Wungo ti azo 19
19
Mburu ti wâ ti bengba bagara
1 *KOTA GBIA atene na Moïse na Aaron: 2Atënë ti ndia so KOTA GBIA amu ndali ti ala laa: “Mu yanga na azo ti Israel ti ga na mbeni bengba bagara so mbage ti tere ti lo abuba pepe, nyama ni so ade ti yo *zuge nga laoko pepe. 3Mo yeke mu bengba bagara ni so na wayango-sandaga Elazar; lo yeke mu bengba bagara ni, lo sigigi na lo na ya ti bâbâ ni si a yeke fâ go ti lo na dawa ti Elazar. 4Fade wayango-sandaga Elazar ayeke yoro li ti maboko ti lo oko na ya ti mene ti bagara ni si lo yeke fi mene ni fani mbarambara na mbage ti yanga ti da ti bongo so KOTA GBIA na azo ti lo ayeke wara tere daa. 5Gi na dawa ti Elazar, a yeke gbi bagara ni kue; a yeke gbi poro ni, kasa ni, mene ni nga na puru ti ya ti bagara ni kue. 6Lo yeke mu maboko ti keke ti sedre, ti *izope nga na mbeni yanga ti bongo so a sara ni na kua ti tere ti taba so abe si aza zango. Lo yeke bi aye so kue na le ti wâ so ayeke gbi bagara ni. 7Na pekoni, wayango-sandaga ni ayeke sukula abongo ti lo, lo yeke sukula ngu si na pekoni, lo yeke kiri na ya ti bâbâ ni. Me fade lo ngba *sioni ngbii asi na lakui. 8Zo so agbi bagara ni so, lo nga lo yeke sukula abongo ti lo, lo yeke sukula ngu si lo yeke ngba *sioni ngbii asi na lakui. 9 Mbeni zo so ayeke *nzoni laa ayeke mu mburu ti wâ ti bagara ni, lo yeke zia ni na mbeni ndo so ayeke *nzoni na gigi ti bâbâ ni. Bongbi ti azo ti Israel ayeke bata ni ndali ti ngu ti *sukulango sioni ti zo. So ayeke tongana *sandaga so a mu ndali ti zingo siokpari na li ti zo. 10Zo so ayeke ro mburu ti wâ ti bagara ni so, lo nga lo yeke sukula abongo ti lo; lo yeke ngba *sioni ngbii asi na lakui. So ayeke mbeni ndia ndali ti azo ti Israel nga ndali ti awande so ayeke na popo ti ala laa. Ndia ni ayeke ngba kpu na kpu.”
Ndia na ndö ti *sukulango sioni ti zo
11Zo so kue ayeke ndu kuâ ti mbeni zo, lo yeke ga *sioni na ya ti lango mbarambara. 12Na ota lango ni nga na mbarambara lango ni, fade lo yeke fi ngu ti *sukulango sioni ti zo na tere ti lo si lo yeke ga *nzoni. Me tongana lo ke ti sara ni na ota lango ni nga na mbarambara lango ni, fade lo yeke ngba *sioni. 13Zo so kue ayeke ndu kuâ ti mbeni zo si lo *sukula sioni ti lo pepe, andaa lo sara si da ti KOTA GBIA aga *sioni. Ayeke nzoni a zi lo na popo ti azo ti Israel; fade *sioni ti lo ni ayeke ngba na tere ti lo, ngbanga ti so a fi ngu ti sukulango sioni ti lo pepe.
14“Mbeni ndia ni ayeke so: Tongana mbeni zo akui na ya ti da ti bongo, zo so kue ali wala zo so kue ayeke na ya ti da ni, ala yeke ga *sioni na ya ti lango mbarambara. 15Asembe so kue yanga ni ayeke na zingo ni wala a kanga yanga ni ngangu pepe, aye ti ya ni ayeke ga *sioni. 16Tongana mbeni zo ayeke fono na ya ti ngonda si lo pika gere ti lo na kuâ ti mbeni zo so akui kuâ ti ngangu, wala senge kuâ, wala lo pika gere ti lo na abio ti kuâ wala na du ti kuâ, fade lo yeke ga *sioni na ya ti lango mbarambara. 17Ti sukula sioni ti zo ni so, a yeke mu mburu ti wâ ti bengba bagara so a gbi ni ti mu na *sandaga ndali ti siokpari. A yeke zia mburu ti wâ ni na ya ti sembe si a yeke tuku ngu ti li ti ngu na ndö ni. 18Mbeni zo so ayeke *nzoni ayeke mu mbeni maboko ti keke ti *izope, lo yeke yoro na ya ti ngu ni si lo yeke fi na tere ti da ti bongo so kuâ ni akui daa so. Lo yeke fi ngu ni na tere ti akungba ti ya ti da ti bongo ni kue nga na tere ti azo ti ya ti da ni kue. Lo yeke fi nga ni na tere ti zo so apika gere ti lo na abio ti kuâ, wala zo so apika gere ti lo na kuâ ti zo, wala na du ti kuâ. 19Zo so ayeke *nzoni ayeke fi ngu na tere ti zo so ayeke *sioni na ota lango ni nga na mbarambara lango ni. Na mbarambara lango ni, andaa a sukula siokpari ti lo awe; lo yeke sukula abongo ti lo, lo yeke sukula ngu si na lakui ni, lo yeke ga *nzoni.
20“Me tongana mbeni zo aga *sioni si lo *sukula sioni ti lo pepe, alingbi a zi lo na ya ti bongbi ti azo ti Israel. Biani, lo sara si da so a zia nde ndali ti KOTA GBIA aga *sioni awe. Zo ni ayeke ngba *sioni ndali ti so ade ti fi ngu ti sukulango sioni ti lo pepe titene lo ga *nzoni.
21“Ndia so ayeke ndali ti azo ti Israel kpu na kpu. Zo so ayeke fi ngu ti *sukulango sioni ti zo, alingbi lo sukula abongo ti lo; zo so andu ngu ni, fade lo yeke ga *sioni ngbii asi na lakui. 22Ye so kue zo so ayeke *sioni ayeke ndu, ye ni ayeke ga *sioni; zo so kue ayeke ndu mbeni zo so ayeke *sioni, lo nga lo yeke ga *sioni ngbii asi na lakui.”
Currently Selected:
Wungo ti azo 19: MNF2010
Highlight
Copy
Compare
Share
Want to have your highlights saved across all your devices? Sign up or sign in
© La Société Biblique de Centrafrique 2010
Wungo ti azo 19
19
Mburu ti wâ ti bengba bagara
1 *KOTA GBIA atene na Moïse na Aaron: 2Atënë ti ndia so KOTA GBIA amu ndali ti ala laa: “Mu yanga na azo ti Israel ti ga na mbeni bengba bagara so mbage ti tere ti lo abuba pepe, nyama ni so ade ti yo *zuge nga laoko pepe. 3Mo yeke mu bengba bagara ni so na wayango-sandaga Elazar; lo yeke mu bengba bagara ni, lo sigigi na lo na ya ti bâbâ ni si a yeke fâ go ti lo na dawa ti Elazar. 4Fade wayango-sandaga Elazar ayeke yoro li ti maboko ti lo oko na ya ti mene ti bagara ni si lo yeke fi mene ni fani mbarambara na mbage ti yanga ti da ti bongo so KOTA GBIA na azo ti lo ayeke wara tere daa. 5Gi na dawa ti Elazar, a yeke gbi bagara ni kue; a yeke gbi poro ni, kasa ni, mene ni nga na puru ti ya ti bagara ni kue. 6Lo yeke mu maboko ti keke ti sedre, ti *izope nga na mbeni yanga ti bongo so a sara ni na kua ti tere ti taba so abe si aza zango. Lo yeke bi aye so kue na le ti wâ so ayeke gbi bagara ni. 7Na pekoni, wayango-sandaga ni ayeke sukula abongo ti lo, lo yeke sukula ngu si na pekoni, lo yeke kiri na ya ti bâbâ ni. Me fade lo ngba *sioni ngbii asi na lakui. 8Zo so agbi bagara ni so, lo nga lo yeke sukula abongo ti lo, lo yeke sukula ngu si lo yeke ngba *sioni ngbii asi na lakui. 9 Mbeni zo so ayeke *nzoni laa ayeke mu mburu ti wâ ti bagara ni, lo yeke zia ni na mbeni ndo so ayeke *nzoni na gigi ti bâbâ ni. Bongbi ti azo ti Israel ayeke bata ni ndali ti ngu ti *sukulango sioni ti zo. So ayeke tongana *sandaga so a mu ndali ti zingo siokpari na li ti zo. 10Zo so ayeke ro mburu ti wâ ti bagara ni so, lo nga lo yeke sukula abongo ti lo; lo yeke ngba *sioni ngbii asi na lakui. So ayeke mbeni ndia ndali ti azo ti Israel nga ndali ti awande so ayeke na popo ti ala laa. Ndia ni ayeke ngba kpu na kpu.”
Ndia na ndö ti *sukulango sioni ti zo
11Zo so kue ayeke ndu kuâ ti mbeni zo, lo yeke ga *sioni na ya ti lango mbarambara. 12Na ota lango ni nga na mbarambara lango ni, fade lo yeke fi ngu ti *sukulango sioni ti zo na tere ti lo si lo yeke ga *nzoni. Me tongana lo ke ti sara ni na ota lango ni nga na mbarambara lango ni, fade lo yeke ngba *sioni. 13Zo so kue ayeke ndu kuâ ti mbeni zo si lo *sukula sioni ti lo pepe, andaa lo sara si da ti KOTA GBIA aga *sioni. Ayeke nzoni a zi lo na popo ti azo ti Israel; fade *sioni ti lo ni ayeke ngba na tere ti lo, ngbanga ti so a fi ngu ti sukulango sioni ti lo pepe.
14“Mbeni ndia ni ayeke so: Tongana mbeni zo akui na ya ti da ti bongo, zo so kue ali wala zo so kue ayeke na ya ti da ni, ala yeke ga *sioni na ya ti lango mbarambara. 15Asembe so kue yanga ni ayeke na zingo ni wala a kanga yanga ni ngangu pepe, aye ti ya ni ayeke ga *sioni. 16Tongana mbeni zo ayeke fono na ya ti ngonda si lo pika gere ti lo na kuâ ti mbeni zo so akui kuâ ti ngangu, wala senge kuâ, wala lo pika gere ti lo na abio ti kuâ wala na du ti kuâ, fade lo yeke ga *sioni na ya ti lango mbarambara. 17Ti sukula sioni ti zo ni so, a yeke mu mburu ti wâ ti bengba bagara so a gbi ni ti mu na *sandaga ndali ti siokpari. A yeke zia mburu ti wâ ni na ya ti sembe si a yeke tuku ngu ti li ti ngu na ndö ni. 18Mbeni zo so ayeke *nzoni ayeke mu mbeni maboko ti keke ti *izope, lo yeke yoro na ya ti ngu ni si lo yeke fi na tere ti da ti bongo so kuâ ni akui daa so. Lo yeke fi ngu ni na tere ti akungba ti ya ti da ti bongo ni kue nga na tere ti azo ti ya ti da ni kue. Lo yeke fi nga ni na tere ti zo so apika gere ti lo na abio ti kuâ, wala zo so apika gere ti lo na kuâ ti zo, wala na du ti kuâ. 19Zo so ayeke *nzoni ayeke fi ngu na tere ti zo so ayeke *sioni na ota lango ni nga na mbarambara lango ni. Na mbarambara lango ni, andaa a sukula siokpari ti lo awe; lo yeke sukula abongo ti lo, lo yeke sukula ngu si na lakui ni, lo yeke ga *nzoni.
20“Me tongana mbeni zo aga *sioni si lo *sukula sioni ti lo pepe, alingbi a zi lo na ya ti bongbi ti azo ti Israel. Biani, lo sara si da so a zia nde ndali ti KOTA GBIA aga *sioni awe. Zo ni ayeke ngba *sioni ndali ti so ade ti fi ngu ti sukulango sioni ti lo pepe titene lo ga *nzoni.
21“Ndia so ayeke ndali ti azo ti Israel kpu na kpu. Zo so ayeke fi ngu ti *sukulango sioni ti zo, alingbi lo sukula abongo ti lo; zo so andu ngu ni, fade lo yeke ga *sioni ngbii asi na lakui. 22Ye so kue zo so ayeke *sioni ayeke ndu, ye ni ayeke ga *sioni; zo so kue ayeke ndu mbeni zo so ayeke *sioni, lo nga lo yeke ga *sioni ngbii asi na lakui.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© La Société Biblique de Centrafrique 2010