မတ်ႈ 7

လွင်ႈတၢင်းဢၼ်တၢင်ႇဢပျတ်ႈပိူၼ်ႈ

(တူၺ်း၊ လု 6:37-38၊41-42)

1“ၼင်ႇႁိုဝ်တၵ်းၵၢင်းလွတ်ႈတင်းတၢင်းဢၼ်ၸီႇယၢင်ႇၸိုင်၊သူယႃႇပေၸီႇယၢင်ႇတႅပ်းတတ်းတီႈပိူၼ်ႈ။- 2ၸိူဝ်ႉၼင်ႇသူၸီႇယၢင်ႇတႅပ်းတတ်းၼၼ်ႉတၵ်းၶိုၼ်းလႆႈၶၢမ်ႇတၢင်းဢၼ်ၸီႇယၢင်ႇတႅပ်းတတ်းဢေႃႈ။ ၸိူဝ်ႉၼင်ႇဢၼ်သူတူင်ပၼ်ပိူၼ်ႈၼၼ်ႉသူၵေႃႈတၵ်းလႆႈၶၢမ်ႇတၢင်းဢၼ်တူင်ပၼ်ၶိုၼ်းဢေႃႈ။- 3ႁဵတ်းသင်လႄႈယင်းဢမ်ႇၶုၵ်းၸႂ်လႆႈသဵၼ်ႈမႆႉဢၼ်မီးၼႂ်းမၢၵ်ႇတႃမႂ်းလႄႈယွၼ်းတူၺ်းမုၼ်ႈၽွင်ဢွၼ်ႇဢၼ်မီးၼႂ်းမၢၵ်ႇတႃပီႈၼွင်ႉမႂ်းၼၼ်ႉၸိူဝ်ႉၼင်ႇႁိုဝ်။- 4သဵၼ်ႈမႆႉယင်းမီးဝႆႉၼႂ်းမၢၵ်ႇတႃမႂ်းယူႇလႄႈသမ်ႉလၢတ်ႈဝႃႈ၊ ‘ႁႂ်ႈၵဝ်လႆႈဢဝ်မုၼ်ႈၽွင်ဢွၼ်ႇဢၼ်မီးၼႂ်းမၢၵ်ႇတႃမႂ်းဢွၵ်ႇသေၵမ်း၊’ ဝႃႈၼႆတၵ်းလၢတ်ႈတီႈပီႈၼွင်ႉမႂ်းလႆႈၸိူဝ်ႉၼင်ႇႁိုဝ်။- 5ၵူၼ်းဢၼ်ၼႃႈသိုဝ်ႈၸႂ်ၵူတ်ႉၼႆႉ႟၊ဢဝ်သဵၼ်ႈမႆႉဢၼ်မီးၵႃႈၼႂ်းမၢၵ်ႇတႃမႂ်းဢွၵ်ႇဢွၼ်တၢင်းတႃႉ။ ဝၢႆးၼၼ်ႉၸင်ႇမၢၵ်ႇတႃမႂ်းတၵ်းႁၼ်လႅင်းလီလီလႄႈတေၸၢင်ႈဢဝ်ဢွၵ်ႇမုၼ်ႈၽွင်ဢၼ်မီးၼႂ်းမၢၵ်ႇတႃပီႈၼွင်ႉမႂ်းၼၼ်ႉပႅတ်ႈလႆႈဢေႃႈ။

6“ယႃႇပေဢဝ်ၶိူင်ႈပိူင်ဢၼ်မူတ်းၸၢင်ႇပၼ်တီႈမႃလႄႈယႃႇပေဢဝ်သႅင်ပူးလႄးရတၼႃႇတမ်းဝၢင်းပၼ်ၵႃႈတီႈၽၢႆႇၼႃႈမူ၊ၶဝ်တၵ်းယဵပ်ႇပႅတ်ႈလႄႈသမ်ႉတၵ်းဝၢႆႇၶိုၼ်းမႃးၶူပ်းမႂ်းဢေႃႈ။

သင်ႇသွၼ်လွင်ႈတၢင်းဢၼ်လဝ်ႈယွၼ်း

(တူၺ်း၊ လု 11:9-13)

7“ယွၼ်းတႃႉ။ သူတၵ်းလႆႈဢေႃႈ။ ႁႃတႃႉ။ သူတၵ်းထူပ်းႁၼ်ဢေႃႈ။ တွႆႇတႃႉ။ ၽၵ်းတူတၵ်းၽုၺ်ႇပၼ်ဢေႃႈ။- 8ၵူႈၵေႃႉဢၼ်ယွၼ်းၼၼ်ႉလႆႈဢေႃႈ။ ၵေႃႉဢၼ်ႁႃၵေႃႈထူပ်းဢေႃႈ။ ၵေႃႉဢၼ်တွႆႇၽၵ်းတူၵေႃႈၽုၺ်ႇပၼ်ဢေႃႈ။- 9ၼႂ်းသူၼႆႉ၊မီးၽူႈလႂ်မိူဝ်ႈဢၼ်လုၵ်ႈလၢင်းသူယွၼ်းၶဝ်ႈမုၼ်းၼၼ်ႉသမ်ႉဢဝ်မၢၵ်ႇႁိၼ်ပၼ်တီႈၶဝ်လႄႈ၊- 10မိူဝ်ႈဢၼ်လုၵ်ႈလၢင်းသူယွၼ်းပႃၸိုင်၊သမ်ႉတၵ်းဢဝ်ငူးပၼ်တီႈၶဝ်ၼၼ်ႉၸွင်ႇမီးႁိုဝ်း။- 11သင်ဝႃႈ၊ၵူၼ်းဢၼ်ႁၢႆႉမိူၵ်ႈတၢၼ်ႇသူၼႆႉတေႃႈယင်းၸၢင်ႈမေႃဢဝ်ဢၼ်လီဢၼ်ငၢမ်းပၼ်တီႈလုၵ်ႈလၢင်းသူယူႇၸိုင်၊ပေႃႈၸဝ်ႈသူဢၼ်မီးၵႃႈၼိူဝ်မိူင်းၵၢင်ႁၢဝ်ၼၼ်ႉယဵင်ႈၶႅၼ်းတၵ်းပၼ်ၶိူင်ႈပိူင်ဢၼ်လီဢၼ်ငၢမ်းတီႈၶဝ်ၸိူဝ်းဢၼ်သူးတွင်းလဝ်ႈယွၼ်းတီႈမၼ်းၸဝ်ႈၼၼ်ႉဢေႃႈ။

12“ၸိူဝ်ႉၼင်ႇဢၼ်သူၶႂ်ႈႁႂ်ႈပိူၼ်ႈႁဵတ်းတီႈသူၼၼ်ႉ၊သူၵေႃႈႁဵတ်းတီႈပိူၼ်ႈၸိူဝ်ႉၼင်ႇၼၼ်တႃႉ။ ဢၼ်ၼႆႉၸမ်ႉ၊ပဵၼ်ငဝ်ႈၵျၢမ်းပိင်းၺၢပ်ႈတြႃး၊ဢိၵ်ႇတင်းၵျၢမ်းဢၼႃႇၵတ်ႉတိဢေႃႈ။

လွင်ႈၽၵ်းတူဢၼ်ၵႅပ်ႈ

(တူၺ်း၊ လု 13:24)

13“ၶဝ်ႈၽၵ်းတူႁူးၵႅပ်ႈၼၼ်ႉတႃႉ။ လွင်ႈမၼ်းၸမ်ႉ၊တၢင်းဢၼ်ႁွတ်ႈၽႅဝ်တီႈဢၼ်လုလႅဝ်ၼၼ်ႉမီးၽၵ်းတူဢၼ်ႁူးၵႂၢင်ႈသေလႄႈသဵၼ်ႈတၢင်းမၼ်းပႆငၢႆႈၼၼ်ႉၵူၼ်းၶဝ်ႈၸွမ်းပႆၸွမ်းၼၼ်ႉၼမ်ၵိုၼ်းၼႃႇဢေႃႈ။- 14ၽၵ်းတူဢိၵ်ႇတင်းသဵၼ်ႈတၢင်းဢၼ်ၵႂႃႇထိုင်တၢင်းဢၼ်ဢသၢၵ်ႈလိပ်းၼၼ်ႉမီးႁူးဢၼ်ၵႅပ်ႈၼႃႇလႄႈၶဝ်ၸိူဝ်းဢၼ်ႁႃၺႃးၽၵ်းတူၼၼ်ႉမီးၵေႇၼႃႇဢေႃႈ။

လွင်ႈတူၼ်ႈတင်းမၢၵ်ႇမၼ်း

(တူၺ်း၊ လု 6:43-44)

15“တီႈမိၵ်ႉသႃႇပရေႃးၽႅတ်ႈ#7:15 “မိၵ်ႉသႃႇပရေႃးၽႅတ်ႈ” - ၽူႈဢၼ်ႁေႃးၵႂၢမ်းၽြႃးၽိတ်းလႄႈသွၼ်ၽိတ်းသွၼ်ပိူင်ႈ ၼၼ်ႉႁဵတ်းသတိလႄႈဝႄႈပႅတ်ႈတႃႉ။ ၼႂ်းၸႂ်ၶဝ်ပဵၼ်မႃၼႆးဢၼ်လိူင်းၵျၢမ်းၼႃႇဢေႃႈ။ ၵူၺ်းၵႃႈ၊ၶဝ်ၸၢင်ႈႁဵတ်းႁၢင်ႈပဵၼ်တူဝ်သူဝ်းသေလႄႈမႃးတီႈသူဢေႃႈ။- 16ဢၼ်တၵ်းႁုၸၵ်းၶဝ်ၸမ်ႉ၊ၸိူဝ်ႉၼင်ႇဢၼ်တူၼ်ႈၶိူဝ်းၼၢမ်ဢမ်ႇၸၢင်ႈမၢၵ်ႇမၢၵ်ႇၸပိတ်ႉလႆႈ၊တူၼ်ႈၼၢမ်ဢမ်ႇၸၢင်ႈမၢၵ်ႇမၢၵ်ႇလိူဝ်ႇလႆႈၼၼ်ႉတူၺ်းတၢင်းႁဵတ်းၶဝ်လႄႈႁုသၽေႃးၶဝ်ၼၼ်ႉလႆႈယူႇဢေႃႈ။- 17တူၺ်းမၢၵ်ႇလႄႈႁုသၽေႃးတူၼ်ႈမၼ်းလႆႈဢေႃႈ။ တူၼ်ႈဢၼ်လီၼၼ်ႉၸၢင်ႈမၢၵ်ႇမၢၵ်ႇဢၼ်လီဢေႃႈ။ တူၼ်ႈဢၼ်ဢမ်ႇလီၼၼ်ႉၸၢင်ႈမၢၵ်ႇမၢၵ်ႇဢၼ်ဢမ်ႇလီဢေႃႈ။- 18ၼႄးၼိုင်ႈၸမ်ႉ၊တူၼ်ႈဢၼ်လီဢမ်ႇၸၢင်ႈမၢၵ်ႇမၢၵ်ႇဢၼ်ဢမ်ႇလီ။ တူၼ်ႈဢၼ်ဢမ်ႇလီၵေႃႈဢမ်ႇၸၢင်ႈမၢၵ်ႇမၢၵ်ႇဢၼ်လီလႆႈ။- 19တူၼ်ႈဢၼ်မၢၵ်ႇမၢၵ်ႇဢၼ်ဢမ်ႇလီၸိူဝ်းၼၼ်ႉၸိုင်၊ၸၢင်ႈလႆႈၶၢမ်ႇတၢင်းဢၼ်ပွမ်ႈပႅတ်ႈလႄႈထိမ်ႈသႂ်ႇၵႃႈၼႂ်းၽႆးၵူၺ်းဢေႃႈ။- 20ပိူဝ်ႈဢၼ်ပဵၼ်ၸိူဝ်ႉၼင်ႇၼႆလႄႈသူတၵ်းႁုၸၵ်းမိၵ်ႉသႃႇပရေႃးၽႅတ်ႈၸိူဝ်းၼၼ်ႉၼႂ်းတၢင်းဢၼ်ၶဝ်ႁဵတ်းၼၼ်ႉဢေႃႈ။

ၵဝ်ဢမ်ႇတွၼ်ႉႁုၸၵ်းသူ

(တူၺ်း၊ လု 13:25-27)

21“ၶဝ်ၸိူဝ်းဢၼ်ႁွင်ႉၵဝ်လႄႈဝႃႈ၊ ‘ၸဝ်ႈႁဝ်း၊ၸဝ်ႈႁဝ်း၊’ ဝႃႈၼင်ႇၼႆၼၼ်ႉတေလႆႈၶဝ်ႈမိူင်းၵၢင်ႁၢဝ်ၸဝ်ႈၵူႈၵေႃႉဢမ်ႇၸႂ်ႈ။ ၵေႃႉဢၼ်ၵမ်ၵျၢင်ႉၸွမ်းၼင်ႇဢလူဝ်ႇပေႃႈၸဝ်ႈၵဝ်ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ၼၼ်ႉၵူၺ်းတၵ်းလႆႈၶဝ်ႈဢေႃႈ။- 22ၼႂ်းဝၼ်းၼၼ်ႉၵူၼ်းၼမ်ၼႃႇတၵ်းဢွၼ်ၵၼ်လဝ်ႈလၢတ်ႈတီႈၵဝ်လႄႈဝႃႈ၊ ‘ၸဝ်ႈႁဝ်း၊ၸဝ်ႈႁဝ်း၊ႁဝ်းၶႃႈၼႆႉႁေႃးမွၵ်ႇလၢတ်ႈတြႃးၸဝ်ႈႁဝ်းၼႂ်းၼႃႇမႃႉၸိုဝ်ႈသဵင်ၸဝ်ႈႁဝ်းယဝ်ႉၶႃႈဢေႃႈ။ ႁဝ်းၶႃႈၼႆႉဢိင်ပိုင်ႈၸိုဝ်ႈသဵင်ၸဝ်ႈႁဝ်းသေလႄႈႁေႃႈၽီႁၢႆႉဢွၵ်ႇ၊ဢိၵ်ႇတင်းၼႄပျႃးၼိမိၵ်ႈလၢၵ်ႈၶၼႃႇဢၼ်လၢၵ်ႇဢၼ်လၢႆးၼမ်ၼႃႇယဝ်ႉၶႃႈဢေႃႈ၊’ ဝႃႈၼင်ႇၼႆဢေႃႈ။- 23ၵဝ်တၵ်းၶိုၼ်းလၢတ်ႈၵႃႈတီႈၶဝ်လႅင်းလႅင်းလႄႈဝႃႈ၊ ‘ၵဝ်ဢမ်ႇတွၼ်ႉႁုၸၵ်းသူ။ ဢွၵ်ႇသေၵႃႈတီႈၵဝ်ၵႂႃႇတႃႉ။ သူၸိူဝ်းဢၼ်ႁၢႆႉမိူၵ်ႈၶဝ်႟၊’ ဝႃႈၼင်ႇၼႆဢေႃႈ။

လွင်ႈၵူၼ်းသွင်ၵေႃႉဢၼ်ႁဵတ်းႁိူၼ်း

(တူၺ်း၊ လု 6:47-49)

24“ၵွပ်ႈလွင်ႈတၢင်းၼႆႉလႄႈၽူႈလႂ်သေဢမ်ႇဝႃႈ၊ၵေႃႉဢၼ်ငိၼ်းၵႂၢမ်းၵဝ်သေလႄႈပႂ်ႉၵမ်ပႂ်ႉၸွမ်းတြႃးၵဝ်ၸိူဝ်းၼၼ်ႉတၵ်းမိူၼ်ၵူၼ်းဢၼ်မီးပိင်ႇၺႃႇသတိသေလႄႈႁဵတ်းႁိူၼ်းၵႃႈၼိူဝ်မၢၵ်ႇႁိၼ်လူင်ၼၼ်ႉဢေႃႈ။- 25ပိၵ်ႉသမ်ႉၽူၼ်တူၵ်း၊လူမ်းထူဝ်းလႄႈၼမ်ႉၼွင်းမႃးထိပ်ႇၽင်ႈသေၵေႃႈပိူဝ်ႈဢၼ်တႄႇတင်ႈယူႇၵႃႈၼိူဝ်မၢၵ်ႇႁိၼ်ဝႆႉၼၼ်ႉလႄႈတေဢမ်ႇလူမ်ႉဢမ်ႇပင်းလႆႈဢေႃႈ။

26“ၵူၺ်းၵႃႈ၊ၵေႃႉဢၼ်ငိၼ်းၵႂၢမ်းၵဝ်သေလႄႈဢမ်ႇပႂ်ႉဢမ်ႇၸွမ်းတြႃးၵဝ်ၸိူဝ်းၼႆႉၼၼ်ႉၸမ်ႉ၊တၵ်းမိူၼ်ၵူၼ်းငိူဝ်ႈဢၼ်ႁဵတ်းႁိူၼ်းၵႃႈၼိူဝ်သၢႆးၼၼ်ႉဢေႃႈ။- 27မိူဝ်ႈဢၼ်ၽူၼ်တူၵ်း၊လူမ်းထူဝ်းလႄႈၼမ်ႉၼွင်းမႃးထိပ်ႇၽင်ႈၼၼ်ႉ၊သၢႆးၶူင်လႄႈႁိူၼ်းၼၼ်ႉလူမ်ႉပင်းၵႂႃႇဢေႃႈ။ တၢင်းဢၼ်လူမ်ႉပင်းၼၼ်ႉယႂ်ႇၼႃႇဢေႃႈ၊” ဝႃႈၼင်ႇၼႆၸဝ်ႈယေႇသု၊ႁေႃးလၢတ်ႈဢေႃႈ။

ဢႃႇၼႃႇတၼ်းၶူဝ်းၸဝ်ႈယေႇသု

28မိူဝ်ႈဢၼ်ၸဝ်ႈယေႇသု၊ႁေႃးလၢတ်ႈတြႃးတေႇသၼႃႇၸဝ်ႈသုတ်းၵႂႃႇယဝ်ႉၼၼ်ႉမူႇၵူၼ်းတင်းလၢႆဢွၼ်ၵၼ်ဢၢမ်းတၢင်းဢၼ်မၼ်းၸဝ်ႈႁေႃးလၢတ်ႈသင်ႇသွၼ်ၸိူဝ်းၼၼ်ႉၼႃႇလူင်လၢင်ဢေႃႈ။- 29ၵွပ်ႈပိူဝ်ႈတၢင်းဢၼ်မၼ်းၸဝ်ႈႁေႃးလၢတ်ႈၼၼ်ႉပႃးဢႃႇၼႃႇတၼ်းၶူဝ်းလႄႈပႅၵ်ႇပိူင်ႈၵၼ်တင်းသြႃႇမေႃၵျၢမ်းထမ်ႇမႃႉတင်းလၢႆဢေႃႈ။

Currently Selected:

မတ်ႈ 7: SHNCL

Highlight

Copy

Compare