Abia (Psaumes) 112
112
Nzoni dutingo ti azo ti Nzapa
1Aleluya!
Ti lo nzoni, zo so ayeke kpe mbeto ti KOTA GBIA
si atënë ti ndia ti *KOTA GBIA anzere na lo!
2Fade *ahale ti lo ayeke ga angangu zo na sese ni,
ngbanga ti so KOTA GBIA ayeke sara tufa
na ndö ti azo ti mbirimbiri.
3Mosoro na anzoni ye ayeke duti na da ti zo ni
si sarango ye ti lo ti mbirimbiri ayeke ngba kpu na kpu.
4Na ya ti vukongo ndo, lumiere ayeke za ndali ti zo
so sarango ye ti lo ayeke na legeni;
lo yeke zo ti mbirimbiri,
lo yeke sara nzoni be na zo si lo yeke baa mawa ti zo.
5Ayeke nzoni titene lo sara nzoni be na azo,
lo mu boon na azo;
lo yeke baa lege ti aye ti lo na legeni mbirimbiri.
6Biani, mbeni ye ayeke yingi lo laoko pepe;
azo ayeke dabe ti ala na zo ti mbirimbiri kpu na kpu.
7Tongana lo ma sango ti asioni ye,
lo yeke sara mbeto pepe;
be ti lo aduti kpoo, lo zia be ti lo na ndö ti KOTA GBIA.
8Be ti lo ado pepe, lo yeke sara mbeto pepe
si lo yeke ku ti baa ye so ayeke ti ande
na ndö ti awato ti lo.
9 Lo mu ye mingi na azo ti mawa;
mbirimbiri ti lo angba kpu na kpu.
Fade ngangu ti lo na gonda ti lo
ayeke gue guengo na nduzu.
10Zo ti sioni ayeke baa lo, be ti lo ayeke so,
lo yeke te pembe ti lo si lo yeke ti.
Ye so zo ti sioni asara nzara ni, fade ye ni ayeke buba kue.
Currently Selected:
Abia (Psaumes) 112: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010