Wungo ti azo 18
18
1Tongaso KOTA GBIA atene na Aaron: “Tongana mbeni zo asara sioni ye ti ke da so ayeke nde si ayeke nzoni kue, fade tënë ni ayeke na li ti mo, na amolenge ti mo nga na azo ti sewa ti babâ ti mo. Âdu ti mo na ti amolenge ti mo, tongana ala sara sioni ye na ya ti kua ti ala ti wayango-sandaga, fade tënë ni ayeke na li ti ala wani. 2Mo zia a-ita ti mo azo ti mara ti Lévi, mara ti babâ ti mo titene ala ga nduru na mo; ala yeke mu maboko na mo na ya ti kua ni. Me mo na amolenge ti mo laa ayeke luti na dawa ti da ti sanduku so a zia na ya ni atêne so a su atënë ti *mbuki na le ni. 3A-ita ti mo ni ayeke sara kua na mo nga na kua ti ya ti da ni. Me ala lingbi ti ga nduru pepe na tere ti akungba so a zia ni nde ndali ti kua ti Nzapa, wala ti ga nduru pepe na tere ti gbalaka, tongaso si mo na ala kue akui pepe. 4Ala yeke mu maboko na mo na kua ti ya ti da ti bongo so mbi na azo ti mbi, e yeke wara tere daa, ala yeke sara akua kue ti ya ti da ni. Mbeni senge zo alingbi ti ga nduru na ala pepe. 5Mo na amolenge ti mo, ala laa ayeke sara kua na ndo so ayeke nde si ayeke nzoni kue nga na kua ti gbalaka ni. Tongaso si ngonzo ti mbi akiri ati na ndö ti azo ti Israel pepe. 6Mbi wani, mbi soro a-ita ti ala azo ti mara ti Lévi na popo ti azo ti Israel. Azo ni ayeke azo ti mbi, mbi mu azo ni na ala titene azo ni asara akua ti da ti bongo so mbi na azo ti mbi, e yeke wara tere daa. 7Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”
Ye so awayango-sandaga ayeke wara
8 *KOTA GBIA atene na Aaron: “Mbi wani, mbi zia mo ti bata aye so kue azo ti Israel azia nde ti ga na ni ndali ti mbi. Mbi mu aye ni so na mo titene aga ti mo na ti *ahale ti mo kpu na kpu. 9Na popo ti *asandaga so ayeke nde si ayeke nzoni kue ahon atanga ni, asandaga so a gbi ni na wâ pepe, ala so ayeke ga ti ala ayeke so: asandaga so kue azo ti Israel amu, so ti tene asandaga ti ale ti kobe kue, asandaga so ala mu ndali ti zingo siokpari na li ti zo nga na asandaga ti lekengo tënë so ala ga na ni na mbi. Aye so ayeke nde si ayeke nzoni kue ahon atanga ni so, aye ni ayeke ga ti mo na ti amolenge ti mo. 10Fade ala yeke te aye ni alingbi na lege so a yeke te ka aye so ayeke nde si ayeke nzoni kue ahon atanga ni. Akoli kue alingbi ti te ni. Biani, ayeke kobe so ayeke nde si ayeke nzoni kue. 11Ala lingbi ti wara nga mbage ti aye so azo ti Israel ayeke mu na mbi na sandaga. Mbi yeke mu mbage ti aye ni na mo, na ahale ti mo kpu na kpu. Azo ti sewa ti mo kue, akoli na awali so ayeke *nzoni alingbi ti te aye ni. 12Mbi yeke mu nga na ala akozo le ti kobe so azo ti Israel ayeke mu ka na mbi: nzoni mafuta, nzoni vin nga na nzoni *ble. 13Akozo le ti kobe ti sese ti ala so azo ayeke ga na ni na mbi ayeke ga ti ala. Zo so kue ayeke *nzoni na ya ti sewa ti ala alingbi ti te ni. 14 Aye so kue azo ti Israel ayeke mu na mbi, KOTA GBIA si aga ti mbi biani biani, aye ni ayeke ga ti ala. 15Ti hunzi na ni, akozo molenge-koli ti zo na ti nyama so azo ti Israel amu na mbi, ayeke ga ti ala. Me akozo molenge-koli ti zo na ti nyama so ayeke *sioni, fade ala yeke sara titene a futa ngere ni. 16Fade a yeke futa le ti nginza oku ndali ti molenge-koli ti nze oko; nginza ni ayeke nginza so azo ayeke vo ka na ye na ndo so a zia nde ndali Nzapa; nengo ti le ti nginza ni alingbi grame baleoko. 17Me ti akozo molenge ti bagara, ti taba na ti ngasa, fade mo yeke yeda titene a futa mbeni ye ndali ti ala pepe, ngbanga ti so a zia ala nde ndali ti mbi awe. Ala yeke fi mene ti ala na ndö ti gbalaka, ala yeke gbi na wâ mafuta ti ala titene fion ni anzere na mbi. 18Kasa ti anyama so kue ayeke ga ti ala tongana ti so ala yeke wara ka kate na gere ti nyama ti mbage ti maboko ti koli; nyama so a yeke ga na lo ti ya lo na nduzu ndali ti sandaga ti beoko. 19 Asandaga ti azo ti Israel so a zia ni nde ti mu na mbi KOTA GBIA so, mbage ni ayeke ga ti mo, ti amolenge ti mo ti koli na ti wali. Ye ni so ayeke ndia ndali ti ala kpu na kpu, ye ni ayeke tongaso ndali ti *mbuki so zo alingbi ti buba ya ni pepe; mbuki ni ayeke ngba kpu na kpu na dawa ti mbi ndali ti mo, Aaron na ahale ti mo.”
20KOTA GBIA akiri atene na Aaron: “Mo yeke wara sese pepe titene aga ti mo; mo yeke wara nga mbeni ye na popo ti azo ti Israel pepe. Ti mo, mbi KOTA GBIA laa mbi yeke ye ti mo, mbi yeke ye so aga ti mo na popo ti azo ti Israel.”
Ye so azo ti mara ti Lévi ayeke wara
21 *KOTA GBIA akiri atene: “Mbi yeke mu na azo ti mara ti Lévi *dime ti aye so kue azo ti Israel ayeke wara. So ayeke futa ti ala ndali ti akua ti da ti bongo so mbi, KOTA GBIA na azo ti mbi, e yeke wara tere daa. 22Tongaso, tanga ti azo ti Israel alingbi ti pusu nduru na tere ti da ti bongo ni pepe si a mu lege na ala pepe ti ti na ya ti siokpari si ala kui. 23 Gi azo ti mara ti Lévi laa ayeke sara akua ti da ti bongo so mbi na azo ti mbi, e yeke wara tere daa; ye ti sioni so ala yeke sara, tënë ni ayeke ngba gi na li ti ala wani. Ndia so ayeke ngba ndali ti ala kpu na kpu, ala na *ahale ti ala. Na popo ti azo ti Israel kue, ala lingbi ti wara sese pepe. 24Me, adime so kue azo ti Israel ayeke ga na ni na mbi, mbi yeke mu ni na ala, azo ti mara ti Lévi titene aga ye ti ala. Ndani laa mbi tene na ala, mbi tene, tanga ti amara ti Israel kue ayeke wara ande sese ti ala, me azo ti mara ti Lévi pepe.”
25KOTA GBIA atene na Moïse: 26“Mo tene na azo ti mara ti Lévi: Tongana ala wara dime ti aye so azo ti Israel aga na ni, ayeke nzoni ala nga, ala zi dime ti dime ni ndali ti mbi KOTA GBIA. 27So ayeke mbage ti aye so ala yeke mu na mbi alingbi na mbage ti ale ti *ble, wala ti vin so azo ti Israel ayeke zi ka ni ti mu na mbi. 28Tongaso ala nga, fade ala yeke mu dime ti aye so kue ala wara na maboko ti azo ti Israel ti mu na mbi, KOTA GBIA. Ala azo ti mara ti Lévi, ala mu dime ti dime ni na wayango-sandaga Aaron si lo mu na mbi. 29Aye so kue ala yeke wara, alingbi ala zi nzoni mbage ni, ala gbanzi mbeni ye oko daa pepe, ala yeke zia ni nde ndali ti mbi. 30Mo kiri mo tene na ala: tongana ala zi nzoni mbage ni ndali ti mbi awe, ala bata tanga ni ndali ti ala tongana ti so azo ti Israel ayeke bata ka atanga ti ale ti *ble wala ti vin so. 31Ala lingbi ti te aye ni, ala na asewa ti ala na ndo so kue be ti ala aye. So ayeke futa ti ala ndali ti akua ti da ti bongo so mbi na azo ti mbi, e yeke wara tere daa laa. 32Tongana ala zi nzoni mbage ti aye ni so ndali ti mbi KOTA GBIA awe, tanga ni so, ala lingbi te ni senge. Tongana ala te ni, so sioni laa ala sara so pepe, so ayeke bingo buba pepe na tere ti *asandaga so azo ti Israel aga na ni na mbi. Tongana ala sara tongaso, fade ala yeke kui pepe.”
Currently Selected:
Wungo ti azo 18: MNF2010
Highlight
Copy
Compare
Share
Want to have your highlights saved across all your devices? Sign up or sign in
© La Société Biblique de Centrafrique 2010
Wungo ti azo 18
18
1Tongaso KOTA GBIA atene na Aaron: “Tongana mbeni zo asara sioni ye ti ke da so ayeke nde si ayeke nzoni kue, fade tënë ni ayeke na li ti mo, na amolenge ti mo nga na azo ti sewa ti babâ ti mo. Âdu ti mo na ti amolenge ti mo, tongana ala sara sioni ye na ya ti kua ti ala ti wayango-sandaga, fade tënë ni ayeke na li ti ala wani. 2Mo zia a-ita ti mo azo ti mara ti Lévi, mara ti babâ ti mo titene ala ga nduru na mo; ala yeke mu maboko na mo na ya ti kua ni. Me mo na amolenge ti mo laa ayeke luti na dawa ti da ti sanduku so a zia na ya ni atêne so a su atënë ti *mbuki na le ni. 3A-ita ti mo ni ayeke sara kua na mo nga na kua ti ya ti da ni. Me ala lingbi ti ga nduru pepe na tere ti akungba so a zia ni nde ndali ti kua ti Nzapa, wala ti ga nduru pepe na tere ti gbalaka, tongaso si mo na ala kue akui pepe. 4Ala yeke mu maboko na mo na kua ti ya ti da ti bongo so mbi na azo ti mbi, e yeke wara tere daa, ala yeke sara akua kue ti ya ti da ni. Mbeni senge zo alingbi ti ga nduru na ala pepe. 5Mo na amolenge ti mo, ala laa ayeke sara kua na ndo so ayeke nde si ayeke nzoni kue nga na kua ti gbalaka ni. Tongaso si ngonzo ti mbi akiri ati na ndö ti azo ti Israel pepe. 6Mbi wani, mbi soro a-ita ti ala azo ti mara ti Lévi na popo ti azo ti Israel. Azo ni ayeke azo ti mbi, mbi mu azo ni na ala titene azo ni asara akua ti da ti bongo so mbi na azo ti mbi, e yeke wara tere daa. 7Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”
Ye so awayango-sandaga ayeke wara
8 *KOTA GBIA atene na Aaron: “Mbi wani, mbi zia mo ti bata aye so kue azo ti Israel azia nde ti ga na ni ndali ti mbi. Mbi mu aye ni so na mo titene aga ti mo na ti *ahale ti mo kpu na kpu. 9Na popo ti *asandaga so ayeke nde si ayeke nzoni kue ahon atanga ni, asandaga so a gbi ni na wâ pepe, ala so ayeke ga ti ala ayeke so: asandaga so kue azo ti Israel amu, so ti tene asandaga ti ale ti kobe kue, asandaga so ala mu ndali ti zingo siokpari na li ti zo nga na asandaga ti lekengo tënë so ala ga na ni na mbi. Aye so ayeke nde si ayeke nzoni kue ahon atanga ni so, aye ni ayeke ga ti mo na ti amolenge ti mo. 10Fade ala yeke te aye ni alingbi na lege so a yeke te ka aye so ayeke nde si ayeke nzoni kue ahon atanga ni. Akoli kue alingbi ti te ni. Biani, ayeke kobe so ayeke nde si ayeke nzoni kue. 11Ala lingbi ti wara nga mbage ti aye so azo ti Israel ayeke mu na mbi na sandaga. Mbi yeke mu mbage ti aye ni na mo, na ahale ti mo kpu na kpu. Azo ti sewa ti mo kue, akoli na awali so ayeke *nzoni alingbi ti te aye ni. 12Mbi yeke mu nga na ala akozo le ti kobe so azo ti Israel ayeke mu ka na mbi: nzoni mafuta, nzoni vin nga na nzoni *ble. 13Akozo le ti kobe ti sese ti ala so azo ayeke ga na ni na mbi ayeke ga ti ala. Zo so kue ayeke *nzoni na ya ti sewa ti ala alingbi ti te ni. 14 Aye so kue azo ti Israel ayeke mu na mbi, KOTA GBIA si aga ti mbi biani biani, aye ni ayeke ga ti ala. 15Ti hunzi na ni, akozo molenge-koli ti zo na ti nyama so azo ti Israel amu na mbi, ayeke ga ti ala. Me akozo molenge-koli ti zo na ti nyama so ayeke *sioni, fade ala yeke sara titene a futa ngere ni. 16Fade a yeke futa le ti nginza oku ndali ti molenge-koli ti nze oko; nginza ni ayeke nginza so azo ayeke vo ka na ye na ndo so a zia nde ndali Nzapa; nengo ti le ti nginza ni alingbi grame baleoko. 17Me ti akozo molenge ti bagara, ti taba na ti ngasa, fade mo yeke yeda titene a futa mbeni ye ndali ti ala pepe, ngbanga ti so a zia ala nde ndali ti mbi awe. Ala yeke fi mene ti ala na ndö ti gbalaka, ala yeke gbi na wâ mafuta ti ala titene fion ni anzere na mbi. 18Kasa ti anyama so kue ayeke ga ti ala tongana ti so ala yeke wara ka kate na gere ti nyama ti mbage ti maboko ti koli; nyama so a yeke ga na lo ti ya lo na nduzu ndali ti sandaga ti beoko. 19 Asandaga ti azo ti Israel so a zia ni nde ti mu na mbi KOTA GBIA so, mbage ni ayeke ga ti mo, ti amolenge ti mo ti koli na ti wali. Ye ni so ayeke ndia ndali ti ala kpu na kpu, ye ni ayeke tongaso ndali ti *mbuki so zo alingbi ti buba ya ni pepe; mbuki ni ayeke ngba kpu na kpu na dawa ti mbi ndali ti mo, Aaron na ahale ti mo.”
20KOTA GBIA akiri atene na Aaron: “Mo yeke wara sese pepe titene aga ti mo; mo yeke wara nga mbeni ye na popo ti azo ti Israel pepe. Ti mo, mbi KOTA GBIA laa mbi yeke ye ti mo, mbi yeke ye so aga ti mo na popo ti azo ti Israel.”
Ye so azo ti mara ti Lévi ayeke wara
21 *KOTA GBIA akiri atene: “Mbi yeke mu na azo ti mara ti Lévi *dime ti aye so kue azo ti Israel ayeke wara. So ayeke futa ti ala ndali ti akua ti da ti bongo so mbi, KOTA GBIA na azo ti mbi, e yeke wara tere daa. 22Tongaso, tanga ti azo ti Israel alingbi ti pusu nduru na tere ti da ti bongo ni pepe si a mu lege na ala pepe ti ti na ya ti siokpari si ala kui. 23 Gi azo ti mara ti Lévi laa ayeke sara akua ti da ti bongo so mbi na azo ti mbi, e yeke wara tere daa; ye ti sioni so ala yeke sara, tënë ni ayeke ngba gi na li ti ala wani. Ndia so ayeke ngba ndali ti ala kpu na kpu, ala na *ahale ti ala. Na popo ti azo ti Israel kue, ala lingbi ti wara sese pepe. 24Me, adime so kue azo ti Israel ayeke ga na ni na mbi, mbi yeke mu ni na ala, azo ti mara ti Lévi titene aga ye ti ala. Ndani laa mbi tene na ala, mbi tene, tanga ti amara ti Israel kue ayeke wara ande sese ti ala, me azo ti mara ti Lévi pepe.”
25KOTA GBIA atene na Moïse: 26“Mo tene na azo ti mara ti Lévi: Tongana ala wara dime ti aye so azo ti Israel aga na ni, ayeke nzoni ala nga, ala zi dime ti dime ni ndali ti mbi KOTA GBIA. 27So ayeke mbage ti aye so ala yeke mu na mbi alingbi na mbage ti ale ti *ble, wala ti vin so azo ti Israel ayeke zi ka ni ti mu na mbi. 28Tongaso ala nga, fade ala yeke mu dime ti aye so kue ala wara na maboko ti azo ti Israel ti mu na mbi, KOTA GBIA. Ala azo ti mara ti Lévi, ala mu dime ti dime ni na wayango-sandaga Aaron si lo mu na mbi. 29Aye so kue ala yeke wara, alingbi ala zi nzoni mbage ni, ala gbanzi mbeni ye oko daa pepe, ala yeke zia ni nde ndali ti mbi. 30Mo kiri mo tene na ala: tongana ala zi nzoni mbage ni ndali ti mbi awe, ala bata tanga ni ndali ti ala tongana ti so azo ti Israel ayeke bata ka atanga ti ale ti *ble wala ti vin so. 31Ala lingbi ti te aye ni, ala na asewa ti ala na ndo so kue be ti ala aye. So ayeke futa ti ala ndali ti akua ti da ti bongo so mbi na azo ti mbi, e yeke wara tere daa laa. 32Tongana ala zi nzoni mbage ti aye ni so ndali ti mbi KOTA GBIA awe, tanga ni so, ala lingbi te ni senge. Tongana ala te ni, so sioni laa ala sara so pepe, so ayeke bingo buba pepe na tere ti *asandaga so azo ti Israel aga na ni na mbi. Tongana ala sara tongaso, fade ala yeke kui pepe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© La Société Biblique de Centrafrique 2010