Wungo ti azo 26
26
1 *KOTA GBIA atene na Moïse nga na wayango-sandaga Elazar, molenge ti Aaron, atene: 2“Ala diko wungo ti bongbi ti azo ti Israel kue, akoli so ngu ti ala alingbi baleuse wala ahon baleuse; so ti tene ala so alingbi ti sara kua ti turugu. Ala diko azo ni na lege ti sewa ti ala oko oko.” 3Tongaso Moïse na wayango-sandaga Elazar atene tënë na azo ti Israel na ya ti lando ti Moab, na tere ti ngu ti Jourdain, na ndo so abaa le na gbata ti Jéricho. Ala tene: 4“Fade ala yeke diko wungo ti akoli so kue ngu ti ala alingbi baleuse wala ahon baleuse alingbi na yanga so KOTA GBIA amu na Moïse.”
Amara ti azo ti Israel so alondo lani na Ezipte asigigi ayeke so:
5Kozo ni ayeke mara ti Ruben. Ruben ayeke kozo molenge ti Jacob. Amolenge ti Ruben ti koli ayeke: Hanok, kotara ti azo ti kete mara ti Hanok; Palu, kotara ti azo ti kete mara ti Palu; 6Hesron, kotara ti azo ti kete mara ti Hesron; Karmi, kotara ti azo ti kete mara ti Karmi. 7So ayeke azo ti kete mara ti Ruben laa; wungo ti akoli kue ayeke 43 730.
8Eliab ayeke mbeni molenge-koli ti Palu. 9Amolenge ti Eliab ti koli ayeke: Nemuel, Datan na Abiram. Datan na Abiram so laa bongbi ti azo ti Israel asoro ala ti ga amakonzi. Ala laa atomboka lani na tere ti Moïse na Aaron na ndembe so bongbi ti azo ti Kore atomboka na tere ti KOTA GBIA. 10Sese azi yanga ti lo si amene ala, ala na Kore kue. Na lango ni so laa bongbi ti azo ti Kore akui si wâ agbi akoli ngbangbo use na baleoku. Ye ni so asi ti ga tapande ndali ti tanga ti azo ni. 11Me ti amolenge ti Kore, ala kui ti ala na lango ni so pepe.
12Amolenge ti Siméon na lege ti akete mara ti ala ayeke so: Nemuel, kotara ti azo ti kete mara ti Nemuel; Yamin, kotara ti azo ti kete mara ti Yamin; Yakin, kotara ti azo ti kete mara ti Yakin; 13Zera, kotara ti azo ti kete mara ti Zera; Shaul, kotara ti azo ti kete mara ti Shaul. 14So ayeke azo ti kete mara ti Siméon laa; wungo ti akoli kue ayeke 22 200.
15Amolenge ti Gad na lege ti akete mara ti ala ayeke so: Sefon, kotara ti azo ti kete mara ti Sefon; Hagi, kotara ti azo ti kete mara ti Hagi; Shuni, kotara ti azo ti kete mara ti Shuni; 16Ozni, kotara ti azo ti kete mara ti Ozni; Eri, kotara ti azo ti kete mara ti Eri; 17Arod, kotara ti azo ti kete mara ti Arod; Areli, kotara ti azo ti kete mara ti Areli. 18So ayeke azo ti kete mara ti Gad laa; wungo ti akoli kue ayeke 40 500.
19Amolenge ti Juda ayeke so: Er na Onan; me ala kui lani na sese ti Kanaan. 20Tongaso amolenge ti Juda na lege ti akete mara ti ala ayeke so: Shela, kotara ti azo ti kete mara ti Shela; Peres, kotara ti azo ti kete mara ti Peres. 21Amolenge ti Peres ayeke so: Hesron, kotara ti azo ti kete mara ti Hesron; Hamul, kotara ti azo ti kete mara ti Hamul. 22So ayeke azo ti kete mara ti Juda laa; wungo ti akoli kue ayeke 76 500.
23Amolenge ti Isakar na lege ti akete mara ti ala ayeke so: Tola, kotara ti azo ti kete mara ti Tola; Puva, kotara ti azo ti kete mara ti Puva; 24Yashub, kotara ti azo ti kete mara ti Yashub; Shimron, kotara ti azo ti kete mara ti Shimron. 25So ayeke azo ti kete mara ti Isakar laa; wungo ti akoli kue ayeke 64 300.
26Amolenge ti Zabulon na lege ti akete mara ti ala ayeke so: Sered, kotara ti azo ti kete mara ti Sered; Elon, kotara ti azo ti kete mara ti Elon; Yaleel, kotara ti azo ti kete mara ti Yaleel. 27So ayeke azo ti kete mara ti Zabulon laa; wungo ti akoli kue ayeke 60 500.
28Amolenge ti Joseph na lege ti akete mara ti ala ayeke so: Manase na Efraim. 29Amolenge ti Manase ayeke so: Makir, kotara ti azo ti kete mara ti Makir. Makir adu Galaad; Galaad ayeke kotara ti azo ti kete mara ti Galaad. 30Amolenge ti Galaad ayeke so: Yezer, kotara ti azo ti kete mara ti Yezer; Helek, kotara ti azo ti kete mara ti Helek; 31Asriel, kotara ti azo ti kete mara ti Asriel; Shekem, kotara ti azo ti kete mara ti Shekem; 32Shemida, kotara ti azo ti kete mara ti Shemida; Hefer, kotara ti azo ti kete mara ti Hefer. 33Selofad, molenge ti Hefer adu amolenge-koli pepe, me gi amolenge-wali. Iri ti ala ayeke Mala, Noa, Hogla, Milka na Tirsa. 34So ayeke azo ti kete mara ti Manase laa; wungo ti akoli kue ayeke 52 700.
35Amolenge ti Efraim na lege ti akete mara ti ala ayeke so: Shutela, kotara ti azo ti kete mara ti Shutela; Beker, kotara ti azo ti kete mara ti Beker; Tahan, kotara ti azo ti kete mara ti Tahan. 36Amolenge ti Shutela ayeke so: Eran, kotara ti azo ti kete mara ti Eran. 37So ayeke azo ti kete mara ti Efraim laa; wungo ti akoli kue ayeke 32 500. Amara use so ayeke *ahale ti Joseph na lege ti akete mara ti ala.
38Amolenge ti Benjamin na lege ti akete mara ti ala ayeke so: Bela, kotara ti azo ti kete mara ti Bela; Ashebel, kotara ti azo ti kete mara ti Ashebel; Ahiram, kotara ti azo ti kete mara ti Ahiram; 39Shufam, kotara ti azo ti kete mara ti Shufam; Hufam, kotara ti azo ti kete mara ti Hufam. 40Amolenge ti Bela ayeke so: Arde na Naaman. Arde ayeke kotara ti azo ti kete mara ti Arde; Naaman ayeke kotara ti azo ti kete mara ti Naaman. 41So ayeke azo ti kete mara ti Benjamin laa; wungo ti akoli kue ayeke 45 600.
42Amolenge ti Dan na lege ti kete mara ti ala ayeke so: Shuham, kotara ti azo ti kete mara ti Shuham. So ayeke azo ti mara ti Dan na lege ti kete mara ti ala laa. 43Wungo ti akoli ti mara ti Shuham kue ayeke 64 400.
44Amolenge ti Aser na lege ti akete mara ti ala ayeke so: Imna, kotara ti azo ti kete mara ti Imna; Ishevi, kotara ti azo ti kete mara ti Ishevi; Beria, kotara ti azo ti kete mara ti Beria. 45Amolenge ti Beria ayeke so: Heber, kotara ti azo ti kete mara ti Heber; Malkiel, kotara ti azo ti kete mara ti Malkiel. 46Aser adu lani mbeni molenge-wali, iri ti lo ayeke Sera. 47So ayeke azo ti kete mara ti Aser laa; wungo ti akoli kue ayeke 53 400.
48Amolenge ti Neftali na lege ti akete mara ti ala ayeke so: Yasiel, kotara ti azo ti kete mara ti Yasiel; Guni, kotara ti azo ti kete mara ti Guni; 49Yeser, kotara ti azo ti kete mara ti Yeser; Shilem, kotara ti azo ti kete mara ti Shilem. 50So ayeke azo ti kete mara ti Neftali laa; wungo ti akoli kue ayeke 45 400.
51 Azo ti Israel so kue adiko wungo ti ala ayeke 601 730.
Lege ti kangbingo sese na popo ti azo ti Israel
52 *KOTA GBIA atene na Moïse: 53“Fadeso, mo kangbi sese ni na popo ti amara so; mo kangbi ni alingbi na wungo ti azo ti mara oko oko si aga ye ti ala wani. 54Mara so azo ni awu mingi, mo yeke mu sese ni akono; mara so azo ni awu mingi pepe, mo yeke mu sese ni kete. Mara oko oko ayeke wara sese titene aga ti lo alingbi na wungo ti azo ti lo. 55Me fade a yeke bi mbeni ye ti baa si a yeke kangbi na sese ni. Mara oko oko ayeke wara sese titene aga ti lo alingbi na wungo ti azo ti lo. 56Gi na lege ti bingo mbeni ye si ala yeke hinga ande sese wa laa a yeke mu na mara so azo ni awu mingi, wala sese wa laa a yeke mu na mara so azo ni awu pepe.”
Use dikongo wungo ti azo ti mara ti Lévi
57Wungo ti azo ti mara ti Lévi so a diko ala na lege ti akete mara ti ala ayeke so: Gershon, kotara ti azo ti kete mara ti Gershon; Kehat, kotara ti azo ti kete mara ti Kehat; Merari, kotara ti azo ti kete mara ti Merari. 58Na ya ti akete mara ti Lévi, ambeni kete kete mara ayeke so: kete mara ti Libni, ti Hebron, ti Mali, ti Mushi nga na ti Kore. Kehat adu Amram. 59Amram amu mbeni wali so iri ti lo Yokebed, molenge ti Lévi; a du Yokebed na Ezipte. Yokebed adu amolenge ota na Amram: Aaron, Moïse na ita ti ala ti wali Miriam. 60 Aaron adu amolenge-koli osio: Nadab, Abihu, Elazar na Itamar. 61 Me Nadab na Abihu akui, ngbanga ti so ala mu mbeni wâ nde si ala zö na dukani na KOTA GBIA. 62Wungo ti akoli kue na amolenge-koli so kue ngu ti ala ato ndani na nze oko ti gue na ni ayeke 23 000. A diko azo ti mara ti Lévi na popo ti azo ti Israel pepe, ngbanga ti so a mu na ala sese pepe.
Tanga ti tënë na ndö ti dikongo wungo ti azo
63So ayeke peko ti dikongo wungo ti azo ti Israel so Moïse na wayango-sandaga Elazar adiko laa. Ala diko azo ni na ya ti lando ti Moab, na tere ti ngu ti Jourdain, na ndo so abaa le na gbata ti Jéricho. 64Azo so Moïse na Aaron adiko ala na ndembe so ala diko azo ti Israel ando na ya ti benyama ti Sinai, mbeni zo oko na popo ti ala angba fadeso pepe. 65 Mbeni zo oko angba pepe, ngbanga ti so KOTA GBIA atene lani na ala, atene: “Fade ala kue ayeke kui na ya ti benyama.” Nilaa mbeni zo oko angba pepe, gi Kaleb, molenge ti Yefune, na Josué, molenge ti Nune.
© La Société Biblique de Centrafrique 2010