1 သမူၺ်ႇ 4
4
တိူၵ်ႈပတိၺိၺ်ႇၸဝ်ႈလႆႈၶၢမ်ႇပိူၼ်ႈသိမ်းဢဝ်
1ၼႂ်းၶိင်ႇယၢမ်းၼၼ်ႉၵူၼ်းမဵဝ်းၽိလိတ်ႉတိ၊တင်းလၢႆၸုတုမ်ၵၼ်မႃးႁဵတ်းသိုၵ်းတိုၵ်းတေႃးမဵဝ်းဢိသရေး၊ဢေႃႈ။ ပိူဝ်ႈၼႆလႄႈ#4:1 “ၼႂ်းၶိင်ႇယၢမ်းၼၼ်ႉ ၵူၼ်းမဵဝ်းၽိလိတ်ႉတိ … ပိူဝ်ႈၼႆလႄႈ၊” ၵႂၢမ်းၶေႃႈၼႆႉၼႂ်းၵျၢမ်းမူႇႁေႇပြႄးဢမ်ႇမီးၵူၼ်းမဵဝ်းဢိသရေး၊တင်းလၢႆဢွၼ်ၵၼ်ၶီႇသိုၵ်းၵႂႃႇႁႂ်ႈလႆႈတိုၵ်းၶဝ်ဢေႃႈ။ ၵူၼ်းမဵဝ်းဢိသရေး၊ၶဝ်ၶျႃးပၢင်တပ်ႉၵႃႈတီႈဝဵင်းဢေႇပၼေႇၸႃႇ၊လႄႈၵူၼ်းမဵဝ်းၽိလိတ်ႉတိ၊ၶဝ်သမ်ႉၶျႃးပၢင်တပ်ႉၵႃႈတီႈဝဵင်းဢႃႇၽႅၵ်ႉ၊ဢေႃႈ။- 2ၵူၼ်းမဵဝ်းၽိလိတ်ႉတိ၊ၸိူဝ်းၼၼ်ႉႁႄႉတပ်ႉသေယဝ်ႉ၊တိုၵ်းတေႃးလႄႈ၊လိုၼ်းသေဢၼ်တိုၵ်းတေႃးၵၼ်ႁႅင်းၼႃႇယဝ်ႉၼၼ်ႉၸိုင်၊ၵူၼ်းမဵဝ်းဢိသရေး၊လႆႈသုမ်းသိုၵ်းဢေႃႈ။ ၵႃႈၼႂ်းပၢင်သိုၵ်းလူင်ၼၼ်ႉႁူဝ်ႁၢၼ်ၵူၼ်းသိုၵ်းမဵဝ်းဢိသရေး၊ၼၼ်ႉတၢႆသီႇႁဵင်ဢေႃႈ။- 3မိူဝ်ႈဢၼ်ၶဝ်ၸိူဝ်းဢၼ်လွတ်ႈတၢႆမႃးၼၼ်ႉႁွတ်ႈထိုင်ၵႃႈတီႈပၢင်တပ်ႉမႃးၸိုင်၊ၵူၼ်းဢၼ်ပဵၼ်ၵႄႇပဵၼ်ႁူဝ်မဵဝ်းဢိသရေး၊ၶဝ်လၢတ်ႈလႄႈဝႃႈ၊ “ၵွပ်ႈသင်လႄႈထႃႇဝရႃႉၽြႃး၊ႁႂ်ႈႁဝ်းတူၵ်းသုမ်းတႂ်ႈမိုဝ်းၵူၼ်းမဵဝ်းၽိလိတ်ႉတိ၊ၼႂ်းဝၼ်းမိူဝ်ႈၼႆႉ။ ဢွၼ်ၵၼ်ၵႂႃႇဢဝ်တိူၵ်ႈပတိၺိၺ်ႇထႃႇဝရႃႉၽြႃး၊ဢွၵ်ႇသေၵႃႈတီႈဝဵင်းသိလေႃႇ၊မႃးပုၼ်ႈလွင်ႈၼင်ႇႁိုဝ်မၼ်းၸဝ်ႈ#4:3 “မၼ်းၸဝ်ႈ” ဢမ်ႇၼၼ်ၵေႃႈဝႃႈ၊ “ႁႂ်ႈဢၼ်ၼၼ်ႉ” ဢေႃႈတၵ်းၵႂႃႇလူၺ်ႈၵၼ်တင်းႁဝ်းလႄႈၵႄႇသႄႇၶျွတ်ႈဢဝ်ႁဝ်းသေၵႃႈၼႂ်းမိုဝ်းရၢၼ်ႇသူႇႁဝ်းၼၼ်ႉတႃႉႁဝ်း၊” ဝႃႈၼင်ႇၼႆဢေႃႈ။- 4ပိူဝ်ႈၼႆလႄႈၶဝ်ပွႆႇၸႂ်ႉၵူၼ်းၵႂႃႇၸူးတီႈဝဵင်းသိလေႃႇ၊လႄႈဢွၼ်ၵၼ်ဢဝ်တိူၵ်ႈပတိၺိၺ်ႇထႃႇဝရႃႉၽြႃး၊ၸဝ်ႈဢၼၼ်ႇတႃႉတၼ်းၶူဝ်း၊ဢၼ်မီးၵႃႈၼိူဝ်ပလၢင်ႇၶေႇရုၽဵမ်ႇ#4:4 “ၶေႇရုၽဵမ်ႇ” ပဵၼ်ႁၢင်ႈတူဝ်သတ်ႉတဝႃႇဢၼ်ၵီႈပိၵ်ႇဝႆႉလႄႈ၊ပဵၼ်လၢၵ်ႈၶၼႃႇတၢင်းဢၼ်ထႃႇဝရႃႉၽြႃးတႄႇယူႇမီးယူႇၼၼ်ႉဢေႃႈၼၼ်ႉၶိုၼ်းမႃးဢေႃႈ။ ႁေႃႇၽၼိ၊တင်းၽိၼႁတ်ႉ၊လုၵ်ႈၸၢႆးဢေးလိ၊သွင်ၵေႃႉၼၼ်ႉၵေႃႈပႃးလူၺ်ႈၵၼ်တင်းတိူၵ်ႈပတိၺိၺ်ႇၸဝ်ႈမႃးဢေႃႈ။
5မိူဝ်ႈဢၼ်တိူၵ်ႈပတိၺိၺ်ႇၸဝ်ႈၶိုၼ်းႁွတ်ႈမႃးယဝ်ႉၼၼ်ႉၸိုင်၊ၵူၼ်းမဵဝ်းဢိသရေး၊တင်းလၢႆဢွၼ်ၵၼ်ႁုၼ်ႈသဵင်ၸူမ်းသိူဝ်းမူၼ်ႈပျေႃႇတေႃႇထိုင်ႁွတ်ႈလိၼ်မိူင်းထၢၼ်ႈပေႃးသၼ်ႇဝႆဢေႃႈ။- 6ၵူၼ်းမဵဝ်းၽိလိတ်ႉတိ၊ၶဝ် ငိၼ်းသဵင်ဢၼ်ႁုၼ်ႈၼၼ်ႉသေယဝ်ႉ၊ထၢမ်ၵၼ်လႄႈဝႃႈ၊ “သဵင်ဢၼ်ႁုၼ်ႈလႄႈလင်မေႃးၼႃႇလူင်လၢင်ၵႃႈတီႈပၢင်တပ်ႉႁေႇပြႄး၊ၼၼ်ႉပဵၼ်လွင်ႈၸိူဝ်ႉၼင်ႇႁိုဝ်၊” ဝႃႈၼင်ႇၼႆသေလႄႈ၊ႁုလွင်ႈဢၼ်တိူၵ်ႈပတိၺိၺ်ႇထႃႇဝရႃႉၽြႃး၊ႁွတ်ႈထိုင်ၵႃႈၼႂ်းပၢင်တပ်ႉႁေႇပြႄး၊ယဝ်ႉၼၼ်ႉဢေႃႈ။- 7ၵူၼ်းမဵဝ်းၽိလိတ်ႉတိ၊ၸိူဝ်းၼၼ်ႉၵူဝ်ႁႄလႄႈလၢတ်ႈဝႃႈ၊ “ၽြႃးသူႇၼိုင်ႈႁွတ်ႈထိုင်ၵႃႈၼႂ်းပၢင်တပ်ႉၶဝ်ယဝ်ႉလူင်ပႄႇ။ ႁဝ်းၼႆႉထူပ်းၽေးယဝ်ႉ။ ဢမ်ႇတွၼ်ႉပဵၼ်ၸိူဝ်ႉၼင်ႇၼႆသေပွၵ်ႈ။- 8ဢႃႉမၢင်ႇၵလႃႇတူၵ်းႁွတ်ႈၵႃႈၼိူဝ်ႁဝ်းယဝ်ႉလူင်ပႄႇ။ ၽူႈလႂ်တၵ်းၵႄႇသႄႇၶျွတ်ႈဢဝ်ႁဝ်းလွတ်ႈသေၵႃႈၼႂ်းမိုဝ်းၽြႃးၸိူဝ်းဢၼ်တၼ်းၶူဝ်းယႂ်ႇၼႃႇၼၼ်ႉလႆႈ။ ၽြႃးၸိူဝ်းၼႆႉပဵၼ်ၽြႃးဢၼ်ဢဝ်ၽေးဢုပၢတ်ႈၵူႈၸိူဝ်ႉၵူႈမဵဝ်းပၼ်တၢမ်ႇတီႈၵူၼ်းမဵဝ်းဢေးၵျိပ်ႉ၊ၶဝ်ၵႃႈတီႈၼႂ်းထိူၼ်ႇလႅင်ႉၼၼ်ႉဢေႃႈ။- 9မဵဝ်းၽိလိတ်ႉတိ၊ၶဝ်႟။ ဢွၼ်ၵၼ်မီးၸႂ်ႁတ်းႁၢၼ်တႃႉ။ တိုၵ်းတေႃးၸိူဝ်ႉၼင်ႇၵူၼ်းၸၢႆးတႃႉ။ ပေႃးဢမ်ႇၼၼ်ႁဝ်းတၵ်းလႆႈပဵၼ်ၶႃႈတီႈမဵဝ်းႁေႇပြႄး၊ၵႂႃႇမိူၼ်ၸိူဝ်ႉၼင်ႇဢၼ်ၶဝ်လႆႈၶၢမ်ႇႁဵတ်းၶႃႈတီႈႁဝ်းမႃးယဝ်ႉၼၼ်ႉဢေႃႈ။ ပိူဝ်ႈၼႆလႄႈဢွၼ်ၵၼ်တိုၵ်းတေႃးမိူၼ်ၵူၼ်းၸၢႆးတႃႉ၊” ဝႃႈၼင်ႇၼႆဢေႃႈ။
10မဵဝ်းၽိလိတ်ႉတိ၊ၶဝ်တိုၵ်းတေႃးႁႅင်းၼႃႇလႄႈတိုၵ်းပႄႉမဵဝ်းဢိသရေး၊ၶဝ်သေယဝ်ႉ၊ၵူၼ်းမဵဝ်းဢိသရေး၊တင်းလၢႆဢွၵ်ႇပၢႆႈၸူးတီႈႁိူၼ်းၶဝ်ၵူႈၵေႃႉၵူႈၵူၼ်းဢေႃႈ။ တီႈၼၼ်ႈလႆႈၶၢမ်ႇတၢင်းဢၼ်ဢဝ်တၢႆၼမ်ၼႃႇလူင်လၢင်လႄႈၵူၼ်းသိုၵ်းမဵဝ်းဢိသရေး၊လူမ်ႉတၢႆသၢမ်မိုၼ်ႇၵေႃႉဢေႃႈ။- 11တိူၵ်ႈပတိၺိၺ်ႇၽြႃးပဵၼ်ၸဝ်ႈၼၼ်ႉလႆႈၶၢမ်ႇတၢင်းဢၼ်ပိူၼ်ႈသိမ်းဢဝ်ၵႂႃႇလႄႈ၊ႁေႃႇၽၼိ၊တင်းၽိၼႁတ်ႉ၊လုၵ်ႈၸၢႆးဢေးလိ၊သွင်ၵေႃႉၼၼ်ႉၵေႃႈသုမ်းဢသၢၵ်ႈသေဢေႃႈ။
လွင်ႈဢေးလိတၢႆ
12ၵူၼ်းၸိူဝ်ႉၶိူဝ်းပိၼ်ႇယႃႇမိၼ်ႇ၊ၵေႃႉၼိုင်ႈလုၵ်ႉသေၵႃႈတီႈပၢင်ၼႃႈသိုၵ်းလႅၼ်ႈပၢႆႈမႃးႁွတ်ႈထိုင်ၵႃႈတီႈဝဵင်းသိလေႃႇ၊ၼႂ်းဝၼ်းၼၼ်ႉၵမ်းလဵဝ်လႄႈၶူဝ်းၼုင်ႈမၼ်းသိၵ်ႇယွၵ်းဝႆႉဢိၵ်ႇတင်းၵႃႈၼိူဝ်ႁူဝ်မၼ်းၵေႃႈမုၼ်ႈလိၼ်ၽုၵ်ႇသႂ်ႇဝႆႉႁႂ်ႈလႆႈၼႄလွင်ႈတၢင်းမႆႈၸႂ်ဢေႃႈ။- 13ဢေးလိ၊ၼၼ်ႉမႆႈၸႂ်မႆႈၶေႃးလူၺ်ႈလွင်ႈတိူၵ်ႈပတိၺိၺ်ႇၸဝ်ႈလႄႈၼင်ႈၵႃႈၼိူဝ်တင်ႇဢၼ်မီးႁိမ်းသဵၼ်ႈတၢင်းသေယဝ်ႉ၊မုင်ႈတူၺ်းယူႇဢေႃႈ။ ၵေႃႉၼၼ်ႉႁွတ်ႈထိုင်ၵႃႈၼႂ်းဝဵင်းလႄႈမွၵ်ႇလၢတ်ႈလွင်ႈတၢင်းမၼ်းသေယဝ်ႉ၊ၵူၼ်းတင်းဝဵင်းဢွၼ်ၵၼ်ႁွင်ႉသႅၼ်ႇဢေႃႈ။- 14ဢေးလိ၊ငိၼ်းသဵင်ၼၼ်ႉလႄႈထၢမ်ဝႃႈ၊ “သဵင်ဢူၼ်ဢဵၼ်မေႃးမေးထၼ်ႇၼႆႉပဵၼ်လွင်ႈၸိူဝ်ႉၼင်ႇႁိုဝ်၊” ဝႃႈၼင်ႇၼႆဢေႃႈ။ ၵေႃႉၼၼ်ႉႁိပ်ႈၼႅတ်ႈမႃးလဝ်ႈလၢတ်ႈတီႈဢေးလိ၊ဢေႃႈ။- 15မိူဝ်ႈယၢမ်းၼၼ်ႉဢသၢၵ်ႈဢေးလိ၊လႆႈၵဝ်ႈသိပ်းပၢႆပႅတ်ႇပီယဝ်ႉလႄႈမၢၵ်ႇတႃၸမ်တေမွတ်ႇလုမ်းလုမ်းယဝ်ႉဢေႃႈ။- 16ၵေႃႉၼၼ်ႉမွၵ်ႇလၢတ်ႈတီႈဢေးလိ၊လႄႈဝႃႈ၊ “ၵဝ်ၶႃႈပၢႆႈလွတ်ႈပၢင်သိုၵ်းသေယဝ်ႉ၊လႅၼ်ႈမႃးသုတ်းတၢင်းလႄႈႁွတ်ႈထိုင်မႃးၵႃႈတီႈၼႆႈမိူဝ်ႈၼႆႉၶႃႈဢေႃႈ၊” ဝႃႈၼင်ႇၼႆဢေႃႈ။
ဢေးလိ၊ထၢမ်လႄႈဝႃႈ၊ “လုၵ်ႈၸၢႆးၵဝ်႟။ ၼႃႈသိုၵ်းၼၼ်ႉပဵၼ်ၸိူဝ်ႉၼင်ႇႁိုဝ်၊” ဝႃႈၼင်ႇၼႆလႄႈ။
17ၵေႃႉဢၼ်မႃးမွၵ်ႇလၢတ်ႈၶၢဝ်ႇငၢဝ်းၼၼ်ႉၶိုၼ်းလဝ်ႈလၢတ်ႈလႄႈဝႃႈ၊ “ၵူၼ်းမဵဝ်းဢိသရေး၊လႆႈလႅၼ်ႈပၢႆႈသေၵႃႈတီႈၵူၼ်းမဵဝ်းၽိလိတ်ႉတိ၊ၶႃႈဢေႃႈ။ ၵူၼ်းသိုၵ်းႁဝ်းလႆႈၶၢမ်ႇတၢင်းဢၼ်ၶႃႈၽၼ်းတၢႆၼမ်ၼႃႇဢေႃႈ။ လိူဝ်သေၼၼ်ႉလုၵ်ႈၸၢႆးၸဝ်ႈႁဝ်းႁေႃႇၽၼိ၊တင်းၽိၼႁတ်ႉ၊တၢႆၵႂႃႇယဝ်ႉၶႃႈယဝ်ႉ။ တိူၵ်ႈပတိၺိၺ်ႇၸဝ်ႈၵေႃႈလႆႈၶၢမ်ႇတၢင်းဢၼ်သိမ်းဢဝ်ၵႂႃႇယဝ်ႉၶႃႈယဝ်ႉ၊” ဝႃႈၼင်ႇၼႆဢေႃႈ။
18မိူဝ်ႈဢၼ်ၵေႃႉၼၼ်ႉမွၵ်ႇလၢတ်ႈလွင်ႈတိူၵ်ႈပတိၺိၺ်ႇၸဝ်ႈၼၼ်ႉၸိုင်၊ဢေးလိ၊ပိၼ်ႈတူၵ်းတင်ႇဢၼ်မၼ်းၼင်ႈယူႇၼၼ်ႉၵႃႈႁိမ်းၽၵ်းတူဢေႃႈ။ ဢေးလိ၊ၼၼ်ႉပဵၼ်ၵေႃႉဢၼ်ထဝ်ႈၼႃႇ၊သမ်ႉပီးၼႃႇၼၼ်ႉလႄႈၶေႃးမၼ်းႁၵ်းလႄႈတၢႆၵႂႃႇဢေႃႈ။ မၼ်းလႆႈႁဵတ်းၵူၼ်းလူင်ဢၼ်ၸီႇယၢင်ႇတြႃးၵႃႈၼိူဝ်မဵဝ်းဢိသရေး၊သီႇသိပ်းပီဢေႃႈ။
တၢင်းတၢႆမႄႈမၢႆႈမေးၽိၼႁတ်ႉ
19လုၵ်ႈပႂ်ႉဢေးလိ၊မေးၽိၼႁတ်ႉ၊ၼၼ်ႉပႃးပတိၵ်ႈသၼ်ႇထေႇၵႄႇထူၼ်ႈလႄႈၸမ်တၵ်းၵိူတ်ႇလဵင်ႉလုၵ်ႈယဝ်ႉဢေႃႈ။ မိူဝ်ႈဢၼ်မၼ်းလႆႈငိၼ်းၶၢဝ်ႇလွင်ႈဢၼ်တိူၵ်ႈပတိၺိၺ်ႇၽြႃးပဵၼ်ၸဝ်ႈလႆႈၶၢမ်ႇတၢင်းဢၼ်ပိူၼ်ႈသိမ်းဢဝ်ၵႂႃႇဢိၵ်ႇတင်းလွင်ႈဢၼ်ပေႃႈၸဝ်ႈမၼ်းတင်းၽူဝ်မၼ်းတၢႆၸိုင်၊ငွမ်ၼင်ႈလႄႈၵိူတ်ႇလဵင်ႉလုၵ်ႈၵမ်းလဵဝ်ၵွပ်ႈပိူဝ်ႈဢၼ်ဝူၺ်ႇတၼႃႇမၼ်းႁွတ်ႈထိုင်ၼၼ်ႉဢေႃႈ။- 20မိူဝ်ႈဢၼ်မၼ်းၸမ်တၵ်းတၢႆၼၼ်ႉၸိုင်၊မႄႈယိင်းၸိူဝ်းဢၼ်မႃးၸွႆႈထႅမ်မၼ်းၼၼ်ႉလၢတ်ႈတီႈမၼ်းလႄႈဝႃႈ၊ “ဝႆႉၸႂ်ၼိမ်ၼိမ်တႃႉ။ မႂ်းၵိူတ်ႇလဵင်ႉလုၵ်ႈၸၢႆးမႃးယဝ်ႉ၊” ဝႃႈၼင်ႇၼႆသေၵေႃႈမၼ်းယင်းဢမ်ႇတၵ်ႉသဵင်၊ယင်းဢမ်ႇဝႆႉဢယေးလႄႈယူႇဢေႃႈ။- 21မၼ်းႁွင်ႉႁဵၵ်ႈၸိုဝ်ႈလုၵ်ႈၸၢႆးဢွၼ်ႇၼၼ်ႉဢိၶပုတ်ႉ၊ဢၼ်မီးဢထိၵ်ႈပႄႇဝႃႈ၊ “မုၼ်သရေႇၽြႃးပဵၼ်ၸဝ်ႈလပ်းႁၢႆသေၵႃႈတီႈမဵဝ်းဢိသရေး၊ယဝ်ႉ၊” ဝႃႈၼင်ႇၼႆၶႂ်ႈၼႄပျႃးသၢႆငၢႆဢၼ်တိူၵ်ႈပတိၺိၺ်ႇၸဝ်ႈလႆႈၶၢမ်ႇတၢင်းဢၼ်ပိူၼ်ႈသိမ်းဢဝ်ၵႂႃႇဢိၵ်ႇတင်းပေႃႈၸဝ်ႈမၼ်းတင်းၽူဝ်မၼ်းတၢႆၼၼ်ႉဢေႃႈ။- 22မၼ်းသမ်ႉလၢတ်ႈလႄႈဝႃႈ၊ “မုၼ်သရေႇၽြႃးပဵၼ်ၸဝ်ႈလပ်းႁၢႆသေၵႃႈတီႈမဵဝ်းဢိသရေး၊ၵွပ်ႈပိူဝ်ႈတိူၵ်ႈပတိၺိၺ်ႇၽြႃးပဵၼ်ၸဝ်ႈလႆႈၶၢမ်ႇတၢင်းဢၼ်ပိူၼ်ႈသိမ်းဢဝ်ၵႂႃႇယဝ်ႉၼၼ်ႉဢေႃႈ၊” ဝႃႈၼင်ႇၼႆဢေႃႈ။
Currently Selected:
1 သမူၺ်ႇ 4: SHNCL
Highlight
Copy
Compare
Share
Want to have your highlights saved across all your devices? Sign up or sign in
