မႃႇ ၵႂၢမ်းၼမ်း
ၵႂၢမ်းၼမ်း
ၶၢဝ်ႇတြႃးသိူဝ်းပျေႃႇမႃႇၵု၊ဢၼ်လၢတ်ႈလွင်ႈတြႃးၸဝ်ႈယေႇသု၊ၼႆႉၵေႃႉတႅမ်ႈမၼ်းပဵၼ်တပႄးၸဝ်ႈယေႇသု၊ဢၼ်ႁွင်ႉဝႃႈ၊မႃႇၵု၊ၼၼ်ႉဢေႃႈ။ မၼ်းမီးၸိုဝ်ႈထႅင်ႈဢၼ်ၼိုင်ႈႁွင်ႉဝႃႈ၊ယူဝ်းႁၢၼ်ႇ၊ဢေႃႈ။ မၼ်းတႅမ်ႈၶၢဝ်ႇတြႃးသိူဝ်းပျေႃႇၼႆႉမိူဝ်ႈပီၸဝ်ႈၶရိၸ်ႈ၊64 (A.D. 64) ၼၼ်ႉလႄႈတႅမ်ႈယဝ်ႉမိူဝ်ႈပီၸဝ်ႈၶရိၸ်ႈ၊68 (A.D. 68) ၵႃႈတီႇဝဵင်းရူဝ်းမႃႉ၊ဢေႃႈ။ မၼ်းတႄႇၸႃႉႁူဝ်ၵႂၢမ်းဢၼ်ဝႃႈ၊ “ငဝ်ႈႁၢၵ်ႈတြႃးၶၢဝ်ႇငၢဝ်းသိူဝ်းပျေႃႇၸဝ်ႈယေႇသုၶရိၸ်ႈ၊လုၵ်ႈၽြႃးပဵၼ်ၸဝ်ႈ၊” ဝႃႈၼႆဢေႃႈ။ မၼ်းလၢတ်ႈၼႄလွင်ႈၼႃႈၵၢၼ်တၢင်းႁဵတ်းၸဝ်ႈဢၼ်ပႃးတင်းမုၼ်ၽုင်းဢၼ်ယႂ်ႇၼႃႇၼၼ်ႉဢေႃႈ။ မုၼ်ၽုင်းၸဝ်ႈၸိုင်၊လႆႈႁၼ်ၼႂ်းတၢင်းဢၼ်မၼ်းၸဝ်ႈသင်ႇသွၼ်ပၼ်လႂ်၊တၼ်းၶူဝ်းဢၼ်ပႄႉၼႅင်ႇၽီႁၢႆႉလႂ်၊ဢိၵ်ႇတင်းတၢင်းဢၼ်ပွႆႇၶႂၢင်းပွႆႇလွတ်ႈဢပျတ်ႈၵူၼ်းလႂ်ဢေႃႈ။ ၸဝ်ႈယေႇသု၊လၢတ်ႈလွင်ႈတူဝ်ၸဝ်ႈၵဝ်ႇၸိူဝ်ႉၼင်ႇဢၼ်ပဵၼ်ၸဝ်ႈလုၵ်ႈၵူၼ်း၊ဢၼ်ၵျွမႃးၸုၼ်ႉဢသၢၵ်ႈတူဝ်ၸဝ်ႈၵဝ်ႇ၊ပုၼ်ႈတၵ်းပွႆႇလွတ်ႈဢပျတ်ႈၵူၼ်းလေႃးၵီႇတင်းလၢႆၼၼ်ႉဢေႃႈ။
သြႃႇမႃႇၵု၊မွၵ်ႇလၢတ်ႈပိုၼ်းတူဝ်ၸဝ်ႈယေႇသု၊သိုဝ်ႈသိုဝ်ႈလႅင်းလႅင်းလူၺ်ႈလွင်ႈၼႃႈၵၢၼ်ဢၼ်မၼ်းၸဝ်ႈထၢမ်းႁဵတ်းတင်းလၢႆဢေႃႈ။ လိူဝ်တွၼ်းၼႃႇသေၶေႃႈၵႂၢမ်းဢၼ်သွၼ်ပၼ်ၼၼ်ႉဢေႃႈ။ တင်ႈတႄႇၶႆႈမွၵ်ႇလၢတ်ႈၼႄလွင်ႈသြႃႇယူဝ်းႁၢၼ်ႇ၊ဢိတ်းဢီႈယဝ်ႉလႄႈသိုပ်ႇလၢတ်ႈလွင်ႈဢၼ်ၸဝ်ႈယေႇသု၊ၶၢမ်ႇဢဝ်မၢင်ႇၵလႃႇပပ်ႉတိၸမ်ႇ#“မၢင်ႇၵလႃႇပပ်ႉတိၸမ်ႇ” - မၢင်ႇၵလႃႇတၢင်းၸူမ်ၼမ်ႉဢိၵ်ႇတင်းလွင်ႈတၢင်းဢၼ်လႆႈၶၢမ်ႇၸၢမ်းတူၺ်းယႃႉယုၵ်ႉသေယဝ်ႉ၊သြႃႇမႃႇၵု၊သိုပ်ႇလၢတ်ႈလွင်ႈၼႃႈၵၢၼ်သႃႇသၼႃႇၸဝ်ႈယေႇသု၊ၼႂ်းလွင်ႈတၢင်းဢၼ်ႁႂ်ႈတၢင်းၶႆႈတၢင်းပဵၼ်ႁၢႆ၊ဢိၵ်ႇတင်းတၢင်းဢၼ်သင်ႇသွၼ်ပၼ်ၼၼ်ႉၵမ်းလဵဝ်ဢေႃႈ။ ၸူဝ်ႈၶၢဝ်းႁိုင်မႃးလႄႈတပႄးမၼ်းၸဝ်ႈႁုထွမ်ႇပွင်ႇလႅင်းမႃးထႅင်ႈလွင်ႈၸဝ်ႈယေႇသု၊သေယဝ်ႉ၊ၶဝ်ၸိူဝ်းဢၼ်သၢၼ်ၶတ်းၵၼ်တင်းၸဝ်ႈယေႇသု၊ၸမ်ႉ၊ယဵင်ႈၶႅၼ်းငိၼ်းၸင်းမၼ်းၸဝ်ႈမႃးတိၵ်းတိၵ်းဢေႃႈ။ ၼႂ်းဢၶၢၼ်းလိုၼ်းသုတ်းၸိူဝ်းၼၼ်ႉသမ်ႉၶႆႈၼႄလွင်ႈၵမ်းလိုၼ်းသုတ်းၸူဝ်ႈတႃႇဢသၢၵ်ႈၸဝ်ႈယေႇသု၊လွင်ႈဢၼ်ဢဝ်မၼ်းၸဝ်ႈတွၵ်ႇၸပ်းၵႃႈၼိူဝ်သဝ်မႆႉဝႃးမိုဝ်း၊ဢိၵ်ႇတင်းလွင်ႈတၢင်းဢၼ်မၼ်းၸဝ်ႈသမ်ႉလုၵ်ႉၶိုၼ်းလိပ်းမႃးၼၼ်ႉဢေႃႈ။
လိၵ်ႈတြႃးၶၢဝ်ႇသိူဝ်းပျေႃႇၼႆႉတႅမ်ႈသုတ်းဝႆႉၼႂ်းသွင်တွၼ်ႈဢေႃႈ။ တင်းသွင်တွၼ်ႈပဵၼ်သြႃႇမႃႇၵု၊တႅမ်ႈသုတ်းဝႆႉဢမ်ႇၸႂ်ႈလႄႈပဵၼ်တၢင်ႇၵေႃႉတႅမ်ႈသုတ်းဝႆႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
လွင်ႈတင်ႈတႄႇလိၵ်ႈတြႃးၶၢဝ်ႇငၢဝ်းသိူဝ်းပျေႃႇၼႆႉ 1:1-13
လွင်ႈၼႃႈၵၢၼ်သႃႇသၼႃႇၸဝ်ႈယေႇသု၊ၵႃႈၼႂ်းဢိူင်ႇၵႃႇလိလႄး 1:14-9:50
လုၵ်ႉသေဢိူင်ႇၵႃႇလိလႄး၊မိူဝ်းၸူးဝဵင်းယေႇရုသလႅမ်ႇ 10:1-52
လွင်ႈပၢတ်ႈလိုၼ်းသုတ်းတင်းၼႃႈၵၢၼ်ႁဵတ်းႁိမ်းဝဵင်းယေႇရုသလႅမ်ႇ 11:1-15:47
လွင်ႈၸဝ်ႈယေႇသု၊လုၵ်ႉၶိုၼ်းလိပ်း 16:1-8
Currently Selected:
မႃႇ ၵႂၢမ်းၼမ်း: SHNCL
Highlight
Copy
Compare
Share
Want to have your highlights saved across all your devices? Sign up or sign in