Abia (Psaumes) 4
4
KOTA GBIA, gi mo oko laa mo yeke bata mbi
1Bia ti David; bia so ayeke ndali ti makonzi-bia. A he ni na kundi.
2Nzapa ti mbi, mo laa mo yeke fâ ngbanga
ti mbi na legeni;
kiri tënë na mbi tongana mbi iri mo.
So mbi yeke ando na ya ti ye ti ngangu,
mo laa mo zi mbi na ya ni.
Baa mawa ti mbi, ma sambela ti mbi!
3Ala azo, ala yeke ngba ti buba iri ti mbi ngbii asi lawa?
Ala yeke ye gi asenge senge ye ngbii asi lawa?
Ala yeke zia lege ti kpengo
na peko ti aye ti mvene ngbii asi lawa? Luti kete
4Ayeke nzoni ala hinga atene,
*KOTA GBIA azia zo ti lo nde;
zo ti lo so abata be ti lo na Nzapa.
KOTA GBIA ayeke ma mbi tongana mbi iri lo.
5 Tongana ala sara ngonzo,
ala sara hange si ala sara siokpari pepe.
Na bi, ala gbu li ti ala, me ala zi yanga oko pepe. Luti kete
6Ala mu asandaga so alingbi na tënë ti ndia,
ala zia be ti ala kue na ndö ti KOTA GBIA.
7Ala yeke mingi, ala so ayeke toto tere ti ala,
atene: “Zo wa laa ayeke sara si e duti nzoni?
KOTA GBIA, baa e na nzoni le maa!”
8Na ngoi ti fango ale ti kobe, azo ayeke na ngia,
ngbanga ti so kobe na vin asi singo.
Me ngia so mo zia na be ti mbi ahon ti ala kue.
9Gi so mbi lango na ndö ti gbogbo,
mbi lango na siriri,
ngbanga ti so gi mo KOTA GBIA oko laa
mo yeke bata mbi na siriri.
Currently Selected:
Abia (Psaumes) 4: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010