ယေႃးသု 5
5
1ၵႃႈဢၼ်ပဵၼ်ၶုၼ်ႁေႃၶမ်းၵူၼ်းမဵဝ်းဢႃႇမေႃးရိ၊ဢၼ်ယူႇၽၢႆႇဝၼ်းတူၵ်းၼမ်ႉယေႃးတၢၼ်ႇ၊ဢိၵ်ႇတင်းၵႃႈဢၼ်ပဵၼ်ၶုၼ်ႁေႃၶမ်းၵူၼ်းမဵဝ်းၶႃႇၼၼိ၊ၸွမ်းသၢပ်ႇပၢင်ႇလၢႆႇမေႇတိထေးရီးယၼ်း၊ၸိူဝ်းၼၼ်ႉတင်းသဵင်ႈတင်းလူင်ႁုငိၼ်းလွင်ႈဢၼ်ထႃႇဝရႃႉၽြႃး၊ႁႂ်ႈၼမ်ႉယေႃးတၢၼ်ႇ၊ယူတ်းႁႅင်ႈၵႂႃႇတေႃႇထိုင်ႁွတ်ႈၵူၼ်းမဵဝ်းဢိသရေး၊တင်းလၢႆထၢၼ်ႈပေႃးၶၢမ်ႈပူၼ်ႉမႃးၼၼ်ႉၸိုင်၊ၶဝ်ဢွၼ်ၵၼ်ၵူဝ်ႁႄၼႃႇလူင်လၢင်ၵႂႃႇလႄႈတၢင်းဢၼ်ၵတ်ႉၶၼ်ႁတ်းႁၢၼ်ၶဝ်သုမ်းႁၢႆၵႂႃႇၵွပ်ႈပိူဝ်ႈၵူၼ်းမဵဝ်းဢိသရေး၊ၶဝ်ၼၼ်ႉဢေႃႈ။
တၢင်းဢၼ်ႁဵတ်းမၢင်ႇၵလႃႇပၢတ်ႇပၢႆၼင်
2မိူဝ်ႈၼၼ်ႉ၊ထႃႇဝရႃႉၽြႃး၊မီးဢမိင်ႉတီႈယေႃးသု၊လႄႈဝႃႈ၊ “ဢဝ်မၢၵ်ႇႁိၼ်ပၢႆႇႁဵတ်းမိတ်ႈသေလႄႈႁဵတ်းမၢင်ႇၵလႃႇပၢတ်ႇပၢႆၼင်တီႈၵူၼ်းမဵဝ်းဢိသရေး၊တင်းလၢႆထႅင်ႈပွၵ်ႈၼိုင်ႈတႃႉ၊” ဝႃႈၼင်ႇၼႆဢေႃႈ။- 3ပိူဝ်ႈၼႆလႄႈယေႃးသု၊ႁဵတ်းၸွမ်းၵႃႈၼင်ႇဢၼ်ထႃႇဝရႃႉၽြႃး၊မီးဢမိင်ႉၼၼ်ႉလႄႈႁဵတ်းမၢင်ႇၵလႃႇပၢတ်ႇပၢႆၼင်တီႈၵူၼ်းမဵဝ်းဢိသရေး၊တင်းလၢႆၵႃႈတီႈလွႆၵိပတ်ႉႁႃႇရလွတ်ႉ၊#5:3 “လွႆၵိပတ်ႉႁႃႇရလွတ်ႉ” - ၵႂၢမ်းႁေႇပြႄးပွင်ႇဝႃႈ၊ “လွႆပၢတ်ႇပၢႆၼင်” ဢေႃႈ။ ၼၼ်ႉဢေႃႈ။- 4လွင်ႈဢၼ်ယေႃးသု၊လႆႈႁဵတ်းမၢင်ႇၵလႃႇပၢတ်ႇပၢႆၼင်ၸမ်ႉ၊ၵႃႈပဵၼ်ၵူၼ်းၸၢႆးဢၼ်ပဵၼ်ၵူၼ်းသိုၵ်းၸိူဝ်းဢၼ်ဢွၵ်ႇမိူင်းဢေးၵျိပ်ႉ၊မႃးၼၼ်ႉလႆႈတၢႆသဵင်ႈမူတ်းၵႃႈၼႂ်းထိူၼ်ႇၸွမ်းတႃႈၸွမ်းတၢင်းဝၢႆးသေဢၼ်ၶဝ်ဢွၵ်ႇမိူင်းဢေးၵျိပ်ႉ၊မႃးၼၼ်ႉဢေႃႈ။- 5ပိၵ်ႉသမ်ႉၶဝ်ၸိူဝ်းဢၼ်ဢွၵ်ႇမိူင်းဢေးၵျိပ်ႉ၊မႃးၼၼ်ႉလႆႈၶၢမ်ႇမၢင်ႇၵလႃႇပၢတ်ႇပၢႆၼင်ယဝ်ႉသေၵေႃႈ၊ၶဝ်ၸိူဝ်းဢၼ်ၵိူတ်ႇလဵင်ႉၵႃႈၼႂ်းထိူၼ်ႇၸွမ်းတႃႈၸွမ်းတၢင်းတင်းသဵင်ႈတင်းလူင်ၼၼ်ႉၸမ်ႉ၊ဢမ်ႇပႆႇလႆႈၶၢမ်ႇမၢင်ႇၵလႃႇပၢတ်ႇပၢႆၼင်။- 6လွင်ႈမၼ်းၸမ်ႉ၊ၵူၼ်းမဵဝ်းဢိသရေး၊တင်းလၢႆလႆႈပႆၶၢဝ်းတၢင်းၼႂ်းထိူၼ်ႇသီႇသိပ်းပီတဵမ်တဵမ်တေႃႇထိုင်ႁွတ်ႈၵူၼ်းမဵဝ်းၼၼ်ႉတင်းသဵင်ႈတင်းမူတ်းဢၼ်ပဵၼ်ၵူၼ်းသိုၵ်းၸိူဝ်းၼၼ်ႉထၢၼ်ႈပေႃးတၢႆၵွပ်ႈပိူဝ်ႈၶဝ်ဢမ်ႇထွမ်ႇဢမ်ႇဢဝ်ၵႂၢမ်းထႃႇဝရႃႉၽြႃး၊ဢေႃႈ။ ၸွမ်းၼင်ႇဢၼ်ထႃႇဝရႃႉၽြႃး၊တိူင်ႇဝႃႈဝႆႉၵတိယဝ်ႉၼၼ်ႉၶဝ်ဢမ်ႇမီးဢၶႂၢင်ႉဢၼ်လႆႈႁၼ်မိူင်းဢၼ်မၢၵ်ႈမီးလီပဵၼ်လႄႈၽုၼ်ႇလီလိၼ်လီ#5:6 “မိူင်းဢၼ်မၢၵ်ႈမီးလီပဵၼ်လႄႈၽုၼ်ႇလီလိၼ်လီ” ၵႃႈၼႂ်းၵျၢမ်းမူႇၶူႇသျိင်ႇႁွင်ႉဝႃႈ၊ “မိူင်းဢၼ်ၼမ်ႉၼူမ်းတင်းၼမ်ႉၽိုင်ႈလႆ” ၼႃႇလူင်လၢင်ဢၼ်မၼ်းၸဝ်ႈဝႆႉၵတိဝႃႈတၵ်းပၼ်တီႈပူႇမွၼ်ႇၶဝ်ၼၼ်ႉ။- 7လုၵ်ႈလၢင်းၶဝ်ၸိူဝ်းၼႆႉၸမ်ႉ၊ဢမ်ႇပႆႇလႆႈၶၢမ်ႇမၢင်ႇၵလႃႇပၢတ်ႇပၢႆၼင်လႄႈ ယေႃးသု၊ၸင်ႇလႆႈႁဵတ်းမၢင်ႇၵလႃႇပၢတ်ႇပၢႆၼင်ပၼ်ၶဝ်ၵွပ်ႈပိူဝ်ႈဢၼ်ၶဝ်ပဵၼ်လုၵ်ႈလၢၼ်ၸိူဝ်ႉၶိူဝ်းဢၼ်သိုပ်ႇမႃးမႂ်ႇမႂ်ႇၼၼ်ႉဢေႃႈ။
8လိုၼ်းသေဢၼ်ႁဵတ်းမၢင်ႇၵလႃႇပၢတ်ႇပၢႆၼင်ယဝ်ႉတူဝ်ႈယဝ်ႉၼၼ်ႉၸိုင်၊ၵူၼ်းမဵဝ်းၼၼ်ႉတင်းသဵင်ႈတင်းမူတ်းယူႇၵႃႈၼႂ်းပၢင်တပ်ႉယူႇတေႃႇထိုင်ႁွတ်ႈတၢင်းၸဵပ်းၶဝ်ထၢၼ်ႈပေႃးႁၢႆဢေႃႈ။- 9ထႃႇဝရႃႉၽြႃး၊ၵေႃႈလၢတ်ႈတီႈယေႃးသု၊လႄႈဝႃႈ၊ “ဝၼ်းမိူဝ်ႈၼႆႉၵဝ်ၽဵဝ်ႈပႅတ်ႈလွင်ႈတၢင်းဢၼ်လီသႄႉသွမ်းဢၼ်လႆႈၶၢမ်ႇပဵၼ်ၶႃႈၼႂ်းမိူင်းဢေးၵျိပ်ႉ၊ၼၼ်ႉသေၵႃႈတီႈသူယဝ်ႉ၊” ဝႃႈၼင်ႇၼႆဢေႃႈ။ ပိူဝ်ႈၼႆလႄႈၵႃႈတီႈၼၼ်ႈလႆႈၶၢမ်ႇတၢင်းဢၼ်ႁွင်ႉႁဵၵ်ႈၸိုဝ်ႈၵိလႃႉၵႃႇလႃႉ၊#5:9 “ၵိလႃႉၵႃႇလႃႉ” ၵႂၢမ်းႁေႇပြႄးဝႃႈ၊ “ၵႃႇလႃႇလႃႉ” ပွင်ႇဝႃႈ “ၽဵဝ်ႈပႅတ်ႈ” ဢေႃႈ။ ႁၢၼ်ႉတေႃႇမိူဝ်ႈလဵဝ်ဢေႃႈ။
10ယၢမ်းမိူဝ်ႈဢၼ်ၵူၼ်းမဵဝ်းဢိသရေး၊ၶဝ်ၶျႃးပၢင်တပ်ႉယူႇၵႃႈတီႈၵိလႃႉၵႃႇလႃႉ၊ၼၼ်ႉၶဝ်ႁဵတ်းပွႆးပသၶႃႇ၊ၵႃႈၼႂ်းပၢင်ႇပဵင်းႁိမ်းဝဵင်းယေႇရိၶူဝ်း၊ၼႂ်းလိူၼ်ၼၼ်ႉလႆႈသိပ်းသီႇဝၼ်းၼၼ်ႉဢေႃႈ။- 11ပွႆးပသၶႃႇ၊ဝၢႆးယဝ်ႉလႄႈဝၼ်းမိူဝ်ႈၽုၵ်ႈၼၼ်ႉၶဝ်လႆႈၵိၼ်ၶဝ်ႈမုၼ်းဢၼ်ဢမ်ႇသႂ်ႇၸိူဝ်ႉပႅင်ႈတင်းၶဝ်ႈတႅၵ်ႇဢၼ်ဢဝ်ၶဝ်ႈမိူင်းၼၼ်ႉႁဵတ်းၼၼ်ႉပဵၼ်ပွၵ်ႈဢွၼ်တၢင်းပိူၼ်ႈဢေႃႈ။- 12ၼႂ်းဝၼ်းၼၼ်ႉၶဝ်ႈမုၼ်းမၼ်ႇၼႃႉထၢတ်ႇၵိုတ်းၵႂႃႇသေလႄႈၵမ်းလိုၼ်းၵူၼ်းမဵဝ်းဢိသရေး၊ၶဝ်ဢမ်ႇလႆႈမၼ်ႇၼႃႉၼၼ်ႉထႅင်ႈသေပွၵ်ႈယဝ်ႉ။ တႄႇၸႃႉဢဝ်မိူဝ်ႈၼၼ်ႉၵႂႃႇၶဝ်ၵိၼ်မၢၵ်ႇၶဝ်ႈႁူင်းၼမ်ႉဢၼ်ဢွၵ်ႇၵႃႈတီႈမိူင်းၶႃႇၼၼ်ႇ၊ၼၼ်ႉဢေႃႈ။
ယေႃးသုတင်းၵူၼ်းဢၼ်ယိပ်းလၢပ်ႇ
13ယၢမ်းမိူဝ်ႈဢၼ်ယေႃးသု၊ယင်းတိုၵ်ႉမီးယူႇႁိမ်းဝဵင်းယေႇရိၶူဝ်း၊ၼၼ်ႉၸိုင်၊မၼ်းမုင်ႈတူၺ်းလႄႈလႆႈႁၼ်ၵူၼ်းၵေႃႉၼိုင်ႈယိပ်းၵမ်လၢပ်ႇယူႇသေလႄႈၸုၵ်းၶႂၢင်တၢင်းမၼ်းယူႇၼၼ်ႉဢေႃႈ။ ယေႃးသု၊ၵေႃႈၵႂႃႇၸူးတီႈမၼ်းၼၼ်ႉသေလႄႈထၢမ်ဝႃႈ၊ “မႂ်းပဵၼ်ၵူၼ်းၽၢႆႇႁဝ်းႁိုဝ်း၊ဢမ်ႇၼၼ်ပဵၼ်ၵူၼ်းၽၢႆႇရၢၼ်ႇသူႇႁဝ်းႁိုဝ်း၊” ဝႃႈၼင်ႇၼႆဢေႃႈ။
14ၵေႃႉၼၼ်ႉၶိုၼ်းလၢတ်ႈလႄႈဝႃႈ၊ “ဢမ်ႇၸႂ်ႈၸိူဝ်ႉၼင်ႇၼၼ်။ ၵဝ်ပဵၼ်ၸဝ်ႈၵွၼ်းတပ်ႉသိုၵ်းလူင်ဢၼ်ဢုပ်ႉပိူင်ႇတပ်ႉသိုၵ်းထႃႇဝရႃႉၽြႃး၊လႄႈမႃးၸူးတီႈၼႆႈဢေႃႈ၊” ဝႃႈၼင်ႇၼႆဢေႃႈ။
ယေႃးသု၊ၵေႃႈမူပ်ႇယူႇၵႃႈၼိူဝ်လိၼ်သေလႄႈၵူဝ်းၵႂၢႆႇယူႇသေယဝ်ႉ၊လဝ်ႈထၢမ်လႄႈဝႃႈ၊ “ၸဝ်ႈႁဝ်းတၵ်းမီးဢမိင်ႉတီႈၶႃႈၸဝ်ႈၼႆႉၸိူဝ်ႉၼင်ႇႁိုဝ်ၶႃႈ၊” မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်။
15ၸဝ်ႈၵွၼ်းတပ်ႉသိုၵ်းလူင်ထႃႇဝရႃႉၽြႃး၊ၼၼ်ႉၵေႃႈလၢတ်ႈလႄႈဝႃႈ၊ “ထွတ်ႇၶႅပ်းတိၼ်မႂ်းတႃႉ။ တီႈဢၼ်မႂ်းယဵပ်ႇယူႇၼၼ်ႉပဵၼ်တီႈဢၼ်မူတ်းၸၢင်ႇဢေႃႈ၊” ဝႃႈၼင်ႇၼႆလႄႈ၊ယေႃးသု၊ႁဵတ်းၸွမ်းၵႂၢမ်းမၼ်းၼၼ်ႉဢေႃႈ။
Currently Selected:
ယေႃးသု 5: SHNCL
Highlight
Copy
Compare
Share
Want to have your highlights saved across all your devices? Sign up or sign in
