ႁေႃးတြႃး 34
34
လွင်ႈတၢင်းတၢႆမူဝ်းသေႇ
1 မူဝ်းသေႇ၊လုၵ်ႉသေၵႃႈတီႈပၢင်ႇပဵင်းမေႃႇၽႃႉ၊ၵႂႃႇၵႃႈၼိူဝ်လွႆၼေႇပေႃႇ၊လႄႈၶိုၼ်းၸူးၵႃႈတီႈၸိၵ်းလွႆပိသၵႃႇ၊ၽၢႆႇဝၼ်းဢွၵ်ႇဝဵင်းယေႇရိၶူဝ်း၊သေယဝ်ႉ၊ထႃႇဝရႃႉၽြႃး၊ၼႄပျႃးမိူင်းတင်းမိူင်း၊တႄႇဢဝ်မိူင်းၵိလတ်ႉ၊တေႃႇထိုင်ႁွတ်ႈဝဵင်းတၢၼ်ႇ၊- 2မိူင်းၼပ်ႉထလိ၊တင်းမိူင်း၊မိူင်းဢေႇၽရိမ်ႇ၊မိူင်းမၼႃႇသေႇ၊မိူင်းယုတႃႉ၊တင်းသဵင်ႈတင်းလူင်တေႃႇထိုင်ႁွတ်ႈပၢင်ႇလၢႆႇမေႇတိထေးရီးယၼ်း၊- 3မိူင်းယုတႃႉ၊ပွတ်းၸၢၼ်းဢိၵ်ႇတင်းပၢင်ႇပဵင်းၵႄႈလွႆဝဵင်းယေႇရိၶူဝ်း၊ဢၼ်ဝႃႈ၊ဝဵင်းတူၼ်ႈထၢၼ်၊တေႃႇထိုင်ႁွတ်ႈဝဵင်းၸေႃႇရႃႉ၊ၸိူဝ်းၼၼ်ႉတီႈမၼ်းဢေႃႈ။- 4ထႃႇဝရႃႉၽြႃး၊ၵေႃႈမီးဢမိင်ႉတီႈမူဝ်းသေႇ၊လႄႈဝႃႈ၊ “မိူင်းၼႆႉပဵၼ်မိူင်းဢၼ်ၵဝ်တိူင်ႇဝႃႈၵတိဝႆႉတီႈဢႃႇပြႃႇႁၢမ်ႇ၊ဢိၵ်ႇတင်းဢိၸၢၵ်ႈ၊ဢိၵ်ႇတင်းယႃႇၵုပ်ႈ၊လႄႈဝႃႈ၊ ‘ၵဝ်တၵ်းပၼ်တီႈၸိူဝ်ႉၶိူဝ်းသူဢေႃႈ၊’ ဝႃႈၼႆၼၼ်ႉယဝ်ႉ။ ၵဝ်ပၼ်ဢၶႂၢင်ႉဢၼ်မႂ်းလႆႈမုင်ႈႁၼ်ယဝ်ႉ။ ၵူၺ်းၵႃႈ၊ၵဝ်ဢမ်ႇပၼ်ဢၶႂၢင်ႉႁႂ်ႈမႂ်းလႆႈၶဝ်ႈၵႂႃႇၵႃႈတီႈၼၼ်ႈ၊” ဝႃႈၼင်ႇၼႆဢေႃႈ။
5ၼင်ႇၼၼ်လႄႈမူဝ်းသေႇ၊ၵေႃႉဢၼ်ပဵၼ်ၶႃႈထႃႇဝရႃႉၽြႃး၊ၼၼ်ႉလႆႈသဵင်ႈၵၢမ်ႇၵႂႃႇၵႃႈတီႈၼၼ်ႈၵႃႈၼႂ်းမိူင်းမေႃႇၽႃႉ၊ၸွမ်းၵႃႈၼင်ႇဢၼ်ထႃႇဝရႃႉၽြႃး၊မီးဢမိင်ႉဝႆႉၼၼ်ႉဢေႃႈ။- 6ထႃႇဝရႃႉၽြႃး၊ဢဝ်မၼ်းသၢင်းၵျူဝ်ႇၵႃႈၼႂ်းပၢင်ႇႁူၺ်ႈတီႈၼိုင်ႈၵႃႈၼႂ်းမိူင်းမေႃႇၽႃႉ၊တီႈဢၼ်တေႃႇၼႃႈၵၼ်တင်းဝဵင်းပႅတ်ႉပေႇဢုရႃႉ၊ၼၼ်ႉဢေႃႈ။ ၼႂ်းဝႃႈၼၼ်သေၵေႃႈၵေႃႉဢၼ်ႁုႁၼ်ပႃႇႁဵဝ်ႈသၢင်းၶႅင်းမၼ်းၼၼ်ႉဢမ်ႇမီးသေၵေႃႉသေၵူၼ်းႁၢၼ်ႉတေႃႇႁွတ်ႈဝၼ်းမိူဝ်ႈၼႆႉဢေႃႈ။ 7မိူဝ်ႈဢၼ်မူဝ်းသေႇ၊ႁွတ်ႈၼိၵ်ႈၸႃႉၼၼ်ႉၸိုင်၊ဢသၢၵ်ႈမၼ်းလႆႈပၢၵ်ႇပၢႆသၢဝ်းပီဢေႃႈ။ မၼ်းယင်းတိုၵ်ႉမီးႁႅင်းယူႇမိူၼ်ပၵ်းၵဝ်ႇပိူင်ၵဝ်ႇလႄႈတႃမၼ်းၵေႃႈဢမ်ႇပႆႇမူဝ်းဢေႃႈ။ 8ၵူၼ်းမဵဝ်းဢိသရေး၊ၶဝ်ဢွၼ်ၵၼ်ႁဵတ်းတၢင်းဢၼ်ထိုင်ၸႂ်ႁွင်ႉႁႆႈပုၼ်ႈမူဝ်းသေႇ၊သၢမ်သိပ်းဝၼ်းတဵမ်တဵမ်ၵႃႈၼႂ်းပၢင်ႇပဵင်းမိူင်းမေႃႇၽႃႉ၊ဢေႃႈ။ #34:8 ၼႂ်းၵျၢမ်းမူႇႁေႇပြႄးပႃးၶေႃႈၵႂၢမ်းဝႃႈ၊ “ၼင်ႇၼၼ်လႄႈၶိင်ႇမိုဝ်ႉဝၼ်းဢၼ်ထိုင်ၸႂ်ႁွင်ႉႁႆႈလႄႈ ၶၢင်းၶီၶၢင်းၽၢၼ်ပုၼ်ႈမူဝ်းသေႇၼၼ်ႉယဝ်ႉတူဝ်ႈဢေႃႈ၊” ဝႃႈၼႆထႅင်ႈဢေႃႈ။
9 ယေႃးသု၊လုၵ်ႈၸၢႆးၼုၼ်ႇ၊ၼၼ်ႉပျေႉၸုမ်ႇဝႆႉတင်းၺၢၼ်ႇပိင်ႇၺႃႇၵွပ်ႈပိူဝ်ႈဢၼ်မူဝ်းသေႇ၊ဢဝ်မိုဝ်းတၢင်ႇၵႃႈၼိူဝ်မၼ်းႁႂ်ႈလႆႈပုတ်ႈဢဝ်ဢရႃႇမၼ်းဢေႃႈ။ ၵူၼ်းမဵဝ်းဢိသရေး၊တင်းလၢႆၵေႃႈဢွၼ်ၵၼ်ထွမ်ႇဢဝ်ၵႂၢမ်းယေႃးသု၊သေလႄႈပႂ်ႉၵမ်ပႂ်ႉၸွမ်းပိင်းၺၢပ်ႈတြႃးၵႃႈဢၼ်ထႃႇဝရႃႉၽြႃး၊သင်ႇလၢတ်ႈဝႆႉတီႈမူဝ်းသေႇ၊ၼၼ်ႉဢေႃႈ။
10လိုၼ်းၼၼ်ႉပရေႃးၽႅတ်ႈ#34:10 “ပရေႃးၽႅတ်ႈ” - ပဵၼ်ၽူႈႁေႃးလၢတ်ႈၵႂၢမ်းၽြႃးပဵၼ်ၸဝ်ႈလွင်ႈတၢင်းဢၼ်တၵ်းပဵၼ်မႃးတေႃႈလဵဝ်လႄႈဝၼ်းမိူဝ်းၼႃႈဢၼ်မိူၼ်ၵၼ်တင်းမူဝ်းသေႇ၊ဢၼ်ထႃႇဝရႃႉၽြႃး၊လၢတ်ႈတေႃႇမၼ်းၼႃႈတေႃႇၼႃႈၼၼ်ႉဢမ်ႇမီးထႅင်ႈသေၵေႃႉသေၵူၼ်း။- 11ပရေႃးၽႅတ်ႈဢၼ်ႁဵတ်းၼႄၼိမိၵ်ႈလၢၵ်ႈၶၼႃႇလႂ်၊ဢိၵ်ႇတင်းလွင်ႈတၢင်းဢၼ်လီဢၢမ်းၵႃႈဢၼ်ထႃႇဝရႃႉၽြႃး၊ပွႆႇၸႂ်ႉမၼ်းၵႂႃႇႁဵတ်းၵႃႈၼႂ်းမိူင်းဢေးၵျိပ်ႉ၊ၵႃႈတီႈၶုၼ်ႁေႃၶမ်းၶဝ်၊မူးမၢတ်ႈၽွင်းမိူင်းၶဝ်တင်းမိူင်းၶဝ်တင်းသဵင်ႈတင်းလူင်ၼၼ်ႉဢမ်ႇမီးထႅင်ႈသေၵေႃႉသေၵူၼ်း။- 12ပရေႃးၽႅတ်ႈဢၼ်တၢတ်ႈၼိူင်ႇႁဵတ်းလွင်ႈတၢင်းဢၼ်ယႂ်ႇၼႃႇ၊ဢၼ်လီၵူဝ်လီႁႄၼႃႇမဵဝ်းဢၼ်မူဝ်းသေႇ၊ႁဵတ်းၼႄသိုဝ်ႈၼႃႈတႂ်ႈတႃၵူၼ်းမဵဝ်းဢိသရေး၊တင်းလၢႆလႆႈၼၼ်ႉၵေႃႈဢမ်ႇမီးထႅင်ႈသေၵေႃႉသေၵူၼ်း။
ၵျၢမ်းဢၼ်ႁေႃးတြႃးယဝ်ႉယဝ်ႉဢေႃႈ။
Currently Selected:
ႁေႃးတြႃး 34: SHNCL
Highlight
Copy
Compare
Share
Want to have your highlights saved across all your devices? Sign up or sign in
