaꞋan baci n ukambu u te koci! 20To, ukambu wi ta̱ lo n a̱bunda̱i, amma ikyamba i te koci.
21Ka̱shi ka kudana kukiye ba, “Avu vi ta̱ gbani!” Kaci ka kudana ene ba, “A̱ɗa̱ yi ta̱ gbani!” 22A̱Ꞌa̱! Ta nannai ba! Ukambu wi ikyamba u na wi adanshi wi ta̱ babu utsura ka̱u va, u ɗaɗa u laꞋi n ulinga. 23Ukambu u na ce enei adanshi wi n ulinga ka̱u ba, u ɗaɗa tsu tsu la̱na̱ mayin. A̱tsu tsu pala ta̱ ciyampa tsu tsu mayin, 24amma ci ci yongo ta̱ a̱ kuka̱sa̱kpa̱ ukambu u yoku e keteshe. Ka̱shile ka zuwa ta̱ ukambu u tsu a̱ ubuta̱ u na u gaꞋin, ali n ukambu u na wi adanshi wi n ulinga ba, mayun ɗa wi n ulinga. 25U yaꞋan ta̱ nannai adama a na u zuwa ukambu wi ikyamba ra̱ka̱ u yaꞋan ulinga koɓolo derere, ukambu dem a̱ kuɓa̱nka̱ ukambu u yoku. 26Ukambu wi ikyamba u yoku u soꞋo baci atakaci, ukambu u na u buwai dem u soꞋo ta̱ feu a ɗa n a̱yi. E neke baci ukambu u yoku tsugbayin, ukambu u na u buwai dem wi ta̱ a kuyaꞋan ma̱za̱nga̱ n a̱yi.
27Ra̱ka̱ vu ɗa̱ koɓolo ikyamba i Kishi i ɗa yi. Yaba dem vu ɗa̱ ukambu wi ikyamba i ni i ɗa wi. 28Ka̱shile ka zuwai ukambu kakau wi ikyamba i Kishi. Ili i iyain u gita̱i kuzuwa: azusuki, ire, aza a na a kudana uma akaka a̱ Ka̱shile, tatsu, nlum. Ɗa kpamu u zuwai aza a na a ci yaꞋan ili i mereve, koɓolo n aza a na i n utsura u kupotsokpo uma. Ɗa u zuwai aza a na a̱ kuɓa̱nka̱ aza o yoku, koɓolo n aza a na i aza e kelime. Ɗa u doku u zuwai aza a kuyaꞋan kadanshi n elentsu kakau. 29Yaba dem vuzavusuki ɗa wi? Ta nannai ba. Yaba dem ɗa u kudana uma akaka a̱ Ka̱shile? A̱Ꞌa̱. Uma ra̱ka̱ ɗa nlum? Yaba dem ɗa wi n utsura u kuyaꞋan ili i mereve? 30Yaba dem ɗa wi n utsura u kupotsokpo aza a̱ mɓa̱la̱? Ta nannai ba. Ka̱shile ke neke ta̱ yaba dem vu tsu utsura u kudansa n elentsu kakau? Yaba dem u kufuɗa ta̱ wa dana e keteshe ili i na aza o yoku a dansai n elentsu kakau? A̱Ꞌa̱! 31Amma mayun ɗa i kuciga mayin i ciya̱ kuneꞋe ku na ku laꞋi n kugaꞋan.
Gogo na mi ta̱ a̱ kudana ɗa̱ ili i na i laꞋi n ugaꞋin ra̱ka̱.
Currently Selected:
1 Korintiya 12: asgNT
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
1 Korintiya 12
12
Ayinviki a̱ Ka̱shile e ci neke ta̱ kuneꞋe kakau
1Uma a̱ va̱, gogo na mi ta̱ a kuɗanaka ɗa̱ ukuna u kuneꞋe kakau ku na Ayinviki a̱ Ka̱shile e ci neke yaba dem vu tsu.
N ciga ta̱ i yeve ukuna u le mayun. 2N ciga ta̱ i ciɓa, n ayin a cau kafu i gita̱ kutono Vuzagbayin, a zuwa ɗa̱ ta̱ uye u na i puwa̱nka̱i ali ɗa i tonoi a̱ma̱li a na a tsu dansa ba. 3N ciga ta̱ i yeve Ayinviki a̱ Ka̱shile o tono baci n vuza, vuma vu nan lo ko kenu u kudana, “N yaꞋanka ta̱ Yesu una̱!” ba. Babu kpamu vuza na u kudana, “Yesu ɗa Vuzagbayin,” saidei Ayinviki a̱ Ka̱shile a zuwa yi u yaꞋan nannai.
4KuneꞋe ki ta̱ lo kakau, amma Ayinviki a̱ Ka̱shile e te a ɗa e ci neke ku ɗa dem. 5Uye wi ta̱ lo kakau u kuyaꞋan tsugbashi, amma ra̱ka̱ vu tsu Vuzagbayin vi te ɗa ci a kuyaꞋanka tsugbashi tsa. 6Uma i ta̱ a kufuɗa kuyaꞋan ulinga kakau, amma Ka̱shile ke te kaꞋa ke nekei yaba dem utsura u yaꞋan ulinga nannai.
7Ayinviki a̱ Ka̱shile o ci yotsongu ta̱ ka̱ci ka̱ ni u yaba dem ayin a na baci u nekei ni ulinga kau u na u kuɓa̱nka̱ aza o Kutoni† ra̱ka̱. 8Ayinviki a̱ Ka̱shile e ci neke ta̱ vuma utsura u kuneke kadanshi ko odoki n ugboji. Ayinviki a̱ Ka̱shile a ɗa kpamu e te e ci neke vuza yoku utsura u kuyaꞋan kadanshi ka na ki n kuyeve n a̱bunda̱i. 9Ayinviki a̱ Ka̱shile a ɗa kpamu e te a tsu zuwa vuma u yaꞋan n uneki u ka̱ɗu u gbayin. U ci neke ta̱ kpamu vuma vi yoku utsura u kupotsokpo aza a̱ mɓa̱la̱. 10U ci neke ta̱ vuza yoku utsura u na u yaꞋan ili i mereve,† ka̱ta̱ u neke vuza yoku utsura kpamu u na u kudana uma akaka a̱ Ka̱shile. U ci neke ta̱ feu vuza yoku utsura u na u yeve ili i na yu uta̱i u Ka̱shile n i na i kpa̱ɗa̱i kuta̱ u Ka̱shile. U ci neke ta̱ vuza yoku kpamu utsura u na u kuyaꞋan kadanshi n elentsu kakau. U nekei vuza yoku kpamu utsura u kuyaꞋan kadanshi e keteshe ka na aza o yoku a yaꞋin n elentsu a nan lo. 11Ayinviki a̱ Ka̱shile e te a ɗa, a ɗa kpamu koci e ci neke kuneꞋe kakau ku nan lo. A̱yi ɗa u ci sheshe ko kuneꞋe ke ne ku ɗai ku gaꞋin u neke yaba dem.
Ikyamba i Kishi n ukambu kakau
12Ikyamba i vuma ili i te i ɗa, amma yi ta̱ n ukambu kakau. Ko a na ikyamba ya yi n ukambu kakau, ukambu u nan lo ra̱ka̱ u ɗaɗa u ɓolongi ɗa wu uta̱i ikyamba i te. Ikyamba i Kishi ta feu yi nannai. 13A̱tsu yoku Ayahuda a ɗa, aza o yoku Aza̱ka̱yimbi a ɗa. A̱tsu yoku agbashi a ɗa, aza o yoku agbashi a ɗa ba. Amma Ayinviki a̱ Ka̱shile a yaꞋanka ta̱ yaba dem vu tsu kusumbu ka akucina ɗa o bonokoi tsu ukambu wi ikyamba i te n Kishi. Ra̱ka̱ vu tsu ci isa ta̱ ta na Ayinviki a̱ Ka̱shile e te.
14Ta nannai, ikyamba yi ta̱ n ukambu kakau, ukambu u te u ɗa koci ba. 15Kune ku dana baci, “Mpa ukambu wi ikyamba u ɗa mi ba, adama a na kukiye ku ɗa mi ba,” na lo u sa̱nka̱ yi ta̱ kokpo ukambu wi ikyamba? 16Kutsuvu kpamu ku dana baci, “Mpa ukambu wi ikyamba u ɗa mi ba, adama a na kutsuvu ku ɗa koci, mi ka̱shi ba,” na lo u sa̱nka̱ yi ta̱ kokpo ukambu wi ikyamba? 17Ikyamba ya ra̱ka̱ i yaꞋan baci ka̱shi, nini ɗai i ɗa i kupana? I ɗa i yaꞋan baci kutsuvu, nini ɗai i kutsumgba ili? 18Amma Ka̱shile ka yaꞋan ta̱ ikyamba i tsu n ukambu n a̱bunda̱i, ɗa ta na u zuwai ukambu dem a̱ ubuta̱ u na u cigai u ɗa u yaꞋan. 19Ili i wovon i ɗa ikyamba yi ishi a kuyaꞋan i yaꞋan baci n ukambu u te koci! 20To, ukambu wi ta̱ lo n a̱bunda̱i, amma ikyamba i te koci.
21Ka̱shi ka kudana kukiye ba, “Avu vi ta̱ gbani!” Kaci ka kudana ene ba, “A̱ɗa̱ yi ta̱ gbani!” 22A̱Ꞌa̱! Ta nannai ba! Ukambu wi ikyamba u na wi adanshi wi ta̱ babu utsura ka̱u va, u ɗaɗa u laꞋi n ulinga. 23Ukambu u na ce enei adanshi wi n ulinga ka̱u ba, u ɗaɗa tsu tsu la̱na̱ mayin. A̱tsu tsu pala ta̱ ciyampa tsu tsu mayin, 24amma ci ci yongo ta̱ a̱ kuka̱sa̱kpa̱ ukambu u yoku e keteshe. Ka̱shile ka zuwa ta̱ ukambu u tsu a̱ ubuta̱ u na u gaꞋin, ali n ukambu u na wi adanshi wi n ulinga ba, mayun ɗa wi n ulinga. 25U yaꞋan ta̱ nannai adama a na u zuwa ukambu wi ikyamba ra̱ka̱ u yaꞋan ulinga koɓolo derere, ukambu dem a̱ kuɓa̱nka̱ ukambu u yoku. 26Ukambu wi ikyamba u yoku u soꞋo baci atakaci, ukambu u na u buwai dem u soꞋo ta̱ feu a ɗa n a̱yi. E neke baci ukambu u yoku tsugbayin, ukambu u na u buwai dem wi ta̱ a kuyaꞋan ma̱za̱nga̱ n a̱yi.
27Ra̱ka̱ vu ɗa̱ koɓolo ikyamba i Kishi i ɗa yi. Yaba dem vu ɗa̱ ukambu wi ikyamba i ni i ɗa wi. 28Ka̱shile ka zuwai ukambu kakau wi ikyamba i Kishi. Ili i iyain u gita̱i kuzuwa: azusuki, ire, aza a na a kudana uma akaka a̱ Ka̱shile, tatsu, nlum. Ɗa kpamu u zuwai aza a na a ci yaꞋan ili i mereve, koɓolo n aza a na i n utsura u kupotsokpo uma. Ɗa u zuwai aza a na a̱ kuɓa̱nka̱ aza o yoku, koɓolo n aza a na i aza e kelime. Ɗa u doku u zuwai aza a kuyaꞋan kadanshi n elentsu kakau. 29Yaba dem vuzavusuki ɗa wi? Ta nannai ba. Yaba dem ɗa u kudana uma akaka a̱ Ka̱shile? A̱Ꞌa̱. Uma ra̱ka̱ ɗa nlum? Yaba dem ɗa wi n utsura u kuyaꞋan ili i mereve? 30Yaba dem ɗa wi n utsura u kupotsokpo aza a̱ mɓa̱la̱? Ta nannai ba. Ka̱shile ke neke ta̱ yaba dem vu tsu utsura u kudansa n elentsu kakau? Yaba dem u kufuɗa ta̱ wa dana e keteshe ili i na aza o yoku a dansai n elentsu kakau? A̱Ꞌa̱! 31Amma mayun ɗa i kuciga mayin i ciya̱ kuneꞋe ku na ku laꞋi n kugaꞋan.
Gogo na mi ta̱ a̱ kudana ɗa̱ ili i na i laꞋi n ugaꞋin ra̱ka̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved