ဢွၵ်ႇၵႂႃႇ 37

တၢင်းဢၼ်ႁဵတ်းတိူၵ်ႈပတိၺိၺ်ႇၸဝ်ႈ

(တူၺ်း၊ ဢွၵ်ႇၵႂႃႇ 25:10-22)

1 ပေႇၸလေႇလႃႉ၊ဢဝ်မႆႉပဝ်းႁဵတ်းတိူၵ်ႈပတိၺိၺ်ႇၸဝ်ႈဢၼ်ၼႃႈယၢဝ်းမၼ်းမီးသွင်သွၵ်ႇၶိုပ်ႈ၊ၼႃႈၵႂၢင်ႈမၼ်းသွၵ်ႇၶိုပ်ႈ၊တၢင်းသုင်မၼ်းသွၵ်ႇၶိုပ်ႈဢေႃႈ။- 2မၼ်းဢဝ်ၶမ်းလွတ်ႈငၢၼ်ႇဢုမ်ႇႁေႃႇတၢင်းၼွၵ်ႈတၢင်းၼႂ်းသေလႄႈ၊ဢဝ်ၶမ်းႁေႃႇလဵပ်ႈႁွပ်ႈၶွပ်ႇမၼ်းဝႆႉဢေႃႈ။- 3မၼ်းလေႃႇႁဵတ်းမွင်ႈၶမ်းသီႇမွင်ႈပုၼ်ႈတိူၵ်ႈၼၼ်ႉလႄႈတွၵ်ႇၸပ်းဝႆႉၵႃႈတီႈတိၼ်တိူၵ်ႈၼၼ်ႉတင်းသီႇၸဵင်ႇ၊ယေႈၸဵင်ႇယေႈမွင်ႈဢေႃႈ။- 4မၼ်းဢဝ်မႆႉပဝ်းထၢၵ်ႇႁဵတ်းၵၢၼ်းႁၢမ်သွင်လႅမ်ႈလႄႈဢဝ်ၶမ်းဢုမ်ႇႁေႃႇဝႆႉသေယဝ်ႉ၊- 5သွတ်ႇသႂ်ႇဝႆႉၵႃႈၼႂ်းမွင်ႈၶမ်းၸိူဝ်းၼၼ်ႉယေႈၼႃႈယေႈလႅမ်ႈပုၼ်ႈတၵ်းႁၢမ်တိူၵ်ႈၼၼ်ႉဢေႃႈ။- 6မၼ်းသမ်ႉဢဝ်ၶမ်းလွတ်ႈငၢၼ်ႇႁဵတ်းပလၢင်ႇပုၼ်ႈဢၼ်တၵ်းၽေႇဢပျတ်ႈဢၼ်ၼိုင်ႈဢၼ်ၼႃႈယၢဝ်းမၼ်းမီးသွင်သွၵ်ႇၶိုပ်ႈ၊ၼႃႈၵႂၢင်ႈသွၵ်ႇၶိုပ်ႈဢေႃႈ။- 7မၼ်းသမ်ႉဢဝ်ၶမ်းသေလႄႈတွင်ႈႁဵတ်းႁၢင်ႈၶေႇရုၽဵမ်ႇ#37:7 “ၶေႇရုၽဵမ်ႇ” - ပဵၼ်ႁၢင်ႈတူဝ်သတ်ႉတဝႃႇဢၼ်ၵီႈပိၵ်ႇဝႆႉလႄႈပဵၼ်လၢၵ်ႈၶၼႃႇတၢင်းဢၼ်ထႃႇဝရႃႉၽြႃးတႄႇယူႇမီးယူႇၼၼ်ႉဢေႃႈသွင်ပႃး၊- 8ႁႂ်ႈၸပ်းယူႇၽၢႆႇၼႃႈၵႂၢင်ႈပလၢင်ႇပုၼ်ႈတၵ်းၽေႇဢပျတ်ႈၼၼ်ႉယေႈၽၢႆႇယေႈပႃးဢေႃႈ။ မၼ်းႁဵတ်းၶေႇရုၽဵမ်ႇၸိူဝ်းၼၼ်ႉႁႂ်ႈပဵၼ်ၼိူဝ်ႉလဵဝ်ၵၼ်တင်းၽႃႁူမ်ႇၼၼ်ႉဢေႃႈ။- 9ၶေႇရုၽဵမ်ႇသွင်ပႃးၼၼ်ႉဝၢႆႇၼႃႈတေႃႇၵၼ်ယူႇသေယဝ်ႉ၊ဢဝ်ပိၵ်ႇၶဝ်ၵီႈသေလႄႈမုင်းႁူမ်ႇၵႃႈၼိူဝ်ပလၢင်ႇပုၼ်ႈဢၼ်ၽေႇဢပျတ်ႈၼၼ်ႉဢေႃႈ။

တၢင်းဢၼ်ႁဵတ်းၽိူၼ်ၸဝ်ႈပုၼ်ႈတႃႇသၢၵ်ႈလူႇၶဝ်ႈမုၼ်း

(တူၺ်း၊ ဢွၵ်ႇၵႂႃႇ 25:23-30)

10ၵမ်းၼၼ်ႉ မၼ်းဢဝ်မႆႉပဝ်းႁဵတ်းၽိူၼ်ဢၼ်ၼႃႈယၢဝ်းမၼ်းမီးသွင်သွၵ်ႇ၊ၼႃႈၵႂၢင်ႈမၼ်းသွၵ်ႇၼိုင်ႈ၊တၢင်းသုင်မၼ်းမီးသွၵ်ႇၶိုပ်ႈဢေႃႈ။- 11မၼ်းဢဝ်ၶမ်းလွတ်ႈငၢၼ်ႇဢုမ်ႇႁေႃသေလႄႈ၊ဢဝ်ၶမ်းဢုမ်ႇႁေႃႇၸွမ်းၶွပ်ႇမၼ်းႁွပ်ႈႁွပ်ႈဢေႃႈ။- 12မၼ်းႁဵတ်းၶႃႇပၢၼ်းမၼ်းၵႂၢင်ႈမွၵ်ႈၽႃႇမိုဝ်းၼိုင်ႈသေလႄႈဢဝ်ၶမ်းႁေႃႇၶွပ်ႇမၼ်းဝႆႉႁွပ်ႈႁွပ်ႈဢေႃႈ။- 13မၼ်းလေႃႇႁဵတ်းမွင်ႈၶမ်းသီႇမွင်ႈသေလႄႈတွၵ်ႇၸပ်းဝႆႉ၊ၵႃႈတီႈတၢင်းၼိူဝ်ၶႃမၼ်းတင်းသီႇၸဵင်ႇဢေႃႈ။- 14မွင်ႈတီႈဢၼ်သွတ်ႇၵၢၼ်းၸိူဝ်းၼၼ်ႉမီးၵႃႈႁိမ်းၶွပ်ႇမၼ်းပုၼ်ႈဢၼ်တၵ်းႁၢမ်ၽိူၼ်ၸဝ်ႈၼၼ်ႉဢေႃႈ။- 15ၵၢၼ်းႁၢမ်ၼၼ်ႉမၼ်းဢဝ်မႆႉပဝ်းထၢၵ်ႇႁဵတ်းလႄႈသမ်ႉဢဝ်ၶမ်းဢုမ်ႇႁေႃႇဝႆႉဢေႃႈ။- 16ၶိူင်ႈၸႂ်ႉၶိူင်ႈတိုဝ်းပုၼ်ႈၽိူၼ်ၸဝ်ႈၼၼ်ႉၵေႃႈမၼ်းဢဝ်ၶမ်းလွတ်ႈငၢၼ်ႇႁဵတ်းဝၢၼ်ႇၽႄလႂ်၊ၵွၵ်းလႂ်၊ၸေႃႉလႂ်၊ဢၢင်ႇလႂ်ၸိူဝ်းၼၼ်ႉပုၼ်ႈဢၼ်တၵ်းထွၵ်ႇတၵ်းႁိုဝ်ႈဢေႃႈ။

တၢင်းဢၼ်ႁဵတ်းၶဵင်ႇတီႈတၢႆၽႆး

(တူၺ်း၊ ဢွၵ်ႇၵႂႃႇ 25:31-40)

17မၼ်းဢဝ်တင်းၶမ်းလွတ်ႈငၢၼ်ႇသေလႄႈသမ်ႉႁဵတ်းၶဵင်ႇတီႈတႆႈၽႆးဢေႃႈ။ မၼ်းဢဝ်ၶမ်းတွင်ႈႁဵတ်းၸႃႉၸဵမ်တိၼ်မၼ်းတင်းသဝ်မၼ်းဢေႃႈ။ ၵွၵ်းမၼ်း၊တုမ်ႇမၼ်းတင်းမွၵ်ႇမူဝ်မၼ်းတင်းလၢႆႁႂ်ႈဢွၵ်ႇပဵၼ်ၼိူဝ်ႉလဵဝ်ၵၼ်တင်းမၼ်းဢေႃႈ။- 18ၵိင်ႇႁူၵ်းၵိင်ႇတႅၵ်ႇဢွၵ်ႇၵႃႈတီႈသွင်ၽၢၵ်ႇၶၢင်ႈမၼ်းယေႈၽၢႆႇသၢမ်ၵိင်ႇသၢမ်ၵိင်ႇဢေႃႈ။- 19ၼႂ်းၵိင်ႇႁူၵ်းၵိင်ႇၼၼ်ႉယေႈၵိင်ႇမီးၵွၵ်းသၢမ်လုၵ်ႈႁၢင်ႈၶိူင်ႈဝႆႉမိူၼ်ၸိူဝ်ႉၼင်ႇလူင်ႇမွၵ်ႇမၢၵ်ႇမူၼ်ႇဢၼ်ပႃးတင်းတုမ်ႇမၼ်းတင်းမွၵ်ႇမူဝ်မၼ်းႁင်းၽႂ်ႁင်းမၼ်းဢေႃႈ။- 20ၵႃႈတီႈသဝ်ၶဵင်ႇတီႈတႆႈၽႆးၼၼ်ႉၵေႃႈမီးၵွၵ်းသီႇလုၵ်ႈႁၢင်ႈၶိူင်ႈဝႆႉမိူၼ်ၸိူဝ်ႉၼင်ႇလူင်ႇမွၵ်ႇမၢၵ်ႇမူၼ်ႇဢၼ်ပႃးတင်းတုမ်ႇမၼ်းတင်းမွၵ်ႇမူဝ်မၼ်းႁင်းၽႂ်ႁင်းမၼ်းဢေႃႈ။- 21ၵႃႈတီႈၵိင်ႇမၼ်းသၢမ်ၵူႈၼၼ်ႉၵႃႈတီႈငၢမ်ႈၵိင်ႇၼိုင်ႈၵူႈမီးတုမ်ႇမၼ်းယေႈဢၼ်ၵႃႈတီႈသၢမ်ၵူႈၼၼ်ႉဢေႃႈ။- 22ၸႃႉၸဵမ်တုမ်ႇမၼ်းလႄႈၵိင်ႇမၼ်းတင်းၶဵင်ႇတီႈတႆႈၽႆးၼၼ်ႉတင်းသဵင်ႈတင်းမူတ်းဢဝ်ၶမ်းလွတ်ႈငၢၼ်ႇတွင်ႈႁဵတ်းပဵၼ်ၼိူဝ်ႉလဵဝ်ၵၼ်ဝႆႉဢေႃႈ။- 23ဝၢၼ်ႇၽႆးၸဵတ်းလုၵ်ႈပုၼ်ႈၶဵင်ႇတီႈတႆႈၽႆးဢိၵ်ႇတင်းၵိမ်းၺၢပ်ႈၽႆးမၼ်းတင်းၵွၵ်းၶၢမ်ႇတဝ်ႈမၼ်းတင်းသဵင်ႈတင်းမူတ်းၼၼ်ႉမၼ်းဢဝ်ၶမ်းလွတ်ႈငၢၼ်ႇႁဵတ်းဢေႃႈ။- 24ၸႃႉၸဵမ်ၶဵင်ႇတီႈတႆႈၽႆးလႄႈၶိူင်ႈမၼ်းတင်းသဵင်ႈတင်းမူတ်းသဵင်ႈၵႂႃႇၶမ်းလွတ်ႈငၢၼ်ႇသၢဝ်းၸွႆႉဢေႃႈ။

ႁဵတ်းၶဵင်ႇတၢင်းလူႇပုၼ်ႈတၵ်းတုတ်ႇၽႆးၼၢမ်ႇသႃႇ

(တူၺ်း၊ ဢွၵ်ႇၵႂႃႇ 30:1-5)

25မၼ်းဢဝ်မႆႉပဝ်းႁဵတ်းၶဵင်ႇတၢင်းလူႇဢၼ်ၼိုင်ႈပုၼ်ႈတၵ်းတုတ်ႇၽႆးၼၢမ်ႇသႃႇဢေႃႈ။ ၶဵင်ႇတၢင်းလူႇၼၼ်ႉၼႃႈယၢဝ်း၊ၼႃႈၵႂၢင်ႈမီးယေႈသွၵ်ႇမိူၼ်ၵၼ်လႄႈပဵၼ်သီႇၸဵင်ႇဝႆႉသေယဝ်ႉ၊တၢင်းသုင်မၼ်းမီးသွင်သွၵ်ႇဢေႃႈ။ ၶဝ်လႅမ်မၼ်းတင်းလၢႆဢၼ်မီးၵႃႈတီႈသီႇၸဵင်ႇမၼ်းၼၼ်ႉၵေႃႈပဵၼ်ၼိူဝ်ႉလဵဝ်ၵၼ်တင်းမၼ်းဢေႃႈ။- 26မၼ်းဢဝ်ၶမ်းလွတ်ႈငၢၼ်ႇႁေႃႇဢုမ်ႇၵႃႈတီႈပွတ်းတၢင်းၼိူဝ်မၼ်းဢိၵ်ႇတင်းၼႃႈၽႃမၼ်းတင်းသီႇၼႃႈဢိၵ်ႇတင်းၶဝ်လႅမ်မၼ်းၸိူဝ်းၼၼ်ႉလႄႈ၊ႁဵတ်းၶႅပ်းၶမ်းတဵၵ်းသႂ်ႇလဵပ်ႈႁွပ်ႈၶွပ်ႇၵႃႈတီႈပွတ်းတၢင်းၼိူဝ်မၼ်းဢေႃႈ။- 27မၼ်းႁဵတ်းမွင်ႈၶမ်းသွင်မွင်ႈတၢပ်ႈသႂ်ႇၶွပ်ႇမၼ်းသွင်ၽၢႆႇၵႃႈတႂ်ႈၶႅပ်းၶမ်းဢၼ်တဵၵ်းသႂ်ႇၼၼ်ႉယေႈၼႃႈသွင်မွင်ႈပုၼ်ႈတႃႇသွတ်ႇၵၢၼ်းဢၼ်တေႁၢမ်ၶဵင်ႇတၢင်းလူႇၼၼ်ႉဢေႃႈ။- 28မၼ်းဢဝ်မႆႉပဝ်းထၢၵ်ႇႁဵတ်းၵၢၼ်းႁၢမ်မၼ်းလႄႈဢဝ်ၶမ်းဢုမ်ႇႁေႃႇဝႆႉဢေႃႈ။

တၢင်းဢၼ်ၽေႃႇႁဵတ်းၼမ်ႉမၼ်းဢၼ်သွၼ်းလေႃႇ

(တူၺ်း၊ ဢွၵ်ႇၵႂႃႇ 30:22-38)

29မၼ်းသမ်ႉၽေႃႇႁဵတ်းၼမ်ႉမၼ်းဢၼ်မူတ်းၸၢင်ႇပုၼ်ႈတႃႇတေသွၼ်းလေႃႇဢိၵ်ႇတင်းၼၢမ်ႇသႃႇဢၼ်ႁွမ်ဢၼ်ႁူၺ်းပုၼ်ႈဢၼ်တၵ်းတုတ်ႇၽႆးၼၼ်ႉ၊ၽေႃႇႁဵတ်းၸွမ်းၼင်ႇပိင်ႇၺႃႇမေႃယႃၶဝ်ၼၼ်ႉဢေႃႈ။

Currently Selected:

ဢွၵ်ႇၵႂႃႇ 37: SHNCL

Highlight

Copy